ନୂଆଦିଲ୍ଲୀ, ଶେଷରେ ଭାରତ ମାଟି ଛୁଇଁଲା ଲଢୁଆ ବିମାନ ରାଫେଲ, ଗତକାଲି ଫ୍ରାନ୍ସରୁ ଏହି ବିମାନ ତାହାର ଭାରତ ଅଭିମୁଖେ ଯାତ୍ରା ଆରମ୍ଭ କରିଥିଲା। ଆଜି ଅପରାହ୍ନରେ ଏହି ଯୁଦ୍ଧ ବିମାନ ହରିୟାନାର ଆମ୍ବାଲା ଏୟାରବେସରେ ପଦାର୍ପଣ କରିଛି। ପ୍ରଥମ ପର୍ଯ୍ୟାୟରେ ପାଞ୍ଚୋଟି ଯୁଦ୍ଧ ବିମାନ ଭାରତ ଆସିଛି। ଏହି ବିମାନ ଭାରତୀୟ ଏୟାରବେସରେ ପହଁଚିବା ପରେ ବାୟୁସେନା ତରଫରୁ ୱାଟର ସ୍ପ୍ରେ କରାଯାଇ ସାଲୁଟ୍ ଦିଆଯାଇଥିଲା। ଏହି ସମୟରେ ବିମାନ ଘାଟିରେ ବାୟୁସେନା ମୁଖ୍ୟ ଆର.କେ.ଏସ ଭୌଦରିଆ ଉପସ୍ଥିତ ଥିଲେ।
ଏଥିସହିତ ପ୍ରତିରକ୍ଷା ମନ୍ତ୍ରୀ ରଜାନାଥ ସିଂ ଏହି ଲଢୁଆ ବିମାନ ଆସିବା ପରେ ଖୁସି ପ୍ରକଟ କରିଛନ୍ତି। ନିଜ ଟୁଇଟରେ ସେ ଏହି ବିମାନ ପଦାର୍ପଣ ଦୃଶ୍ୟକୁ ପୋଷ୍ଟ କରିଛନ୍ତି। ଏହି ବିମାନ ଭାରତୀୟ ସାମରିକ କ୍ଷେତ୍ରରେ ଏକ ବଡ ପରିବର୍ତ୍ତନ ଆସିଲା। କାରଣ ଏହି ବିମାନ ଦେଶର ସାମରିକ ଶକ୍ତିକୁ ବେଶ୍ ସମୃଦ୍ଧ କରିପାରିବ। ବର୍ତ୍ତମାନ ଆସିଥିବା ଏହି ପାଞ୍ଚୋଟି ବିମାନରୁ ତିନୋଟି ଜଣକିଆ ଏବଂ ଦୁଇଟି ଦୁଇଜଣକିଆ ସିଟ୍ ର ବିମାନ।
Tags: Rafale Jet, ରାଫେଲ ପହଁଚିଲା
