ଖୋର୍ଦ୍ଧା: ଓଡ଼ିଶା ସରକାର, ରାଜ୍ୟ ପର୍ଯ୍ୟଟନ ବିଭାଗ ଏବଂ ଜିଲ୍ଲା ପ୍ରଶାସନ ମିଳିତ ଆନୁକୂଲ୍ୟରେ ଆଜି ଦିବା ୧୨ ଘଟିକା ସମୟରେ ଜିଲ୍ଲାପରିଷଦ କାର୍ଯ୍ୟାଳୟ ନୂତନ ସମ୍ମିଳନୀ କକ୍ଷରେ ଜିଲ୍ଲାପାଳ ଏବଂ ଜିଲ୍ଲା ମାଜିଷ୍ଟ୍ରେଟ ଅମ୍ରିତ୍ ଋତୁରାଜଙ୍କ ଅଧ୍ୟକ୍ଷତାରେ ଜିଲ୍ଲା ସ୍ତରୀୟ ପଖାଳ ଦିବସ ପାଳିତ ହୋଇଯାଇଅଛି। ଏହି ଦିବସରେ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ସଭାପତି ରୁପଶ୍ରୀ ରାଣୀ ଗୁମାନ ସିଂହ, ସମ୍ମାନିତ ଅତିଥି ଭାବେ ଜିଲ୍ଲାପରିଷଦ ଉପସଭାପତି ଗୋପୀନାଥ ମହାରଣା, ଅତିରିକ୍ତ ଜିଲ୍ଲାପାଳ (ରାଜସ୍ବ) ସାଫଲ୍ୟ ମଣ୍ଡିତ ପ୍ରଧାନ, ଅତିରିକ୍ତ ଜିଲ୍ଲାପାଳ (ସାଧାରଣ) ପ୍ରତାପ ଚନ୍ଦ୍ର ବେଉରା, ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ (ଜିଲ୍ଲା ପରିଷଦ) ଜ୍ୟୋତି ଶଙ୍କର ସାହୁ ପ୍ରମୁଖ ଯୋଗ ଦେଇଥିଲେ। ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ରାଜ୍ୟ ସଦର ମହକୁମା ପାନ୍ଥ ନିବାସରୁ ଅଭାସିରେ ଯୋଡ଼ି ହୋଇ ଖୋର୍ଦ୍ଧା ଜିଲ୍ଲାର ପଖାଳ ଦିବସ ପାଳନକୁ ଅନୁଧ୍ୟାନ କରିବା ସହ ରାଜ୍ୟର ସମସ୍ତ…
Author: SM Network
ଭୁବନେଶ୍ଵର: ବୌଦ୍ଧ ଜିଲ୍ଲା ପୋଲିସ, ମାଲକାନଗିରି ଜିଲ୍ଲା ପୋଲିସ ଓ ଗଜପତି ଜିଲ୍ଲା ପୋଲିସ ପକ୍ଷରୁ ନିଶା କାରବାର ବିରୋଧରେ ଅଭିଯାନକୁ ଜୋରଦାର କରାଯାଇଛି। ସୂଚନା ଅନୁଯାୟୀ ମାର୍ଚ୍ଚ ୧୫ ତାରିଖରୁ ୨୦ ତାରିଖ ମଧ୍ୟରେ ସର୍ବମୋଟ ୨ ହଜାର ୮୬୮ କେଜି ଗଞ୍ଜେଇ ଜବତ କରାଯାଇଛି। ଏହି କ୍ରମରେ ବୌଦ୍ଧ ଜିଲ୍ଲା ପୋଲିସ କଣ୍ଟାମାଳ ଥାନା ଏବଂ ମଡେଲ ଥାନା ଅଞ୍ଚଳରେ ଚଢ଼ାଉ କରି ମୋଟ ୧୬୦୦ କିଲୋଗ୍ରାମ ଗଞ୍ଜେଇ ଜବତ କରିବାରେ ସଫଳ ହୋଇଛି। ଆଜି ଗଜପତି ଜିଲ୍ଲା ପୋଲିସ ଅଡବା ଥାନା ଅନ୍ତର୍ଗତ ରାଜପୁର ଏବଂ ମୋହନାଗୁଡ଼ି ଗ୍ରାମରେ ଚଢ଼ାଉ କରି ମୋଟ ୭୨୫ କିଲୋଗ୍ରାମ ଗଞ୍ଜେଇ ଜବତ କରିବାରେ ସଫଳ ହୋଇଛି। ଏହା ସହିତ ବିଭିନ୍ନ ମାମଲାରେ ଗାଡ଼ି ଏବଂ ମୋବାଇଲ୍ ଫୋନ୍ ଜବତ କରାଯିବା ସହ ଅଭିଯୁକ୍ତମାନଙ୍କୁ ଗିରଫ କରାଯାଇଛି। ସେହିପରି ମାଲକାନଗିରି ଜିଲ୍ଲା ପୋଲିସ ପକ୍ଷରୁ ଚିତ୍ରକୋଣ୍ଡା ଥାନା, ଓରକେଲ ଥାନା ଓ…
ଭୁବନେଶ୍ୱର: ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆଜି ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇ ଚୁକ୍ତିଭିତ୍ତିକ ଭାବେ କାମ କରୁଥିବା ସ୍କିମାଟିକ୍ କନିଷ୍ଠ ଶିକ୍ଷକ (Junior Teacher, Schematic) ମାନଙ୍କୁ ନିୟମିତ କରିଛନ୍ତି। ୨୦୨୩-୨୪ ବର୍ଷରେ ନିଯୁକ୍ତି ପାଇଥିବା ଏହି ବର୍ଗର କନିଷ୍ଠ ଶିକ୍ଷକମାନଙ୍କୁ ନିୟମିତ କରାଯାଇଛି। ଏହା ଦ୍ୱାରା ରାଜ୍ୟର ୧୩ ହଜାରରୁ ଅଧିକ ଚୁକ୍ତିଭିତ୍ତିକ କନିଷ୍ଠ ଶିକ୍ଷକମାନେ ଉପକୃତ ହୋଇଛନ୍ତି। ଏହି ଶିକ୍ଷକମାନେ ସେମାନଙ୍କର ଚାକିରୀରେ ଯୋଗଦାନ ସମୟ ଠାରୁ ନିୟମିତ ହୋଇଛନ୍ତି। ତେବେ, ସେମାନେ ଚାକିରୀରେ ଯୋଗଦାନ ସମୟ ଠାରୁ ୨୦୨୫ ଡିସେମ୍ବର ୩୧ ତାରିଖ ପର୍ଯ୍ୟନ୍ତ Notional Benefit ପାଇବେ। ୨୦୨୬ ଜାନୁୟାରୀ ପହିଲା ଠାରୁ ନିୟମିତ କର୍ମଚାରୀଙ୍କ ଦରମା ତଥା ଅନ୍ୟାନ୍ୟ ସମସ୍ତ ସୁବିଧା ପାଇପାରିବେ। ସୂଚନାଯୋଗ୍ୟ ଯେ, ଏହି କନିଷ୍ଠ ଶିକ୍ଷକମାନଙ୍କୁ ନିୟମିତ କରିବା ପାଇଁ ମୁଖ୍ୟମନ୍ତ୍ରୀ ପୂର୍ବରୁ ଘୋଷଣା କରିଥିଲେ। ଆଜି ଏହି ନିଷ୍ପତ୍ତି ଗ୍ରହଣ କରିବା ଦ୍ୱାରା ଶିକ୍ଷକ ମହଲରେ ଆନନ୍ଦର…
ନୂଆଦିଲ୍ଲୀ: ପଶ୍ଚିମ ବଙ୍ଗ ବିଧାନସଭା ନିର୍ବାଚନ ପାଇଁ ମୁଖ୍ୟମନ୍ତ୍ରୀ ମମତା ବାନାର୍ଜୀ ତୃଣମୂଳ କଂଗ୍ରେସ (ଟିଏମସି) ଇସ୍ତାହାର ପ୍ରକାଶ କରିଛି। ‘ଲକ୍ଷ୍ମୀ ଭଣ୍ଡାର’ ଯୋଜନା ଅଧୀନରେ ସାଧାରଣ ବର୍ଗର ମହିଳାମାନଙ୍କ ପାଇଁ ଟିଏମସି ୧,୫୦୦ ଟଙ୍କା ଏବଂ SC/ST ପାଇଁ ୧,୭୦୦ ଟଙ୍କା ମାସିକ ଅନୁଦାନ ଘୋଷଣା କରିଛି। ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଯେ, “ବେକାର ଯୁବକମାନେ ପକେଟ ଟଙ୍କା ଭାବରେ ପ୍ରତି ମାସରେ ୧,୫୦୦ ଟଙ୍କା ପାଇବେ। ଟିଏମସି ମୁଖ୍ୟ ମମତା ବାନାର୍ଜୀ କହିଛନ୍ତି ଯେ, “ଆମେ ‘ଦୁଆର ଚିକିତ୍ସା’ (ଘର ଦ୍ୱାରରେ ସ୍ୱାସ୍ଥ୍ୟ ସେବା) ଆରମ୍ଭ କରିବୁ। ଆମେ ପ୍ରତ୍ୟେକ ବୁଥରେ ଏହାକୁ ଆରମ୍ଭ କରିବୁ ଏବଂ ଆମେ ‘ଦୁଆର ଚିକିତ୍ସା’ ଶିବିର ସ୍ଥାପନ କରିବୁ। ହଜାର ହଜାର ସ୍କୁଲକୁ ଇ-ଶିକ୍ଷା ସୁବିଧା ସହିତ ଆଧୁନିକୀକରଣ କରାଯିବ।” ଆଗାମୀ ଦିନରେ ଆମେ ୭-୮ ଟି ନୂତନ ଜିଲ୍ଲା, ବ୍ଲକ ଏବଂ ଏପରିକି ନୂତନ ପୌରପାଳିକା ସୃଷ୍ଟି କରିବୁ।…
ନୂଆଦିଲ୍ଲୀ: ପ୍ରିମିୟମ୍ ପେଟ୍ରୋଲ ମୂଲ୍ୟ ବୃଦ୍ଧି ପରେ ଶିଳ୍ପ ଡିଜେଲ ମଧ୍ୟ ମହଙ୍ଗା ହୋଇଛି। ଇଣ୍ଡିଆନ୍ ଅଏଲ୍ କର୍ପୋରେସନ୍ (IOC) ଶିଳ୍ପ ଡିଜେଲର ମୂଲ୍ୟରେ ଏକ ବଡ଼ ସଂଶୋଧନ କରିଛି, ଏହାକୁ ପ୍ରତି ଲିଟର ୮୭.୬୭ ଟଙ୍କାରୁ ୧୦୯.୫୯ ଟଙ୍କାକୁ ବୃଦ୍ଧି କରିଛି। ଏହି ନିଷ୍ପତ୍ତି ଶିଳ୍ପ କ୍ଷେତ୍ର, ଲଜିଷ୍ଟିକ୍ସ ଏବଂ ପରିବହନ ଖର୍ଚ୍ଚ ଉପରେ ପ୍ରଭାବ ପକାଇବ ବୋଲି ଆଶା କରାଯାଉଛି। ସାଧାରଣ ପେଟ୍ରୋଲ ପମ୍ପରେ ଶିଳ୍ପ ଡିଜେଲ ବିକ୍ରି ହୁଏ ନାହିଁ। ଏହା ସିଧାସଳଖ କାରଖାନା, ବଡ଼ ଜେନେରେଟର, ଖଣି କମ୍ପାନୀ, ନିର୍ମାଣ ସ୍ଥଳ ଏବଂ ବିଦ୍ୟୁତ୍ ପ୍ଲାଣ୍ଟ ଦ୍ୱାରା କିଣାଯାଏ। ପୂର୍ବରୁ, ତୈଳ କମ୍ପାନୀଗୁଡ଼ିକ ବ୍ରାଣ୍ଡେଡ୍ ଏବଂ ଉଚ୍ଚ-ଅକ୍ଟେନ୍ ପ୍ରିମିୟମ୍ ପେଟ୍ରୋଲର ମୂଲ୍ୟ ପ୍ରାୟ ୨ ଟଙ୍କା ପ୍ରତି ଲିଟର ବୃଦ୍ଧି କରିଥିଲେ। ତଥାପି, ନିୟମିତ ପେଟ୍ରୋଲର ମୂଲ୍ୟରେ କୌଣସି ପରିବର୍ତ୍ତନ ହୋଇନାହିଁ, ଯାହା ଗ୍ରାହକମାନଙ୍କୁ ତୁରନ୍ତ ଆଶ୍ୱସ୍ତି ପ୍ରଦାନ କରୁଛି। ଅର୍ଥନୈତିକ ବିଶ୍ଳେଷକଙ୍କ ଅନୁଯାୟୀ, ଯଦି…
ନୂଆଦିଲ୍ଲୀ: ଭାରତୀୟ କ୍ରିକେଟ୍ ଦଳ ଚଳିତ ବର୍ଷ ଆୟର୍ଲାଣ୍ଡ ଗସ୍ତ କରିବ। 2026 ଆଇପିଏଲ ପରେ ଭାରତ ଏବଂ ଆୟର୍ଲାଣ୍ଡ ମଧ୍ୟରେ ଏକ ତିନି ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ଖେଳାଯିବ। ଭାରତ ବନାମ ଆୟର୍ଲାଣ୍ଡ ଟି-୨୦ ସିରିଜ୍ ଚଳିତ ବର୍ଷ ଜୁଲାଇରେ ଖେଳାଯିବ। ଏହା ଆୟର୍ଲାଣ୍ଡ ପାଇଁ ଏକ ନୂତନ ଆରମ୍ଭ ମଧ୍ୟ ହେବ, କାରଣ ପଲ ଷ୍ଟର୍ଲିଙ୍ଗ ସମ୍ପ୍ରତି ଅଧିନାୟକ ପଦରୁ ଇସ୍ତଫା ଦେଇଛନ୍ତି। ଆୟର୍ଲାଣ୍ଡ କ୍ରିକେଟର ଡାଇରେକ୍ଟର ଅଫ ହାଇ ପରଫର୍ମାନ୍ସ ଗ୍ରାହାମ ୱେଷ୍ଟ ନିଶ୍ଚିତ କରିଛନ୍ତି ଯେ, ଆୟର୍ଲାଣ୍ଡ ଦଳ ୨୦୨୮ ଟି-୨୦ ବିଶ୍ୱକପ୍ ପାଇଁ ଯୋଗ୍ୟତା ଅର୍ଜନ କରିସାରିଛି, ତେଣୁ ପଲ ଷ୍ଟର୍ଲିଙ୍ଗଙ୍କ ଅଧିନାୟକ ପଦରୁ ଇସ୍ତଫା ଅର୍ଥ ହେଉଛି ଜଣେ ନୂତନ ଅଧିନାୟକଙ୍କୁ ଆଗାମୀ ଦୁଇ ବର୍ଷ ମଧ୍ୟରେ ନିଜକୁ ପ୍ରତିଷ୍ଠିତ କରିବାର ସୁଯୋଗ ମିଳିବ। ଏହା ଉଲ୍ଲେଖନୀୟ ଯେ, ୨୦୨୬ ଆଇପିଏଲ ସମାପ୍ତି ପରେ ଭାରତୀୟ ଦଳ ଆଫଗାନିସ୍ତାନ ବିପକ୍ଷରେ ଏକ…
ଭୁବନେଶ୍ୱର: ଓଡ଼ିଶାର ପ୍ରମୁଖ ଗ୍ରୀଷ୍ମକାଳୀନ ଖାଦ୍ୟ ‘ପଖାଳ’ର ଲୋକପ୍ରିୟତାକୁ ଆହୁରି ବଢାଇବା ପାଇଁ ପର୍ଯ୍ୟଟନ ବିଭାଗ ପକ୍ଷରୁ ଭୁବନେଶ୍ୱର ସ୍ଥିତ ପାନ୍ଥନିବାସ ଠାରେ ରାଜ୍ୟସ୍ତରୀୟ ‘ପଖାଳ ପରବ’ କାର୍ଯ୍ୟକ୍ରମ ପାଳନ ହୋଇଯାଇଛି। ଏହି ଅବସରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଯୋଗ ଦେଇ ପଖାଳକୁ କେବଳ ଏକ ଆହାର ନୁହେଁ, ବରଂ ଓଡ଼ିଶାର ସଂସ୍କୃତି ଓ ପରମ୍ପରାର ଏକ ଅବିଚ୍ଛେଦ୍ୟ ଅଙ୍ଗ ବୋଲି କହିଥିଲେ। ପଖାଳ ଦିବସର ମୂଳ ଲକ୍ଷ୍ୟ ହେଉଛି ଓଡ଼ିଆ ଖାଦ୍ୟକୁ ବିଶ୍ୱ ଦରବାରରେ ପହଞ୍ଚାଇବା। ଆଜିକାଲିର ପାଶ୍ଚାତ୍ୟ ଖାଦ୍ୟ ସଂସ୍କୃତି ଭିତରେ ଆମର ଏହି ପାରମ୍ପରିକ ଖାଦ୍ୟ ଯେପରି ହଜି ନଯାଏ, ସେଥିପାଇଁ ଏହି ଦିବସଟି ସମସ୍ତ ଓଡ଼ିଆଙ୍କୁ ଏକଜୁଟ କରିବାର ପ୍ରୟାସ କରିଥାଏ ବୋଲି ମୁଖ୍ୟମନ୍ତ୍ରୀ କହିଥିଲେ। ମୁଖ୍ୟମନ୍ତ୍ରୀ ନିଜ ପିଲାଦିନ ସହିତ ପଖାଳର ସମ୍ପର୍କ କଥା କହି ଭାବବିହ୍ୱଳ ହୋଇ ପଡ଼ିଥିଲେ ଏବଂ କହିଥିଲେ ଯେ କେବଳ ଗରିବର ଖାଦ୍ୟ ନୁହେଁ, ବରଂ ଏହା…
ନୂଆଦିଲ୍ଲୀ: ମଧ୍ୟ ପ୍ରାଚ୍ୟ ଯୁଦ୍ଧ ମଧ୍ୟରେ ପୂର୍ବରୁ ଏଲପିଜି ସଙ୍କଟ ଥିବା ବେଳେ, ତୈଳ କମ୍ପାନୀଗୁଡ଼ିକ ପ୍ରିମିୟମ୍ ପେଟ୍ରୋଲର ମୂଲ୍ୟ ବୃଦ୍ଧି କରିଛନ୍ତି। ୨୦ ମାର୍ଚ୍ଚ, ୨୦୨୬ ରେ ବିପିସିଏଲର ‘ସ୍ପିଡ୍’, ଏଚପିଏଲର ‘ପାୱାର’ ଏବଂ ଆଇଓସିଏଲ୍ ର ‘ଏକ୍ସପି୯୫’ ଭଳି ପ୍ରିମିୟମ୍ ପେଟ୍ରୋଲର ମୂଲ୍ୟ ଲିଟର ପିଛା ୨.୦୯ ଟଙ୍କା ବୃଦ୍ଧି କରାଯାଇଛି।
ନୂଆଦିଲ୍ଲୀ: ୨୦୨୬ ଆଇପିଏଲ ପାଇଁ କାଉଣ୍ଟଡାଉନ୍ ଆରମ୍ଭ ହୋଇଛି, ଟୁର୍ଣ୍ଣାମେଣ୍ଟ ଆରମ୍ଭ ହେବାକୁ ପ୍ରାୟ ଗୋଟିଏ ସପ୍ତାହ ବାକି ଅଛି। ତଥାପି, ଟୁର୍ଣ୍ଣାମେଣ୍ଟ ଆରମ୍ଭ ହେବା ପୂର୍ବରୁ ଅନେକ ଦଳ ବିପର୍ଯ୍ୟୟର ସମ୍ମୁଖୀନ ହୋଇଛନ୍ତି। ସାତ ଜଣ ଖେଳାଳି ବାଦ ପଡିବା ଅନେକ ଦଳକୁ ଚିନ୍ତିତ କରିଛି। ବିଶେଷକରି ସେମାନଙ୍କ ମଧ୍ୟରୁ ଛଅ ଜଣ ଦ୍ରୁତ ବୋଲର ମଧ୍ୟ ଅଛନ୍ତି। ବାଦ ପଡ଼ିଥିବା ଏହି ଖେଳାଳିମାନଙ୍କ ମଧ୍ୟରୁ ଚାରି ଜଣ ଅଷ୍ଟ୍ରେଲୀୟ, ଏବଂ ନିଲାମରେ ସେମାନଙ୍କୁ ହାସଲ କରିବା ପାଇଁ ଏକ ଦୃଢ଼ ପ୍ରତିଯୋଗିତା ହୋଇଥିଲା। ଏହି ଖେଳାଳିମାନଙ୍କ ମଧ୍ୟରୁ ଜଣେ ପ୍ରଥମ ଥର ପାଇଁ IPL ରେ ଖେଳୁଛନ୍ତି। ଏହି ଖେଳାଳିମାନଙ୍କ ମଧ୍ୟରେ ଜଣେ ଭାରତୀୟ ଅଛନ୍ତି। ୨୦୨୬ ଆଇପିଏଲ ର ପ୍ରଥମ ମ୍ୟାଚ୍ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ସନରାଇଜର୍ସ ହାଇଦ୍ରାବାଦ ମଧ୍ୟରେ ଅଟେ, ଏବଂ ଉଭୟ ଦଳ ସେମାନଙ୍କର ଅଷ୍ଟ୍ରେଲୀୟ ଖେଳାଳିଙ୍କୁ ମିସ୍ କରିବେ। ବାଦ ପଡ଼ିଥିବା…
ଭୁବନେଶ୍ଵର: ଭାରତର ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନିଶାମୁକ୍ତ ଭାରତ ଆହ୍ଵାନ ତଥା କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ 15 ସୂତ୍ରୀ ମାର୍ଗଦର୍ଶୀକାକୁ ଆଧାର କରି ସାରା ଦେଶରେ ନିଶା ବିରୋଧୀ ଅଭିଯାନ ଜାରି ରହିଛି । ଏହା ସହ ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ବଳିଷ୍ଠ ନେତୃତ୍ଵରେ ଓଡ଼ିଶା ପୋଲିସ ନିଶାଦ୍ରବ୍ୟ ବିରୋଧୀ ଅଭିଯାନରେ ଐତିହାସିକ ସଫଳତା ହାସଲ କରିଛି। ଏହି ପରିପ୍ରେକ୍ଷୀରେ, 01.01.2025 ଠାରୁ 28 ଫେବୃୟାରୀ 2026 ପର୍ଯ୍ୟନ୍ତ ଓଡ଼ିଶା ପୋଲିସ ନିଶାଦ୍ରବ୍ୟ ବିରୋଧୀ ଅଭିଯାନରେ ଅଭୂତପୂର୍ବ ସଫଳତା ହାସଲ କରିଛି। ଏହି ସମୟସୀମାରେ ପ୍ରାୟ 1,444 କୋଟି ଟଙ୍କା ମୂଲ୍ୟର ଗଞ୍ଜେଇ ଚାଷକୁ ଧ୍ଵଂସ କରାଯିବା ସହିତ, 1,346 କୋଟି ଟଙ୍କା ମୂଲ୍ୟର ଗଞ୍ଜେଇ, 200 କୋଟି ଟଙ୍କା ମୂଲ୍ୟର 1,862 ଲିଟର ଗଞ୍ଜେଇ ତେଲ, 41.7 କୋଟି ଟଙ୍କା ମୂଲ୍ୟର ବ୍ରାଉନ ସୁଗାର ଏବଂ 10.17 କୋଟି ଟଙ୍କା ମୂଲ୍ୟର କଫ…
ନୂଆଦିଲ୍ଲୀ: ଭାରତ ଏବେ ବିଶ୍ୱର ସବୁଠାରୁ ଶକ୍ତିଶାଳୀ ଚୁମ୍ବକ ଉତ୍ପାଦନ କରିବାକୁ ପ୍ରସ୍ତୁତ ହେଉଛି। ଭାରୀ ଶିଳ୍ପ ମନ୍ତ୍ରଣାଳୟ ସିନଟ୍ରେଡ୍ ରେଅର ଆର୍ଥ ପର୍ମାନେଣ୍ଟ ମ୍ୟାଗ୍ନେଟ ଉତ୍ପାଦନ ପାଇଁ ଏକ ବିଶ୍ୱସ୍ତରୀୟ ଟେଣ୍ଡର ଜାରି କରିଛି। ଏହାର ଅର୍ଥ ହେଉଛି ଏହି ସ୍ୱତନ୍ତ୍ର ଚୁମ୍ବକଗୁଡ଼ିକ ଏବେ ଭାରତରେ ନିର୍ମିତ ହେବ, ଯାହା ବିଦେଶୀ ଆମଦାନୀ ଉପରେ ନିର୍ଭରଶୀଳତା ହ୍ରାସ କରିବ। ଏହି ଚୁମ୍ବକଗୁଡ଼ିକ ବୈଦ୍ୟୁତିକ ଯାନଠାରୁ ପ୍ରତିରକ୍ଷା କ୍ଷେତ୍ର ପର୍ଯ୍ୟନ୍ତ ସବୁଥିରେ ବ୍ୟବହୃତ ହୁଏ। ଏପର୍ଯ୍ୟନ୍ତ, ଭାରତ ଏହି ଚୁମ୍ବକଗୁଡ଼ିକୁ ବ୍ୟାପକ ଭାବରେ ଆମଦାନୀ କରିଆସୁଛି, କିନ୍ତୁ ବର୍ତ୍ତମାନ ସରକାର ସେଗୁଡ଼ିକୁ ଭାରତରେ ଉତ୍ପାଦନ କରିବା ଦିଗରେ ଏକ ବଡ଼ ପଦକ୍ଷେପ ନେଉଛନ୍ତି। ସରକାର ଏହି ଯୋଜନା ପାଇଁ ମୋଟ ୭,୨୮୦ କୋଟି ଟଙ୍କା ବଜେଟ୍ ବ୍ୟୟବରାଦ କରିଛନ୍ତି। କମ୍ପାନୀଗୁଡ଼ିକୁ ୭୫୦ କୋଟି ଟଙ୍କା ପର୍ଯ୍ୟନ୍ତ ପୁଞ୍ଜି ସହାୟତା ଏବଂ ୬,୪୫୦ କୋଟି ଟଙ୍କା ବିକ୍ରୟ-ସମ୍ବନ୍ଧୀୟ ପ୍ରୋତ୍ସାହନ ମିଳିବ। IREL ଲିମିଟେଡ୍…
ଭୁବନେଶ୍ଵର: ମାର୍ଚ୍ଚ ୨୦ ତାରିଖକୁ ଓଡିଶାରେ ପଖାଳ ଦିବସ ଭାବେ ପାଳନ କରାଯାଏ। ଏହି ଅବସରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ମୁଖ୍ୟମନ୍ତ୍ରୀ କହିଛନ୍ତି ଯେ, “ପଖାଳ କେବଳ ଏକ ସ୍ୱାଦିଷ୍ଟ ଖାଦ୍ୟ ନୁହେଁ, ଏହା ଆମ ମାଟିର ବାସ୍ନା, ଆମ ପରମ୍ପରାର ଗୌରବ ଏବଂ ଓଡ଼ିଆ ଜୀବନଶୈଳୀର ଏକ ଅଭିନ୍ନ ଅଙ୍ଗ। ଆଜି ‘ପଖାଳ ଦିବସ’ ଅବସରରେ ସମସ୍ତ ଓଡ଼ିଶାବାସୀ ଓ ବିଶ୍ୱର କୋଣ ଅନୁକୋଣରେ ରହୁଥିବା ଓଡ଼ିଆ ଭାଇଭଉଣୀମାନଙ୍କୁ ଅନେକ ଅନେକ ଶୁଭେଚ୍ଛା ଓ ଶୁଭକାମନା। ଆସନ୍ତୁ, ଆମର ଏହି ପାରମ୍ପରିକ ଖାଦ୍ୟର ଗୌରବକୁ ଅକ୍ଷୁର୍ଣ୍ଣ ରଖିବା ସହ ଓଡ଼ିଆ ଅସ୍ମିତାକୁ ବିଶ୍ୱ ଦରବାରରେ ସୁଦୃଢ଼ କରିବା।”
ନୂଆଦିଲ୍ଲୀ: ସାରା ଦେଶରେ ଆଜି ସୁନା ଏବଂ ରୂପା ମୂଲ୍ୟରେ ତୀବ୍ର ବୃଦ୍ଧି ଘଟିଛି। ଲଗାତାର ଦୁଇ ଦିନ ଧରି ୭୮,୦୦୦ ଟଙ୍କା ପର୍ଯ୍ୟନ୍ତ ହ୍ରାସ ପାଇବା ପରେ, ଆଜି ୧୦୦ ଗ୍ରାମ ୨୪ କ୍ୟାରେଟ୍ ସୁନାର ମୂଲ୍ୟ ୬,୫୦୦ ଟଙ୍କା ପର୍ଯ୍ୟନ୍ତ ବୃଦ୍ଧି ପାଇଛି। ଆଜି ମୂଲ୍ୟ କେତେ ବୃଦ୍ଧି ପାଇଛି?: ୨୪ କ୍ୟାରେଟ୍ ସୁନାର ମୂଲ୍ୟ ୬,୫୦୦ ଟଙ୍କା ବୃଦ୍ଧି ପାଇ ୧୦୦ ଗ୍ରାମ ପ୍ରତି ୧୫ ଲକ୍ଷ ୯ ହଜାର ୩୦୦ ଟଙ୍କା ଅର୍ଥାତ ପ୍ରତି ୧୦ ଗ୍ରାମକୁ ୬୫୦ ଟଙ୍କା ବୃଦ୍ଧି ପାଇ ୧ ଲକ୍ଷ ୫୦ ହଜାର ୯୩୦ ଟଙ୍କାରେ ପହଞ୍ଚିଛି। ଏହି ବୃଦ୍ଧି ୧୯ ମାର୍ଚ୍ଚରେ ପ୍ରତି ୧୦ ଗ୍ରାମ ପାଇଁ ଯଥାକ୍ରମେ ୭,୧୪୦ ଟଙ୍କା ଏବଂ ପ୍ରତି ୧୦୦ ଗ୍ରାମ ପାଇଁ ୭୧,୪୦୦ ଟଙ୍କା ହ୍ରାସ ପରେ ହୋଇଥିଲା। ଏହା ପୂର୍ବରୁ ୧୦ ଗ୍ରାମ ଏବଂ ୧୦୦ ଗ୍ରାମ ସୁନାର ମୂଲ୍ୟ…
ନୂଆଦିଲ୍ଲୀ: କେରଳରେ ବିଜେପିର ପ୍ରଦର୍ଶନ ବିଷୟରେ ଶଶି ଥରୁର ଏକ ସାହସିକ ଭବିଷ୍ୟବାଣୀ କରିଛନ୍ତି। ଆଗାମୀ ବିଧାନସଭା ନିର୍ବାଚନ ସମ୍ପର୍କରେ ଥରୁର କହିଛନ୍ତି ଯେ, ରାଜ୍ୟରେ ବିଜେପିର କୌଣସି ପ୍ରଭାବ ନାହିଁ, କିମ୍ବା ସରକାର ଗଠନରେ ଏହାର ଗୁରୁତ୍ୱପୂର୍ଣ୍ଣ ଭୂମିକା ନାହିଁ। ଯଦି ସେମାନେ ଏହି ନିର୍ବାଚନରେ ନିଜର ଖାତା ଖୋଲିବେ ତେବେ ଏହା ଯଥେଷ୍ଟ ହେବ। ପିଟିଆଇ ସହିତ ଏକ ସାକ୍ଷାତକାରରେ ସେ କହିଛନ୍ତି ଯେ, ରାଜ୍ୟରେ ପ୍ରତିଦ୍ୱନ୍ଦ୍ୱିତା ବାମ ଗଣତାନ୍ତ୍ରିକ ମୋର୍ଚ୍ଚା (ଏଲଡିଏଫ) ଏବଂ ସଂଯୁକ୍ତ ଗଣତାନ୍ତ୍ରିକ ମୋର୍ଚ୍ଚା (ୟୁଡିଏଫ) ମଧ୍ୟରେ ହେବ। ଏହା ତ୍ରିମୁଖୀ ପ୍ରତିଯୋଗିତା ନୁହେଁ। ବିଧାନସଭାରେ ବିଜେପିର ଗୋଟିଏ ବି ଆସନ ନାହିଁ। ଯଦି ସେମାନେ ଗୋଟିଏ, ଦୁଇଟି କିମ୍ବା ତିନୋଟି ଆସନ ଜିତିବେ, ତେବେ ସେ ବିଜେପି ଉପରେ ଅତ୍ୟନ୍ତ ଗର୍ବିତ ଏବଂ ଖୁସି ହେବେ। ସେ ନିଜକୁ ଏକ ବଡ଼ ବିଜୟର ଶ୍ରେୟ ଦେବେ। ଏହା ବିଜେପିର ସ୍ଥିତି। ଶଶି ଥରୁର…
ନୂଆଦିଲ୍ଲୀ: ଆଦିତ୍ୟ ଧରଙ୍କ ନିର୍ଦ୍ଦେଶିତ ‘ଧୁରନ୍ଧର: ଦ ରିଭେଞ୍ଜ’ ବକ୍ସ ଅଫିସରେ ଏକ ମଜବୁତ ଆରମ୍ଭ କରିଛି। ପେଡ୍ ପ୍ରିଭ୍ୟୁରେ ୪୩ କୋଟି ଟଙ୍କା ରୋଜଗାର କରି ଏହି ଫିଲ୍ମଟି ପୂର୍ବରୁ ଚର୍ଚ୍ଚା ସୃଷ୍ଟି କରିଥିଲା, ଯାହା ଫଳରେ ରଣବୀର ସିଂହଙ୍କ ଅଭିନୀତ ସ୍ପାଇ ଆକ୍ସନ୍ ଡ୍ରାମା ଏହାର ପ୍ରଥମ ଦିନରେ ଇତିହାସ ସୃଷ୍ଟି କରିଥିଲା ଏବଂ ବଲିଉଡର ସବୁଠାରୁ ବଡ଼ ଓପନିଂ ପାଇଁ ରେକର୍ଡ ସ୍ଥାପନ କରିଥିଲା। ଫିଲ୍ମଟି ଏବେ ଦ୍ୱିତୀୟ ଦିନରେ ମଧ୍ୟ ସୁନ୍ଦର ପ୍ରତିକ୍ରିୟା ପାଉଛି। ଆସନ୍ତୁ ଜାଣିବା ‘ଧୁରନ୍ଧର: ଦ ରିଭେଞ୍ଜ’ କିମ୍ବା ‘ଧୁରନ୍ଧର ୨’ର ଦ୍ୱିତୀୟ ଦିନର କଲେକ୍ସନ ଏବଂ ଅକୁପାନ୍ସି ବିଷୟରେ। ‘ଧୁରନ୍ଧର ୨’ ପ୍ରଥମ ଦିନ କେତେ ରୋଜଗାର କରିଥିଲା?: ‘ଧୁରନ୍ଧର: ଦି ରିଭେଞ୍ଜ’ ବକ୍ସ ଅଫିସରେ ଏକ ବମ୍ପର ଆରମ୍ଭ କରିଛି। ଏହା ମୁକ୍ତିଲାଭ କରିବାର ପ୍ରଥମ ଦିନ ଅପରାହ୍ନ ସୁଦ୍ଧା ଅନେକ ବଡ଼ ରେକର୍ଡ ଭାଙ୍ଗିଛି। ଫିଲ୍ମର କଲେକ୍ସନ…
ନୂଆଦିଲ୍ଲୀ: ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧ ଆଉ କେବଳ ତେଲ ଏବଂ ଗ୍ୟାସ ପର୍ଯ୍ୟନ୍ତ ସୀମିତ ନୁହେଁ। ଇରାନ ହର୍ମୁଜ୍ ପ୍ରଣାଳୀ ଦେଇ ଶକ୍ତି ଯୋଗାଣ ବାଧାପ୍ରାପ୍ତ କରିଛି, ଯାହା ପୂର୍ବରୁ ଏକ ବିଶ୍ୱ ସଙ୍କଟ ସୃଷ୍ଟି କରିଛି। ବର୍ତ୍ତମାନ, ଏହି ରୁଟ୍ ଦେଇ ଚାଲୁଥିବା ସମୁଦ୍ର ତଳ ଇଣ୍ଟରନେଟ୍ କେବୁଲ୍ ପାଇଁ ବିପଦ ମଧ୍ୟ ବୃଦ୍ଧି ପାଇଛି। ଏହି କେବୁଲ୍ ଗୁଡିକର କ୍ଷତି କେବଳ ଇଣ୍ଟରନେଟ୍ ନୁହେଁ ବରଂ ବ୍ୟାଙ୍କିଙ୍ଗ, ଡିଜିଟାଲ୍ ପେମେଣ୍ଟ, ଅନଲାଇନ୍ କାରବାର ଏବଂ ଏଆଇ ସେବା ଉପରେ ମଧ୍ୟ ପ୍ରଭାବ ପକାଇପାରେ। ଏହା ଭାରତ ସମେତ ସମଗ୍ର ବିଶ୍ୱକୁ ପ୍ରଭାବିତ କରିବ। ସୂଚନା ଅନୁଯାୟୀ, ଦୁଇଟି କ୍ଷେତ୍ର ସବୁଠାରୁ ଅଧିକ ବିପଦରେ ଅଛି: ଲୋହିତ ସାଗରରେ ଅବସ୍ଥିତ ହରମୁଜ୍ ପ୍ରଣାଳୀ ଏବଂ ବାବ୍ ଅଲ୍-ମଣ୍ଡେବ୍ ପ୍ରଣାଳୀ। ଏହି ଉଭୟ ରାସ୍ତା ତଳେ ଫାଇବର ଅପ୍ଟିକ୍ କେବୁଲ୍ ର ଏକ ବଡ଼ ନେଟୱାର୍କ ରହିଛି। ଦାବି କରାଯାଉଛି ଯେ,…
ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ସୋରଡ଼ା ଥାନା ଅର୍ନ୍ତଗତ ପାଟପଲୀ ବାଉଁଶୀଆ ଛକରେ ଏକ ମର୍ମନ୍ତୁଦ ଦୁର୍ଘଟଣା ଘଟିଯାଇଛି। ଯେଉଁଥିରେ ୩ ଜଣ ଯୁବକ ମୃତ୍ୟୁ ବରଣ କରିଛନ୍ତି। ମୃତ ଯୁବକମାନେ କୌଣସି କାର୍ଯ୍ୟ ସାରି ସୋରଡ଼ାରୁ ନିଜ ଗ୍ରାମ ମାଣିଆକାଠିକୁ ବୁଲେଟ୍ ମୋଟରସାଇକେଲ ଯୋଗେ ଫେରୁଥିବା ବେଳେ ଭାରସାମ୍ୟ ହରାଇ ଯାତ୍ରୀବାହୀ ବସ୍ “ଲକ୍ଷ୍ମୀ” ସହ ମୁହାଁମୁହିଁ ଧକ୍କା ଫଳରେ ବସ୍ ଚକା ତଳେ ଚାପି ହୋଇଯାଇଥିଲେ। ଘଟଣାସ୍ଥଳରେ ହିଁ ସେମାନଙ୍କର ମୃତ୍ୟୁ ଘଟିଥିଲା। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ ଉଭୟ ଗାଡ଼ି କୁ ଜବତ କରି ମୃତ ଯୁବକଙ୍କ ଶବ ବ୍ୟବଚ୍ଛେଦ ପାଇଁ ପଠାଇ ଘଟଣା ର ତଦନ୍ତ ଆରମ୍ଭ କରିଛନ୍ତି।
ଡଃ ପ୍ରକାଶ ତ୍ରିପାଠୀ ମାତା ବ୍ରହ୍ମଚାରିଣୀଙ୍କୁ ଜ୍ଞାନ, ତପସ୍ୟା ଏବଂ ଅନାସକ୍ତତାର ଦେବୀ ଭାବରେ ବିବେଚନା କରାଯାଏ। ବ୍ରହ୍ମ ଅର୍ଥ ତପସ୍ୟା, ଏବଂ ଚାରିଣି ଅର୍ଥ ହେଉଛି ଏହାକୁ ପାଳନ କରୁଥିବା ବ୍ୟକ୍ତି। ଆମେ କଠୋର ତପସ୍ୟା ଏବଂ ବ୍ରହ୍ମଚର୍ଯ୍ୟ ପାଳନ କରିଥିବା ମାତା ବ୍ରହ୍ମଚାରିଣୀଙ୍କୁ ଆମର ଶ୍ରଦ୍ଧାଞ୍ଜଳି ଅର୍ପଣ କରୁ। ବିଶ୍ୱାସ କରାଯାଏ ଯେ, ନବରାତ୍ରିର ଦ୍ୱିତୀୟ ଦିନରେ ମାତା ବ୍ରହ୍ମଚାରିଣୀଙ୍କୁ ପୂଜା କରିବା ଦ୍ୱାରା ଜୀବନରେ ସକାରାତ୍ମକ ଗୁଣ ଆସିଥାଏ। ନବରାତ୍ରିର ଦ୍ୱିତୀୟ ଦିନରେ ପୂଜା ପାଉଥିବା ମା’ ବ୍ରହ୍ମଚାରିଣୀଙ୍କ କଥା ହେଉଛି ତାଙ୍କର କଠୋର ତପସ୍ୟା ଏବଂ ସମର୍ପଣର କଥା। ବ୍ରହ୍ମାଙ୍କ ଅର୍ଥ “ତପସ୍ୟା”, ଏବଂ ଚାରିଣିଙ୍କ ଅର୍ଥ “ଯାହା ସାଧନ କରନ୍ତି”, ଅର୍ଥାତ୍ ତପସ୍ୟା କରୁଥିବା ଦେବୀ। ମା’ ବ୍ରହ୍ମଚାରିଣୀଙ୍କ କଥା ପୁରାଣ ଅନୁଯାୟୀ, ମା’ ବ୍ରହ୍ମଚାରିଣୀ ତାଙ୍କ ପୂର୍ବ ଜନ୍ମରେ ହିମାଳୟ ଏବଂ ମୈନାଙ୍କ କନ୍ୟା ଥିଲେ, ଯାହାଙ୍କ ନାମ ସତୀ ଥିଲା। ଋଷି…
ନୂଆଦିଲ୍ଲୀ: ଆଜି ଚୈତ୍ର ନବରାତ୍ରିର ଦ୍ୱିତୀୟ ଦିନରେ ଦେବୀ ବ୍ରହ୍ମଚାରିଣୀଙ୍କ ପୂଜା କରାଯାଏ। ଧାର୍ମିକ ବିଶ୍ୱାସ ଅନୁସାରେ, ଦେବୀ ବ୍ରହ୍ମଚାରିଣୀ ମଙ୍ଗଳଙ୍କୁ ନିୟନ୍ତ୍ରଣ କରନ୍ତି। ନବରାତ୍ରିର ଦ୍ୱିତୀୟ ଦିନରେ କିଛି ପଦକ୍ଷେପ ନେବା ଦ୍ୱାରା ମଙ୍ଗଳ ଦୋଷକୁ ଶାନ୍ତ କରିବାରେ ଏବଂ ମୁକ୍ତି ଦେବାରେ ସାହାଯ୍ୟ ମିଳିପାରେ। ଆଜି ଆମେ ଏହି ଉପଚାରଗୁଡିକ ଜାଣିବା… ନବରାତ୍ରିର ଦ୍ୱିତୀୟ ଦିନରେ ମଙ୍ଗଳ ଦୋଷରୁ ମୁକ୍ତି ପାଇବା ପାଇଁ ପ୍ରଥମେ କମଳା କିମ୍ବା କେସର ରଙ୍ଗର ପୋଷାକ ପିନ୍ଧି ଉପଯୁକ୍ତ ରୀତିନୀତି ସହିତ ଦେବୀ ବ୍ରହ୍ମଚାରିଣୀଙ୍କ ପୂଜା କରିବା ଉଚିତ। ଏହା କରିବା ଦ୍ୱାରା ଦେବୀ ବ୍ରହ୍ମଚାରିଣୀଙ୍କ ଆଶୀର୍ବାଦ ବର୍ଷା ହୁଏ ଏବଂ ମଙ୍ଗଳ ଦୋଷରୁ ମୁକ୍ତି ମିଳେ। ନବରାତ୍ରିର ଦ୍ୱିତୀୟ ଦିନରେ ଅଭାବୀ ଲୋକଙ୍କୁ ଲାଲ ମସୁରି ଡାଲି ଦାନ କରିବା ଦ୍ୱାରା ମଙ୍ଗଳଙ୍କ ନକାରାତ୍ମକ ପ୍ରଭାବ ହ୍ରାସ ପାଏ ଏବଂ ପାରିବାରିକ ଜୀବନରେ ଶାନ୍ତି ଏବଂ ସମୃଦ୍ଧି ଆସେ। ଆଜିର ଦିନଟି…
ନୂଆଦିଲ୍ଲୀ: କତର ଏନର୍ଜିର ସିଇଓ ଏବଂ ଶକ୍ତି ବ୍ୟାପାର ରାଷ୍ଟ୍ରମନ୍ତ୍ରୀ ସାଦ ଅଲ-କାବି କହିଛନ୍ତି ଯେ, ଇରାନୀ ଆକ୍ରମଣ କତରର LNG ରପ୍ତାନି କ୍ଷମତାର ପ୍ରାୟ ୧୭ ପ୍ରତିଶତ ନଷ୍ଟ କରିଛି, ଯାହା ଫଳରେ ବାର୍ଷିକ ପ୍ରାୟ ୨୦ ବିଲିୟନ ଡଲାର ରାଜସ୍ୱ କ୍ଷତି ହୋଇଛି। ଆଲ-କାବିଙ୍କ ଅନୁଯାୟୀ, ମରାମତି କାର୍ଯ୍ୟ ତିନିରୁ ପାଞ୍ଚ ବର୍ଷ ପାଇଁ ପ୍ରତିବର୍ଷ ୧୨.୮ ମିଲିୟନ ଟନ୍ ଏଲଏନଜି ଉତ୍ପାଦନକୁ ବାଧା ଦେବ, ଯାହା ଚୀନ୍ ଏବଂ ଭାରତ ସମେତ ୟୁରୋପୀୟ ଏବଂ ଏସୀୟ ଦେଶଗୁଡ଼ିକୁ ଯୋଗାଣକୁ ବିପଦରେ ପକାଇବ। ଗତ କିଛି ଦିନ ମଧ୍ୟରେ ଇରାନୀ ଆକ୍ରମଣରେ କତରର ୧୪ଟି ଏଲଏନଜି ଟ୍ରେନ ମଧ୍ୟରୁ ଅତି କମରେ ଦୁଇଟି ଏବଂ ଏହାର ଦୁଇଟି ଗ୍ୟାସ-ଟୁ-ଲିକୁଇଡ୍ (GTL) ସୁବିଧା ମଧ୍ୟରୁ ଗୋଟିଏ କ୍ଷତିଗ୍ରସ୍ତ ହୋଇଛି। କତର ଏନର୍ଜିର ସିଇଓ କ’ଣ କହିଛନ୍ତି?: ରଏଟର୍ସ କୁ ସାଦ ଅଲ-କାବି କହିଛନ୍ତି ଯେ, “ମୁଁ କେବେ କଳ୍ପନା କରି…
ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): କଳା ଓ କଳାକାର ହିତୈଷୀ ମହାମଞ୍ଚ “ବେଲଗୁଣ୍ଠା ବ୍ଲକ ବରିଷ୍ଠ କଳାକାର ସଂଘ” ପକ୍ଷରୁ ଏକ କଳାକାର ସମାବେଶ ଆୟୋଜନ ନିମନ୍ତେ ପ୍ରସ୍ତୁତି ବୈଠକ ସ୍ଥାନୀୟ ନୃସିଂହ ମନ୍ଦିର ପରିସରରେ ସଭାପତି ସୁରେନ୍ଦ୍ର ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ସମ୍ପାଦକ ରଞ୍ଜିତ କୁମାର ପାତ୍ର ସ୍ୱାଗତ ଭାଷଣ କ୍ରମରେ ଉଦ୍ଦେଶ୍ୟ ଜ୍ଞାପନ କରିଥିଲେ। ଏହି ଅବସରରେ ଚଳିତ ମାର୍ଚ୍ଚ ୨୫ ତାରିଖରେ ସମାବେଶ ବେଲଗୁଣ୍ଠା ଠାରେ ଅନୁଷ୍ଠାନ ନିମନ୍ତେ ସ୍ଥିର କରାଯାଇଥିଲା। ତଦନୁସାରେ ଉକ୍ତ ଦିନ ପୂର୍ବାହ୍ନ ନଅ ଘଟିକା ସମୟରେ ବ୍ଲକ ଛକ ଠାରୁ କଳାକାର ଶୋଭାଯାତ୍ରା ବାହାରି ବ୍ଲକ ଅଭିମୁଖେ ଯାତ୍ରା ସହ ସେଠାରେ ଉଭୟ କଳା ଓ କଳାକାରଙ୍କ ହିତ ନିମନ୍ତେ ନଅ ଦଫା ସମ୍ବଳିତ ଦାବିପତ୍ର ରାଜ୍ୟ ସରକାରଙ୍କ ଉଦ୍ଦେଶ୍ୟରେ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ପ୍ରଦାନ କରାଯିବ। ତତ୍ପରେ ନେଟଗାଁ ସ୍ଥିତ ଗୁପ୍ତେଶ୍ଵର ମନ୍ଦିର ପରିସରରେ ଏକ ସାଂସ୍କୃତିକ ସଭା…