ଭୁବନେଶ୍ବର: ଆଜି ପବିତ୍ର ରଥଯାତ୍ରାରେ ଓଡିଆ ସାମ୍ବାଦିକ ଜଗତରେ ଏକ ଶୋକର ଛାୟା ଖେଳିଯାଇଛି। କାରଣ ଆଜି ଏକ ସଡକ ଦୁର୍ଘଟଣାରେ ବରିଷ୍ଠ ଫଟୋ ସାମ୍ବାଦିକ ଅଶୋକ ପଣ୍ଡାଙ୍କର ପରଲୋକ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ 53 ବର୍ଷ ବୟସ ହୋଇଥିଲା। କଳ୍ପନାସ୍ଥିତ ସରକାରୀ କ୍ବାଟରରେ ସେ ରହୁଥିଲେ। ତାଙ୍କର ପତ୍ନୀ ଏବଂ ଏକମାତ୍ର ଝିଅ ଅଛି। ସେ ନିଜ ମୋଟରସାଇକେଲରେ ରଥଯାତ୍ରା ଫଟୋ ଉତ୍ତୋଳନ ପାଇଁ ପୁରୀ ଯାଉଥିଲେ। ସାତଶଙ୍ଖ ନିକଟରେ ତାଙ୍କର ଏକ ଅଜଣା ଗାଡି ସହିତ ଧକ୍କା ହେଲା। ଏହି ଦୁର୍ଘଟଣା ଏତେ ଜୋରରେ ହୋଇଥିଲା ଯେ ତାଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଥିବାର ଜଣାପଡିଛି। ତେବେ ତାଙ୍କୁ ସେଠାରୁ ତୁରନ୍ତ କ୍ୟାପିଟାଲ ହସପିଟାଲ ଅଣାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ବୋଲି ଘୋଷଣା କରିଥିଲେ। ଅଶୋକ ପଣ୍ଡା ଦୀର୍ଘ ବର୍ଷ ଧରି ସମୟ ଖବରକାଗଜର ଫଟୋ ସାମ୍ବାଦିକ ଭାବେ କାର୍ଯ୍ୟ କରୁଥିଲେ। ଅଶୋକ ପଣ୍ଡା ଓଡିଆ…
Author: Samikhsya Bureau
ଭୁବନେଶ୍ବର: ଆଜି ହେଉଛି ପବିତ୍ର ରଥଯାତ୍ରା। ଏହି ଅବସରରେ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।ନବୀନ ଗତକାଲି ରାତିରେ ବିଦେଶ ଗସ୍ତ ଶେଷ କରି ଭୁବନେଶ୍ବର ଫେରିଛନ୍ତି। ରଥଯାତ୍ରା ନେଇ ସେ ଟୁଇଟ କରି କହିଛନ୍ତି ଯେ, ମହାପ୍ରଭୁ ଶ୍ରୀ ଜଗନ୍ନାଥଙ୍କ ପବିତ୍ର ରଥଯାତ୍ରା ଅବସରରେ ସମସ୍ତଙ୍କୁ ହାର୍ଦ୍ଦିକ ଅଭିନନ୍ଦନ ଓ ଶୁଭେଚ୍ଛା ଜଣାଉଛି। ଚତୁର୍ଦ୍ଧାମୂର୍ତ୍ତିଙ୍କ ଆଶୀର୍ବାଦରୁ ପ୍ରତ୍ୟେକଟି ଜୀବନ ମଙ୍ଗଳମୟ ହେଉ।
ଦିଲ୍ଲୀ: ବ୍ୟବସାୟ ସଂସ୍କାର ଆକ୍ସନ ପ୍ଲାନ କାର୍ଯ୍ୟାନ୍ୱୟନ (ବିଆର୍ଏପି)ର ‘ଆଚିଭର୍ସ’ ଶ୍ରେଣୀରେ ଓଡିଶା ସ୍ଥାନ ପାଇଛି। ଏଥିପାଇଁ ଟପ୍ ଆଚିଭର୍ସ, ଆଚିଭର୍ସ, ଅସ୍ପାୟାର୍ସ ଏବଂ ଇମର୍ଜିଙ୍ଗ ବିଜନେସ୍ ଇକୋସିଷ୍ଟମ୍ ଭଳି ଚାରୋଟି ଶ୍ରେଣୀ ରଖା ଯାଇଥିବା ବେଳେ ଓଡିଶା ଆଚିଭର୍ସ ଶ୍ରେଣୀରେ ରହିଛି। ବ୍ୟବସାୟ ସଂସ୍କାର ଆକ୍ସନ ପ୍ଲାନ କାର୍ଯ୍ୟାନ୍ୱୟନ ଆଧାରରେ ଆନ୍ଧ୍ର ପ୍ରଦେଶ, ଗୁଜରାଟ, ହରିୟାଣା, କର୍ଣ୍ଣାଟକ, ପଞ୍ଜାବ, ତାମିଲନାଡୁ ଏବଂ ତେଲଙ୍ଗାନା ଶୀର୍ଷ ଉପଲବ୍ଧି ହାସଲ କରିଥିବା (ଟପ୍ ଆଚିଭର୍ସ) ରାଜ୍ୟ ଅଟନ୍ତି। ହିମାଚଳ ପ୍ରଦେଶ, ମଧ୍ୟ ପ୍ରଦେଶ, ମହାରାଷ୍ଟ୍ର, ଓଡିଶା, ଉତ୍ତରାଖଣ୍ଡ ଏବଂ ଉତ୍ତର ପ୍ରଦେଶ ଉପଲବ୍ଧି ହାସଲକାରୀ (ଆଚିଭର୍ସ) ଶ୍ରେଣୀରେ ଆସିଛନ୍ତି। ଯେତେବେଳେ କି ଆସାମ, ଛତିଶଗଡ, ଗୋଆ, ଝାଡଖଣ୍ଡ, କେରଳ, ରାଜସ୍ଥାନ ଏବଂ ପଶ୍ଚିମ ବଙ୍ଗକୁ ମହତ୍ୱାକାଂକ୍ଷୀ (ଆସ୍ପିରର୍ସ) ଶ୍ରେଣୀରେ ରଖା ଯାଇଛି। ଆଣ୍ଡାମାନ ଏବଂ ନିକୋବର, ବିହାର, ଚଣ୍ଡୀଗଡ, ଡାମନ ଏବଂ ଡିୟୁ, ଦାଦରା ଏବଂ ନଗର ହବେଲି, ଦିଲ୍ଲୀ, ଜାମ୍ମୁ ଏବଂ କାଶ୍ମୀର,…
ଉପେନ୍ଦ୍ର ବଳିୟାରସିଂହ ଥରେ ଧନପତି କୁବେର କୈଳାଶ ପର୍ବତକୁ ଶିବ ଭଗବାନଙ୍କ ଦର୍ଶନ ପାଇଁ ଗଲେ। ପ୍ରଭୁ, ”ମୁଁ ଆପଣଙ୍କର କି ପ୍ରକାର ସେବା କରିପାରିବି, ଆଦେଶ ଦିଅନ୍ତୁ।” କୁବେର ଭଗବାନଙ୍କୁ ପ୍ରଶ୍ନ କଲେ। ଶିବ ଭଗବାନ କହିଲେ, “ମୁଁ ଜଣେ ସଚ୍ଚା ବୈଷ୍ଣବ ଭାବରେ ଅନ୍ୟର ସେବା ଗ୍ରହଣ କରିପାରିବି ନାହିଁ। ତୁମେ ସେସବୁ କିଛି ଚିନ୍ତା ନକରି ଶ୍ରୀରାମଙ୍କର ନାମ ଜପ କର। କିନ୍ତୁ ମାତା ପାର୍ବତୀ କୁବରଙ୍କୁ କହିଲେ, “ଧନପତି ତୁମେ ମୋ ପାଇଁ ଏକ ସୁବର୍ଣ୍ଣ ମହଲ ନିର୍ମାଣ କର। କୁବେର ଗୋଟିଏ ଅତି ସୁନ୍ଦର ସୁବର୍ଣ୍ଣର ମହଲ ଟିଏ ନିର୍ମାଣ କଲେ। ବାସ୍ତୁ ପୂଜା ନକରି ନୂତନ ଗୃହରେ ପ୍ରବେଶ କରାଯାଏ ନାହିଁ। ତେଣୁ ଶିବଙ୍କର ବଡ ଭକ୍ତ ରାବଣଙ୍କୁ ବାସ୍ତୁ ପୂଜା ପାଇଁ ଆମନ୍ତ୍ରଣ କରାଗଲା। ପୂଜା ପରେ ଦକ୍ଷିଣା ଦେବା କଥା। ଶିବ ଭଗବାନ କହିଲେ, “ରାବଣ ତୁମକୁ କି ଦକ୍ଷିଣା…
ମେଷ- ପୁରୁଣା ବନ୍ଧୁ ଏବଂ ସମ୍ପର୍କୀୟମାନେ ଭେଟିବେ। ତୁମେ ଭଲ ଖବର ପାଇବ। ଖୁସି ହେବେ। ବିପଦ କରନ୍ତୁ ନାହିଁ । ଉପକୃତ ହେବେ। ପ୍ରଣାଳୀରେ ବିଶ୍ୱସନୀୟତା ସୃଷ୍ଟି କରନ୍ତୁ। ଆର୍ଥିକ ସୁସଙ୍ଗତତା ରହିବ। ଟଙ୍କା ସଂଗ୍ରହ ହେବ । ବୃତ୍ତି ପକ୍ଷରୁ ଅନେକ ଲାଭ ଅଛି । ନୂତନ ଯୋଜନା ଆରମ୍ଭ ହେବ। ବୃଷ- ଘର ବାହାରେ ପଚରାଉଚରା କରାଯିବ। କାର୍ଯ୍ୟ ସମାପ୍ତ ହେବ। ଆୟ ବୃଦ୍ଧି ପାଇବ। ଏହା ଏକ ମଜାଦାର ଯାତ୍ରା ହେବ। ଖୁସି ହେବେ। ସହକର୍ମୀମାନେ ସାହାଯ୍ୟ କରିବେ ନାହିଁ। ଖର୍ଚ୍ଚ କାଟିବାକୁ ଚେଷ୍ଟା କରନ୍ତୁ । ପରିବାରରେ ସୁଖର ପରିବେଶ ରହିବ। ବ୍ୟବସାୟରୁ ବାହାରକୁ ଯିବାକୁ ପଡିପାରେ। ମିଥୁନ- ଶୋକ ଖବର ମିଳିପାରେ। କାର୍ଯ୍ୟରେ ମନ ଦେବେ ନାହିଁ । ବିବାଦରୁ ଦୂରେଇ ରୁହନ୍ତୁ । କଠିନ ପରିଶ୍ରମ ଅଧିକ ହେବ । ଗୃହ ସମସ୍ୟା ସମାଧାନ ହେବ। ଅଳସୁଆ ହୁଅନ୍ତୁ ନାହିଁ, ଚିନ୍ତା କରିଥିବା କାର୍ଯ୍ୟ…
ପୁରୀ: ଆଜି ହେଉଛି ବିଶ୍ବ ପ୍ରସିଦ୍ଧ ରଥଯାତ୍ରା। ଗତ ଦୀର୍ଘ ଦୁଇ ବର୍ଷ ଧରି ତିନିଠାକୁରଙ୍କୁ ତିନି ରଥରେ ଦେଖିବା ଭକ୍ତଙ୍କ ସୌଭାଗ୍ୟରେ ନ ଥିଲା। ହେଲେ ଆଜି ତିନିଠାକୁର ସିଧା ରଥ ଉପରେ ଭକ୍ତଙ୍କୁ ଦେବେ ଦର୍ଶନ। ସେଥିପାଇଁ ପୋଲିସ ପ୍ରଶାସନ ତରଫରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି। ଶ୍ରୀମନ୍ଦିର ପ୍ରଶାସନର ନିଷ୍ପତି ଅନୁସାରେ ଆଜି ସକାଳ ୬ଟାରେ ମଙ୍ଗଳ ଆଳତୀ କରାଯିବ।ସେହିପରି ୬ ଟା ୧୦ ରେ ମଇଲମ ଲାଗି ହେବ। ୬.୩୦ ରେ ତଡପ ଲାଗି, ରୋଷ ହୋମ, ୭ ଟା ରେ ଅବକାଶ, ୭.୧୦ ରେ ସୂର୍ଯ୍ୟ ପୂଜା, ୭.୩୦ ରେ ଦ୍ବାରପାଳ ପୂଜା ଏବଂ ବେଶ ଶେଷ ହେବ। କାର୍ଯ୍ୟ ନିର୍ଘଣ୍ଟ ଅନୁସାରେ ସକାଳ ୮ଟା ରୁ ୯ଟା ପର୍ଯ୍ୟନ୍ତ ଗୋପାଳ ବଲ୍ଲଭ ଓ ସକାଳ ଧୂପ ଏବଂ ରଥ ପ୍ରତିଷ୍ଠା ହେବ। ୯.୧୫ ରେ ମଙ୍ଗଳାର୍ପଣ କରାଯିବ। ପ୍ରଭୁଙ୍କ ପହଁଣ୍ଡି ବିଜେ ସକାଳ…
ଖୋର୍ଦ୍ଧା: ଆଜି ଏକ ମଟରସାଇକେଲ ଚୋରକୁ ଗିରଫ କରିବା ସହ ୧୦ ଚୋରା ମଟରସାଇକେଲ ଉଦ୍ଧାର କରିଛି ଖୋର୍ଦ୍ଧା ଟାଉନ ଥାନା ପୋଲିସ। ସୂଚନା ମୁତାବକ ଚଳିତ ମାସ ୨୫ ତାରିଖ ସଂନ୍ଧ୍ୟାରେ ଖୋର୍ଦ୍ଧା ଟାଉନ ଥାନା ଅନ୍ତର୍ଗତ ଜୟୀ ରାଜଗୁରୁ ପାର୍କ ପରିସରରୁ ଜନୈକ ବ୍ୟକ୍ତିଙ୍କ ବାଇକ କୌଣସି ଦୁର୍ବୁତ୍ତ ଚୋରି କରିନେଇଥିଲେ। ଏହି ପରିପ୍ରେକ୍ଷୀରେ ଟାଉନ ଥାନାରେ କେଶ ନମ୍ବର ୨୯୮/୨୨ ରେ ଏକ ମାମଲା ରୁଜୁ କରାଯାଇ ତଦନ୍ତ ଜାରି ରହିଥିଲା। ଆଜି ଖୋର୍ଦ୍ଧା ଏସପି ସିଦ୍ଧାର୍ଥ କାଟାରିଆଙ୍କ ନିର୍ଦ୍ଦେଶକ୍ରମେ ଏବଂ ଖୋର୍ଦ୍ଧା ଏସଡିପିଓ ସୁଶୀଲ ମିଶ୍ର ଓ ଟାଉନ ଥାନା ଇନଚାର୍ଜ ଡ଼ିଏସପି ସଞ୍ଜୟ ପଟ୍ଟନାୟକଙ୍କ ତତ୍ୱାବଧାନରେ ଏକ ଟିମ ଗଠନ କରାଯାଇ ବିଭିନ୍ନ ସ୍ଥାନରେ ଚଢ଼ାଉ କରାଯାଇଥିଲା। ତେବେ ଚଢ଼ାଉରେ ପୋଲିସ ଉକ୍ତ ବାଇକ ଚୋରକୁ ଗିରଫ କରିବା ସହ ତାଙ୍କ ନିକଟରୁ ସମୁଦାୟ ୧୦ ଗୋଟି ଚୋରା ବାଇକ ଜବତ କରିଛି। ଗିରଫ…
ନୂଆଦିଲ୍ଲୀ: ଶେଷ ହେଲା ମହାରାଷ୍ଟ୍ରର ମହାନାଟକ। ପ୍ରାୟ ଏକ ସପ୍ତାହ ଧରି ଚାଲିଥିବା ରାଜନୈତିକ ଅଶାନ୍ତିର ଅନ୍ତ ଘଟିଛି। ବିଦ୍ରୋହୀ ଶିବସେନା ନେତା ଏକନାଥ ସିନ୍ଦେ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି। ସେହିପରି ବିଜେପି ନେତା ଦେବେନ୍ଦ୍ର ଫଡନାଭିସ୍ ମଧ୍ୟ ଉପମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି। ଗୁରୁବାର ସନ୍ଧ୍ୟାରେ ରାଜଭବନରେ ରାଜ୍ୟପାଳ ଭଗତ ସିଂ କୋଶାରି ଶପଥ ପାଠ କରାଇଥିଲେ। ମହାରାଷ୍ଟ୍ରର ରାଜନୈତିକ ଅସ୍ତିରତା ଚରମ ସୀମାରେ ପହଞ୍ଚିଥିଲା। ଉଦ୍ଦବ ଠାକରେ ତାଙ୍କର ପଦବୀ ସୁରକ୍ଷିତ ରଖିବା ସହଜ ହୋଇନଥିଲା। ଏପରିକି ରାଜ୍ୟରେ ଶାସନ ଭାର କିଏ ଗ୍ରହଣ କରିବ ସେ ନେଇ ସମସ୍ତେ ସନ୍ଦେହରେ ଥିଲେ। ହେଲେ ଏକ ଅପ୍ରତ୍ୟାଶିତ ଘଟଣାରେ ଫଡନାଭିସ୍ ଏକ ସାମ୍ବାଦିକ ସମ୍ମିଳନୀରେ ସମ୍ବୋଧିତ କରି ଏକନାଥ ସିନ୍ଦେ ପରବର୍ତ୍ତୀ ମୁଖ୍ୟମନ୍ତ୍ରୀ ହେବେ ବୋଲି ଘୋଷଣା କରିଥିଲେ। ସିନ୍ଦେ ଏବଂ ଫଡନାଭିସ୍ ରାଜଭବନରେ ରାଜ୍ୟପାଳ ଭାଗବତ ସିଂ କୋଶାରିଙ୍କୁ ଭେଟିବାକୁ ଯାଇ କିଛି ସମୟ…
ସୀତାରାମ ଅଗ୍ରୱାଲ ବାଲୁଗାଁ: ଆଜି ପୂର୍ବାହ୍ନରେ ବାଲୁଗାଁ ଉମାମହେଶ୍ୱର ମନ୍ଦିର ପରିସରରେ ଜଣେ ବୃଦ୍ଧ ମୁର୍ମୁଶ ଅବସ୍ଥାରେ ପଡିରହିଥିବା ଦେଖିବାକୁ ମିଳିଥିଲା। ଏହା ଦେଖି ସ୍ଥାନୀୟ ଲୋକମାନେ ପୋଲିସକୁ ତୁରନ୍ତ ଅବଗତ କରିଥିଲେ। ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ମୁର୍ମୁଶ ଅବସ୍ଥାରେ ବୃଦ୍ଧଙ୍କୁ ଉଦ୍ଧାର କରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ। ମାତ୍ର ଡାକ୍ତର ମୃତ ଘୋଷଣା କରିଥିଲେ। ମୃତକଙ୍କ ଶବ ବ୍ୟବଚ୍ଛେଦ ପାଇଁ ପୋଲିସ ପଠାଇଦେଇଛି। ଶବ ବ୍ୟବଚ୍ଛେଦ ପରେ ପରିବାରଙ୍କୁ ହସ୍ତାନ୍ତର କରାଯିବ। ପ୍ରାରମ୍ଭିକ ସୂଚନା ଅନୁଯାୟୀ ମୃତକଙ୍କ ନାମ ବଳଭଦ୍ର ସ୍ୱାଇଁ (୭୦) ନିରାକାରପୁର ଅଞ୍ଚଳର ବୋଲି ଜଣାପଡିଛି। ଦୀର୍ଘ ଦିନ ଧରି ମନ୍ଦିର ପ୍ରାଙ୍ଗଣରେ ଭିକ୍ଷା ବୃତ୍ତି କରି ସେ ଜୀବନ ନିର୍ବାହ କରୁଥିଲେ।
ସ୍ୱାସ୍ଥ୍ୟ ଟିପ୍ସ: ଆଜିର ଜୀବନଶୈଳୀରେ ପରିବର୍ତ୍ତନ ହେତୁ ଲୋକମାନେ ଖାଦ୍ୟ ଉପରେ ବିଶେଷ ଧ୍ୟାନ ଦିଅନ୍ତି ନାହିଁ। ଯେଉଁଥିପାଇଁ ଦାନ୍ତର ସମସ୍ୟା ଦେଖାଯାଇଥାଏ। ବେଳେବେଳେ ଦାନ୍ତର ସମସ୍ୟା ଏମିତି ହୋଇଥାଏ ଯେ, ଯନ୍ତ୍ରଣା ଅସହ୍ୟ ହୋଇପଡିଥାଏ। ଦାନ୍ତରେ ଯନ୍ତ୍ରଣା ହେବାର ଅନେକ କାରଣ ଥାଇପାରେ, ଯେପରିକି ଦାନ୍ତକୁ ସଠିକ୍ ଭାବରେ ନଘଷିବା, ଶୋଇବା ପୂର୍ବରୁ ମିଠା ଖାଇବା ପରେ ପାଟି ନଧୋଇବା, ଦାନ୍ତରେ ପୋକ କିମ୍ବା ଦାନ୍ତରେ କ୍ଷୟ ହେବା। ଏହା ସହିତ ଜୀବାଣୁ ସଂକ୍ରମଣ କିମ୍ବା କ୍ୟାଲସିୟମର ଅଭାବ ମଧ୍ୟ ଯନ୍ତ୍ରଣା ହେବାର କାରଣ ହୋଇପାରେ। ଅନେକ ଥର ଲୋକମାନେ ଏହି ଯନ୍ତ୍ରଣାରୁ ଶୀଘ୍ର ମୁକ୍ତି ପାଇବା ପାଇଁ ଔଷଧ ସେବନ କରନ୍ତି, କିନ୍ତୁ ଯଦି ଆପଣ ଔଷଧ ଖାଇବାକୁ ପସନ୍ଦ କରନ୍ତି ନାହିଁ, ତେବେ ଆପଣ ଆମ ଦ୍ୱାରା ଦିଆଯାଇଥିବା ଟିପ୍ସ ଅନୁସରଣ କରିପାରିବେ। ଆଜି ଆମେ ଆପଣଙ୍କୁ ଏପରି କିଛି ଘରୋଇ ଉପଚାର କହିବୁ, ଯାହା ଆପଣଙ୍କୁ ଦାନ୍ତ…
ଜୀବନଶୈଳୀ: ଆପଣଙ୍କ ସ୍ତ୍ରୀ ଆପଣଙ୍କଠାରୁ ଅଧିକା ରୋଜଗାର କରନ୍ତି କି !! ଏବଂ ଆପଣ ଏଇ କଥାକୁ ନେଇ ଚିନ୍ତାରେ ରହୁଛନ୍ତି କି !! ତେବେ ବିଶେଷ କରି ବିବାହ ପରେ ସ୍ତ୍ରୀ ସ୍ବାମୀଠାରୁ ଅଧିକା ରୋଜଗାର କରିବା ଏବଂ ସେନେଇ ଚାପରେ ରହି ଥିବାର ଜଣାପଡିଛି। ନିକଟରେ ଏକ ଅନୁଶୀଳନରୁ ଏକ ରୋଚକ ତଥ୍ୟ ସାମ୍ନା କୁ ଆସିଛି । ସେଥିରେ ଜଣା ଯାଇଛି ଯେ ଯଦି ସ୍ତ୍ରୀ ଘରର ୪୦ ପ୍ରତିଶତ ଖର୍ଚ୍ଚ ନିଜ ଟଙ୍କାରୁ କରୁଥାନ୍ତି ତେବେ ସ୍ବାମୀମାନେ ଚାପରେ ରହିଥାନ୍ତି। କିନ୍ତୁ ସ୍ବାମୀମାନେ ଆହୁରି ଅଧିକ ଚାପରେ ରୁହନ୍ତି ଯେତେବେଳେ ଘରର ସମସ୍ତ ଖର୍ଚ୍ଚ ଲାଗି ପତ୍ନୀ ଉପରେ ନିର୍ଭର କରିଥାନ୍ତି। ବାଥ ୟୁନିଭର୍ସିଟିର ଏକ ସନ୍ଦର୍ଭରେ ଦେଖା ଯାଇଛି ଯେ ଯଦି ବିବାହ ପୂର୍ବରୁ ସ୍ତ୍ରୀଟିଏ ସ୍ବାମୀଠାରୁ ଅଧିକା ରୋଜଗାର କରୁଥାଏ ତେବେ ସେ କ୍ଷେତ୍ରରେ ବିବାହ ପରେ ସ୍ବାମୀମାନେ ମାନସିକ ଚାପରେ ରହି…
ମୁମ୍ବାଇ: ଦେବେନ୍ଦ୍ର ଫଡନାଭିସ୍ ନୁହଁନ୍ତି, ଏକନାଥ ସିନ୍ଦେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ହେବେ। ଦେବେନ୍ଦ୍ର ଫଡନାଭିସ୍ ନିଜେ ସିନ୍ଦେଙ୍କ ଉପସ୍ଥିତିରେ ଏହା ଘୋଷଣା କରିଛନ୍ତି। ଏକନାଥ ସିନ୍ଦେ ସନ୍ଧ୍ୟା ୭.୩୦ ରେ ରାଜ ଭବନରେ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ। ଫଡନାଭିସ୍ କହିଛନ୍ତି ଯେ, ଆଜି କେବଳ ଏକନାଥ ସିନ୍ଦେ ଶପଥ ଗ୍ରହଣ କରିବେ। ମୁଁ ଏକନାଥ ସିନ୍ଦେଙ୍କ କ୍ୟାବିନେଟରର ବାହାରେ ରହିବି। ସେ କହିଛନ୍ତି ଯେ, ୨୦୧୯ରେ ବିଜେପି ଏବଂ ଶିବସେନା ଏକାଠି ନିର୍ବାଚନ ଲଢିଥିଲେ। ଆମେ ସେହି ସମୟରେ ସଂପୂର୍ଣ୍ଣ ସଂଖ୍ୟାଗରିଷ୍ଠତା ପାଇଲୁ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଆମେ ଏକ ବଡ଼ ବିଜୟ ହାସଲ କରିଥିଲୁ। ଉଦ୍ଧବ ଠାକରେଙ୍କୁ ଏକନାଥ ସିନ୍ଦେ କହିଥଲେ ଯେ ଆପଣ ମହା ବିକାଶ ଆଗାଡି (କଂଗ୍ରେସ-ଏନସିପି-ଶିବସେନା ମିଳିତ ମଞ୍ଚ) ସରକାରରୁ ବାହାରିଯାଅନ୍ତୁ, କିନ୍ତୁ ଉଦ୍ଧବ ଠାକରେ ଏକନାଥ ସିନ୍ଦେଙ୍କ କଥା ଶୁଣିନଥିଲେ। ସେ କହିଛନ୍ତି ଯେ ବାଲାସାହେବ ଯାହା ସହିତ ଜୀବନସାରା…
ନୂଆଦିଲ୍ଲୀ: ମଣିପୁରର ଇମ୍ଫାଲ-ଜିରିବମ୍ ରେଳ ଲାଇନର ସୁରକ୍ଷା ପାଇଁ ନିୟୋଜିତ ଏକ ସ୍ଥାନରେ ଭାରତୀୟ ସେନାର ଟେରିଟେରାଲ୍ ଆର୍ମି ଭୂସ୍ଖଳନ ହେତୁ ବଡ଼ କ୍ଷୟକ୍ଷତିର ସମ୍ଭାବନା ରହିଛି। ଗତକାଲି ରାତିରେ ମଣିପୁରର ନୋନେ ଜିଲ୍ଲାରେ ଘଟିଥିବା ଏହି ଭୂସ୍ଖଳନରେ ଅତି କମରେ ୨୫ ସୈନିକ ଦବି ରହିଥିବା ଜଣାପଡିଛି। ଖରାପ ପାଣିପାଗ ଏବଂ ବାରମ୍ବାର ଭୂସ୍ଖଳନ ଯୋଗୁଁ ଉଦ୍ଧାର ଓ ରିଲିଫ କାର୍ଯ୍ୟରେ ବାଧା ସୃଷ୍ଟି କରୁଛି। ଭାରତୀୟ ସେନା ଅନୁଯାୟୀ, ୨୯-୩୦ ଜୁନ୍ ରାତିରେ ନୋନେ ଜିଲ୍ଲାର ଟୁପଲ୍ ରେଳ ଷ୍ଟେସନ୍ ନିକଟରେ ଟିଏ ର ୧୦୭ କମ୍ପାନୀ ଏକ ଭାରି ଭୂସ୍ଖଳନରେ ପ୍ରଭାବିତ ହୋଇଥିଲେ। ନିର୍ମାଣାଧୀନ ମଣିପୁର-ଜିରିବାମ ରେଳରେ ନିୟୋଜିତ ସୈନିକମାନେ ଉପସ୍ଥିତ ଥିଲେ। ଭୂସ୍ଖଳନ ପରେ ଭାରତୀୟ ସେନା ଏବଂ ଆସାମ ରାଇଫଲ୍ସ ସମ୍ପୂର୍ଣ୍ଣ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ।
ସୀତାରାମ ଅଗ୍ରୱାଲ ବାଣପୁର: ପୁଣି ବଦଳିଲା ଖୋର୍ଦ୍ଧା ଜିଲ୍ଲା ବାଣପୁର ଥାନାର ନୂତନ ଆଇଆଇସି ନିଯୁକ୍ତି ବିଜ୍ଞପ୍ତି। ନିକଟରେ ଖୋର୍ଦ୍ଧା ଏସପି ବାଣପୁର ଥାନାର ନୂତନ ଆଇଆଇସି ଭାବେ ଜିଲ୍ଲା ପୋଲିସ ମୁଖ୍ୟାଳୟ ଇନ୍ସପେକ୍ଟର ରଶ୍ମି ରଞ୍ଜନ ଦାସଙ୍କୁ ନିଯୁକ୍ତି ଦେଇଥିବା ବେଳେ ଆଜି ଉକ୍ତ ବିଜ୍ଞପ୍ତିରେ ପରିବର୍ତ୍ତନ କରାଯାଇଛି। ଜିଲ୍ଲା ଏଷ୍ଟାବ୍ଲିଶମେଣ୍ଟ ବୋର୍ଡର ନିଷ୍ପତିକ୍ରମେ ବାଣପୁର ଥାନାର ନୂତନ ଆଇଆଇସି ଭାବେ ଜିଲ୍ଲା ପୋଲିସ ମୁଖ୍ୟାଳୟ ଇନ୍ସପେକ୍ଟର ଜୟ ପ୍ରକାଶ ପରିଡ଼ାଙ୍କୁ ନିଯୁକ୍ତି ଦିଆଯାଇଛି। ପୁର୍ବରୁ ଶ୍ରୀ ପରିଡାଙ୍କୁ ବାଲୁଗାଁ ଅତିରିକ୍ତ ଆଇଆଇସି ଭାବେ ନିଯୁକ୍ତି ଦିଆଯାଇଥିବା ବେଳେ ତାହାକୁ ଅପସାରିତ କରାଯାଇଛି। ସେହିପରି ଭାବେ ଇନ୍ସପେକ୍ଟର ରଶ୍ମି ରଞ୍ଜନ ଦାସଙ୍କୁ ପୁନର୍ବାର ଜିଲ୍ଲା ପୋଲିସ ମୁଖ୍ୟାଳୟକୁ ବଦଳି କରାଯାଇଛି। ଅନୁରୂପ ଭାବେ ବାଣପୁର ଥାନା ଅତିରିକ୍ତ ଆଇଆଇସି କାହ୍ନୁ ଚରଣ ସ୍ୱାଇଁଙ୍କୁ ଟାଉନ ଥାନା ଅତିରିକ୍ତ ଆଇଆଇସି ଭବେ ବଦଳି କରାଯାଇଛି।
ମୁମ୍ବାଇ: ଆଜି ବିଜେପିର ବରିଷ୍ଠ ନେତା ଦେବେନ୍ଦ୍ର ଫଡନାଭିସ୍ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିବେ। ତାଙ୍କ ସହ ଉପ-ମୁକୟାମନ୍ତ୍ରୀ ଭାବରେ ଏକନାଥ ସିନ୍ଦେ ଶପଥ ଗ୍ରହଣ କରିବେ। ସୂତ୍ରରୁ ପ୍ରକାଶ ଯେ ସନ୍ଧ୍ୟା ୭ ଟାରେ ରାଜ ଭବନରେ ଏକ କାର୍ଯ୍ୟକ୍ରମରେ ଏହି ସମାରୋହ ଆୟୋଜିତ ହେବ। ଯେଉଁଠାରେ ଉଭୟ ନେତାଙ୍କୁ ରାଜ୍ୟପାଳ ଭାଗବତ ସିଂ କୋଶାୟାରିଙ୍କ ଶପଥ ଗ୍ରହଣ କରାଇବେ। ଏହାପୂର୍ବରୁ ଗୋଆରୁ ଏକନାଥ ସିନ୍ଦେ ମୁମ୍ବାଇରେ ପହଞ୍ଚି ଦେବେନ୍ଦ୍ର ଫଡନାଭିସଙ୍କୁ ଭେଟିଥିଲେ। ଏହି ସମୟରେ ରାଜ୍ୟ ବିଜେପି ସଭାପତି ଚନ୍ଦ୍ରକାନ୍ତ ପାଟିଲ ଏବଂ ଅନ୍ୟ ବରିଷ୍ଠ ନେତାମାନେ ଉପସ୍ଥିତ ଥିଲେ। ଏହି ସାକ୍ଷାତ ପରେ ଫଡନାଭିସ୍ ଏବଂ ସିନ୍ଦେ ସିଧାସଳଖ ରାଜ ଭବନରେ ପହଞ୍ଚିଛନ୍ତି। ଏଠାରେ ରାଜ୍ୟପାଳ ଭାଗବତ ସିଂ କୋଶାୟାରିଙ୍କୁ ଭେଟିବେ ଏବଂ ସରକାର ଗଠନ ପାଇଁ ଦାବି କରିବେ। ଦେବେନ୍ଦ୍ର ଫଡନାଭିସ୍ ତୃତୀୟ ଥର ପାଇଁ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିବେ।…
ନୂଆଦିଲ୍ଲୀ: ଜୁଲାଇ ୧୮ ତାରିଖରୁ ମୁଦ୍ରାସ୍ଫୀତିର ଏକ ବଡ଼ ଝଟକା ଲାଗିବାକୁ ଯାଉଛି। ସାଧାରଣ ଲୋକ ମୁଦ୍ରାସ୍ଫୀତି ଦ୍ଵାରା ଅସୁବିଧାରେ ପଡିଛନ୍ତି, କିନ୍ତୁ ଜିଏସଟି ପରିଷଦର ନିଷ୍ପତ୍ତି ହେତୁ ମୁଦ୍ରାସ୍ଫୀତି ଆହୁରି ବୃଦ୍ଧି ହେବାର ସମ୍ଭାବନା ରହିଛି। ଯଦି ସାଧାରଣ ଲୋକ ବ୍ୟବହାର କରୁଥିବା ଅନେକ ଜିନିଷ ଉପରେ ଟିକସ ହାର ବୃଦ୍ଧି କରିବାକୁ ଜିଏସଟି ପରିଷଦ ନିଷ୍ପତ୍ତି ନେଇଛି, ତେବେ ଅନେକ ସାମଗ୍ରୀ ପାଇଁ ଉପଲବ୍ଧ ଜିଏସଟି ଛାଡକୁ ହଟାଇବାକୁ ନିଷ୍ପତ୍ତି ନେଇଛି। ତେଣୁ କିଛି ଜିନିଷ ଅଛି ଯାହା ଉପରେ GAT ର ହାର ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି। ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଅଧ୍ୟକ୍ଷତାରେ ଜିଏସଟି ପରିଷଦର ଦୁଇ ଦିନିଆ ବୈଠକରେ ଏହି ନିଷ୍ପତ୍ତି ନିଆଯାଇଛି। ଡବା କିମ୍ବା ପ୍ୟାକେଜ୍ ଏବଂ ଲେବଲ୍ ଯୁକ୍ତ (ଫ୍ରିଜ୍ ବ୍ୟତୀତ) ମାଛ, ଦହୀ, ପନୀର୍, ଲସି, ମହୁ, ଶୁଖିଲା ସୋୟାବିନ୍, ମଟର, ଗହମ ଏବଂ ଅନ୍ୟାନ୍ୟ ଶସ୍ୟ ଏବଂ ଚାଉଳରେ…
ନୂଆଦିଲ୍ଲୀ: ବର୍ମିଂହାମର ଏଜବଷ୍ଟନ୍ ଠାରେ ଇଂଲଣ୍ଡ-ଭାରତ ମଧ୍ୟରେ ପଞ୍ଚମ ପୁନଃ ନିର୍ଦ୍ଧାରିତ ଟେଷ୍ଟ ଖେଳାଯିବା। ଏହା ପରେ ତିନି ମ୍ୟାଚ୍ ବିଶିଷ୍ଟ ଟି -୨୦ ଏବଂ ତା’ପରେ ଦିନିକିଆ ସିରିଜ୍ ଖେଳାଯିବ। ଟି-୨୦ ସିରିଜର ପ୍ରଥମ ମ୍ୟାଚ୍ ଜୁଲାଇ ୭ ତାରିଖରେ ଖେଳାଯିବ। ବିରାଟ କୋହଲି, ଋଷଭ ପନ୍ତ ଏବଂ ଜସପ୍ରୀତ ବୁମ୍ରା ପ୍ରଥମ ଟି-୨୦ ରେ ଖେଳିବେ ନାହିଁ। ଆସନ୍ତୁ ଜାଣିବା ଏହାର କାରଣ….. ବାସ୍ତବରେ, ଭାରତ ଏବଂ ଇଂଲଣ୍ଡ ମଧ୍ୟରେ ପଞ୍ଚମ ପୁନଃ ନିର୍ଦ୍ଧାରିତ ଟେଷ୍ଟ ଜୁଲାଇ ୦୧ ତାରିଖରୁ ଜୁଲାଇ ୦୫ ତାରିଖ ପର୍ଯ୍ୟନ୍ତ ଖେଳାଯିବ। ଏହି ମ୍ୟାଚ୍ ଶେଷ ହେବାର ମାତ୍ର ଦୁଇ ଦିନ ପରେ ଜୁଲାଇ ୭ ତାରିଖ ରେ ପ୍ରଥମ ଟି-୨୦ ଖେଳାଯିବ। ଏପରି ପରିସ୍ଥିତିରେ ଖେଳାଳିଙ୍କ କାର୍ଯ୍ୟଭାର ଏବଂ ଥକ୍କାପଣକୁ ବିଚାର କରି କୋହଲି, ପନ୍ତ ଏବଂ ବୁମରା ପ୍ରଥମ ଟି-୨୦ ରୁ ବିଶ୍ରାମ ନେଇପାରନ୍ତି। ଯଦି କୋହଲି, ପନ୍ତ ଏବଂ…
ନୂଆଦିଲ୍ଲୀ: ଆଜିକାଲି ଆଧାର କାର୍ଡ ଏବଂ ପାନ୍ କାର୍ଡ ଦୁଇଟି ଗୁରୁତ୍ୱପୂର୍ଣ୍ଣ ଦଲିଲରେ ପରିଣତ ହୋଇଛି। ଏହି ଦୁଇଟି ଡକ୍ୟୁମେଣ୍ଟ ବିନା କୌଣସି କାମ କରିବା ସହଜ ନୁହେଁ। ଆଧାର କାର୍ଡ ହେଉଛି ଏକ ଗୁରୁତ୍ୱପୂର୍ଣ୍ଣ ID ପ୍ରୁଫ୍ ଡକ୍ୟୁମେଣ୍ଟ୍, ଯେତେବେଳେ କି ସମସ୍ତ ଗୁରୁତ୍ୱପୂର୍ଣ୍ଣ ଆର୍ଥିକ କାର୍ଯ୍ୟ ପାଇଁ ପାନ୍ କାର୍ଡ ବ୍ୟବହୃତ ହୁଏ। ଇନକମ ଟ୍ୟାକ୍ସର ନିୟମ ଅନୁଯାୟୀ, ପାନ୍ କାର୍ଡ ଏବଂ ଆଧାର କାର୍ଡକୁ ଲିଙ୍କ୍ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଯଦି କୌଣସି ବ୍ୟକ୍ତି ଏପର୍ଯ୍ୟନ୍ତ ଉଭୟକୁ ଲିଙ୍କ୍ କରିନାହାଁନ୍ତି, ତେବେ ଯଥାଶୀଘ୍ର ଲିଙ୍କ୍ କରିନିଅନ୍ତୁ। ଆଜି ଆପଣ ଆଧାର ଏବଂ PAN କୁ କମ୍ ଜରିମାନା ସହିତ ଲିଙ୍କ୍ କରିପାରିବେ। ଆସନ୍ତାକାଲି ଠାରୁ ଆପଣଙ୍କୁ ଏହି କାମ ପାଇଁ ଦୁଇଗୁଣ ଜରିମାନା ଦେବାକୁ ପଡିବ। ନିୟମ ଅନୁଯାୟୀ, ଆୟକର ବିଭାଗ ଦ୍ଵାରା ମାର୍ଚ୍ଚ ୩୧ ତାରିଖ ୨୦୨୨ ପର୍ଯ୍ୟନ୍ତ ଲୋକମାନେ ସେମାନଙ୍କର ପାନ୍ ଏବଂ ଆଧାରକୁ ମାଗଣାରେ…
ନୂଆଦିଲ୍ଲୀ: ଭାରତରେ କରୋନା ମାମଲାରେ ୨୯.୭ ପ୍ରତିଶତ ବୃଦ୍ଧି ଘଟିଛି। ଗତ ୨୪ ଘଣ୍ଟା ମଧ୍ୟରେ ୧୮ ହଜାର ୮୧୯ଟି ନୂଆ ମାମଲା ପଞ୍ଜିକୃତ ହୋଇଛି। ଯାହା ସହିତ ଦେଶରେ ସକ୍ରିୟ ମାମଲା ଏକ ଲକ୍ଷ ଅତିକ୍ରମ କରିଛି। ବର୍ତ୍ତମାନ ୧ ଲକ୍ଷ ୪ ହଜାର ୫୫୫ ଲୋକ କରୋନାରେ ପୀଡିତ ଅଛନ୍ତି। ଗତ ୨୪ ଘଣ୍ଟା ମଧ୍ୟରେ କରୋନା ଯୋଗୁଁ ୩୯ ଜଣଙ୍କର ମୃତ୍ୟୁ ଘଟିଛି। ତେବେ କରୋନା କାରଣରୁ ଦେଶରେ ଏପର୍ଯ୍ୟନ୍ତ ମୋଟ ୫ ଲକ୍ଷ ୨୫ ୧୧୬ ଜଣଙ୍କର ମୃତ୍ୟୁ ଘଟିଛି। ଏହି ସମୟରେ ୪ କୋଟି ୨୮ ଲକ୍ଷ ୨୨ ହଜାର ୪୯୩ ଲୋକ କରୋନାରୁ ଆରୋଗ୍ୟ ଲାଭ କରିଛନ୍ତି।
କଟକ: କଟକ ବାରବାଟୀ ବିଧାୟକ ମହମ୍ମଦ ମୋକିମ ନିଜର ଦାବୀ ହାସଲ ପାଇଁ କରିଛନ୍ତି ଅଭିନବ ପ୍ରତିବାଦ। ସେ ବାରମ୍ବାର ରାଜ୍ୟ ସରକାରଙ୍କ ତାଙ୍କର ଦାବୀ କରୁଥିଲେ ମଧ୍ୟ ତାହାର କୌଣସି ସମାଧାନ ହେଲା ନାହିଁ। ଶେଷରେ ସେ ଯେଉଁ ନର୍ଦ୍ଧମା ପାଣି ବିରୋଧରେ କହୁଥିଲେ ସେଥିରେ ସେ ଖୋଦ ଭିତରେ ପଶି ପ୍ରତିବାଦ କରିଛନ୍ତି। ମୋକିମ କଟକ ପେଟାନାଳର ପୁନରୁଦ୍ଧାର ଦାବୀ କରି ଆସୁଛନ୍ତି। ଏହି ନାଳକୁ ରାଜ୍ୟ ସରକାର ଗନ୍ଧମୟ ପରିବେଶରୁ ଉଦ୍ଧାର କରି ସୌନ୍ଦର୍ଯ୍ୟକରଣ କରନ୍ତୁ। ବର୍ତ୍ତମାନ ଏହି ନାଳଟି ଏକ ଡ୍ରେନେଜ ହୋଇଯାଇଛି। ସବୁବେଳେ ମଇଳାପାଣି ଏଥିରେ ନିଷ୍କାସିତ ହେଇଛି। ଫଳରେ କଟକ ବିଡାନାସୀ ଏହାକୁ ନେଇ ହନ୍ତସନ୍ତ ହେବାରେ ଲାଗିଛନ୍ତି। ଏଥିପ୍ରତି ରାଜ୍ୟ ସରକାରଙ୍କ ଦୃଷ୍ଟି ଦେବା ପାଇଁ ମୋକିମ ଏପରି ପ୍ରତିବାଦ କରିଛନ୍ତି।
ନୂଆଦିଲ୍ଲୀ: ହାଇଦ୍ରାବାଦରେ ପ୍ରଧାନମନ୍ତ୍ରୀ ମୋଦୀ ଏବଂ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ଧମକ ଦିଆଯାଇଛି। ତେବେ ଧମକ ଦେଇଥିବା ଅଭିଯୁକ୍ତକୁ ପୋଲିସ ଗିରଫ କରିଛି। ବାସ୍ତବରେ ଏଠାରେ ଓଲ୍ଡ ସିଟିର ଏକ ଛୋଟ ଦଳର ନେତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଏବଂ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ମୁଣ୍ଡ କାଟିଦେବାକୁ ଧମକ ଦେଇ ଗିରଫ ହୋଇଛନ୍ତି। ଗଣମାଧ୍ୟମ ରିପୋର୍ଟ ଅନୁଯାୟୀ, ମହମ୍ମଦଙ୍କ ଉପରେ ବିଜେପି ମୁଖପାତ୍ରଙ୍କ ମନ୍ତବ୍ୟକୁ ନେଇ ନିଜକୁ ‘ଅଲ ଇଣ୍ଡିଆ ମଜଲିସ-ଏ-ଇନକିଲାବ-ଏ-ମିଲା’ର ରାଷ୍ଟ୍ରୀୟ ସଂଯୋଜକ କହୁଥିବା ଅବଦୁଲ ମଜିଦ ଅତ୍ତାର ନାରାଜ ଥିଲେ। ଏକ ଫେସବୁକ ପୋଷ୍ଟରେ ସେ ଶୀର୍ଷ ଆରଏସଏସ ଏବଂ ବିଜେପି ନେତାଙ୍କୁ କ୍ଷମା ମାଗିବାକୁ କିମ୍ବା ମନ୍ତବ୍ୟ ପାଇଁ ମୁଣ୍ଡ କାଟିବାକୁ ପ୍ରସ୍ତୁତ ହେବାକୁ ଧମକ ଦେଇଥିଲେ। ତାଙ୍କ ପୋଷ୍ଟରେ ମୋଦୀ ଏବଂ ଯୋଗୀଙ୍କ ପୋଷ୍ଟର ମଧ୍ୟ ରହିଥିଲା। ଏହା ପରେ ଉତ୍ତେଜନାମୂଳକ ପୋଷ୍ଟର ଅଭିଯୋଗରେ ମୋଗଲପୁରା ପୋଲିସ…