ଭୁବନେଶ୍ବର : ବହୁ ଚର୍ଚ୍ଚିତ ସମାଜସେବୀ ଆଦିତ୍ୟ ଦାଶଙ୍କ ମୃତ୍ୟୁ ମାମଲାରେ ଦିନକୁ ଦିନ ରହସ୍ୟ ଘନେଇବାରେ ଲାଗୁଛି । ପୂର୍ବରୁ ଆଦିତ୍ୟଙ୍କ ମୃତ୍ୟୁ ହତ୍ୟା ନା ଆତ୍ମହତ୍ୟା ନେଇ ସନ୍ଦେହ ରହିଥିବାବେଳେ ଏବେ ଏହି ଘଟଣାରେ ସାଇକୋ ଲେଡିର ଭୂମିକାକୁ ନେଇ ପ୍ରଶ୍ନ ଉଠୁଛି ।
ଆଦିତ୍ୟଙ୍କ ବାପା ପୁଅ ମୃତ୍ୟୁ ପଛରେ ସାଇକୋ ଲେଡିର ହାତ ଥିବା ନେଇ କିଛି ଦିତ ତଳେ ସନ୍ଦେହ କରୁଥିବା ବେଳେ ଆଜି ତାଙ୍କ ମା’ ଏନେଇ ଗୁରୁତ୍ୱପୂର୍ଣ୍ଣ ସୂଚନା ଦେଇଛନ୍ତି । ଆଦିତ୍ୟଙ୍କ ମୃତ୍ୟୁ ପଛରେ ସାଇକୋ ଲେଡିର ହାତ ରହିଥିବା ନେଇ ସନ୍ଦେହ କରିଛନ୍ତି ଆଦିତ୍ୟଙ୍କ ମା’ । ସମ୍ପୃକ୍ତା ଯୁବତୀ ଜଣକ ଆଦିତ୍ୟଙ୍କୁ ଏକତରଫା ପ୍ରେମ କରୁଥିଲେ । ବାହା ନହେଲେ ଆତ୍ମହତ୍ୟା କରିବାର ଧମକ ମଧ୍ୟ ଦେଇଥିଲେ। ବିଦ୍ୟାଶ୍ରୀଙ୍କ ସହ ଆଦିତ୍ୟଙ୍କ ନିର୍ବନ୍ଧ ହେବା ପରେ ସେ ଟିକ୍ଟକ୍ ଭିଡିଓ କରି ମଧ୍ୟ ଧମକ ଦେଇଥିବା ଆଦିତ୍ୟଙ୍କ ମା’ କହିଛନ୍ତି । ଠିକ୍ ଜାଗାରେ ଠିକ୍ ଲୋକ ପହଞ୍ଚି ଆଦିତ୍ୟଙ୍କୁ ମାରିବେ ବୋଲି ଯୁବତୀ କହିଥିଲେ ବୋଲି ଆଦିତ୍ୟଙ୍କ ମା’ ପ୍ରକାଶ କରିଛନ୍ତି । ପୁଅର ମୃତ୍ୟୁ ପଛରେ ସାଇକୋ ଲେଡିର ହାତ ରହିଥିବା ନେଇ ସନ୍ଦେହ କରିଛନ୍ତି ଆଦିତ୍ୟଙ୍କ ମା’ ।
