ଭୁବନେଶ୍ବର : ଲକ୍ଡାଉନ୍ରେ ଫସି ରହିଥିବା ଜନୈକ ନିର୍ମାଣ ଶ୍ରମିକ ଆଜି ଆତ୍ମହତ୍ୟା କରିଛନ୍ତି । ପ୍ରବାସୀ ଓଡିଆ ମାନଙ୍କୁ ଉଦ୍ଧାର ପାଇଁ ସରକାରଙ୍କ ପକ୍ଷରୁ ଜୋରଦାର ଉଦ୍ୟମ ଚାଲିଥିଲେ ମଧ୍ୟ ଏହା ବିଫଳ ହୋଇଛି । ସୋସିଆଲ ମିଡିଆ ଜରିଆରେ ଉଦ୍ଧାରର ନିବେଦନ କରି ବିଫଳ ହେବା ପରେ ଆତ୍ମହତ୍ୟାର ରାସ୍ତା ବାଛି ନେଇଛନ୍ତି ଏହି ପ୍ରବାସୀ ଓଡିଆ । ମୃତ ଯୁବକଙ୍କ ନାମ ଗଙ୍ଗାଧର ବିଶ୍ବାଳ । କେନ୍ଦ୍ରାପଡା ଜିଲ୍ଲାର ରାଜକନିକା ବାସିନ୍ଦା ଗଙ୍ଗାଧର ହରିୟାଣାର ଯମୁନା ବିହାର ଅଞ୍ଚଳରେ ନିର୍ମାଣ ଶ୍ରମିକ ଭାବରେ କାମ କରୁଥିଲେ । ଗଛରେ ରଶି ଲଗାଇ ଗଙ୍ଗାଧର ଆତ୍ମହତ୍ୟା କରିଥିବା ଜଣାପଡିଛି । ଗାଁକୁ ଫେରିବା ପାଇଁ ସୋସିଆଲ ମିଡିଆରେ ଆକୁଳ ନିବେଦନ କରିଥିଲେ ମଧ୍ୟ କେହି ବି ଧ୍ୟାନ ନଦେବାରୁ ଆତ୍ମହତ୍ୟାର ପଥ ବାଛି ନେଇଥିଲେ ଗଙ୍ଗାଧର ।
