Author: SM Network

ଭୁବନେଶ୍ୱର: ୨୦୧୩ ମସିହାରୁ ୧୦୮ ଆମ୍ବୁଲାନ୍ସ ସେବା ଓଡ଼ିଶାର ଆପାତକାଳୀନ ସ୍ୱାସ୍ଥ୍ୟ ସେବାରେ ମୁଖ୍ୟ ଭିତ୍ତିସ୍ଥମ୍ଭ ପାଲଟିଛି। ଏହି ସେବା ରାଜ୍ୟରେ ଏପର୍ଯ୍ୟନ୍ତ ୧.୫ କୋଟିରୁ ଅଧିକ ରୋଗୀଙ୍କୁ ମାଗଣା ଏବଂ ସମୟୋପଯୋଗୀ ଆପାତକାଳୀନ ଚିକିତ୍ସା ସହାୟତା ପ୍ରଦାନ କରିଛି। ୧୨ ବର୍ଷରୁ ଅଧିକ ସମୟ ଧରି କାର୍ଯ୍ୟରତ ଏହି ସେବା ଓଡ଼ିଶାରେ ଆପାତକାଳୀନ ପ୍ରତିକ୍ରିୟା ବ୍ୟବସ୍ଥାକୁ ସୁଦୃଢ କରିଛି। ଦ୍ରୁତ ରୋଗୀ ପରିବହନ, ଅଭିଜ୍ଞ ପ୍ରାକ୍-ହସ୍ପିଟାଲ ଚିକିତ୍ସା ଏବଂ ଦୂର ଦୁରାନ୍ତ ଅଞ୍ଚଳରେ ମଧ୍ୟ ସ୍ୱାସ୍ଥ୍ୟ ସେବାକୁ ପହଞ୍ଚାଇବାରେ ୧୦୮ ଆମ୍ବୁଲାନ୍ସ ଗୁରୁତ୍ୱପୂର୍ଣ୍ଣ ଭୂମିକା ନେଇଛି। ଏହି ସନ୍ଦର୍ଭରେ ୧୦୮ ଆମ୍ବୁଲାନ୍ସ ପରିଚାଳନା ସଂସ୍ଥା ତଥା EMRI ଗ୍ରୀନ୍ ହେଲଥ ସର୍ଭିସେସ୍‌ର ରାଜ୍ୟମୁଖ୍ୟ ସବ୍ୟସାଚୀ ବିଶ୍ୱାଳ କହିଛନ୍ତି ଯେ, ୨୮୦ଟି ଆମ୍ବୁଲାନ୍ସକୁ ନେଇ ଆରମ୍ଭ ହୋଇଥିବା ଏହି ସେବା ବର୍ତ୍ତମାନ ୧,୩୬୬ଟି ଆମ୍ବୁଲାନ୍ସରେ ପହଞ୍ଚିଛି ଏବଂ ରାଜ୍ୟର ସମସ୍ତ ୩୦ଟି ଜିଲ୍ଲାକୁ ଆବର୍ତ୍ତିତ କରୁଛି। ଏହି ବିସ୍ତାର ରାଜ୍ୟ ସରକାରଙ୍କର…

ନୂଆଦିଲ୍ଲୀ: ମୁସ୍ତାଫିଜୁର ରହମାନଙ୍କୁ IPLରୁ ବହିଷ୍କାର କରାଯିବା ପରେ ଭାରତ ଏବଂ ବାଂଲାଦେଶ ମଧ୍ୟରେ ବିବାଦ ଆରମ୍ଭ ହୋଇଛି। ଏହା ପରେ ୨୦୨୬ ଟି-୨୦ ବିଶ୍ୱକପ୍ ପାଇଁ ଭାରତକୁ ବାଂଲାଦେଶ ଦଳ ଆସିବାକୁ ମନା କରିଦେଇଛି। ବାଂଲାଦେଶ ଜିଦ୍ ଧରିଛି ​​ଯେ, ସେମାନଙ୍କର ମ୍ୟାଚ୍ ଶ୍ରୀଲଙ୍କାରେ ଅନୁଷ୍ଠିତ ହେଉ। ବର୍ତ୍ତମାନ ସୂଚନା ମୁତାବକ ବିଶ୍ୱକପ୍ ମ୍ୟାଚ୍ ପାଇଁ ସ୍ଥାନ ପରିବର୍ତ୍ତନ କରିବା ପାଇଁ ଦାବିର ପୁନର୍ବିଚାର କରିବାକୁ ବାଂଲାଦେଶକୁ ଅନ୍ତର୍ଜାତୀୟ କ୍ରିକେଟ ପରିଷଦ (ICC) ରାଜି କରାଇଛି। ଦି ଟେଲିଗ୍ରାଫ୍ ଅନୁଯାୟୀ, ଅନ୍ତର୍ଜାତୀୟ କ୍ରିକେଟ ପରିଷଦ (ICC) ଦ୍ୱାରା ମଧ୍ୟସ୍ଥତାରେ BCCI ଏବଂ BCB ଅଧିକାରୀଙ୍କ ମଧ୍ୟରେ ଅନେକ ବୈଠକ ଅନୁଷ୍ଠିତ ହୋଇଥିଲା। ବାଂଲାଦେଶ କ୍ରିକେଟ ବୋର୍ଡ ସ୍ଥାନ ପରିବର୍ତ୍ତନ ପାଇଁ ତା’ର ଦାବିକୁ ପୁନର୍ବିଚାର କରିବା ପାଇଁ କିଛି ସମୟ ଅନୁରୋଧ କରିଛି, କିନ୍ତୁ ଏହା ମଧ୍ୟ ସ୍ପଷ୍ଟ କରିଛି ଯେ, BCB ତା’ର ସରକାରଙ୍କ ସହିତ ପରାମର୍ଶ କରିବା…

ନୂଆଦିଲ୍ଲୀ/ଭୁବନେଶ୍ୱର: ଭାରତର ଭାଷାଗତ ଐତିହ୍ୟକୁ ସୁଦୃଢ଼ କରିବା ଏବଂ ଶାସ୍ତ୍ରୀୟ ଭାଷାଗୁଡ଼ିକୁ ଶିକ୍ଷା ଓ ଅନୁସନ୍ଧାନର କେନ୍ଦ୍ରବିନ୍ଦୁରେ ପ୍ରତିଷ୍ଠିତ କରିବା ଲକ୍ଷ୍ୟରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି ନୂଆଦିଲ୍ଲୀର କୌଶଳ ଭବନରେ ୫୫ଟି ଗୁରୁତ୍ୱପୂର୍ଣ୍ଣ ଗ୍ରନ୍ଥର ଉନ୍ମୋଚନ କରିଛନ୍ତି। ଏହି ପୁସ୍ତକଗୁଡ଼ିକ ଓଡ଼ିଆ, କନ୍ନଡ, ତେଲୁଗୁ, ମାଲାୟାଲମ, ତାମିଲ ଏବଂ ସାଙ୍କେତିକ ଭାଷାରେ ପ୍ରକାଶିତ ହୋଇଛି। ଏହି ସମସ୍ତ ପୁସ୍ତକ ଆଗାମୀ ପିଢ଼ି ପାଇଁ ଓଡ଼ିଶା ତଥା ଭାରତର ବୌଦ୍ଧିକ ଓ ସାଂସ୍କୃତିକ ବିଭବକୁ ବୁଝିବାରେ ଏକ ଅମୂଲ୍ୟ ସମ୍ପତ୍ତି ସଦୃଶ ହେବ। ଏହି ଅବସରରେ ଶ୍ରୀ ପ୍ରଧାନ କହିଛନ୍ତି ଯେ, ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୂରଦର୍ଶୀ ଚିନ୍ତାଧାରା ଅନୁଯାୟୀ ଭାରତର ସମସ୍ତ ଭାଷା ହେଉଛି ରାଷ୍ଟ୍ରଭାଷା। ଭାଷା ବିଭାଜନ ନୁହେଁ ବରଂ ସମସ୍ତଙ୍କ ମଧ୍ୟରେ ଏକତା ତିଆରି କରେ। ‘ରାଷ୍ଟ୍ରୀୟ ଶିକ୍ଷା ନୀତି ୨୦୨୦’ ଅଧୀନରେ ଭାରତୀୟ ଭାଷାଗୁଡ଼ିକୁ ଶିକ୍ଷା ଓ ଗବେଷଣାର କେନ୍ଦ୍ରବିନ୍ଦୁରେ ରଖିବା…

ଚିଲିକା: ଚିଲିକା ପର୍ଯ୍ୟଟନ ସ୍ଥଳୀ ପ୍ରାକୃତିକ ସମ୍ପଦର ଅନନ୍ୟ ସମ୍ଭାର। ଚିଲିକାର ବେଦେଶାଗତ ପକ୍ଷୀ ଆଗମନ, ନୌବାଣିଜ୍ୟ, ମତ୍ସ୍ୟଜୀବୀ ମାନଙ୍କ ଡଙ୍ଗା ଚାଳନା ଓ ମାଛ ଧରା ପ୍ରଣାଳୀ, ଜୀବନଯାପନ ବିସ୍ତୃତ ଜଳରାଶିରେ ଗମନାଗମନ ପର୍ଯ୍ୟଟକ ମାନଙ୍କୁ ଅତ୍ୟନ୍ତ ବିମୋହିତ କରିଥାଏ। ଓଡ଼ିଶା ସରକାରଙ୍କ ପର୍ଯ୍ୟଟନ ବିଭାଗ ପକ୍ଷରୁ ଆୟୋଜିତ ଆଜି ପ୍ରଥମ ଦେଶୀ ଡଙ୍ଗା ଚାଳନା ପ୍ରତିଯୋଗିତା ପ୍ରଥମ ସଂସ୍କରଣକୁ ଅପରାହ୍ନରେ ଓଡ଼ିଶାର ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ଉଦ୍ଘାଟନ କରି ଉପରୋକ୍ତ ବିଷୟ ପ୍ରକାଶ କରିଛନ୍ତି। ଆହୁରି ସେ କହିଛନ୍ତି ଯେ, ଚିଲିକା ପର୍ଯ୍ୟଟନ ସ୍ଥଳୀ ଆନ୍ତର୍ଜାତୀୟ କ୍ଷେତ୍ରରେ କିପରି ଆହୁରି ପର୍ଯ୍ୟଟକ ମାନଙ୍କ ଆକର୍ଷଣର କେନ୍ଦ୍ରବିନ୍ଦୁ ହେବବୋଲି ସରକାର ପ୍ରକୃତିର ସୁରକ୍ଷା, ମତ୍ସ୍ୟଜୀବିମାନଙ୍କ ପାରମ୍ପାରିକ ବେଉସା, ବେଦେଶାଗତ ପକ୍ଷୀ ଅଧିକ ଆଗମନ ବିକଶିତ ଓଡ଼ିଶା ଏବଂ ବିକଶିତ ଭାରତ ଭିଜନ ରେ ନୂତନ ଅଧ୍ୟାୟ ସୃଷ୍ଟି କରି ପର୍ଯ୍ୟଟନର ବିକାଶରେ ପ୍ରମୁଖ ଭୂମିକା ଗ୍ରହଣ କରିବ। ଉଦ୍ଘାଟନୀ…

ରେଢାଖୋଲ (କନ୍ଦର୍ପ ବେହେରା): ଭୀମ ଭୋଇ ମହାବିଦ୍ୟାଳୟ, ରେଢ଼ାଖୋଲରେ ଏକ ସ୍ବେଚ୍ଛାକୃତ ରକ୍ତ ଦାନ ଶିବିର ଅନୁଷ୍ଠିତ ହୋଇ ଯାଇଛି। ମହାବିଦ୍ୟାଳୟର ଯୁବ ରେଡକ୍ରସ୍ , ଏନ. ସି. ସି ଏବଂ ଜାତୀୟ ସେବା ଯୋଜନାର ମିଳିତ ଆନୁକୁଲ୍ୟରେ ଅନୁଷ୍ଠିତ ଏହି ଶିବିରରେ ସମୁଦାୟ ୨୫ ୟୁନିଟ ରକ୍ତ ସଂଗ୍ରହ କରାଯାଇ ଥିଲା। କଲେଜର ଅଧ୍ୟକ୍ଷ ଅମୂଲ୍ୟ କୃଷ୍ଣ ପାଢୀ ଏହାକୁ ଉଦ୍ଘାଟନ କରିଥିଲେ। ସ୍ଥାନୀୟ ବ୍ଲଡ୍ ବ୍ୟାଙ୍କ ଅଧିକାରୀ ଉପଖଣ୍ଡ ଚିକିତ୍ସାଳୟର ଡାକ୍ତର ଅଭିଷେକ ଦାଶ ଶିବିରକୁ ପରିଚାଳନା କରିଥିଲେ। କଲେଜର ଯୁବ ରେଡ଼କ୍ରସ ଉପଦେଷ୍ଟା ଅଞ୍ଜନ କୁମାର ମିଶ୍ର, ଏନ. ସି. ସି. ଅଧିକାରୀ ସୁଶାନ୍ତ କେରକେଟ୍ଟା ଓ ଜାତୀୟ ସେବା ଯୋଜନା ଅଧିକାରୀ ଲିବନାସ କିଣ୍ଡୋ ପ୍ରମୁଖ ପରିଚାଳନାରେ ସହଯୋଗ କରିଥିଲେ। ରେଢାଖୋଲ ବ୍ଲଡ୍ ବ୍ୟାଙ୍କର ଟେକ୍ନିକାଲ ଅଫିସର ନୃସିଂହ ଚରଣ ବିଶ୍ବାଳ, ଲ୍ୟାବ ଟେକନିସିଆନ ମନୋରମା ଧଳ, ତ୍ରିବିକ୍ରମ ସାହୁ ଓ ସହଯୋଗୀ ଯାମିନୀ ସାହୁ…

ଭୁବନେଶ୍ବର: ଧାନ କିଣାରେ ବ୍ୟାପକ ଅବ୍ୟବସ୍ଥା, ଧାନ ଅଭାବୀ ବିକ୍ରି ନେଇ ରାଜଧାନୀରେ ବିକ୍ଷୋଭ କରିଛି ନବନିର୍ମାଣ କୃଷକ ସଂଗଠନ। ଆଜି ନବନିର୍ମାଣ ସଂଗଠନର ରାଜ୍ୟର ଶହ ଶହ କର୍ମକର୍ତ୍ତା ଓ ନେତୃମଣ୍ଡଳୀ ମାଷ୍ଟର କ୍ୟାଣ୍ଟିନରୁ ମୁଖ୍ୟମନ୍ତ୍ରୀ ବାସଭବନ ଅଭିମୁଖେ ଘେରାଉ କରିବା ପାଇଁ ଶୋଭାଯାତ୍ରାରେ ବାହାରିଥିଲେ। ବିକ୍ଷୋଭକାରୀ କୃଷକମାନଙ୍କୁ ଉଦବୋଧନ ଦେଇ ସଂଗଠନର ପ୍ରତିଷ୍ଠାତା ଓ ରାଷ୍ଟ୍ରୀୟ ସଂଯୋଜକ ଅକ୍ଷୟ କୁମାର କହିଥିଲେ ଯେ, ଧାନ କିଣାରେ ଓଡ଼ିଶାରେ ଚରମ ଅବ୍ୟବସ୍ଥା ଦେଖାଦେଇଛି। ସରକାରଙ୍କୁ ଏନେଇ ଅବଗତ କରାଇଥିଲେ ବି କୌଣସି କାର୍ଯ୍ୟାନୁଷ୍ଠାନ ହେଉନାହିଁ। ମିଲରମାନେ ମନମାନି କରି ଧର୍ମଘଟ ଚଳାଇଛନ୍ତି। ସରକାର, ପ୍ରଶାସନ ଓ ମିଲର ଚାଷୀର ଧାନ ବିକ୍ରିରେ ବାଧକ ହୋଇଛନ୍ତି। ୩୧୬୯ ଟଙ୍କା ଧାନ କ୍ବିଣ୍ଟାଲ ପ୍ରତି ସରକାର ଘୋଷଣା କରିଥିବା ବେଳେ ୧୮୦୦/୧୭୦୦ ଟଙ୍କାରେ ଚାଷୀ ଧାନ ବିକୁଛି। ଚାଷୀ ସପକ୍ଷବାଦୀ ବୋଲି ଡିମ୍‌ଡିମ୍‌ ପିଟୁଥିବା ସରକାର ଚାଷୀର ଏ ବିପଦ ବେଳେ ଚାଷୀ…

ନୂଆଦିଲ୍ଲୀ: ସୋମବାର ଦିନ କ୍ରିକେଟର ମହମ୍ମଦ ଶାମିଙ୍କୁ SIR (ସ୍ପେଶାଲ୍ ଇଣ୍ଟେନ୍ସିଭ୍ ରିଭିଜନ) ଯାଞ୍ଚ ସମ୍ବନ୍ଧୀୟ ଶୁଣାଣି ପାଇଁ କୋଲକାତାର ଯାଦବପୁରର ଏକ ସ୍କୁଲକୁ ଡକାଯାଇଥିଲା। ତଥାପି, ସେ ସେହି ଦିନ ରାଜକୋଟରେ ବିଜୟ ହଜାରେ ଟ୍ରଫିରେ ବଙ୍ଗଳା ପାଇଁ ଖେଳୁଥିଲେ ଏବଂ ଶୁଣାଣିରେ ଯୋଗ ଦେଇପାରି ନଥିଲେ। ଅଧିକାରୀମାନେ ଆଜି କହିଛନ୍ତି ଯେ, ମହମ୍ମଦ ଶାମି ଏବଂ ତାଙ୍କ ଭାଇ ମହମ୍ମଦ କୈଫ ଉଭୟଙ୍କୁ ଶୁଣାଣି ପାଇଁ ଡକାଯାଇଥିଲା। ଶାମି ନିର୍ବାଚନ କମିଶନଙ୍କୁ ନୂତନ ତାରିଖ ମାଗିଥିଲେ, ଯାହାକୁ ଗ୍ରହଣ କରାଯାଇଛି। ତାଙ୍କର ଶୁଣାଣି ଏବେ ଜାନୁଆରୀ ୯ ତାରିଖରୁ ଜାନୁଆରୀ ୧୧ ତାରିଖ ମଧ୍ୟରେ ଅନୁଷ୍ଠିତ ହେବ। ମହମ୍ମଦ ଶାମି କୋଲକାତା ମ୍ୟୁନିସିପାଲ୍ କର୍ପୋରେସନର ୱାର୍ଡ ନମ୍ବର ୯୩ ର ଜଣେ ଭୋଟର, ଯାହା ରାସବିହାରୀ ବିଧାନସଭା ନିର୍ବାଚନ ମଣ୍ଡଳୀ ଅଧୀନରେ ଆସେ। ମୁଖ୍ୟ ନିର୍ବାଚନ ଅଧିକାରୀଙ୍କ ବିବୃତ୍ତି ଜାରି: ପଶ୍ଚିମ ବଙ୍ଗର ମୁଖ୍ୟ ନିର୍ବାଚନ ଅଧିକାରୀ (ସିଇଓ)ଙ୍କ…

ନୂଆଦିଲ୍ଲୀ: ଶିଶୁମାନଙ୍କର ସାର୍ବାଙ୍ଗୀନ ବିକାଶ ଓ ଜୀବନବ୍ୟାପୀ ଶିକ୍ଷାର ଦୃଢ଼ ଭିତ୍ତି ନିମନ୍ତେ ମୂଳ ଶିକ୍ଷା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଂଶ। ଏହାକୁ ଦୃଷ୍ଟିରେ ରଖି ଜାତୀୟ ଶିକ୍ଷା ନୀତି–୨୦୨୦, ୩ରୁ ୮ ବର୍ଷ ବୟସର ପିଲାମାନଙ୍କୁ ସ୍କୁଲ ଶିକ୍ଷାର ପ୍ରଥମ ପାଞ୍ଚ ବର୍ଷ ମଧ୍ୟରେ ଆଣିବା ପାଇଁ ଜୋର ଦେଇଛି।ଏହି ପରିପ୍ରେକ୍ଷିରେ ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜର ପ୍ରମୁଖ ସାଧନ କର୍ମୀ ମାନଙ୍କ ପାଇଁ ଏକ ପାଞ୍ଚ ଦିନିଆ ଦକ୍ଷତା ବିକାଶ କାର୍ଯ୍ୟକ୍ରମ ଶ୍ରୀ ବିଜୟ ପୁରମ୍‌ସ୍ଥିତ ରାଜ୍ୟ ଶିକ୍ଷା ପ୍ରତିଷ୍ଠାନରେ ଉଦ୍‌ଘାଟିତ ହୋଇଛି। ଏହି କାର୍ଯ୍ୟକ୍ରମ ଆଞ୍ଚଳିକ ଶିକ୍ଷା ପ୍ରତିଷ୍ଠାନ, ଏନ୍‌.ସି.ଆର୍‌.ଟି., ଭୁବନେଶ୍ୱର ଦ୍ୱାରା ରାଜ୍ୟ ଶିକ୍ଷା ପ୍ରତିଷ୍ଠାନ, ଶ୍ରୀ ବିଜୟ ପୁରମ୍‌ ସହଯୋଗରେ ମିଳିତ ଭାବେ ଆୟୋଜିତ ହୋଇଛି ଏବଂ ଏହା ଜାନୁଆରୀ ୯, ୨୦୨୬ ପର୍ଯ୍ୟନ୍ତ ଚାଲିବ। ଜାତୀୟ ଶିକ୍ଷା ନୀତି–୨୦୨୦ ଅନୁଯାୟୀ ବାଲବାଟିକାର ପ୍ରଭାବଶାଳୀ କାର୍ଯ୍ୟାନ୍ୱୟନ ଉପରେ ଏହା କେନ୍ଦ୍ରିତ ଅଟେ। ଉଦ୍‌ଘାଟନୀ ଅଧିବେଶନରେ ରାଜ୍ୟ…

(କୈଳାଶ ଚନ୍ଦ୍ର ଚୌଧୁରୀ, ବ୍ରହ୍ମପୁର): ଗଞ୍ଜାମ ଜିଲ୍ଲା ହିଞ୍ଜିଳି ବ୍ଲକ ଅନ୍ତର୍ଗତ ବେଲଗାଁ ଥାନା ଅଞ୍ଚଳର ସାହାପୁର ଖାଜିପଲୀ ରାସ୍ତା କଡ଼ ଏକ ବିଲ ମାଳରୁ ଉଲଗ୍ନ ଅବସ୍ଥାରେ ଥିବା ଜଣେ ଯୁବକର ମୃତଦେହ ଉଦ୍ଧାର କରାଯାଇଛି। ମରଶରୀରକୁ ପୋଲିସ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି। ଏହି ଘଟଣାରେ ପୋଲିସ ଏକ ଅପମୃତ୍ୟୁ ମାମଲା ନଂ ୧/୨୬ ଅନୁଯାୟୀ ମକଦ୍ଦମା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ସୁଚନା ଅନୁଯାୟୀ, ମୁଖ୍ୟ ରାସ୍ତା ଦେଇ ଯାଉଥିବା କିଛି ଲୋକ ଉକ୍ତ ଶବକୁ ଦେଖି ପୋଲିସକୁ ଖବର ଦେଇଥିଲେ।  ପୋଲିସ ତତକ୍ଷଣାତ୍ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ଆବଶ୍ୟକ ପଦକ୍ଷେପ ନେଇଛନ୍ତି ବୋଲି ଥାନା ଅଧିକାରୀ କହିଛନ୍ତି। ଅନ୍ୟ ପକ୍ଷରେ ପାଖାପାଖି ୪୦ ବର୍ଷ ର ଉକ୍ତ ଯୁବକକୁ ଯୋଜନାବଦ୍ଧ ଭାବେ ହତ୍ୟା କରିଥିବା ଅଞ୍ଚଳବାସୀଙ୍କ ଠାରୁ ଶୁଣିବାକୁ ମିଳୁଛି।

ନୂଆଦିଲ୍ଲୀ: ଭାରତୀୟ ରେଳବାଇ ନଭେମ୍ବର ୨୦୨୫ ସୁଦ୍ଧା ଏହାର ନେଟୱାର୍କର ପ୍ରାୟ ୯୯.୨ ପ୍ରତିଶତ ବିଦ୍ୟୁତୀକରଣ କରିଛି, ଯାହା ଏହାକୁ ବିଶ୍ୱର ସବୁଠାରୁ ବ୍ୟାପକ ବିଦ୍ୟୁତୀକରଣ ହୋଇଥିବା ରେଳ ବ୍ୟବସ୍ଥା ମଧ୍ୟରୁ ଅନ୍ୟତମ କରିଛି। ବିଦ୍ୟୁତୀକରଣ ପାଇଁ କେନ୍ଦ୍ର ସରକାରଙ୍କ ଦୃଢ଼ ସଙ୍କଳ୍ପ ଏହି ସଫଳତା ହାସଲରେ ସହାୟକ ହୋଇଛି। କାରଣ ନରେନ୍ଦ୍ର ମୋଦୀଙ୍କ ନେତୃତ୍ୱରେ ସରକାର ଗଠନ ପରେ ଏ ଦିଗକୁ ଗୁରୁତ୍ୱ ଦିଆଯାଇଥିଲା। ଫଳରେ ୨୦୦୪ରୁ ୨୦୧୪ ମସିହା ଭିତରେ ଯେଉଁ ବିଦ୍ୟୁତୀକରଣ କାର୍ଯ୍ୟ ପ୍ରତି ଦିନ ୧.୪୨ କିଲୋମିଟର ହାରରେ ହେଉଥିଲା, ତାହା ୨୦୧୯ରୁ ୨୦୨୫ ମସିହା ଭିତରେ ଦିନକୁ ୧୫ କିଲୋମିଟରକୁ ଛୁଇଁଥିଲା।  ଏହାଦ୍ୱାରା କେବଳ ଡିଜେଲ ଉପରେ ନିର୍ଭର କରୁଥିବା ଭାରତୀୟ ରେଳବାଇ, ବର୍ତ୍ତମାନ ଦ୍ରୁତ ଗତିରେ ବୈଦ୍ୟୁତିକ ଚାଳନା ପାଇଁ ଅଗ୍ରସର ହେଉଛି। ଏହା ଆଧୁନିକ ଏବଂ ସ୍ଥାୟୀ ଭବିଷ୍ୟତ ଦିଗରେ ଏକ ବଡ଼ ପଦକ୍ଷେପ। ଏହି ପଦକ୍ଷେପ କେବଳ ବିଦ୍ୟୁତ୍‍ ତାର…

ଭୁବନେଶ୍ଵର: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଏବଂ ପୁରୀ ଲୋକସଭା ସାଂସଦ ଡ଼ାଃ ସମ୍ବିତ ପାତ୍ରଙ୍କ ସହ ଆଇନ, ପୂର୍ତ୍ତ‌ ଓ ଅବକାରୀ ମନ୍ତ୍ରୀ ପୃଥ୍ୱୀରାଜ ହରିଚ଼ନ୍ଦନ କେନ୍ଦ୍ର ସରକାର ଓ ରାଜ୍ୟ ସରକାରଙ୍କ ମିଳିତ ଉଦ୍ୟମରେ ଚିଲିକା ହ୍ରଦର ଦୀର୍ଘକାଳୀନ ସୁରକ୍ଷା ଏବଂ ପୁନରୁଦ୍ଧାର ପ୍ରସଙ୍ଗରେ ଆଲୋଚନା କରିଛନ୍ତି। ମରାଳ ମାଳିନୀ ନୀଳାମ୍ବୁ ଚିଲିକା ଏସିଆର ସବୁଠାରୁ ବଡ଼ ହ୍ରଦ, ପର୍ଯ୍ୟଟନ ଦୃଷ୍ଟିରୁ ସମୃଦ୍ଧ ଏବଂ ଲକ୍ଷ ଲକ୍ଷ ଲୋକଙ୍କ ପାଇଁ ଜୀବନଜୀବିକାର ଉତ୍ସ। ଏହି ହ୍ରଦର ସମୟାନୁକ୍ରମେ ବଦଳୁଥିବା ସ୍ଥିତି ବାବଦରେ ଆଇଆଇଟି ମାଡ୍ରାସ୍‌ ବିଜ୍ଞାନ ଭିତ୍ତିକ ଅଧ୍ୟୟନ କରି ଏହି ହ୍ରଦର ପୁନରୁଦ୍ଧାର ପାଇଁ ଏକ ରୋଡ୍‌ମ୍ୟାପ୍‌ ପ୍ରସ୍ତୁତ କରିଛି। ଏହି ଆର୍ଦ୍ରଭୂମିର ପରିବେଶୀୟ ସୁରକ୍ଷା ପାଇଁ ସମୟୋଚିତ ଓ ସମନ୍ୱିତ ପଦକ୍ଷେପର ଆବଶ୍ୟକତା ବାବଦରେ ଏହି ଅଧ୍ୟୟନରୁ ଜଣାପଡ଼ିଛି। ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ସହିତ ପୂର୍ବରୁ ହୋଇଥିବା ବିସ୍ତୃତ ଆଲୋଚନା ଆଧାରରେ କେନ୍ଦ୍ର–ରାଜ୍ୟ ସମନ୍ୱିତ…

ନୂଆଦିଲ୍ଲୀ: ଲୋକମାନେ YouTube ରୁ ବହୁତ ରୋଜଗାର କରୁଛନ୍ତି। କିଛି ଦିନ ପୂର୍ବେ ଏକ ରିପୋର୍ଟରେ କୁହାଯାଇଥିଲା ଯେ, ଏକ ଭାରତୀୟ YouTube ଚ୍ୟାନେଲ AI ବ୍ୟବହାର କରି ଭିଡିଓ ତିଆରି କରି ବାର୍ଷିକ 38 କୋଟି ରୋଜଗାର କରୁଛି। ଆପଣ ମଧ୍ୟ YouTube ରେ ଭିଡିଓ ଅପଲୋଡ୍ କରି ଟଙ୍କା ରୋଜଗାର କରିପାରିବେ। ଗୁରୁତ୍ୱପୂର୍ଣ୍ଣ କଥା ହେଉଛି, YouTube ପ୍ରତ୍ୟେକ ଭ୍ୟୁ ପାଇଁ କ୍ରିଏଟରମାନଙ୍କୁ ଦେୟ ଦିଏ। ତଥାପି, ଏଥିପାଇଁ ଅନେକ ନିୟମ ଅଛି, ଯାହା ବିଷୟରେ କ୍ରିଏଟରମାନଙ୍କୁ ଅବଗତ ରହିବା ଆବଶ୍ୟକ। ଆଜି, ଆମେ ଆପଣଙ୍କୁ କହିବୁ ଯେ ଯଦି ଆପଣଙ୍କ ଭିଡିଓ 5,000 ଭ୍ୟୁ ପାଏ ତେବେ ଆପଣ କେତେ ରୋଜଗାର କରିପାରିବେ? YouTube ରୁ କିପରି ରୋଜଗାର କରିବେ କ୍ରିଏଟରମାନେ YouTube ର ପେ-ପର୍-ଭ୍ୟୁ ସିଷ୍ଟମ ମାଧ୍ୟମରେ ରୋଜଗାର କରନ୍ତି। ତଥାପି, ଏହା ନାମ ସୂଚାଇବା ପରି ସରଳ ନୁହେଁ। ବାସ୍ତବରେ, YouTube ଆପଣଙ୍କ ଭିଡିଓ…

ନୂଆଦିଲ୍ଲୀ: ଯଦି ଆପଣ ୨୦୨୬ ରେ ଏକ କମ୍ ମୂଲ୍ୟର ଏବଂ ନିର୍ଭରଯୋଗ୍ୟ ମୋବାଇଲ୍ ରିଚାର୍ଜ ପ୍ଲାନ ଖୋଜୁଛନ୍ତି, ତେବେ ଏୟାରଟେଲର ବଜେଟ୍ ପ୍ଲାନଗୁଡ଼ିକ ଆପଣଙ୍କ ପାଇଁ ଏକ ଭଲ ବିକଳ୍ପ ହୋଇପାରେ। କମ୍ପାନୀ ଏପରି ଉପଭୋକ୍ତାଙ୍କ ପାଇଁ କିଛି ସୁଲଭ ରିଚାର୍ଜ ପ୍ରଚଳନ କରିଛି ଯେଉଁମାନଙ୍କୁ ବହୁତ ଡାଟା ଆବଶ୍ୟକ ନାହିଁ କିନ୍ତୁ ନିରବଚ୍ଛିନ୍ନ କଲିଙ୍ଗ ଚାହାଁନ୍ତି। ବିଶେଷକରି ୧୯୯ ଏବଂ ୨୧୯ ଟଙ୍କା ଯୋଜନାଗୁଡ଼ିକ ଅଧିକ ଚାପ ନ ପକାଇ କମ ମୂଲ୍ୟରେ ଅତ୍ୟାବଶ୍ୟକୀୟ ବୈଶିଷ୍ଟ୍ୟଗୁଡ଼ିକ ପ୍ରଦାନ କରେ। ଏୟାରଟେଲର ୧୯୯ ଟଙ୍କା ରିଚାର୍ଜ ସେମାନଙ୍କ ପାଇଁ ଡିଜାଇନ୍ କରାଯାଇଛି ଯେଉଁମାନଙ୍କର ଫୋନ୍ ବ୍ୟବହାର ପ୍ରାୟତଃ କଲିଙ୍ଗ ପର୍ଯ୍ୟନ୍ତ ସୀମିତ। ଏହି ଯୋଜନା ୨୮ ଦିନର ବୈଧତା ପ୍ରଦାନ କରେ ଏବଂ କଲିଙ୍ଗ ବିଷୟରେ ଯେକୌଣସି ଚିନ୍ତାକୁ ଦୂର କରି ସମ୍ପୂର୍ଣ୍ଣ ଅସୀମିତ ଲୋକାଲ୍, STD ଏବଂ ରୋମିଂ କଲ୍ ପ୍ରଦାନ କରେ। ଏହା ମୋଟ ୨GB ଡାଟା…

ନୂଆଦିଲ୍ଲୀ: ବରିଷ୍ଠ କଂଗ୍ରେସ ନେତା ଏତଥା ସଂସଦୀୟ ଦଳ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ଦିଲ୍ଲୀର ସାର୍ ଗଙ୍ଗା ରାମ ହସ୍ପିଟାଲରେ ଭର୍ତ୍ତି କରାଯାଇଛି। ସୂଚନା ଅନୁଯାୟୀ, ତାଙ୍କ ସ୍ୱାସ୍ଥ୍ୟାବସ୍ଥା ଖରାପ ହେବା ପରେ ଆଜି ସକାଳେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ସୋନିଆ ଗାନ୍ଧୀ କିଛି ସମୟ ଧରି ଅସୁସ୍ଥ ଥିଲେ, ତେଣୁ ତାଙ୍କୁ ଭର୍ତ୍ତି କରାଯାଇଥିଲା। ଡାକ୍ତରଙ୍କ ଏକ ଦଳ ହସ୍ପିଟାଲରେ ତାଙ୍କ ଉପରେ କଡ଼ା ନଜର ରଖିଛନ୍ତି। ସୂଚନା ଅନୁଯାୟୀ ସେ ଜଣେ ଛାତି ବିଶେଷଜ୍ଞଙ୍କ ତତ୍ତ୍ୱାବଧାନରେ ଅଛନ୍ତି। ତଥାପି, କଂଗ୍ରେସ ଦଳ କିମ୍ବା ହସ୍ପିଟାଲ ପକ୍ଷରୁ ସୋନିଆ ଗାନ୍ଧୀଙ୍କ ସ୍ୱାସ୍ଥ୍ୟାବସ୍ଥା ସମ୍ପର୍କରେ ଏପର୍ଯ୍ୟନ୍ତ କୌଣସି ବିବୃତ୍ତି ଜାରି କରାଯାଇ ନାହିଁ। ସୋନିଆ ଗାନ୍ଧୀ ଡିସେମ୍ବର ୯ ତାରିଖ ୨୦୨୫ ରେ ୭୯ ବର୍ଷ ବୟସରେ ପହଞ୍ଚିଛନ୍ତି। ସେ ଦୀର୍ଘ ସମୟ ଧରି କାଶରେ ପୀଡିତ, ଯାହା କାରଣରୁ ସେ ନିୟମିତ ଭାବରେ ଚେକଅପ୍ ପାଇଁ ହସ୍ପିଟାଲ ଯାଆନ୍ତି।…

ନୂଆଦିଲ୍ଲୀ: ବେଙ୍ଗାଲୁରୁରେ ଏକ ଧାର୍ମିକ ଶୋଭାଯାତ୍ରା ଉପରେ ପଥର ମାଡ଼ ହୋଇଛି। ଯେଉଁଥିରେ ଜଣେ ନାବାଳିକା ସମେତ ଅନେକ ଲୋକ ଆହତ ହୋଇଛନ୍ତି। ଏହାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି। ସୂଚନା ଅନୁଯାୟୀ, ରବିବାର ରାତିରେ ବେଙ୍ଗାଲୁରୁର ଜେଜେ ନଗର ଥାନା ଅଞ୍ଚଳର ଓମ୍ ଶକ୍ତି ମନ୍ଦିରରୁ ଆରମ୍ଭ ହୋଇଥିବା ଧାର୍ମିକ ଶୋଭାଯାତ୍ରା ସମୟରେ ପଥର ମାଡ଼ ହୋଇଥିଲା। ନିକଟବର୍ତ୍ତୀ ଅଞ୍ଚଳରୁ ଶୋଭାଯାତ୍ରା ଉପରେ ପଥର ଫିଙ୍ଗାଯାଇଥିଲା, ଯେଉଁଥିରେ ଜଣେ ନାବାଳିକା ଏବଂ ଅନେକ ମହିଳା ଆହତ ହୋଇଥିଲେ। ଝିଅର ମୁଣ୍ଡରେ ଆଘାତ ଲାଗିବାରୁ ହସ୍ପିଟାଲରେ ଭର୍ତ୍ତି ହୋଇଥିଲା। ଏହି ଘଟଣା ପରେ, ଶ୍ରଦ୍ଧାଳୁମାନେ ପୋଲିସ ଷ୍ଟେସନ ସମ୍ମୁଖରେ ପ୍ରତିବାଦ କରିଥିଲେ। ସ୍ଥାନୀୟ ଲୋକଙ୍କ ଅଭିଯୋଗ ଅନୁଯାୟୀ, ଏହା ପ୍ରଥମ ଘଟଣା ନୁହେଁ; ପୂର୍ବରୁ ମଧ୍ୟ ସମାନ ଘଟଣା ଘଟିଛି। ରବିବାର ଓମ୍ ଶକ୍ତି ମନ୍ଦିରରୁ ଶ୍ରଦ୍ଧାଳୁମାନେ ପଞ୍ଚମୁଖୀ ନାଗଦେବତା ମନ୍ଦିର ଆଡକୁ ଯାଉଥିବା ସମୟରେ ଦୁର୍ବୃତ୍ତମାନେ ପଥର…

ବାଲୁଗାଁ: ବନ୍ଧୁମାନଙ୍କ ସହ ବଣଭୋଜିରେ ଯାଇଥିବା ନିଖୋଜ ନାବାଳକଙ୍କ ଆଜି ସକାଳୁ ମୃତଦେହ ଉଦ୍ଧାର କରାଯାଇଛି। ଦୀର୍ଘ ୩ ଦିନ ପରେ ପୋଖରୀରୁ ନାବାଳକଙ୍କ ମୃତଦେହ ଉଦ୍ଧାର କରାଯାଇଛି। ଉଲ୍ଲେଖ ଯୋଗ୍ୟ ଯେ, ବାଣପୁର ଥାନା ଝିଣ୍ଟିକାପଲ୍ଲୀ ଗ୍ରାମର ଚିନ୍ମୟ ପରିଡା ନାମକ ଜଣେ ନାବାଳକ ବନ୍ଧୁମାନଙ୍କ ସହ ବଣଭୋଜି କରିବା ପାଇଁ ଯାଇଥିଲେ। ହେଲେ ଘରେ ସମସ୍ତେ ପହଞ୍ଚିଥିବା ବେଳେ ଚିନ୍ମୟ ରାତି ଯାଏଁ ଘରେ ପହଞ୍ଚିନଥିଲେ। ପୁଅ ନ ଫେରିବାର ଦେଖି ନାବାଳକଙ୍କ ମା’ ବାଣପୁର ଥାନାରେ ଏତଲା ଦେଇଥିଲେ। ମା’ଙ୍କ ଏତଲା ଆଧାରରେ ବାଣପୁର ପୋଲିସ ତଦନ୍ତ ଜାରୀ ରଖିଥିଲା। ଏବଂ ଦୁଇ ଜଣ ବନ୍ଧୁଙ୍କୁ ପୋଲିସ ଅଟକ ରଖିଥିଲା। ତେବେ ବାଲୁଗାଁ ବାଇପାସ ୧୬ ନମ୍ବର ଜାତୀୟ ରାଜପଥ କଡ଼ରେ ଥିବା ବେଲପଡା ପୋଖରୀ ନିକଟରୁ ଗତକାଲି ନାବାଳକଙ୍କ ଚପଲ ଓ ସାର୍ଟ ମିଳିଥିଲା। ଖବର ପାଇ ଘଟଣା ସ୍ଥଳରେ ବାଲୁଗାଁ SDPO, ବାଣପୁର ପୋଲିସ…

ନୂଆଦିଲ୍ଲୀ: ପୂର୍ବତନ ସାଂସଦ ଏବଂ ବରିଷ୍ଠ କଂଗ୍ରେସ ନେତା ସୁରେଶ କଲମାଡିଙ୍କର ୮୨ ବର୍ଷ ବୟସରେ ପରଲୋକ ହୋଇଛି। ସେ ମହାରାଷ୍ଟ୍ରର ପୁଣେରେ ପରଲୋକ ଗମନ କରିଛନ୍ତି। ସୁରେଶଙ୍କ ମର ଶରୀର ଆଜି ଅପରାହ୍ନ ୨:୦୦ ଟା ପର୍ଯ୍ୟନ୍ତ ଅନ୍ତିମ ଦର୍ଶନ ପାଇଁ ତାଙ୍କ ଘରେ ରଖାଯିବ। ସନ୍ଧ୍ୟାରେ ଶେଷକୃତ୍ୟ କରାଯିବ। ମହାରାଷ୍ଟ୍ରର ପୁଣେର ପୂର୍ବତନ ସାଂସଦ ଏବଂ ରେଳ ମନ୍ତ୍ରଣାଳୟର ପୂର୍ବତନ ରାଷ୍ଟ୍ରମନ୍ତ୍ରୀ ସୁରେଶ କଲମାଡିଙ୍କର ଆଜି ଭୋର ପ୍ରାୟ ୩:୩୦ ଟା ସମୟରେ ପରଲୋକ ଗମନ ହୋଇଥିଲା। ସେ ଦୀର୍ଘ ଦିନ ଧରି ଅସୁସ୍ଥତା ସହିତ ଲଢ଼ୁଥିଲେ। ସୁରେଶ କଲମାଡିଙ୍କ ନାମ ମୁଖ୍ୟତଃ ୨୦୧୦ ରାଜ୍ୟଗୋଷ୍ଠୀ କ୍ରୀଡାର ଆୟୋଜନ ସହିତ ଜଡିତ। ତାଙ୍କ ଉପରେ ବ୍ୟାପକ ଦୁର୍ନୀତି, ଠକେଇ ଏବଂ ଇଭେଣ୍ଟ ପରିଚାଳନା ଏବଂ ଚୁକ୍ତିନାମା ପ୍ରଦାନରେ ଆର୍ଥିକ ଅନିୟମିତତା ଅଭିଯୋଗ ଆସିଥିଲା। ଫଳସ୍ୱରୂପ, ତାଙ୍କୁ ଗିରଫ କରାଯାଇଥିଲା ଏବଂ ଅପରାଧିକ ଷଡଯନ୍ତ୍ର ଅଭିଯୋଗ ହୋଇଥିଲା। କଂଗ୍ରେସ ନେତା…

ଭୁବନେଶ୍ଵର: ଦଶହରା ଉପଲକ୍ଷେ ବଡ଼ ପରଦାରେ ମୁକ୍ତିଲାଭ କରିଥିଲା ଓଡ଼ିଆ ଫିଲ୍ମ “ଚ୍ୟାଲେଞ୍ଜ”, ଯାହା ସାରା ଓଡ଼ିଶାରେ ବେଶ୍ ଲୋକାଦୃତ ହେବା ସହ ସୁପରହିଟ୍ ଡୁପରହିଟ୍ ଫିଲ୍ମର ମାନ୍ୟତା ପାଇଥିଲା। ଏହି ଫିଲ୍ମ ଆସନ୍ତା ୧୧ ଜାନୁଆରୀ ସନ୍ଧ୍ୟା ୬:୩୦ ରେ ଏଇ ନୂଆ ବର୍ଷରେ ଜୀ ସାର୍ଥକରେ ପ୍ରସାରିତ ହେବାକୁ ଯାଉଛି। ଆଦିଲକ୍ଷ୍ମୀ ଏଣ୍ଟରଟେନମେଣ୍ଟ ବ୍ୟାନରରେ ପ୍ରସ୍ତୁତ ହୋଇଥିବା ବଡ଼ ବଜେଟର ଓଡ଼ିଆ ଚଳଚ୍ଚିତ୍ର ଚ୍ୟାଲେଞ୍ଜରେ ରିଅଲ୍ ଷ୍ଟାର ଅର୍ଦ୍ଧେନ୍ଦୁ ସାହୁଙ୍କ ଆକ୍ସନ ସାଙ୍ଗକୁ ଚୁଲବୁଲି ଏଲିନା ସାମନ୍ତରାୟଙ୍କ ସହିତ ପ୍ରେମ କାହାଣୀ ଦର୍ଶକଙ୍କୁ ଢେର ମନୋରଞ୍ଜନ ଯୋଗାଇଥିଲା। ସମସ୍ତଙ୍କର ପ୍ରିୟ ଆଲବମ କୁଇନ୍ ଲିପି ଓ ପୁପିଙ୍କ ଜାଇଫୁଲ ଯୋଡିକୁ ଦର୍ଶକ ଢେର ଭଲ ପାଇବା ମଧ୍ୟ ଦେଇଥିଲେ। ପୁରା ଓଡ଼ିଶାରେ ମୁକ୍ତିଲାଭ କରି ଏହି ଫିଲ୍ମ ପ୍ରାୟ ୫୦ଟି ପ୍ରେକ୍ଷାଳୟରେ ୧୦୦୦ଟି ଶୋ’ ରୁ ଅଧିକ ଚାଲିଥିଲା। ସାଇ କିରଣ ମଙ୍ଗରାଜଙ୍କ ନିର୍ଦ୍ଦେଶିତ ଓ ମାନସ ପଢ଼ିଆରୀଙ୍କ…

ନୂଆଦିଲ୍ଲୀ: ବୈଭବ ସୂର୍ଯ୍ୟବଂଶୀଙ୍କ ଅଧିନାୟକତ୍ୱରେ ୧୯ ବର୍ଷରୁ କମ୍ ଭାରତୀୟ ଦଳ ଦକ୍ଷିଣ ଆଫ୍ରିକା ବିପକ୍ଷରେ ଦିନିକିଆ ସିରିଜ୍ ଜିତିଛି। ଦ୍ୱିତୀୟ ମ୍ୟାଚ୍‌ରେ ଟିମ୍ ଇଣ୍ଡିଆ ଡକୱର୍ଥ-ଲୁଇସ୍ ପଦ୍ଧତିରେ ଆଠ ୱିକେଟ୍‌ରେ ବିଜୟୀ ହୋଇ ୨-୦ରେ ଅପ୍ରତିଦ୍ୱନ୍ଦ୍ୱୀ ବିଜୟୀ ହୋଇଛି। ନିୟମିତ ଅଧିନାୟକ ଆୟୁଷ ମହାତ୍ରେଙ୍କ ଅନୁପସ୍ଥିତିରେ ପ୍ରଥମ ଥର ପାଇଁ ଦଳର ନେତୃତ୍ୱ ନେଉଥିବା ବୈଭବ ତାଙ୍କ ନେତୃତ୍ୱ ସହିତ ସମସ୍ତଙ୍କୁ ପ୍ରଭାବିତ କରିଛନ୍ତି। ୱିଲୋମୁର ପାର୍କରେ ଖେଳାଯାଇଥିବା ମ୍ୟାଚ୍‌ରେ ପାଗ ଅନେକ ଥର ବାଧା ସୃଷ୍ଟି କରିଥିଲା। ଟସ୍ ଜିତି ପ୍ରଥମେ ବ୍ୟାଟିଂ କରୁଥିବା ଦକ୍ଷିଣ ଆଫ୍ରିକା ୨୪୫ ରନ୍‌ରେ ଅଲ୍‌ଆଉଟ୍ ହୋଇଥିଲା। ଜାସନ୍ ରାଉଲ୍ସ ୧୧୪ ରନ୍‌ର ଏକ ଚମତ୍କାର ଇନିଂସ ଖେଳିଥିଲେ, କିନ୍ତୁ ଅନ୍ୟ ବ୍ୟାଟ୍ସମ୍ୟାନ୍ ମାନେ ତାଙ୍କୁ ସମର୍ଥନ କରିବାରେ ବିଫଳ ହୋଇଥିଲେ। ତାଙ୍କ ଇନିଂସ୍ ଆୟୋଜକ ଦଳକୁ ୨୦୦ ରନ୍‌ରେ ପହଞ୍ଚିବାରେ ସାହାଯ୍ୟ କରିଥିଲା। ଭାରତ ପକ୍ଷରୁ କିଷନ କୁମାର ନୂତନ ବଲ୍…

ନୂଆଦିଲ୍ଲୀ: ବାଂଲାଦେଶରେ ହିନ୍ଦୁଙ୍କ ହତ୍ୟା ନିରନ୍ତର ଜାରି ରହିଛି। ୧୮ ଦିନ ମଧ୍ୟରେ ୬ ଜଣ ହିନ୍ଦୁଙ୍କ ହତ୍ୟା ହୋଇଛି। ସୋମବାର ରାତିରେ (୫ ଜାନୁଆରୀ), ନରସିଙ୍ଗଦି ଜିଲ୍ଲାର ଚାରସିନ୍ଦୁର ବଜାରରେ ଜଣେ କିରାଣା ବ୍ୟବସାୟୀ ମଣି ଚକ୍ରବର୍ତ୍ତୀଙ୍କୁ ହତ୍ୟା କରାଯାଇଛି। ସୂଚନା ଅନୁଯାୟୀ, ଦୋକାନରେ ବସିଥିବା ସମୟରେ ଅଜଣା ଆକ୍ରମଣକାରୀମାନେ ଚକ୍ରବର୍ତ୍ତୀଙ୍କୁ ଆକ୍ରମଣ କରିଥିଲେ। ସେ ଗୁରୁତର ଆହତ ହୋଇଥିଲେ ଏବଂ ସ୍ଥାନୀୟ ଲୋକମାନେ ତାଙ୍କୁ ଡାକ୍ତରଖାନାକୁ ନେଇଯାଇଥିଲେ, କିନ୍ତୁ ତାଙ୍କ ଜୀବନ ରକ୍ଷା ହୋଇପାରି ନ ଥିଲା। ମଣି ଚକ୍ରବର୍ତ୍ତୀ ଶିବପୁର ଉପଜିଲ୍ଲାର ବାସିନ୍ଦା ଥିଲେ। ଚାରସିନ୍ଦୁର ବଜାରର ବ୍ୟବସାୟୀମାନେ ମଣିଙ୍କୁ ଜଣେ ଅତ୍ୟନ୍ତ ଶାନ୍ତ ବ୍ୟକ୍ତି ଭାବରେ କହିଛନ୍ତି, ଯାହାଙ୍କର କାହା ସହିତ କୌଣସି ବିବାଦ ନଥିଲା। ବଜାରରେ ଏହିପରି ତାଙ୍କର ହତ୍ୟା ସଂଖ୍ୟାଲଘୁଙ୍କ ମଧ୍ୟରେ ଭୟ ସୃଷ୍ଟି କରିଛି। ଅନେକ ବ୍ୟବସାୟୀ କହିଛନ୍ତି ଯେ, ସେମାନେ ଏବେ ବହୁତ ଭୟଭୀତ ଏବଂ ସେମାନଙ୍କର ଦୈନନ୍ଦିନ କାର୍ଯ୍ୟ…

ନୂଆଦିଲ୍ଲୀ: ଭାରତୀୟ ରେଳବାଇ 2025-26 ଆର୍ଥିକ ବର୍ଷରେ ସକଳ ବଜେଟ୍‌ ସହାୟତାର 80.54 ପ୍ରତିଶତ ବ୍ୟୟ କରିଛି। ଚଳିତ ଆର୍ଥିକ ବର୍ଷରେ ମୋଟ୍‌ 2,52,200 କୋଟି ଟଙ୍କା ବ୍ୟୟବରାଦ କରାଯାଇଥିବା ବେଳେ ସେଥିମଧ୍ୟରୁ ରେଳବାଇ 2025 ଡିସେମ୍ବର ସୁଦ୍ଧା 2,03,138 କୋଟି ଟଙ୍କା ଖର୍ଚ୍ଚ କରିଛି। ଏହା ବିଗତ ବର୍ଷ (ଡିସେମ୍ବର 2024) ତୁଳନାରେ 6.54 ପ୍ରତିଶତ ଅଧିକ। ମୁଖ୍ୟତଃ ସୁରକ୍ଷା ଉପାୟ, କ୍ଷମତା ବୃଦ୍ଧି, ମୌଳିକ ଭିତ୍ତିଭୂମିର ଆଧୁନିକୀକରଣ ଏବଂ ଯାତ୍ରା ସୁବିଧା ବାବଦରେ ଏହି ବ୍ୟୟ କରାଯାଇଛି। ଭାରତୀୟ ରେଳବାଇ ଏକ ଆଧୁନିକ ଏବଂ ଉନ୍ନତ ସଂଯୋଗ ଦୃଷ୍ଟିକୋଣ ନେଇ ଭବିଷ୍ୟତ ପାଇଁ ପ୍ରସ୍ତୁତ ସଂଗଠନରେ ପରିଣତ ହୋଇଛି । ଏହା ସାରାଦେଶରେ ସୁଲଭ ମୂଲ୍ୟରେ ଦ୍ରୁତ, ନିରାପଦ ଏବଂ ବିଶ୍ୱସ୍ତରୀୟ ରେଳ ଯାତ୍ରା ସେବା ପ୍ରଦାନ କରୁଛି। ଏହି ଆଭିମୁଖ୍ୟ ସହିତ ରେଳବାଇ 2025-26 ପାଇଁ ଆବଣ୍ଟିତ ମୋଟ ବଜେଟ୍ ଅନୁଦାନ ବ୍ୟୟ କରିବାରେ ଏକ ଦୃଢ଼…