ଗାଜିଆାବାଦ : ଉତ୍ତରପ୍ରଦେଶର ଗାଜିଆବାଦରେ ଲକ୍ ଡାଉନ୍ର ଗାଇଡ୍ଲାଇନ୍ସକୁ ଆସନ୍ତା ମଇ 31 ପର୍ଯ୍ୟନ୍ତ ବୃଦ୍ଧି କରାଯାଇଛି। ଏହା ସହିତ କରୋନା ଭାଇରସ ଓ ଇଦ୍ ଚାଲିଥିବାରୁ ଧଶରା 144 ମଧ୍ୟ ଲାଗୁ କରାଯାଇଛି । ଗାଜିଆବାଦାର ଜିଲ୍ଲାଧିକାରୀ ଏହି ସମ୍ପର୍କରେ ସୂଚନା ଦେଇ ଆଦେଶ ଜାରି କରିଛନ୍ତି ।
ମିଳିଥିବା ସୂଚନା ଅନୁସାରେ ସାର୍ବଜନିକ ସ୍ଥାନରେ ଛେପ ପକାଇବା ଦଣ୍ଡନୀୟ ଅପରାଧ ରୂପେ ବିବେଚନା ହେବ । ଏଥିପାଇଁ ଫାଇନ୍ ଆଦାୟ କରାଯିବ । ସେହିପରି ସାର୍ବଜନିକ ସ୍ଥାନକୁ ଆସିବାକୁ ହେଲେ ମୁହଁକୁ ଘୋଡାଇବା ସହ ମାସ୍କ ପିନ୍ଧିବାକୁ ବାଧ୍ୟତାମୂଳକ କରାଯାଇଛି । ଏହି ନିୟମ ଉଲ୍ଲଂଘନ କଲେ ଏହା ଦଣ୍ଡନୀୟ ଅପରାଧ ରୂପେ ବିବେଚନା ହେବ । ସେହିପରି ସମସ୍ତ ଧାର୍ମିକସ୍ଥଳ ବନ୍ଦ ରହିବ । ସାର୍ବଜନିକସ୍ଥାନରେ କେହି ବି ଭିଡ ଲଗାଇ ପାରିବେ ନାହିଁ ।
ଗାଜିଆବାଦ ଅରେଞ୍ଜ ଜୋନ୍ରେ ରହିଛି । ଏଠାରେ କେନ୍ଦ୍ର ସରକାରଙ୍କ ତରଫରୁ ଜାରି କରାଯାଇଥିବା ଗାଇଡଲାଇନ୍ସ ମଧ୍ୟ ଜାରି ରହିଛି । ହଟସ୍ପଟ୍ ଏରିଆକୁ ଛାଡି ଅନ୍ୟ ଅଞ୍ଚଳରେ ଦୋକାନ ଖୋଲାଯାଇଛି । ତେବେ ମଲ୍ଟିପ୍ଲେକ୍ସ, ମାର୍କେଟ୍ ଓ ସପିଂ ମଲ୍ ଆଦି ବନ୍ଦ ରହିଛି ।