ନୂଆଦିଲ୍ଲୀ : ଆଜି ସମଗ୍ର ଦେଶରେ 74ତମ ସ୍ବାଧୀନତା ଦିବସ ପାଳନ ହେଉଛି । ଦେଶରେ ସବୁ ପ୍ରାନ୍ତରେ ଜାତୀୟ ପତାକା ଉତ୍ତୋଳନ କରାଯାଉଛି । ସମେସ୍ତ ଭାରତ ମାତାଙ୍କ ବୀର ସୁପୁତ୍ରଙ୍କୁ ଶ୍ରଦ୍ଧାଞ୍ଜଳି ଦେଉଛନ୍ତି । ଏହା ମଧ୍ୟରା ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ଏକ ହୃଦୟକୁ ଖୁସି କରିବା ଭଳି ଏକ ସୁନ୍ଦର ଦୃଶ୍ୟ ଦେଖିବାକୁ ମିଳିଛି । ଏହି ଦୃଶ୍ୟ ବିଭିନ୍ନତା ମଧ୍ୟରେ ଆମେ ଏକ । ବିବିଧତା ମଧ୍ୟରେ ଏକତା ହେଉଛି ଆମର ଗର୍ବ । ବିବିଧତା ଭିତରେ ଭାରତର ଏକତାକୁ ପ୍ରମାଣିତ କରୁଛି । ସବୁ ଧର୍ମ, ଜାତି, ବର୍ଣ୍ଣ ନିର୍ବିଶେଷରେ ଆମେ ସମେସ୍ତ ଭାରତୀୟ ଏହାକୁ ପ୍ରମାଣ କରୁଛି । ଏଠାରେ ପାଞ୍ଚ ଧର୍ମର ଗୁରୁମାନେ ମିଶି କରି ଏକା ସହିତ ଜାତୀୟ ପତାକା ଉତ୍ତୋଳନ କରିଛନ୍ତି । କେବଳ ତ୍ରିରଙ୍ଗା ଉଡାଇନାହାନ୍ତି । ଏକା ସାଙ୍ଗରେ ଗୋଟିଏ ସ୍ବରରେ ଜନଗଣ ମନ ଅଧିନାୟକ …. ସଙ୍ଗୀତ ଗାନ କରିଛନ୍ତି ।
ବିବିଧତା ମଧ୍ୟରେ ଆମେ ଏକ ଓ ଅନନ୍ୟର ବାର୍ତ୍ତା ଦେଉଥିବା ଏହି ଦୃଶ୍ୟ ହେଉଛି ଦିଲ୍ଲୀର ଅଖିଳ ଭାରତୀୟ ଇମାମ ସଙ୍ଗଠନର ପ୍ରାଗଣରେ ସ୍ବାଧୀନତା ଦିବସ ପାଳନର ଦୃଶ୍ୟ । ଏଠାରେ ପାଞ୍ଚ ଧର୍ମର ଗୁରୁମାନେ ଏକତ୍ରିତ ହୋଇ ଜାତୀୟ ପତାକା ଉତ୍ତୋଳନ କରିବା ସହ ଜାତୀୟ ସଙ୍ଗୀତ ଗାନ କରି ଏକତାର ବାର୍ତ୍ତା ଦେଇଛନ୍ତି ।
ଏହି ସମାରୋହରେ ଜୈନ୍ ଆଚାର୍ଯ୍ୟ ଲୋକେଶ ମୁନି, ଗୁରୁଦ୍ବାରା ବଙ୍ଗଳା ସାହେବର ଧର୍ମଗୁରୁ ପରମଜିତ୍ ଚଣ୍ଡୋକ୍, ଧର୍ମଗୁରୁ ସ୍ବାମୀ ଦୀପାଙ୍କର, ଗୋସ୍ବାମୀ ସୁଶୀଲ୍ ମହାରାଜ ଓ ଇମାମ୍ ସଙ୍ଗଠନର ଅଧ୍ୟକ୍ଷ ଡ. ଇମାମ୍ ଉମେର ଇଲ୍ଲାସୀ ସାମିଲ୍ ରହିଥିଲେ। ଏହି ଫଟୋଟି ଇଣ୍ଟରେନଟ୍ରେ ବେଶ୍ ଭାଇରାଲ୍ ହେବା ସହିତ ଲୋକଙ୍କୁ ବେଶ୍ ପସନ୍ଦ ଆସିଛି । (ଏଜେନ୍ସି)
