Author: SM Network

ଭୁବନେଶ୍ଵର: ଭାରତ ସରକାରଙ୍କ ମତ୍ସ୍ୟ, ପଶୁପାଳନ ଓ ଦୁଗ୍ଧ ଉତ୍ପାଦନ ମନ୍ତ୍ରଣାଳୟର ମତ୍ସ୍ୟ ବିଭାଗ (ଡିଓଏଫ) ଓଡ଼ିଶା ସମେତ ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ୨୦୨୦-୨୧ରୁ ୨୦୨୪-୨୫ ପର୍ଯ୍ୟନ୍ତ ପାଞ୍ଚ ବର୍ଷ ପାଇଁ ପ୍ରଧାନମନ୍ତ୍ରୀ ମତ୍ସ୍ୟ ସମ୍ପଦ ଯୋଜନା (ପିଏମ୍ଏମ୍ଏସୱାଇ) କାର୍ଯ୍ୟକାରୀ କରୁଛି। ପିଏମଏମଏସୱାଇ ଅଧୀନରେ ଭାରତ ସରକାରଙ୍କ ଡିଓଏଫ, ଏମଓଏଫ୍ଏଏଚ ଆଣ୍ଡ ଡି ଗତ ଚାରି ବର୍ଷ ଏବଂ ଚଳିତ ଆର୍ଥିକ ବର୍ଷରେ ୫୧୦.୯୪ କୋଟି ଟଙ୍କାର କେନ୍ଦ୍ରୀୟ ଅଂଶ ସହିତ ୧୨୬୪.୨୩ କୋଟିର ଓଡ଼ିଶା ସରକାରଙ୍କଠାରୁ ପ୍ରାପ୍ତ ପ୍ରସ୍ତାବକୁ ଅନୁମୋଦନ କରିଛି। ଏଥିମଧ୍ୟରୁ ରାଜ୍ୟ ସରକାରଙ୍କ ଦ୍ୱାରା ଦାଖଲ କରାଯାଇଥିବା ଉପଯୋଗ ରିପୋର୍ଟ ଆଧାରରେ ଓଡ଼ିଶା ସରକାରଙ୍କୁ ଏପର୍ଯ୍ୟନ୍ତ ୨୭୧.୧୭ କୋଟି ଟଙ୍କାର କେନ୍ଦ୍ରୀୟ ଅଂଶ ପ୍ରଦାନ କରାଯାଇଛି। ଭାରତ ସରକାରଙ୍କ ଦ୍ୱାରା ବିଜ୍ଞପିତ ‘ଜାତୀୟ ସାମୁଦ୍ରିକ ମତ୍ସ୍ୟ ନୀତି, ୨୦୧୭’ରେ ସ୍ଥାୟୀତ୍ବ ସୁନିଶ୍ଚିତ କରିବା ପାଇଁ ମତ୍ସ୍ୟ ସମ୍ପଦର ସଂରକ୍ଷଣ ଏବଂ ସର୍ବୋତ୍ତମ ଉପଯୋଗର…

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ବୈଠକରେ ଆଜି ଦୁଗ୍ଧ ଉତ୍ପାଦନ କ୍ଷେତ୍ରର ବିକାଶ ପାଇଁ ସଂଶୋଧିତ ଜାତୀୟ କାର୍ଯ୍ୟକ୍ରମ (ଏନପିଡିଡି)କୁ ମଞ୍ଜୁରି ମିଳିଛି। ଏକ କେନ୍ଦ୍ରୀୟ କ୍ଷେତ୍ର ଯୋଜନା ଭାବେ ସଂଶୋଧିତ ଏନପିଡିଡିରେ ଅତିରିକ୍ତ ୧ହଜାର କୋଟି ଟଙ୍କାର ପୁଞ୍ଜି ମିଶାଇ ଏହାର ମୋଟ୍‌ ବଜେଟ୍‌ ପରିମାଣ ୨ହଜାର ୭୯୦ କୋଟି ଟଙ୍କାକୁ ବୃଦ୍ଧି କରାଯାଇଛି । ପଞ୍ଚଦଶ ଅର୍ଥ ଆୟୋଗ ଚକ୍ର ଅର୍ଥାତ୍‌ ୨୦୨୧-୨୨ରୁ ୨୦୨୫-୨୬ ମଧ୍ୟରେ ଏହି ଅର୍ଥ ବିନିଯୋଗ କରାଯିବ। ଏହି ପଦକ୍ଷେପ ଦୁଗ୍ଧ ଉତ୍ପାଦନ ଭିତ୍ତିଭୂମିର ଆଧୁନିକୀକରଣ ଏବଂ ସମ୍ପ୍ରସାରଣ ଉପରେ ଧ୍ୟାନ ଦେଇଥାଏ, ଯାହା ଏହି କ୍ଷେତ୍ରର ନିରନ୍ତର ଅଭିବୃଦ୍ଧି ଏବଂ ଉତ୍ପାଦକତା ସୁନିଶ୍ଚିତ କରିଥାଏ। ସଂଶୋଧିତ ଏନପିଡିଡି ଦୁଗ୍ଧ କ୍ରୟ, ପ୍ରକ୍ରିୟାକରଣ କ୍ଷମତା ଏବଂ ଉନ୍ନତ ମାନ ନିୟନ୍ତ୍ରଣ ପାଇଁ ଭିତ୍ତିଭୂମି ସୃଷ୍ଟି କରି ଦୁଗ୍ଧ ଉତ୍ପାଦନ କ୍ଷେତ୍ରକୁ ପ୍ରୋତ୍ସାହନ ଦେବ। ଏହାର ଉଦ୍ଦେଶ୍ୟ ହେଉଛି କୃଷକମାନଙ୍କୁ ବଜାର…

ନୂଆଦିଲ୍ଲୀ: ଲୋକସଭାରେ ପ୍ରଶ୍ନକାଳରେ ଜଣେ ସଦସ୍ୟଙ୍କ ପ୍ରଶ୍ନର ଉତ୍ତର ଦେଇ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ଯେ ପର୍ବପର୍ବାଣୀ ସମୟରେ ଯାତ୍ରୀଙ୍କ ଭିନ୍ନ ଭିନ୍ନ ଗତିବିଧି ଯୋଗୁଁ ପ୍ରତ୍ୟେକ ରେଳ ଷ୍ଟେସନରେ ନିର୍ଦ୍ଦିଷ୍ଟ ପରିଚାଳନାଗତ ଚ୍ୟାଲେଞ୍ଜ ରହିଛି। ଯାତ୍ରୀମାନଙ୍କ ସୁରକ୍ଷା ବ୍ୟବସ୍ଥା ଏବଂ ଗତିବିଧିକୁ ସୁବ୍ୟବସ୍ଥିତ କରିବା ପାଇଁ, ସରକାରୀ ରେଳ ପୋଲିସ (GRP), ସ୍ଥାନୀୟ ପୋଲିସ ଏବଂ ସ୍ଥାନୀୟ ବେସାମରିକ ପ୍ରଶାସନ ସମେତ ସମସ୍ତ ଅଂଶୀଦାରଙ୍କୁ ସାମିଲ କରି ଷ୍ଟେସନ ନିର୍ଦ୍ଦିଷ୍ଟ ଯୋଜନା ପ୍ରସ୍ତୁତ କରାଯାଏ ଏବଂ ଯାତ୍ରୀମାନଙ୍କ ଆଗମନକୁ ପରିଚାଳନା କରିବା ପାଇଁ ସେହି ଅନୁଯାୟୀ ପଦକ୍ଷେପ ନିଆଯାଇଥାଏ। ପ୍ରୟାଗରାଜରେ ମହାକୁମ୍ଭ 2025 ସମୟରେ ଯାତ୍ରୀଙ୍କ ଭିଡ଼କୁ ନିୟନ୍ତ୍ରଣ କରିବା ପାଇଁ କରାଯାଇଥିବା ବ୍ୟବସ୍ଥାର ବିସ୍ତୃତ ବିବରଣୀ ଦେଇ ସେ କହିଛନ୍ତି ଯେ ନୂତନ ଭିତ୍ତିଭୂମି ସୃଷ୍ଟି କରାଯାଇଛି, ଯେଉଁଥିରେ ସାତୋଟି ଅତିରିକ୍ତ ପ୍ଲାଟଫର୍ମ ନିର୍ମାଣ ଅନ୍ତର୍ଭୁକ୍ତ, ଯାହା ଦ୍ୱାରା ପ୍ରୟାଗରାଜ ଅଞ୍ଚଳର 9ଟି ଷ୍ଟେସନରେ ମୋଟ ପ୍ଲାଟଫର୍ମ…

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଆଜି ଅନୁଷ୍ଠିତ କେନ୍ଦ୍ର କ୍ୟାବିନେଟ୍‌ ବୈଠକରେ ୨୦୨୪-୨୫ ବର୍ଷ ପାଇଁ ‘ବ୍ୟକ୍ତିରୁ ବ୍ୟବସାୟୀଙ୍କୁ (ପିଟୁଏମ) କମ୍ ମୂଲ୍ୟର ଭୀମ-ୟୁପିଆଇ ନେଣଦେଣକୁ ପ୍ରୋତ୍ସାହିତ କରିବା ଲାଗି ଆର୍ଥିକ ପ୍ରୋତ୍ସାହନ ଯୋଜନା’କୁ ନିମ୍ନ ମତେ ମଞ୍ଜୁର କରାଯାଇଛି: (୧) ୧ ଏପ୍ରିଲ ୨୦୨୪ରୁ ୩୧ ମାର୍ଚ୍ଚ ୨୦୨୫ ପର୍ଯ୍ୟନ୍ତ କମ୍ ମୂଲ୍ୟର ଭୀମ-ୟୁପିଆଇ ନେଣଦେଣକୁ ପ୍ରୋତ୍ସାହିତ କରିବା ଲାଗି ଆର୍ଥିକ ପ୍ରୋତ୍ସାହନ ଯୋଜନାକୁ ଆନୁମାନିକ ୧୫ ଶହ କୋଟି ଟଙ୍କାର ବ୍ୟୟବରାଦ ସହିତ କାର୍ଯ୍ୟକାରୀ କରାଯିବ। (୨) କେବଳ କ୍ଷୁଦ୍ର ବ୍ୟବସାୟୀଙ୍କ ପାଇଁ ୨ହଜାର ଟଙ୍କା ପର୍ଯ୍ୟନ୍ତ ୟୁପିଆଇ (ପିଟୁଏମ) ନେଣଦେଣକୁ ଏହି ଯୋଜନା ଅଧୀନରେ ସାମିଲ କରାଯିବ। ବର୍ଗ କ୍ଷୁଦ୍ର ବ୍ୟବସାୟୀ ବଡ଼ ବ୍ୟବସାୟୀ ୨ହଜାର ଟଙ୍କା ପର୍ଯ୍ୟନ୍ତ ଶୂନ ଏମଡିଆର/ ଆର୍ଥିକ ପ୍ରୋତ୍ସାହନ (୦.୧୫% ହାରରେ) ଶୂନ ଏମଡିଆର / କୌଣସି ଆର୍ଥିକ ପ୍ରୋତ୍ସାହନ ନାହିଁ ୨ ହଜାର ଟଙ୍କାରୁ ଅଧିକ ଶୂନ ଏମଡିଆର…

ଖୋର୍ଦ୍ଧା: ଖୋର୍ଦ୍ଧା ଏବଂ ଏହାର ଆଖପାଖ ଅଞ୍ଚଳରେ ଖଣି ମାଫିଆଙ୍କ ପାଦୁର୍ଭାବ ଦିନକୁ ଦିନ ବୃଦ୍ଧି ପାଉଛି। ଏହାକୁ ରୋକିବା ପାଇଁ ଖୋର୍ଦ୍ଧା ଜିଲ୍ଲା ପୋଲିସ, ଖଣି ବିଭାଗ, ପରିବହନ ବିଭାଗ ଦ୍ଵାରା ମିଳିତ ଚଢ଼ାଉ କରାଯାଇଛି। ଖୋର୍ଦ୍ଧାରେ ଖଣି ଖଦାନ ଉପରେ ବଡ ଧରଣର ଚଢଉ କରାଯାଇଛି। ଖୋର୍ଦ୍ଧା ଜିଲ୍ଲା ମିଳିତ ଟ୍ରାକ୍ସ ଫୋର୍ସ ଆଦର୍ଶ ଥାନା ଅନ୍ତର୍ଗତ ଶରଧାପୁର ଅଞ୍ଚଳରେ ଚଢ଼ାଉ କରି ୩୦ ରୁ ଊର୍ଦ୍ଧ୍ବ ଗାଡି ଏବଂ ୧୦ ରୁ ଉର୍ଦ୍ଧ୍ଵ ବାଇକ ଜବତ କରିଛି। ଏଥିରେ ୫ ଟି ହାଇୱା, ୨ ଟି ଜେସିବି, ୯ଟି ୪୦୭, ଟ୍ରାକ୍ଟର ୭ ଟି, ବାଇକ-୧୦ ଟି ଏବଂ ପାୱାର ଟିଲର -୮ଟିକୁ ଜବତ କରିଛି। ଆଗାମୀ ଦିନରେ ଏହିପରି ବେଆଇନ ପଥର ଖଣି ଉପରେ ଚଢ଼ାଉ ଜାରି ରହିବ ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି।

ନୂଆଦିଲ୍ଲୀ: କେନ୍ଦ୍ର ରେଳ, ସୂଚନା ଓ ପ୍ରସାରଣ ଏବଂ ଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରୀ ଅଶ୍ୱିନୀ ବୈଷ୍ଣବ ଲୋକସଭାରେ ଏକ ପ୍ରଶ୍ନର ଉତ୍ତର ଦେଇ ବରିଷ୍ଠ ନାଗରିକ, ମହିଳା ଏବଂ ଦିବ୍ୟାଙ୍ଗଜନ ବ୍ୟକ୍ତିଙ୍କ ପାଇଁ ତଳ ବର୍ଥ ଉପଲବ୍ଧ ର ସ୍ୱତନ୍ତ୍ର ବ୍ୟବସ୍ଥା କରାଇବା ପାଇଁ ଭାରତୀୟ ରେଳବାଇର ଚାଲୁରହିଥିବା ପ୍ରୟାସ ଉପରେ ଆଲୋକପାତ କରିଛନ୍ତି। ବରିଷ୍ଠ ନାଗରିକ, 45 ବର୍ଷ ଏବଂ ତଦୁର୍ଦ୍ଧ ବୟସର ମହିଳା ଯାତ୍ରୀ ଏବଂ ଗର୍ଭବତୀ ମହିଳାଙ୍କୁ ଉପଲବ୍ଧତା ଉପରେ ସ୍ୱୟଂଚାଳିତ ଭାବରେ ତଳ ବର୍ଥ ଆବଣ୍ଟନ କରାଯାଏ, ଯଦିଓ ବୁକିଂ ସମୟରେ କୌଣସି ନିର୍ଦ୍ଦିଷ୍ଟ ପସନ୍ଦ ସୂଚିତ କରାଯାଇ ନଥାଏ। * ସ୍ଲିପର କ୍ଲାସରେ ପ୍ରତି କୋଚରେ ଛଅ ରୁ ସାତଟି ତଳ ବର୍ଥର ଏକ ସମର୍ପିତ କୋଟା। * ଏସି-3 ଟାୟାର (3AC) ରେ ପ୍ରତି କୋଚ୍ ପାଇଁ ଚାରିରୁ ପାଞ୍ଚଟି ତଳ ବର୍ଥ। * ଏସି-2 ଟାୟାର (2AC) ରେ…

କେନ୍ଦ୍ରାପଡା: ”ଦୋଳେଚ ଦୋଳ ଗୋବିନ୍ଦ , ଚାପେଚ ମଧୁସୁଦନ, ରଥେତୁ ବାମନଂ ଦୃଷ୍ଟ୍ୱା ପୁନଃର୍ଜନ୍ମ ନ ବିଦ୍ୟତେ।” ଆଦି ଶଂକରଙ୍କ ବିରଚିତ ଏହି ପବିତ୍ର ବାକ୍ୟଟି ଉତ୍କଳୀୟ ପରମ୍ପରାର ମହାନତାକୁ ପ୍ରତିପାଦିତ କରେ। ଅର୍ଥାତ ଦୋଳରେ ଦୋଳଗୋବିନ୍ଦ, ଚାପଖେଳରେ ମଧୁସୁଦନ, ରଥରେ ବାମନ ସ୍ୱରୁପ ଶ୍ରୀଜଗନ୍ନାଥକୁ ଦର୍ଶନ କଲେ ଶ୍ରଦ୍ଧାଳୁ ଜନ୍ମଜନ୍ମାନ୍ତର ପିଡାରୁ ମୁକ୍ତି ଲଭିଥାଏ। ଓଡିଆର ପରମ୍ପରାରେ ୧୨ ଯାତ୍ରା ୧୩ ପର୍ବ ମଧ୍ୟରୁ ଦୋଳଯାତ୍ରା ଅନ୍ୟତମ। ଉତ୍କଳୀୟ ପରମ୍ପରାରେ ଏହି ଦୋଳଯାତ୍ରାର ସ୍ୱାତ୍ୟନ୍ତ୍ରତା ବଜାୟ ରହିଛି। ଏହି ପରପ୍ରେକ୍ଷୀରେ ଶ୍ରୀଜଗନ୍ନାଥଙ୍କ ଅଗ୍ରଜ ଭ୍ରାତା ତୁଳସୀକ୍ଷେତ୍ରର ଆରାଧ୍ୟ ଦେବତା ଶ୍ରୀ ବଳଦେବଜୀଉଙ୍କ କ୍ଷେତ୍ର କେନ୍ଦ୍ରାପଡାରେ ଭିନ୍ନ ଏକ ଦୋଳଯାତ୍ରା ପରମ୍ପରାରେ ଦୋଳଯାତ୍ରା ବା ଛାମୁମେଳଣ ଅନୁଷ୍ଠିତ ହୋଇଥାଏ। ଏହାକୁ କୁହାଯାଏ ପଂଚୁଦୋଳ। ସାରା ରାଜ୍ୟରେ ଗୋଟିଏ ଦିବସରେ ହୋଲି ଖେଳ ଅନୁଷ୍ଠିତ ହେଉଥିବା ବେଳେ ତୁଲଶୀକ୍ଷେତ୍ର କେନ୍ଦ୍ରାପଡାରେ ଛାମୁମେଳଣ ଅର୍ଥାତ ଆଜିର ଦିବସରେ ହୋଲିଖେଳ ଅନୁଷ୍ଠିତ ହୋଇଥାଏ। କିମ୍ବଦନ୍ତୀ ଅନୁଯାୟୀ…

ମୁମ୍ବାଇ: ମହାରାଷ୍ଟ୍ରର ନାଗପୁରରେ ହୋଇଥିବା ହିଂସା ଘଟଣାର ମାଷ୍ଟରମାଇଣ୍ଡ ଭାବେ ବିବେଚିତ ହୋଇଥିବା ଫହିମ ଶମିମ ଖାନଙ୍କୁ ପୋଲିସ ଗିରଫ କରିଛି। ମାର୍ଚ୍ଚ ୨୧ ତାରିଖ ପର୍ଯ୍ୟନ୍ତ ସେ ପୋଲିସ ହେପାଜତରେ ଅଛନ୍ତି। ଫହିମ ଖାନ ସଂଖ୍ୟାଲଘୁ ଗଣତାନ୍ତ୍ରିକ ପାର୍ଟିର (MDP) ସହରର ସଭାପତି ଅଟନ୍ତି। ସେ ମଧ୍ୟ ନାଗପୁରରୁ ଲୋକସଭା ଏବଂ ବିଧାନସଭା ନିର୍ବାଚନରେ ​​କେନ୍ଦ୍ର ମନ୍ତ୍ରୀ ତଥା ବରିଷ୍ଠ ବିଜେପି ନେତା ନିତିନ ଗଡକରୀଙ୍କ ବିରୋଧରେ ପ୍ରତିଦ୍ୱନ୍ଦ୍ୱିତା କରିଛନ୍ତି। ଉଭୟ ନିର୍ବାଚନରେ ​​ତାଙ୍କୁ ପରାଜୟ ମିଳିଛି। ପୋଲିସ୍ ଏଫ୍ଆଇଆରରେ ଫହିମଙ୍କ ନାମ ଅନ୍ୟ ଲୋକଙ୍କ ନାମ ସହିତ ଅଭିଯୁକ୍ତ ତାଲିକାରେ ଅଛି। ଅଭିଯୋଗ ହୋଇଛି ଯେ, ସେ ପ୍ରଥମେ ପୋଲିସ ଷ୍ଟେସନରେ ପହଞ୍ଚି ବଜରଙ୍ଗ ଦଳ ବିରୋଧରେ ଅଭିଯୋଗ କରିଥିଲେ ଏବଂ ଲୋକଙ୍କୁ ଉତ୍ତେଜିତ କରିଥିଲେ। ନାଗପୁର ପୋଲିସ କ’ଣ କହିଲା?: ନାଗପୁର ପୋଲିସ କମିଶନର ରବିନ୍ଦ୍ର ସିଂହଲ ଫହିମ ଖାନଙ୍କ ସମ୍ପର୍କରେ କହିଛନ୍ତି ଯେ, ହିଂସା ଘଟଣାରେ…

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଦିଗପହଣ୍ଡି ଥାନା ଅର୍ନ୍ତଗତ କଇଠଖଣ୍ଡି ଛକରେ ନୀଳକଣ୍ଠ ନାମକ ବସ୍ ଧକ୍କାରେ ମୋଟରସାଇକେଲ ଆରୋହୀ ତଥା ପ୍ରଧାନଶିକ୍ଷକ ଭାବେ କାର୍ଯ୍ୟରତ କୁରେଶ ପାତ୍ରଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ମୃତ ପ୍ରଧାନଶିକ୍ଷକ ମଧୁବନ ବିଦ୍ୟାଳୟରେ ପ୍ରଧାନଶିକ୍ଷକ ଭାବେ କାର୍ଯ୍ୟରତ ଅଟନ୍ତି। ତାଙ୍କ ଘର ନୁଆଗଡ ବୋଲି ଜଣାପଡିଛି। ସେ ବଜାର କାମ ସାରି ଫେରୁଥିବାବେଳେ ଏହି ଭଳି ଦୁର୍ଘଟଣାର ସମ୍ମୁଖୀନ ହୋଇଛନ୍ତି। ପୋଲିସ ଘଟଣାସ୍ଥଳରେ ପହଞ୍ଚି ବସ୍ ଓ ମୋଟରସାଇକେଲକୁ ଜବତ କରି ମୃତ ଶରୀରକୁ ବ୍ୟବଚ୍ଛେଦ ପାଇଁ ଡାକ୍ତରଖାନାକୁ ପଠାଇ ଘଟଣାର ତଦନ୍ତ ଆରମ୍ଭ କରିଛି।

ନୂଆଦିଲ୍ଲୀ: ରୁଷ-ୟୁକ୍ରେନ ଯୁଦ୍ଧ ସମୟରେ ଭାରତର ନିରପେକ୍ଷ ନୀତି ଉପରେ କଂଗ୍ରେସ ସାଂସଦ ଶଶି ଥରୁର ବର୍ତ୍ତମାନ ଏକ ନୂତନ ପ୍ରତିକ୍ରିୟା ଦେଇଛନ୍ତି। ସେ ସ୍ଵୀକାର କରିଛନ୍ତି ଯେ, ଭାରତର ନୀତି ସମ୍ବନ୍ଧରେ ତାଙ୍କର ପୂର୍ବ ସମାଲୋଚନା ଭୁଲ ପ୍ରମାଣିତ ହୋଇଛି ଏବଂ ଆଜିର ପରିସ୍ଥିତିରେ ଏହି ନୀତି ସଫଳ ହୋଇଥିବା ଜଣାପଡିଛି। ସେ କହିଛନ୍ତି ଯେ, ‘ମୁଁ ତଥାପି ମୋ ମୁହଁରେ ଥିବା ଦାଗକୁ ଲିଭାଇ ଦେଉଛି, କାରଣ ଫେବୃଆରୀ ୨୦୨୨ ରେ ସଂସଦୀୟ ବିତର୍କରେ ମୁଁ ଏକମାତ୍ର ବ୍ୟକ୍ତି ଯିଏକି ଆନ୍ତର୍ଜାତୀୟ ଚାର୍ଟର ଏବଂ ସିଦ୍ଧାନ୍ତର ଉଲ୍ଲଂଘନ ଆଧାରରେ ଭାରତୀୟ ସ୍ଥିତିକୁ ସମାଲୋଚନା କରିଥିଲେ।’ ରାଇସିନା ସଂଳାପ ବିଷୟରେ ଶଶି ଥରୁର କହିଛନ୍ତି ଯେ, ଯେତେବେଳେ ରୁଷ-ୟୁକ୍ରେନ ଯୁଦ୍ଧ ଆରମ୍ଭ ହେଲା ସେତେବେଳେ ସେ ଭାରତର ଆଭିମୁଖ୍ୟକୁ ସମାଲୋଚନା କରି ଏହାକୁ ଆନ୍ତର୍ଜାତୀୟ ଚାର୍ଟର ଏବଂ ନୀତିର ଉଲ୍ଲଂଘନ ବୋଲି କହିଥିଲେ। କିନ୍ତୁ ବର୍ତ୍ତମାନ ତିନି ବର୍ଷ ପରେ…

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତୀୟ ବଂଶୋଦ୍ଭବ ମହାକାଶଚାରୀ ସୁନୀତା ୱିଲିୟମ୍ସଙ୍କ ସମେତ କ୍ରୁ-9 ମହାକାଶଚାରୀଙ୍କ ସୁରକ୍ଷିତ ପୃଥବୀ ପ୍ରତ୍ୟାବର୍ତ୍ତନକୁ ନେଇ ସେମାନଙ୍କୁ ଅଭିନନ୍ଦନ ଜଣାଇଛନ୍ତି। ଶ୍ରୀ ମୋଦୀ କ୍ରୁ-9 ମହାକାଶ ଯାତ୍ରୀଙ୍କ ସାହସ, ଦୃଢ଼ ସଂକଳ୍ପ ଏବଂ ମହାକାଶ ଅନ୍ୱେଷଣରେ ସେମାନଙ୍କର ଯୋଗଦାନକୁ ପ୍ରଶଂସା କରିଛନ୍ତି। ଶ୍ରୀ ମୋଦୀ କହିଛନ୍ତି ଯେ ମହାକାଶ ଅନ୍ୱେଷଣର ଅର୍ଥ ହେଉଛି ମାନବ ସାମର୍ଥ୍ୟର ସୀମାକୁ ଆଗକୁ ବଢ଼ାଇବା, ସ୍ୱପ୍ନ ଦେଖିବା ଏବଂ ସେହି ସ୍ୱପ୍ନଗୁଡ଼ିକୁ ବାସ୍ତବତାରେ ପରିଣତ କରିବାର ସାହସ ରଖିବା। ସୁନୀତା ୱିଲିୟମ୍ସ ଜଣେ ପଥପ୍ରଦର୍ଶକ ଏବଂ ଆଦର୍ଶ ରୂପେ ନିଜ କ୍ୟାରିୟରରେ ଏହି ଭାବନାର ଚମତ୍କାର ଉଦାହରଣ ଦେଇଛନ୍ତି। ଏକ୍ସରେ ନିଜର ଏକ ବାର୍ତ୍ତାରେ ପ୍ରଧାନମନ୍ତ୍ରୀ କହିଛନ୍ତି; ‘‘କ୍ରୁ-9 ଆପଣମାନଙ୍କୁ ସ୍ୱାଗତ, ପୃଥିବୀବାସୀ ଆପଣଙ୍କୁ ଅପେକ୍ଷା କରି ରହିଥିଲେ। ଏହା ସେମାନଙ୍କର ଧୈର୍ଯ୍ୟ, ସାହସ ଏବଂ ଅସୀମ ମାନବୀୟ ଭାବନାର ଏକ ପରୀକ୍ଷା ରହିଥିଲା। ଅଧ୍ୟବସାୟର ବାସ୍ତବ ଅର୍ଥ କ’ଣ…

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା କୋଦଳା ସହରରେ ଦୋଳପୂର୍ଣ୍ଣିମା ଉପଲକ୍ଷେ ଗ୍ରାମର ଠାକୁରଙ୍କ ନଗର ପରିକ୍ରମା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଇତ୍ୟବସରରେ ଘଣ୍ଟ ଘଣ୍ଟା ଓ କୀର୍ତ୍ତନ କାର୍ଯ୍ୟକ୍ରମ ସହ ଆତସବାଜି ଫୁଟାଇ ଠାକୁରଙ୍କୁ ନଗର ପରିକ୍ରମା ସମୟରେ ବାଣ ବିସ୍ଫୋରଣରେ ୫ ଜଣ ଯୁବକ ଆହତ ହୋଇଥିଲେ। ଏହା ମଧ୍ୟରେ ଜୀତେନ୍ଦ୍ର ପରିଡ଼ା ନାମକ ଜଣେ ଯୁବକଙ୍କୁ ଗୁରୁତର ଆହତ ଅବସ୍ଥାରେ କୋଦଳା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। କିନ୍ତୁ ଡ଼ାକ୍ତର ତାଙ୍କୁ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ସ୍ଥାନାନ୍ତରିତ କରିଥିଲେ। ସେଠାରେ ମଧ୍ୟ ଅବସ୍ଥା ଗୁରୁତର ହେବାରୁ ତାଙ୍କୁ ଭୁବନେଶ୍ୱର ଏମ୍ସ ହସ୍ପିଟାଲକୁ ସ୍ଥାନାନ୍ତରିତ କରାଯାଇଥିଲା। କିନ୍ତୁ ଗତ ମଙ୍ଗଳବାର ରାତିରେ ଜୀତେନ୍ଦ୍ର ଜୀବନ ଯୁଦ୍ଧରେ ହାରିଯାଇଛନ୍ତି। ଜୀତେନ୍ଦ୍ରଙ୍କ ଶବକୁ ଗାଁ କୁ ଆଣି ପରିକ୍ରମା କରିବା ସହିତ ଶୋକାକୁଳ ପରିବେଶ ମଧ୍ୟରେ ପୁରୀ ସ୍ୱର୍ଗଦ୍ୱାରରେ ଗ୍ରାମବାସି ଅନ୍ତିମ ବିଦାୟ ଦେଇଛନ୍ତି। ସୁଚନା…

ନୂଆଦିଲ୍ଲୀ: ଇଶାନ କିଶନ ଆଇପିଏଲରେ ଅନେକ ଥର ଚମତ୍କାର ପ୍ରଦର୍ଶନ କରିଛନ୍ତି। ସେ ମୁମ୍ବାଇ ଇଣ୍ଡିଆନ୍ସର ଜଣେ ଶକ୍ତିଶାଳୀ ବ୍ୟାଟ୍ସମ୍ୟାନ୍ ହୋଇସାରିଛନ୍ତି। କିନ୍ତୁ ବର୍ତ୍ତମାନ ଇଶାନଙ୍କ ଦଳ ବଦଳି ଯାଇଛି। ତାଙ୍କୁ ଆଇପିଏଲ୍ 2025 ରେ ସନରାଇଜର୍ସ ହାଇଦ୍ରାବାଦ ପାଇଁ ଖେଳୁଥିବା ଦେଖିବାକୁ ମିଳିବ। ତାଙ୍କୁ ହାଇଦ୍ରାବାଦ ମେଗା ନିଲାମରେ 11.40 କୋଟିରେ କିଣିଥିଲା। ନିକଟରେ ଇଶାନ ହାଇଦ୍ରାବାଦର ଅଭ୍ୟାସ ମ୍ୟାଚରେ ଭାଗ ନେଇଥିଲେ। ଏହି ସମୟ ମଧ୍ୟରେ ସେ ଆଶ୍ଚର୍ଯ୍ୟଜନକ ଭାବେ ବ୍ୟାଟିଂ କରିଥିଲେ। ନିକଟରେ ସନରାଇଜର୍ସ ହାଇଦ୍ରାବାଦ ଇଣ୍ଟ୍ରା ସ୍କ୍ୱାଡ୍ ମ୍ୟାଚ୍ ଆୟୋଜନ କରିଥିଲା। ଏହି ସମୟ ମଧ୍ୟରେ ଇଶାନ୍ କିଷାନ୍ ତିନୋଟି ବିସ୍ଫୋରକ ଅର୍ଦ୍ଧଶତକ ହାସଲ କରିଥିଲେ। ସେ ଏକ ଇନିଂସରେ 33 ବଲର ସମ୍ମୁଖୀନ ହୋଇ 64 ରନ ସ୍କୋର କରିଥିଲେ। ଦ୍ୱିତୀୟ ଇନିଂସରେ ମାତ୍ର 30 ବଲ ସମ୍ମୁଖୀନ ହୋଇଥିବାବେଳେ ସେ 70 ରନ୍ ସଂଗ୍ରହ କରିଥିଲେ। ତୃତୀୟ ମ୍ୟାଚରେ ଇଶାନ କିଶନ 19…

ଭୁବନେଶ୍ଵର: ମୁଖ୍ୟମନ୍ତ୍ରୀ ଜନଜାତି ଜୀବିକା ମିଶନ ଯୋଜନା ପକ୍ଷରୁ ଚାଷୀଙ୍କୁ ପାଣି ପମ୍ପ ପ୍ରଦାନ କରାଯାଇଛି। ନବରଙ୍ଗପୁର ସମନ୍ବିତ ଆଦିବାସୀ ଉନ୍ନୟନ ସଂସ୍ଥା ପ୍ରକଳ୍ପ ପ୍ରଶାସକ ରଜୀବ କୁମାର ସାହୁ ଯୋଗ ଦେଇ ନବରଙ୍ଗପୁର, ନନ୍ଦାହାଣ୍ଡି, ପାପଡ଼ାହାଣ୍ଡି, ତେନ୍ତୁଳିଖୁଣ୍ଟି, ଡାବୁଗାଁ ଏବଂ କୋଷାଗୁମୁଡ଼ା ବ୍ଲକ ଜନଜାତି ଜୀବିକା ପରିଷଦ ଦ୍ବାରା ମନୋନୀତ ୧୩୦ ଜଣ ହିତାଧିକାରୀଙ୍କୁ ପମ୍ପସେଟ୍ ବାଣ୍ଟିଥିଲେ। ଏହି ଯୋଜନା ଅଧୀନ ଚଳିତ ବର୍ଷ ଜିଲ୍ଲାରେ ୨୫୦ ପମ୍ପସେଟ ଯୋଗାଇବା ଲକ୍ଷ୍ୟ ରହିଛି। ପମ୍ପସେଟ୍ ମୂଲ୍ୟ ୨୩ ହଜାର ୧୪୫ ଟଙ୍କା। ଆଇଟିଡିଏ ପକ୍ଷରୁ ପ୍ରତି ପମ୍ପସେଟ ପିଛା ସହାୟତା ରାଶି ମୁଖ୍ୟମନ୍ତ୍ରୀ ଜନଜାତି ଜୀବିକା ପିଶନ ୨୦୦୦୦ ଟଙ୍କା ରହିଛି। ସେହି ହିସାବରେ ପ୍ରତି ହିତାଧିକାରୀଙ୍କୁ ମାତ୍ର ୩୧୪୫ ଟଙ୍କା ପୈଠ କରିବାକୁ ପଡ଼ୁଛି। ଆଇଟିଡିଏ ନବରଙ୍ଗପୁର ମୁଖ୍ୟମନ୍ତ୍ରୀ ଜନଜାତି ଜୀବିକା ମିଶନ ଯୋଜନା ଯୋଜନା ମାଧ୍ୟମରେ ଜିଲାର ୧୯୪ ରାଜସ୍ବ ଗ୍ରାମରେ ଆଦିବାସୀମାନଙ୍କ ସାମୂହିକ ବିକାଶ ପାଇଁ…

ଭୁବନେଶ୍ଵର: ଶାକ୍ତ ସଂସ୍କୃତିର ମାଟି ସୁବର୍ଣ୍ଣପୁର ଜିଲ୍ଲାର ଶତାଧିକ ଦେବୀପୀଠରେ ଚୈତର ବାସନ୍ତିକ ପର୍ବ ଆଜିଠୁ ଆରମ୍ଭ ହୋଇଯାଇଛି। ଅଧିଷ୍ଠାତ୍ରୀ ଦେବୀ ସୁରେଶ୍ୱରୀଙ୍କ ସମେତ କୋଶଳେଶ୍ୱରୀ, ଚରଦେଇ, ରାମଚଣ୍ଡୀ ଓ ମା’ମେଟାକାନୀ ପରି ଦେବୀ ମନ୍ଦିର ଗୁଡିକରେ ମଙ୍ଗଳବାର ସକାଳୁ ଶ୍ରଦ୍ଧାଳୁଙ୍କ ସମାଗମ ହୋଇଛି। ଚୈତର ପ୍ରଥମ ମଙ୍ଗଳବାରରେ ଦେବୀଙ୍କ ଦିବ୍ୟସ୍ନାନ ସହ ନୈବେଦ୍ୟ, ଆଳତୀ ଓ ବାସନ୍ତିକ ଭୋଗ ଅର୍ପଣ ହୋଇଛି। ଅନେକ ଦେବୀପୀଠରେ ଚଣ୍ଡୀପାଠ ଓ ହୋମଯଜ୍ଞ ଆୟୋଜିତ ହୋଇଥିବାବେଳେ ପ୍ରଥମ ମଙ୍ଗଳବାର ସନ୍ଧ୍ୟାର ସପ୍ତ ମହାଆଳତୀ ପାଇଁ ପ୍ରସ୍ତୁତି ସରିଛି। ଜଗନ୍ନାଥ ସଂସ୍କୃତି ଓ ଚେତନାର ବିସ୍ତାର ଲକ୍ଷ୍ୟରେ ସୁବର୍ଣ୍ଣପୁରର ତ୍ରିବେଣୀ ସଂଗମସ୍ଥଳୀ ସ୍ୱର୍ଣ୍ଣ ପ୍ରୟାଗର ରାମେଶ୍ୱର ପୀଠରେ ଆଜିଠାରୁ ୨୫ ତାରିଖ ଯାଏଁ ଶ୍ରୀଜଗନ୍ନାଥ ମହୋତ୍ସବ ଅନୁଷ୍ଠିତ ହେବ। ୭ଦିନ ଧରି ଆୟୋଜିତ ଜଗନ୍ନାଥ ମହୋତ୍ସବରେ ଜଗନ୍ନାଥଙ୍କ ୩୨ବେଶ, ପଞ୍ଚକୁଣ୍ଡିୟ ଘୃତଯଜ୍ଞ, ଚବିଶ ପ୍ରହରୀ ନାମଯଜ୍ଞ,ଶ୍ରୀଜଗନ୍ନାଥଙ୍କ କଥାମୃତକୁ ନେଇ ବିଶିଷ୍ଟ ପ୍ରବାଚକଙ୍କ ପ୍ରବଚନ,ଭଜନ ପରି ଆଧ୍ୟାତ୍ମିକ…

ନୂଆଦିଲ୍ଲୀ: ବଜରଙ୍ଗ ଦଳ ଏବଂ ବିଶ୍ୱ ହିନ୍ଦୁ ପରିଷଦ ମହାରାଷ୍ଟ୍ରର ନାଗପୁରରେ ଔରଙ୍ଗଜେବଙ୍କ ସମାଧି ହଟାଇବାକୁ ଦାବି କରି ପ୍ରଦର୍ଶନ କରିଥିଲେ, ଯାହା ପରେ ସୋମବାର କେନ୍ଦ୍ରୀୟ ନାଗପୁରରେ ହିଂସାତ୍ମକ ଘଟଣା ଘଟିଥିଲା। ଏହି ସମୟରେ ବିହାରର ପୂର୍ଣ୍ଣିୟା ଲୋକସଭା ଆସନରୁ ସ୍ୱାଧୀନ ସାଂସଦ ପପୁ ଯାଦବଙ୍କ ପ୍ରତିକ୍ରିୟା ଆସିଛି। ସାଂସଦ ପପୁ ଯାଦବ କହିଛନ୍ତି ଯେ, ବଜରଙ୍ଗ ଦଳ କିମ୍ବା ବିଶ୍ୱ ହିନ୍ଦୁ ପରିଷଦ, ଏହି ଲୋକମାନେ ଦଙ୍ଗାକାରୀ। ସେମାନେ ସମ୍ବିଧାନର ବିରୋଧୀ। ରାଷ୍ଟ୍ର ବିରୋଧୀ। ମଣିଷ ଶତ୍ରୁ ଅଟନ୍ତି। ମାନବତା ବିରୋଧୀ। ଏହି ଲୋକଙ୍କୁ ଆଜୀବନ ପ୍ରତିବନ୍ଧକ କରାଯିବା ଉଚିତ୍। ପପୁ ଯାଦବ କହିଛନ୍ତି ଯେ, “ଯେଉଁମାନେ ସମ୍ବିଧାନର ଉପରକୁ ଯାଇ ଗୀତା, କୁରାନ, ବାଇବଲ ଏବଂ ଉଦାରବାଦୀ ମାନବିକ ମୂଲ୍ୟବୋଧକୁ ଅତିକ୍ରମ କରନ୍ତି, ଏପରି ସଂଗଠନର ସ୍ଥାନ ଏବଂ ଏହିପରି ବ୍ୟକ୍ତିମାନେ ଜେଲରେ କିମ୍ବା ଶବଦାହରେ ରହିବା ଉଚିତ୍। ଦେଶର ସାର୍ବଭୌମତ୍ୱ, ସଂସ୍କୃତି ଏବଂ ଆଧ୍ୟାତ୍ମିକତା ସହିତ…

ନୂଆଦିଲ୍ଲୀ: ସୁନୀତା ୱିଲିୟମ୍ସ ମହାକାଶରେ 9 ମାସରୁ ଅଧିକ ସମୟ ବିତାଇବା ପରେ ସଫଳତାର ସହ ପୃଥିବୀକୁ ଫେରିଛନ୍ତି। ଆଜି ପ୍ରାୟ ଭୋର 3.27 ସମୟରେ ସୁନୀତା ୱିଲିୟମ୍ସ ଏବଂ ବଚ୍ ୱିଲମୋରଙ୍କ ସମେତ ଚାରି ଜଣ ମହାକାଶଚାରୀଙ୍କୁ ନେଇ ସ୍ପେସ୍ ଏକ୍ସର ଡ୍ରାଗନ୍ କ୍ୟାପସୁଲ୍ ଫ୍ଲୋରିଡା ମହାସାଗରରେ ଅବତରଣ କରିଥିଲା। ଅନ୍ତର୍ଜାତୀୟ ମହାକାଶ କେନ୍ଦ୍ର (ISS) ରୁ ପୃଥିବୀ ପର୍ଯ୍ୟନ୍ତ ମହାକାଶଚାରୀମାନଙ୍କର ସମ୍ପୂର୍ଣ୍ଣ ଯାତ୍ରା ପ୍ରାୟ 17 ଘଣ୍ଟା ନେଇଥିଲା। ଏହି ଯାତ୍ରାରେ ଏକ ମୁହୂର୍ତ୍ତ ଥିଲା ଯେତେବେଳେ ନାସା ବୈଜ୍ଞାନିକମାନଙ୍କ ନିଶ୍ୱାସ ଅଟକି ଯାଇଥିଲା। ମହାକାଶଚାରୀମାନଙ୍କୁ ନେଇ ଯାଉଥିବା ବିମାନ ପୃଥିବୀର ବାୟୁମଣ୍ଡଳରେ ପ୍ରବେଶ କରିବା ମାତ୍ରେ ଏହାର ତାପମାତ୍ରା 1600 ଡିଗ୍ରୀ ସେଲସିୟସ ଅତିକ୍ରମ କରିଥିଲା। ଏହି ସମୟ ଥିଲା ଯେତେବେଳେ 7 ମିନିଟ୍ ପାଇଁ ଯୋଗାଯୋଗ ବ୍ଲାକଆଉଟ୍ ହୋଇଥିଲା। ଏହି ସମୟ ମଧ୍ୟରେ ସ୍ପେସ୍ ଏଜେନ୍ସି ନାସା ମହାକାଶଯାନ ସହିତ ସମ୍ପର୍କ ହରାଇଲା। ଅବଶ୍ୟ, ଭୋର…

କେନ୍ଦ୍ରାପଡା: ଓଡ଼ିଶା ସରକାରଙ୍କ ପର୍ଯ୍ୟଟନ ବିଭାଗ ଅଧିନସ୍ଥ “ବରିଷ୍ଠ ନାଗରିକ ତୀର୍ଥଯାତ୍ରା ଯୋଜନା”ରେ ୧୦୫ ଜଣ ବରିଷ୍ଠ ତୀର୍ଥଯାତ୍ରୀ କେନ୍ଦ୍ରାପଡା ଟାଉନ ହଲ ଠାରୁ ଅଯୋଧ୍ୟା – ବାରଣାସୀ ଅଭିମୁଖେ ଯାତ୍ରା ଆରମ୍ଭ କରିଛନ୍ତି। ଏହି ଉପଲକ୍ଷେ ମଙ୍ଗଳବାର ଅପରାହ୍ଣ ୦୩.୦୦ ଘଟିକା ସମୟରେ ଅତିରିକ୍ତ ଜିଲ୍ଲାପାଳ (ରାଜସ୍ୱ) ନୀଲୁ ମହାପାତ୍ର ପତାକା ଦେଖାଇ ଯାତ୍ରାର ଶୁଭାରମ୍ଭ କରିଥିଲେ। ଟାଉନ ହଲଠାରେ ବରିଷ୍ଠ ନାଗରିକଙ୍କ ପଞ୍ଜୀକରଣ ଓ ସ୍ଵାସ୍ଥ୍ୟ ପରୀକ୍ଷା କରାଯାଇଥିଲା। ସ୍ଵାସ୍ଥ୍ୟ ଯାଞ୍ଚରେ ଯୋଗ୍ୟ ବିବେଚିତ ହୋଇଥିବା ବରିଷ୍ଠ ନାଗରିକମାନେ ତୀର୍ଥଯାତ୍ରା ପାଇଁ ଉଦ୍ଧିଷ୍ଟ ବସ୍ ଯୋଗେ ଯାତ୍ରା ଆରମ୍ଭ ପାଇଁ ବସିଥିଲେ। ଏମାନଙ୍କ ମଧ୍ୟରେ ୨୭ ବରିଷ୍ଠ ଦମ୍ପତି ଓ ୫୧ ଜଣ ବରିଷ୍ଠ ନାଗରିକ ରହିଥିବା ବେଳେ ପୁରୁଷଙ୍କ ସଂଖ୍ୟା ୫୬ ଓ ମହିଳାଙ୍କ ସଂଖ୍ୟା ୪୯ ରହିଛି। ସୂଚନାଯୋଗ୍ୟ ଯେ, ସେମାନେ ଏଠାରୁ ଯାଇ ଭୁବନେଶ୍ଵର ୟୁନିଟ – ୯ ସ୍ଥିତ ବାଳକ ଉଚ୍ଚ ବିଦ୍ୟାଳୟଠାରେ…

ପୁରୀ: ଆଜି ଚୈତ୍ର କୃଷ୍ଣ ପଞ୍ଚମୀ ତିଥିରେ ଶ୍ରୀବିଗ୍ରହମାନଙ୍କର ଶ୍ରୀମନ୍ଦିରରେ ଅନୁଷ୍ଠିତ ହେବ ବନକଲାଗି ନୀତି। ଦ୍ୱିତୀୟ ଭୋଗମଣ୍ଡପ ଭୋଗ ନୀତି ଶେଷ ହେବା ପରେ ଆପାତତଃ ଅପରାହ୍ନ ୫ ଘଟିକା ଠାରୁ ରାତ୍ର ୧୦ଘଟିକା ପର୍ଯ୍ୟନ୍ତ ଏହି ନୀତି ଅନୁଷ୍ଠିତ ହେବାକୁ ଧାର୍ଯ୍ୟ କରାଯାଇଅଛି। ଏହି ଗୁପ୍ତ ନୀତି ସମ୍ପାଦନ ସମୟରେ ଶ୍ରୀଜୀଉ ମାନଙ୍କର ସର୍ବସାଧାରଣ ଦର୍ଶନ ପ୍ରାୟ ୫ ଘଣ୍ଟା ପାଇଁ ବନ୍ଦ ରହିବ। ଶ୍ରୀମନ୍ଦିର ପ୍ରଶାସନ ପକ୍ଷରୁ ଏହି ସୂଚନା ପ୍ରଦାନ କରାଯାଇଅଛି।

କେନ୍ଦ୍ର ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ୱେଭେକ୍ସ ୨୦୨୫ର ଶୁଭାରମ୍ଭ କରିଛି। ଏହା ଗଣମାଧ୍ୟମ ଏବଂ ମନୋରଞ୍ଜନ କ୍ଷେତ୍ରରେ ଷ୍ଟାର୍ଟଅପଗୁଡ଼ିକୁ ପାଣ୍ଠି ଯୋଗାଣ ଏବଂ ଜାତୀୟ ପରିଚୟ ପ୍ରଦାନ କରିବା ଉଦ୍ଦେଶ୍ୟରେ ଏକ ଅଗ୍ରଣୀ ପଦକ୍ଷେପ। ଓ୍ୱେଭେକ୍ସ ୨୦୨୫ ଭାରତୀୟ ଇଣ୍ଟରନେଟ୍‌ ଓ ମୋବାଇଲ୍‌ ସଂଘ (ଆଇଏଏମଏଆଇ) ସହଭାଗିତାରେ ଆୟୋଜନ କରାଯିବ। ଆସନ୍ତା ମଇ ୧ରୁ ୪ ତାରିଖ ମୁମ୍ବାଇର ଜିଓ ୱାର୍ଲ୍ଡ କନଭେନ୍ସନ ସେଣ୍ଟର ଠାରେ ଆୟୋଜିତ ହେବାକୁ ଥିବା ବିଶ୍ୱ ଅଡିଓ-ଭିଜୁଆଲ ଓ ମନୋରଞ୍ଜନ ଶିଖର ସମ୍ମିଳନୀ (ୱେଭ୍ସ) ୨୦୨୫ର ଅଂଶବିଶେଷ ଭାବେ ଏହି କାର୍ଯ୍ୟକ୍ରମ ଆୟୋଜନ କରାଯାଉଛି। ୱେଭେକ୍ସ ୨୦୨୫ ନୂଆ ପରିବର୍ତ୍ତନର ନେତୃତ୍ୱ ନେବା ଲାଗି ଭାରତୀୟ ଷ୍ଟାର୍ଟଅପଗୁଡ଼ିକ ପାଇଁ ସହାୟକ ହେବ। ଏହାଦ୍ୱାରା ଷ୍ଟାର୍ଟଅପ୍‌ମାନେ ସେମାନଙ୍କର ବ୍ୟବସାୟକୁ ବଢ଼ାଇବା ଲାଗି ସଠିକ ସୁଯୋଗ ଓ ନିବେଶ ପାଇପାରିବେ। ଷ୍ଟାର୍ଟଅପଗୁଡ଼ିକ ଉତ୍ସର୍ଗୀକୃତ ଅଧିବେଶନରେ ଉଦ୍ୟୋଗ ପୁଞ୍ଜିପତି ଏବଂ ସେଲିବ୍ରିଟି ଏଞ୍ଜେଲ ନିବେଶକଙ୍କ ନିକଟରେ ସେମାନଙ୍କ ଉପାୟର…

ରାୟଗଡା: ପୁଲିସ ଓ ସାଧାରଣ ଲୋକଙ୍କ ମଧ୍ୟରେ ସୁସମ୍ପର୍କ ସ୍ଥାପନ ଉଦ୍ଦେଶ୍ୟରେ ରାୟଗଡା ଜିଲ୍ଲା ପୁଲିସ ପକ୍ଷରୁ ମୁନିଗୁଡା ଥାନା ଅନ୍ତର୍ଗତ ସକଟା ଗ୍ରାମରେ ଆଦିବାସୀ ଜନସମ୍ପର୍କ ମୈତ୍ରୀ ମେଳା ଅନୁଷ୍ଠିତ ହୋଇଯାଇଛି। ଆରକ୍ଷୀ ଅଧୀକ୍ଷକ ସ୍ବାତୀ ଏସ. କୁମାର ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇ ସାଧାରଣ ଲୋକ ପୁଲିସକୁ ଭୟ ନକରି ଯେକୌଣସି ସମସ୍ୟା ସମ୍ପର୍କରେ ଥାନାରେ ଜଣାଇବା ସହ ସଂପୃକ୍ତ ଅଞ୍ଚଳରେ ଅସାମାଜିକ ତଥା ଅପରାଧିକ କାର୍ଯ୍ୟ ରୋକିବା ପାଇଁ ପୁଲିସକୁ ସହଯୋଗ କରିବାକୁ ନିବେଦନ କରିଥିଲେ। ଏହି ଅବସରରେ ଏକ ସ୍ବାସ୍ଥ୍ୟ ଶିବିର ଏବଂ ଭଲିବଲ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଉପସ୍ଥିତ ପିଲାମାନଙ୍କୁ ପାଠ୍ୟ ଉପକରଣ, ମହିଳାଙ୍କୁ ଶାଢୀ ଓ ସାଲ୍‌ ଏବଂ ପୁରୁଷମାନଙ୍କୁ ଛତା ଓ ଟର୍ଚ୍ଚ ପ୍ରଦାନ କରାଯାଇଥିଲା।