ଉତ୍ତରପ୍ରଦେଶ: ଉତ୍ତରପ୍ରଦେଶ ଲକ୍ଷ୍ମୀପୁର ଖିରିଠାରୁ ଏକ ଲଜ୍ଜ୍ୟାଜନକ ବର୍ବର କାଣ୍ଡ ଦେଖିବାକୁ ମିଳିଛି । ଏଠାରେ ଦୁଷ୍କର୍ମ ସହ ନୃଶଂସ କାଣ୍ଡ ଘଟିଥିବାର ସୂଚନା ରହିଛି। ଏଠାରେ ଜଣେ ନାବାଳିକାଙ୍କୁ ଗଣଦୁଷ୍କର୍ମ କରିବା ସହ ତା’ ସହିତ ହୋଇଥିବା କ୍ରୁରତା ସମଗ୍ର ମାନବ ଜାତିକୁ ନିନ୍ଦିତ କରିଛି । ମିଳିଥିବା ସୂଚନା ଅନୁସାରେ 13 ବର୍ଷୀୟା ନାବାଳିକାଙ୍କ ସହ ଗଣ ଦୁଷ୍କର୍ମ କରିବା ସହ ନାବାଳିକାର ଆଖି ପୋଡିବା ସହିତ ନାବାଳିକର ଜିଭ କାଟି ଦେଇଛନ୍ତି । କେବଳ ଏତିକି ନୁହେଁ, ଏହାସହିତ ନାବାଳିକାର ବେକରେ ପଟ୍ଟା ପକାଇ ତାକୁ ଘୋଷାରି ଘୋଷାରି ନେଇ ଆଖୁ କିଆରୀରେ ଫୋପାଡି ଦେଇଛନ୍ତି । ଜଣେ ନାବାଳିକ ସହ ଏପରି ଆଚରଣକୁ ଶୁଣିଲେ ଲୋମମୂଳ ଟାଙ୍କୁରି ଯାଉଛି ।
ପୋଲିସ୍ର ସୂଚନା ଅନୁସାରେ ଅଗଷ୍ଟ 14 ତାରିଖ ଦ୍ବିପ୍ରହର ପ୍ରାୟ 1ଟା ସମୟରେ ନାବାଳିକା ଜଣକ ନିଜ ଘରକୁ ଶୌଚ ପାଇଁ ଆଖୁ କିଆରିକୁ ଯାଇଥିଲେ । ବହୁତ ଡେରି ହେବା ପରେ ଯେତେବେଳେ ଶିଶୁ କନ୍ୟାଟି ଘରକୁ ଫେରିନଥିଲା ପରିବାର ଲୋକେ ଖୋଜାଖୋଜି ଆରମ୍ଭ କରିବା ସହିତ ନାବାଳିକା ନିଖୋଜ ହେବାର ସୂଚନା ସ୍ଥାନୀୟ ପୋଲିସ୍ଠାରେ ଦେଇଛନ୍ତି ।
ଶିଶୁର ପିତା କାନ୍ଦି କାନ୍ଦି ଝିଅକୁ ଖୋଜି ଖୋଜି ଆଖୁ କିଆରୀ ଆଡକୁ ଯାଇଥିବାବେଳେ ସେଠାରେ ଝିଅର ମୃତଦେହକୁ ଦେଖିଥିଲେ । ଅଭିଯୁକ୍ତମାନେ ନାବାଳିକା ସହ ଦୁଷ୍କର୍ମ କରିବା ସହିତ ତା‘ ସହିତ ଏପରି କ୍ରୂରତା ଆଚରଣ ଦେଖି ସମେସ୍ତ ଆଶ୍ଚର୍ଯ୍ୟ ହୋଇଯାଇଥିଲେ । ପରିବାରଙ୍କ ଅଭିଯୋଗ କ୍ରମେ ତିନିଜଣ ଅଭିଯୁକ୍ତଙ୍କୁ ଏବେ ପୋଲିସ୍ ଗିରଫ କରିଛି । ଅଭିଯୁକ୍ତଙ୍କ ଏପରି ବୀଭତ୍ସ କାଣ୍ଡକୁ ଦେଖି ପୋଲିସ୍ ଧାରା 301 ଓ 201 ଆଧାରରେ ଗିରଫ କରି ମୋକଦ୍ଦମା ଜାରି ରଖିଛି ।
ଏହି ଘଟଣା ପରେ ବିଏସ୍ପି ଅଧ୍ୟକ୍ଷ ମାୟାବତୀ ଯୋଗୀ ସରକାରଙ୍କ ଉପରେ ଆକ୍ରମଣ କରିଛନ୍ତି । ନାବାଳିକାସହ ଦୁଷ୍କର୍ମ ପରେ ନୃଶଂସ ହତ୍ୟା ଅତି ଲଜ୍ୟାଜନକ ବୋଲି କହିଛନ୍ତି ମାୟାବତୀ । (ଏଜେନ୍ସି)