ଗତକାଲି 600 ପଏଣ୍ଟ ତଳକୁ ଖସିଥିବା ସେନସେକ୍ସ ଆଜି ଉପରକୁ ଉଠିଛି । ମଙ୍ଗଳବାର ଦିନ ସେନସେକ୍ସ 200 ପଏଣ୍ଟ ଉପରକୁ ଉଠିଥିବା ବେଳେ ନିଫ୍ଟୀ 60 ପଏଣ୍ଟ ଉପରକୁ ଉଠିଛି । ଏହା ସହିତ ନିଫ୍ଟୀ ପୁନର୍ବାର 10900 ପଏଣ୍ଟରେ ପହଞ୍ଚି 11 ହଜାର ପଏଣ୍ଟର ନିକଟତର ହୋଇଛି । ଏହି ସମୟରେ ବ୍ୟାଙ୍କିଙ୍ଗ ଏବଂ ଅଟୋ ମୋବାଇଲ୍ ସେକ୍ଟରର ସେୟାରରେ ବୃଦ୍ଧି ଘଟିଛି । ସେନସେକ୍ସ 214.59 ପଏଣ୍ଟ ବୃଦ୍ଧି ସହିତ 36914.80 ପଏଣ୍ଟରେ ପହଞ୍ଚିଛି । ସେହିପରି ନିଫ୍ଟୀ ଏହି ସମୟରେ 68.65 ପଏଣ୍ଟ ବୃଦ୍ଧି ସହିତ 10931.25 ପଏଣ୍ଟରେ ପହଞ୍ଚିଛି । ସେନସେକ୍ସ ଏବଂ ନିଫ୍ଟୀର ଅଭିବୃଦ୍ଧି ହାର ଯଥାକ୍ରମେ 0.59 ପ୍ରତିଶତ ଏବଂ 0.63 ପ୍ରତିଶତ ରହିଛି । ଇଣ୍ଡସଇଣ୍ଡ ବ୍ୟାଙ୍କ, ହିରୋ ମୋଟୋକର୍ପ, ଟାଟା ମୋଟର୍ସ, ୟେସ୍ ବ୍ୟାଙ୍କ ଏବଂ ଆକ୍ସିସ୍ ବ୍ୟାଙ୍କର ଅଂଶଧନ ମୂଲ୍ୟରେ 1.07 ପ୍ରତିଶତ ବୃଦ୍ଧି ଘଟିଛି ।
Author: Samikhsya Bureau
ଜମ୍ମୁକାଶ୍ମୀରରେ ଧାରା ୩୭୦କୁ ଦୁର୍ବଳ କରିବା ଓ ରାଜ୍ୟକୁ କେନ୍ଦ୍ର ଶାସିତ ପ୍ରଦେଶ କରିବା ନେଇ କେନ୍ଦ୍ରସରକାରଙ୍କ ନିଷ୍ପତ୍ତିକୁ ନେଇ ରାହୁଲ୍ ଗାନ୍ଧି ପ୍ରତିକ୍ରିୟା ଦେଇଛନ୍ତି । ରାହୁଲ୍ ଗାନ୍ଧି ଏହି ବିଷୟ ଉପରେ ମଙ୍ଗଳବାର ଏକ ଟୁଇଟ୍ କରିଛନ୍ତି । ରାହୁଲ୍ କହିଛନ୍ତି ଯେ, ଏହି ମାମଲାରେ କେନ୍ଦ୍ର ସରକାରଙ୍କ ନିଷ୍ପତ୍ତି ସମ୍ବିଧାନର ଉଲ୍ଲଂଘନ କରୁଛି ଏବଂ ଏହା ରାଷ୍ଟ୍ରୀୟ ସୁରକ୍ଷାକୁ ମଧ୍ୟ ବିପଦରେ ପକାଇବ । ରାଷ୍ଟ୍ରୀୟ ଅଖଣ୍ଡତା ପାଇଁ ଜମ୍ମୁ କାଶ୍ମୀରରକୁ ଏକତରଫା ଭାବରେ ଭାଗ କରାଯାଇପାରିବ ନାହିଁ । ଦେଶ ଲୋକଙ୍କୁ ନେଇ ନିର୍ମାଣ ହୋଇଥାଏ, ଭୂମିବା କ୍ଷେତ୍ରକୁ ନେଇ ନୁହେଁ । କାର୍ଯ୍ୟକାରୀ ଶକ୍ତିର ଦୂରପୁଯୋଗ କରିବା ଆମ ରାଷ୍ଟ୍ରୀୟ ସୁରକ୍ଷାକୁ ଗୁରୁତର ବିପଦରେ ପକାଇ ପାରେ । କେନ୍ଦ୍ର ସରକାରଙ୍କ ଏହି ଐତିହାସିକ ନିଷ୍ପତ୍ତିକୁ କଂଗ୍ରେସ ଦଳ ଦୃଢ ବିରୋଧ କରୁଛି । ରାଜ୍ୟସଭାରେ ମଧ୍ୟ ଜମ୍ମୁକାଶ୍ମୀର ପୁର୍ନଗଠିତ ବିଲ୍ ବିପକ୍ଷରେ କଂଗ୍ରେସ…
ଡିଜିପି ଆର. ପି ଶର୍ମା ଲୋକାୟୁକ୍ତ ସଦସ୍ୟ ହେବେ। ଲୋକାୟୁକ୍ତ ସଦସ୍ୟ ପାଇଁ ଚୟନ କମିଟି ପକ୍ଷରୁ ତାଙ୍କ ନାମ ସୁପାରିଶ କରାଯାଇଥିଲା। ତେବେ ଚୟନ କମିଟିର ସୁପାରିଶକୁ ରାଜ୍ୟପାଳ ଗ୍ରହଣ କରିଥିବା ଜଣାପଡ଼ିଛି। ଶର୍ମା ଲୋକାଯୁକ୍ତ ସଦସ୍ୟ ହୋଇଥିବାରୁ ଡିଜିପି ବଦଳିବେ। ଖୁବ୍ ଶୀଘ୍ର ରାଜ୍ୟରେ ନୂଆ ଡିଜିପି ନିଯୁକ୍ତି କରାଯିବା ସ୍ପଷ୍ଟ ହୋଇଛି। ସ୍ବେଚ୍ଛାକୃତ ଅବସର ନେବାକୁ ଆବେଦନ କରିଛନ୍ତି ଆର.ପି. ଶର୍ମା ।
କୃଷକ ଏବଂ କୃଷଗିକୁ ପ୍ରାଧାନ୍ୟ ଦେବା ପାଇଁ ରାଜ୍ୟ ସରକାରଙ୍କ ପକ୍ଷରୁ ଆରମ୍ଭ କରାଯାଇଥିବା କାଳିଆ ଯୋଜନାରେ ସଂଶୋଧନ ହେବ ବୋଲି ଜଣାପଡିଛି । ଏହି ତାଲିକାରେ ରହିଥିବା ଅଯୋଗ୍ୟ ହିତାଧିକାରୀଙ୍କୁ ବାଦ୍ ଦିଆଯାଇ ନୂତନ ଭାବରେ ଯୋଗ୍ୟ ବ୍ୟକ୍ତିଙ୍କ ତାଲିକା ପ୍ରସ୍ତୁତ କରାଯିବ । କାଳିଆ ଯୋଜନା ନିମନ୍ତେ ରହିଥିବା ଓ୍ବେବ୍ସାଇଟ୍ରେ 51 ଲକ୍ଷ ଲୋକଙ୍କ ନାମ ରହିଛି । ଏହା ମଧ୍ୟରୁ 37 ଲକ୍ଷ କ୍ଷୁଦ୍ର ଏବଂ ନାମମାତ୍ର ଚାଷୀ ରହିଥିବା ବେଳେ 14 ଲକ୍ଷ ଭୂମିହୀନ କୃଷକ ରହିଛନ୍ତି । ଅଯୋଗ୍ୟ ହିତାଧିକାରୀଙ୍କୁ ଚିହ୍ନଟ କରାଯାଇ ବାଦ ଦିଆଯିବା ନେଇ କୃଷି ସଚିବ ସୌରଭ ଗର୍ଗ ସୂଚନା ଦେଇଛନ୍ତି । ସମସ୍ତ ପଞ୍ଚାୟତ, ବ୍ଲକ୍ ଏବଂ ଜିଲ୍ଲାରେ ଏକ କମିଟି ଗଠନ ହେବ ଏବଂ କମିଟି ଗଠନ କରାଯିବ ବୋଲି ଗର୍ଗ ସୂଚନା ଦେଇଛନ୍ତି । ସେହିପରି ଯେଉଁ ହିତାଧିକାରୀ ସ୍ବେଚ୍ଛାକୃତ ଭାବରେ ନିଜର ନାମ ପ୍ରତ୍ୟାହାର…
ଆଜି ଲୋକସଭାରେ ଉପସ୍ଥାପନ ହୋଇଛି ଜମ୍ମୁ-କଶ୍ମୀର ପୁନର୍ଗଠନ ବିଲ୍। ଏହି ବିଲ୍କୁ ଗତକାଲି ରାଜ୍ୟସଭାରେ ମଞ୍ଜୁରୀ ମିଳିସାରିଛି।ଜମ୍ମୁ-କଶ୍ମୀରକୁ ସ୍ୱତନ୍ତ୍ର ମାନ୍ୟତା ପ୍ରଦାନ କରୁଥିବା ଧାରା ୩୭୦କୁ ଗତକାଲି ଉଚ୍ଛେଦ କରିଛନ୍ତି କେନ୍ଦ୍ର ସରକାର। ରାଜ୍ୟସଭାରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଏହି ଐତିହାସିକ ନିଷ୍ପତ୍ତି ସମ୍ପର୍କରେ ଘୋଷଣା କରିଥିଲେ। ରାଜ୍ୟସଭାର ଅନୁମୋଦନ ପରେ ଜମ୍ମୁ-କଶ୍ମୀରକୁ ଦୁଇ ଭାଗ କରିବା ଓ ଧାରା ୩୭୦ ଧାରାକୁ ଉଚ୍ଛେଦ କରିବା ପାଇଁ ପ୍ରସ୍ତାବିତ ବିଲ୍ ଆଜି ଲୋକସଭାରେ ଆଗତ ହୋଇଛି। ବିରୋଧଙ୍କ ହଟ୍ଟଗୋଳ ମଧ୍ୟରେ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ ଆଜି ଲୋକସଭାରେ ଜମ୍ମୁ-କଶ୍ମୀର ପୁନର୍ଗଠନ ବିଲ ଆଗତ କରିଛନ୍ତି। ଅମିତ୍ ଶାହା ବିଲ୍ ଉପସ୍ଥାପନ କରି ପାକିସ୍ତାନ ଅଧିକୃତ କଶ୍ମୀର ବା ପିଓକେ ବି ଆମର ବୋଲି କହିଛନ୍ତି। ଶ୍ରୀ ଶାହ କହିଛନ୍ତି, “ଜମ୍ମୁ-କଶ୍ମୀର ହେଉଛି ଭାରତର ଅଭିନ୍ନ ଅଙ୍ଗ। ପିଓକେ ମଧ୍ୟ ଏହା ମଧ୍ୟରେ ଆସୁଛି। ଆମେ କଶ୍ମୀର ପାଇଁ…
ଉତ୍ତରାଖଣ୍ଡ ତେହରିରେ ଏକ ସ୍କୁଲ ବସ ଦୁର୍ଘଟଣାଗ୍ରସ୍ତ ହୋଇଛି । ସ୍କୁଲ ଛାତ୍ରଛାତ୍ରୀଙ୍କୁ ନେଇ ଯାଉଥିବା ବସଟି ଖାଇ ମଧ୍ୟକୁ ଖସିଯିବାରୁ ୯ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟମାନେ ଆହତ ହୋଇଛନ୍ତି । ଉତ୍ତରାଖଣ୍ଡ ତେହରି ଗରୱାଲ କାଙ୍ଗସାଲିରେ ଏକ ସ୍କୁଲ ବସ ୧୮ଜଣ ଛାତ୍ରଛାତ୍ରୀଙ୍କୁ ନେଇ ଯାଉଥିଲା । ଏହି ସ୍କୁଲ ବସଟି ଖାଇରେ ଖସି ପଡ଼ିବାରୁ ଦୁର୍ଘଟଣା ଘଟିଛି । ଏହି ଅଘଟଣରେ ୭ଜଣ ସ୍କୁଲ ପିଲାଙ୍କ ମୃତ୍ୟୁ ଘଟିଛି । ଖବର ପାଇଁ ଘଟଣାସ୍ଥଳରେ ଏଡିଆରଏଫ ଟିମ ପହଞ୍ଚି ଆହତଙ୍କୁ ଉଦ୍ଧାର କାର୍ଯ୍ୟ ଜାରି କରିଛି । ଦୁର୍ଘଟଣାରେ ଆହତଙ୍କ ସଂଖ୍ୟା ସ୍ପଷ୍ଟ ହୋଇନାହିଁ । ଏହି ଦୁର୍ଘଟଣାରେ କିଛି ପିଲାଙ୍କ ହାତ, ଗୋଡ଼ ଓ ଚେହେରାରେ ଗଭୀର ଆଘାତ ଲାଗିଛି। ମୃତ ଶିଶୁଙ୍କ ପରିଚୟ ମଧ୍ୟ ଠିକ୍ରେ ହୋଇପାରିନାହିଁ । ପୋଲିସ୍ ଏହି ଘଟଣାର ତଦନ୍ତ କରୁଛି । ଆହତଙ୍କୁ ଉଦ୍ଧାର କରି ମେଡ଼ିକାଲରେ ଭର୍ତ୍ତି…
କେନ୍ଦ୍ରୀୟ ଚୀନ୍ରେ ଭୟଙ୍କର ବର୍ଷା ହେବା ଫଳରେ 6 ଜଣଙ୍କର ମୃତ୍ୟୁ ଘଟିଥିବା ବେଳେ 6 ଜଣ ନିଖୋଜ ହୋଇଛନ୍ତି । କେନ୍ଦ୍ରୀୟ ଚୀନ୍ର ହୁବେଇ ପ୍ରଦେଶରେ ମଙ୍ଗଳବାର ଭୟଙ୍କର ବର୍ଷା ହେବା ଫଳରେ ବନ୍ୟା ପରସ୍ଥିତି ସୃଷ୍ଟି ହୋଇଥିଲା । ଏହା ଫଳରେ 6 ଜଣ ନିହତ ହେବା ସହିତ 6 ଜଣ ନିଖୋଜ ଅଛନ୍ତି । ଏହି ପ୍ରଳୟଙ୍କାରୀ ବନ୍ୟାରେ ସହରର ଅଳ୍ପ କିଛି ସ୍ଥାନରେ ରାସ୍ତା ବନ୍ଦ ରହିଥିବା ବେଳେ ବିଭିନ୍ନ ସ୍ଥାନରେ ବିଦ୍ୟୁତ୍ ସରବରାହ ବ୍ୟବସ୍ଥା ବିଛିନ୍ନ ହୋଇଛି ।
ଟିମ ଇଣ୍ଡିଆ ଆଜି ୱେଷ୍ଟଇଣ୍ଡିଜ ବିପକ୍ଷରେ ପଡ଼ିଆକୁ ଓହ୍ଲାଇବ । ପ୍ରଥମ ଦୁଇ ମ୍ୟାଚ ଜିତି ସାରିଥିବା ଭାରତ ତିନି ମ୍ୟାଚ ବିଶିଷ୍ଟ ଶୃଙ୍ଖଳାକୁ କ୍ଲିନସୁଇପ କରିବା ଲକ୍ଷ୍ୟରେ ରହିଛି । ବିରାଟ କୋହଲିଙ୍କ ନେତୃତ୍ୱରେ ଆମେରିକାର ଫ୍ଲୋରିଡ଼ାରେ ଖେଳାଯାଇଥିବା ଟିମ ପ୍ରଥମ 2 ଟି ମ୍ୟାଚରେ ଭାରତୀୟ ଟିମ ବିଜୟୀ ହୋଇଛି । ପ୍ରଥମ ମ୍ୟାଚରେ ଭାରତ 4 ୱିକେଟ ଏବଂ ବର୍ଷା ବାଧାପ୍ରାପ୍ତ ଦ୍ବିତୀ ମ୍ୟାଚ୍ରେ 22 ରନରେ ବିଜୟୀ ହୋଇଛି । ତୃତୀୟ ମ୍ୟାଚ ଆଜି ୱେଷ୍ଟଇଣ୍ଡିଜର ଗୁଏନାସ୍ଥିତ ପ୍ରୋଭିଡେନ୍ସ ଷ୍ଟାଡିୟମରେ ଖେଳାଯିବ । ଭାରତୀୟ ସମୟ ରାତି 8ଟାରେ ଏହି ମ୍ୟାଚ୍ ଖେଳାଯିବ । ସିରିଜ୍ ବିଜୟ ହାସଲ କରି ସାରିଥିବାରୁ ଭାରତ ଏହି ମ୍ୟାଚ୍ରେ ବରିଷ୍ଠ ଖେଳାଳିଙ୍କୁ ବିଶ୍ରାମ ଦେବା ନେଇ ଚର୍ଚ୍ଚା ହେଉଛି ।
ରାମ ଜନ୍ମଭୂମି-ବାବ୍ରୀ ମସଜିଦ ଜମି ବିବାଦ ମାମଲାରେ ସୁପ୍ରିମକୋର୍ଟ ଆଜିଠାରୁ ଦୈନିକ ଶୁଣାଣୀ କରିବେ । ମଧ୍ୟସ୍ଥତା ମାଧ୍ୟମରେ ବିବାଦର କୌଣସି ରାସ୍ତା ବାହାର କରିବାର ଉଦ୍ୟମ ବିଫଳ ହେବା ପରେ ଏବେ ସୁପ୍ରିମକୋର୍ଟ ଏହି ମାମଲାର ଦୈନିକ ଶୁଣାଣୀ କରିବାକୁ ନିଷ୍ପତ୍ତି ନେଇଛନ୍ତି । ପ୍ରଧାନ ବିଚାରପତି ଜଷ୍ଟିସ ରଂଜନ ଗୋଗୋଇଙ୍କ ଅଧ୍ୟକ୍ଷତାରେ ଗଠିତ 5 ସଦସ୍ୟ ବିଶିଷ୍ଟ ସାମ୍ବିଧାନିକ ପୀଠ ଏହି ମାମଲାର ଶୁଣାଣୀ କରିବେ । ଏହି ସାମ୍ବିଧାନିକ ଖଣ୍ଡପୀଠରେ ଜଷ୍ଟିସି ଏସ.ଏ. ବୋବଡେ, ଜଷ୍ଟିସି ଡି.ୱାଇ ଚନ୍ଦ୍ରଚୂଡ଼, ଜଷ୍ଟିସ ଅଶୋକ ଭୂଷଣ ଓ ଜଷ୍ଟିସି ଏସ. ଏ. ନଜୀର ମଧ୍ୟ ସାମିଲ ଅଛନ୍ତି । ସୂଚନାଯୋଗ୍ୟ ଅଗଷ୍ଟ 1ରେ ମଧ୍ୟସ୍ଥତା କମିଟି ସୁପ୍ରିମକୋଟରେ ସିଲ ବନ୍ଦ ଲଫାଫାରେ ଚୂଡାନ୍ତ ରିପୋର୍ଟ ଦାଖଲ ଦେଇଥିଲେ ଏବଂ ପୁଣି ସୁପ୍ରିମକୋର୍ଟ ରିପୋର୍ଟ କହିଥିଲେ ଯେ, ମଧ୍ୟସ୍ଥତା କମିଟି ମାଧ୍ୟମରେ ମାମଲାର କୌଣସି ସମାଧାନ ହୋଇପାରିବ ନାହିଁ । ସୁପ୍ରିମକୋର୍ଟ…
ଉତ୍ତର ବଙ୍ଗୋପସାଗର ସୃଷ୍ଟ ହୋଇଥିବା ଘୂର୍ଣ୍ଣିବଳୟ ଧିରେ ଧିରେ ଲଘୁଚାପର ରୂପ ନେଉଛି । ଏହାର ପ୍ରଭାବରେ ଉତ୍ତର ଓ ଦକ୍ଷିଣ ଓଡ଼ିଶାରେ ପ୍ରବଳ ବର୍ଷା ହେବାର ସମ୍ଭାବନୀ ରହିଛି । ସେହିପରି ମାଲକାନଗିରି, ରାୟଗଡ଼ା, କେନ୍ଦୁଝର, ଢେଙ୍କାନାଳ, ଅନୁଗୁଳ, ମୟୂରଭଞ୍ଜ, ବାଲେଶ୍ୱର, ଯାଜପୁର, ଭଦ୍ରକ, ଜଗତସିଂହପୁର ଆଦି ଜିଲ୍ଲାରେ ବର୍ଷାର ପରିମାଣ ଅଧିକ ରହିବ । ଆଜି ରାଜ୍ୟର କେତେକ ଜିଲ୍ଲାରେ ଘଡ଼ଘଡ଼ି ସହ ବର୍ଷା ହେବାର ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଭାଗ । ଏଥିପାଇଁ ସତର୍କ ରହିବାକୁ ପରାମର୍ଶ ଦିଆଯାଇଛି । ଦିନ 12ଟା ଯାଏ 13ଟି ଜିଲ୍ଲାବାସୀଙ୍କୁ ସତର୍କ ରଖିବାକୁ ପରାମର୍ଶ ଦିଆଯାଇଛି । ସେହି ଜିଲ୍ଲା ଗୁଡ଼ିକ ହେଲା ଖୋର୍ଦ୍ଧା, ମାଲକାନଗିରି, କୋରାପୁଟ, ଗଜପତି, ରାୟଗଡ଼ା, କଳାହାଣ୍ଡି, ଅନୁଗୋଳ, ମୟୂରଭଞ୍ଜ, କେନ୍ଦୁଝର, ସୁନ୍ଦରଗଡ଼, ଦେବଗଡ଼, ସମ୍ବଲପୁର ଓ ଢେଙ୍କାନାଳ । ଏହି ସମୟରେ ଘରୁ ବାହାରକୁ ନ ବାହାରିବାକୁ ପରାମର୍ଶ ଦିଆଯାଇଛି ।
ରଙ୍ଗାଚରଣ ପ୍ରଧାନ ୧. ଧାରା ୩୭୦ ହଟିଗଲେ କାଶ୍ମୀରରେ ଦେଶ ବିରୋଧୀ ଆତଙ୍କବାଦ କମି ଯିବ କି ? ଉ: ନା । ଏହା ଲାଗି ରହିବ । ସେଇଥିପାଇଁ ତ ଆହୁରି ୩୫୦୦୦ ସୈନ୍ୟ ପଠା ଯାଇଛି । ୨. କାଶ୍ମୀରର ରାଜନୈତିକ ନେତାଙ୍କୁ ପ୍ରଥମ ଥର ଗିରଫ ଓ ନଜରବନ୍ଦ ରଖା ଯାଇଛି କି ? ଉ: ନା, ଆଗରୁ ଏପରି ଅନେକ ଥର ହୋଇଛି । ୩. ଧାରା ୩୭୦ ହଟିଯିବା ପରେ କାଶ୍ମୀର ବାହାର ଲୋକ ସେଠାରେ ଜମି କିଣି ପାରିବ କି ? ଉ: ହଁ । କିନ୍ତୁ ସେଥିପାଇଁ ଜଣେ କାଶ୍ମୀରୀ ଲୋକ ଜମି ବିକିବାକୁ ରାଜି ହେବା ଦରକାର । ସେ କଦାପି ରାଜି ହେବ ନାହିଁ । ଯଦି ସେ ରାଜି ହେଲା ତେବେ ସେଥିରେ କାହାର ଆପତ୍ତି କାହିଁକି ହେବ ? ୪. ଅମ୍ବାନୀ ଓ ଅଦାନୀ ସହଜରେ…
ଜାତୀୟ ରାଜଧାନୀ ନୂଆଦିଲ୍ଲୀର ଏକ ବହୁତଳ ବିଶିଷ୍ଟ ଅଟ୍ଟାଳିକାରେ ସୋମବାର ରାତିରେ ଭୟାବହ ଅଗ୍ନିକାଣ୍ଡ ଘଟିଛି । ଏହି ଅଗ୍ନିକାଣ୍ଡ ଘଟଣାରେ 6 ଜଣଙ୍କର ମୃତ୍ୟୁ ଘଟିଥିବା ବେଳେ 11 ଜଣ ଆହତ ହୋଇଛନ୍ତି । ଜାକିର ନଗରରେ ଘଟିଥିବା ଏହି ଅଗ୍ନିକାଣ୍ଡ ଘଟଣା ସଂପର୍କରେ ସୂଚନା ମିଳିବା ପରେ ଦମକଳ ବାହିନୀର 8ଟି ଗାଡି ଘଟଣାସ୍ଥଳରେ ପହଞ୍ଚି ନିଆଁକୁ ନିୟନ୍ତ୍ରଣ କରିବାକୁ ଉଦ୍ୟମ କରିଛନ୍ତି । ପୁଲିସ ଘଟଣାସ୍ଥଳରୁ 6 ଜଣ ବ୍ୟକ୍ତିଙ୍କର ମୃତଦେହ ଉଦ୍ଧାର କରିଥିବା ବେଳେ 11 ଜଣଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରିଛି । ରାତି 2ଟା ସମୟରେ ଏହି ଅଗ୍ନିକାଣ୍ଡ ଘଟିଥିବା ବେଳେ 7ଟି କାର୍ ଏବଂ 8ଟି ବାଇକ୍ ନିଆଁରେ ଜଳି ପାଉଁଶ ହୋଇଯାଇଛି ।
ଦୁର୍ଦ୍ଦାନ୍ତ ଅପରାଧୀ ସେକ୍ ମେହେତାବକୁ କେନ୍ଦ୍ରାପଡ଼ା ସଦର ଥାନା ପୋଲିସ ଏନକାଉଣ୍ଟର କରିଛି । ତାର ଦୁଇ ଗୋଡ଼ରେ ଗୁଳି ବାଜିଥିବା ବେଳେ ଗୁରୁତର ଅବସ୍ଥାରେ କଟକ ସ୍ଥାନାନ୍ତର କରାଯାଇଛି । ଏହି ସମୟରେ ମେହେତାବର ସହଯୋଗୀ ଫେରାର ହୋଇଯାଇଥିବା ଜଣାପଡ଼ିଛି । ମେହେତାବ ଓ ତା’ର ସହଯୋଗୀ କେନ୍ଦ୍ରାପଡ଼ା ସହରକୁ ଆସୁଥିବା ଖବର ପାଇ ସଦର ପୋଲିସ ଓ ସ୍ପେଶାଲ ସ୍କ୍ୱାର୍ଡ ଟିମ୍ ମିଳିତ ଭାବେ ଚଢ଼ଉ କରିଥିଲେ । ଗଣ୍ଡାଖିଆ ନିକଟରେ ଅପରାଧି ଓ ପୋଲିସ ମୁହାଁମୁହାଁ ହୋଇଥିଲେ । ମେହେତାବ ପ୍ରଥମେ ପୋଲିସ ଉପରକୁ 4 ରାଉଣ୍ଡ ଗୁଳି ଚଳାଇ ଖସିଯିବାକୁ ଉଦ୍ୟମ କରିଥିଲେ । ପୋଲିସର ପାଲଟା ଗୁଳିରେ ମେହେତାବ ଆହତ ହୋଇପଡ଼ିଥିଲା । ମାତ୍ର ତାର ସହଯୋଗୀ ଫେରାର ହୋଇଯାଇଛି । ମେହେତାବଠାରୁ ଗୋଟିଏ 9 ମିମି ପିସ୍ତଲ, 9 ହଜାର ଟଙ୍କା, ଦୁଇଟି ମୋବାଇଲ ଫୋନ ଓ ଗୋଟିଏ ବାଇକ୍ ଜବତ କରାଯାଇଛି…
ରାଜ୍ୟସଭାରେ ଜମ୍ମୁକାଶ୍ମୀର ପୁନର୍ଗଠନ ବିଲ୍ ଉପସ୍ଥାପନା କରିବା ସମୟରେ ଗୃହମନ୍ତ୍ରୀ ଅମିତ୍ ଶାହା ବିବୃତି ପ୍ରଦାନ କରିଛନ୍ତି। ସେ ଏହି ବିବୃତ୍ତିରେ କହିଛନ୍ତି ଯେ, ଜମ୍ମୁ କାଶ୍ମୀରରେ ରକ୍ତପାତ ଯୁଗର ଅନ୍ତ ହୋଇଛି। ଧାରା ୩୭୦ ଆତଙ୍କବାଦର ଜଡ। ରାଜ୍ୟରେ ଗରିବୀ ପାଇଁ ମଧ୍ୟ ଏହି ଧାରା ଦାୟୀ। ଏହା ଯୁବ ବର୍ଗଙ୍କୁ ପଥଭ୍ରଷ୍ଟ କରିବା ସହିତ ବିକାଶରେ ବାଧକ ସାଜିଛି। ଭ୍ରଷ୍ଟାଚାର ହୋଇଛି। ଦଳିତ ଓ ଆଦିବାସୀଙ୍କ ଉନ୍ନତି କରିବାରେ ମଧ୍ୟ ବାଧକ ସାଜିଛି ଧାରା ୩୭୦। ଏଥିପାଇଁ ଜମ୍ମୁକାଶ୍ମୀରେ ମଧ୍ୟ ଉଦ୍ୟୋଗ ଶିଳ୍ପର ବିକାଶ ହୋଇନାହିଁ। ଏବେ ସମୟ ଆସିଛି ଭୋଟ୍ ବ୍ୟାଙ୍କ ରାଜନୀତିରୁ ଉର୍ଦ୍ଧ୍ବକୁ ଯିବା। ସେହିପରି ଉଚିତ୍ ସମୟ ଆସିଲେ ଜମ୍ମୁକାଶ୍ମୀରକୁ ରାଜ୍ୟ ମାନ୍ୟତା ଦିଆଯିବ।
କେନ୍ଦ୍ର ସରକାରଙ୍କ ଐତିହାସିକ ନିଷ୍ପତ୍ତି ଜମ୍ମୁକାଶ୍ମୀରରୁ ଧାରା ୩୭୦ ଉଚ୍ଛେଦ କରିବା ପରେ ଜମ୍ମୁକାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ମେହେବୁବା ମୁଫତିଙ୍କୁ ଗିରଫ କରାଯାଇଛି। ପିଡିପି ନେତା ମୁଫତିଙ୍କୁ ଗିରଫ କରିବା ପରେ ଶ୍ରୀନଗର ସରକାରୀ ଗେଷ୍ଟ ହାଉସ୍ରେ ରଖାଯାଇଛି। ମେହେବୁବା ମୁଫତି ସରକାରଙ୍କ ଏହି ନିଷ୍ପତ୍ତି ଦୃଢ ବିରୋଧ କରିବା ସହିତ ଏହାକୁ ଭାରତୀୟ ଇତିହାସର କଳାଦିବସ ବୋଲି କହିଛନ୍ତି। ଗତକାଲି ମଧ୍ୟରାତ୍ରରୁ ଦୁଇ ପୂର୍ବତନ ଜମ୍ମୁ କାଶ୍ମୀର ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ଏବଂ ମେହବୁବା ମୁଫ୍ତିଙ୍କୁ ଗୃହବନ୍ଦୀ ଭାବରେ ରଖାଯାଇଥିଲା। ଜମ୍ମୁ କାଶ୍ମୀରରେ ଧାରା ୧୪୪ ଲାଗୁ କରାଯିବା ସହିତ ସମସ୍ତ ବରିଷ୍ଠ ନେତା ମାନଙ୍କୁ ଗୃହବନ୍ଦୀ ଅବସ୍ଥାରେ ରଖାଯାଇଛି। ସର୍ବସାଧାରଣରେ କୌଣସି ବୈଠକ ଉପରେ ମଧ୍ୟ ରୋକ୍ ଲଗାଇଛନ୍ତି କେନ୍ଦ୍ର ସରକାର। ମେହେବୁବା ମୁଫ୍ତିଙ୍କ ସହ ସଜ୍ଜାଦ ଲୋନ୍ ଓ ଓମାର୍ ଅବଦୁଲ୍ଲାଙ୍କୁ ମଧ୍ୟ ନ୍ୟାୟିକ ହେପାଜତରେ ନିଆଯାଇଛି।
କେନ୍ଦ୍ର ସରକାରଙ୍କ ଐତିହାସିକ ନିଷ୍ପତ୍ତି ଜମ୍ମୁ କାଶ୍ମୀରରେ ଧାରା ୩୭୦ ଉଚ୍ଛେଦ ପରେ ମୁସଲିମ୍ ଧର୍ମଗୁରୁ ମୌଲାନ୍ ସୈଫ୍ ଆବାସ ଏହାକୁ ସମର୍ଥନ କରିଛନ୍ତି। ସେ ଏହି ଅବସରରେ କହିଛନ୍ତି ଯେ, ଧାରା ୩୭୦ ପାଇଁ ଗୋଟିଏ ରାଷ୍ଟ୍ରରେ ରହି ମଧ୍ୟ ଆମେ ଅଚିହ୍ନା ବା ଅଜଣା ପରି ରହୁଥିଲୁ। ଭାରତୀୟ ହୋଇ ଯଦି ଜଣେ ଭାରତର ଗୋଟିଏ ସ୍ଥାନରେ ଜମି କିଣିପାରିବ ନାହିଁ କି ବ୍ୟବସାୟ କରିପାରିବ ନାହିଁ, ଏହା ଏକ ଚିନ୍ତାର ବିଷୟ। ଏହାକୁ ବହୁତ ପୂର୍ବରୁ ଶେଷ କରିବାର ଥିଲା। କିନ୍ତୁ ରାଜନୈତିକ ନେତାମାନେ ନିଜ ଫାଇଦା ପାଇଁ ୭୦ ବର୍ଷ ହେଲାଣି ଏହାକୁ ଏପରି ଭାବରେ ରଖି ଆସିଛନ୍ତି। ଏକ ରାଷ୍ଟ୍ରରେ ଏକ ସମ୍ବିଧାନ ହେବା ଜରୁରୀ ବୋଲି କହିଛନ୍ତି ମୁସଲିମ୍ ଧର୍ମଗୁରୁ।
ଆଜି ରାଜ୍ୟସଭାରେ ଜମ୍ମୁ-କାଶ୍ମୀରର ପୁନର୍ଗଠନ ବିଲ୍ ପାସ୍ ହୋଇଛି । ରାଜ୍ୟସଭାରେ ଏହି ବିଲ୍କୁ ଉପସ୍ଥାପନା କରିଥିଲେ ଗୃହମନ୍ତ୍ରୀ ଅମିତ୍ ଶାହା । ଏନେଇ ରାଜ୍ୟସଭାରେ ଭୋଟିଂ କରାଯାଇଥିଲା । ପ୍ରଥମେ ଭୋଟିଂ ମେସିନ୍ ଜରିଆରେ ଭୋଟ କରାଯାଇଥିବାବେଳେ ମେସିନ୍ରେ କିଛି ଯାନ୍ତ୍ରିକ ତ୍ରୁଟି ଯୋଗୁଁ କାଗଜରେ ଭୋଟିଂ ପ୍ରକ୍ରିୟା କରାଯାଇଥିଲା । ଏହି ବିଲ୍ ସପକ୍ଷରେ ୧୨୫ଟି ଭୋଟ୍ ମିଳିଥିବାବେଳେ ଏହି ବିଲି୍ ବିପକ୍ଷରେ ୬୧ଟି ଭୋଟ୍ ମିଳିଛି । ଏବେ ଜମ୍ମୁକାଶ୍ମୀରରେ ପୁନର୍ଗଠନ ବିଲ୍ ପାସ୍ ହୋଇଯାଇଛି । ଏହା ସହିତ ଜମ୍ମୁକାଶ୍ମୀରର ସଂରକ୍ଷଣ ସଂଶୋଧନ ବିଲ୍ ମଧ୍ୟ ପାସ୍ ହୋଇଯାଇଛି । ସେହିପରି ଜମ୍ମୁକାଶ୍ମୀରଠାରୁ ଲଦାଖକୁ ଅଲଗା କରିବା ନେଇ ମଧ୍ୟ ବିଲ୍ ପାସ୍ ହୋଇଛି ।
ଜମ୍ମୁ କାଶ୍ମୀରରୁ ୩୭୦ ଧାରା ଉଚ୍ଛେଦ ନେଇ କେନ୍ଦ୍ର ସରକାରଙ୍କ ଐତିହାସିକ ନିଷ୍ପତ୍ତିକୁ ବିଜେପିର ବରିଷ୍ଠ ନେତା ଲାଲ୍କୃଷ୍ଣ ଆଡଭାନୀ ସ୍ବାଗତ କରିଛନ୍ତି । ଏଥିପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ୍ ଶାହାଙ୍କୁ ଶୁଭେଚ୍ଛା ମଧ୍ୟ ଜଣାଇଛନ୍ତି ସେ କହିଛନ୍ତି, “ଏପରି ଐତିହାସିକ ନିଷ୍ପତ୍ତି ପାଇଁ ମୋଦି ଓ ଶାହଙ୍କୁ ଶୁଭେଚ୍ଛା। ଜମ୍ମୁ-କଶ୍ମୀର ଓ ଲଦାଖରେ ଶାନ୍ତି ଏବଂ ବିକାଶ ପାଇଁ ପ୍ରାର୍ଥନା କରୁଛି। ଜାତୀୟ ଏକତା ଓ ଜାତୀୟ ସ୍ୱାର୍ଥ ପାଇଁ କେନ୍ଦ୍ର ସରକାର ଏପରି ନିଷ୍ପତ୍ତି ନେଇଛନ୍ତି। ଜନସଂଘ ଦିନରୁ ହିଁ ଧାରା ୩୭୦କୁ ଉଚ୍ଛେଦ କରିବା ବିଜେପିର ଆଦର୍ଶ ଓ ଲକ୍ଷ୍ୟ ରହିଥିଲା।”
କେନ୍ଦ୍ର ସରକାରଙ୍କ ଜମ୍ମୁ କାଶ୍ମୀରକୁ ସ୍ୱତନ୍ତ୍ର ରାଜ୍ୟର ମାନ୍ୟତା ପ୍ରଦାନ କରୁଥିବା ସମ୍ବିଧାନ ଧାରା ୩୭୦ ଉଚ୍ଛେଦ ପ୍ରସ୍ତାବକୁ ସୋମବାର ରାଷ୍ଟ୍ରୀୟ ସ୍ୱୟଂ ସେବକ ସଂଘ (ଆରଏସଏସ) ଏବଂ ଶିବସେନା ସ୍ୱାଗତ କରିଛନ୍ତି। ଆରଏସଏସ ମୁଖ୍ୟ ମୋହନ ଭାଗବତ ଧାରା ୩୭୦ ଏବଂ ୩୫-କ ଉଚ୍ଛେଦ ଓ ରାଜ୍ୟକୁ ଦୁଇ ଭାଗରେ ବାଣ୍ଟିବାର ନିଷ୍ପତ୍ତିକୁ ମୋଦିଙ୍କ ସାହାସିକ ପଦକ୍ଷେପ ବୋଲି କହିଛନ୍ତି। ଏହା ଦେଶ ଏବଂ ଜାମ୍ମୁ କାଶ୍ମୀର ହିତ ପାଇଁ ଆବଶ୍ୟକ ଥିଲା। ବ୍ୟକ୍ତିଗତ ଫାଇଦା ଏବଂ ରାଜନୈତିକ ମତଭେଦରୁ ଉପରକୁ ଉଠି ସମସ୍ତକୁ ଏହି ପଦକ୍ଷେପର ସ୍ୱାଗତ ଏବଂ ସମର୍ଥନ କରିବା ଉଚିତ। ସେହିପରି ଶିବସେନା ଅଧ୍ୟକ୍ଷ ଉଦ୍ଧବ ଠାକରେ ସରକାରଙ୍କ ଏହି ନିଷ୍ପତ୍ତିକୁ ଐତିହାସିକ ବୋଲି କହିଛନ୍ତି। ସେ କହିଛନ୍ତି ଯେ ଏନଡିଏ ସରକାରଙ୍କ ନିଷ୍ପତ୍ତିରୁ ବାଲାସାହାବ ଠାକେରଙ୍କ ସ୍ୱପ୍ନ ପୂରଣ ହୋଇଛି।
ସମୀକ୍ଷା ବ୍ୟୁରୋ କେନ୍ଦ୍ର ସରକାର ଜମ୍ମୁକାଶ୍ମୀରରେ ଧାରା ୩୭୦କୁ ସମାପ୍ତ କରିଛନ୍ତି । ସରକାରଙ୍କ ଏହି ନିଷ୍ପତ୍ତି ପରେ ସଂସଦରେ ହଙ୍ଗାମା ସୃଷ୍ଟି ହୋଇଛି । କିନ୍ତୁ ଦେଶରେ ପ୍ରାୟ ୧୧ଟି ରାଜ୍ୟରେ ଏପରି କିଛି ଧାରା ଲାଗୁ ହୋଇଛି । କେନ୍ଦ୍ର ସରକାରଙ୍କ ତରଫରୁ ସେଠାରେ କିଛି ବିଶେଷ ଅଗ୍ରାଧିକାର ଦିଆଯାଇଥାଏ । ଧାରା ୩୭୧ରେ ଅନ୍ତର୍ଗତରେ କେନ୍ଦ୍ର ସରକାର ସେହି ସମସ୍ତ ରାଜ୍ୟକୁ ବିକାଶ, ସୁରକ୍ଷା ଆଦି ସମ୍ବନ୍ଧୀୟ କାର୍ଯ୍ୟ ପାଇଁ ସ୍ବତନ୍ତ୍ରତା ଦେଇଥା’ନ୍ତି । ମହାରାଷ୍ଟ୍ର/ଗୁଜରାଟ – ଆର୍ଟିକିଲ୍ ୩୭୧ ମହାରାଷ୍ଟ୍ର ଓ ଗୁଜୁରାଟ ଏହି ଦୁଇରାଜ୍ୟରେ ରାଜ୍ୟପାଳଙ୍କ ଧାରା ୩୭୧ ସମ୍ବନ୍ଧୀୟ ବିଶେଷ ସ୍ବତନ୍ତ୍ରତା ରହିଛି । ମହାରାଷ୍ଟ୍ରର ବିଦର୍ଭ, ମରାଠାଓ୍ବାଡା ଓ ଗୁଜୁରାଟର ସୌରାଷ୍ଟ୍ର ଓ କଚ୍ଛର ଅଲଗା ବିକାଶ ବୋର୍ଡ ନିର୍ମାଣ କରାଯାଇ ଏହି ଅଞ୍ଚଳରେ ବିକାଶ କାର୍ଯ୍ୟ ପାଇଁ ଯଥାସମ୍ଭବ ଅର୍ଥଯୋଗାଣ କରାଯାଏ । ନିଯୁକ୍ତିଭିତ୍ତିକ ଶିକ୍ଷା, ଭୋକେଶନାଲ୍ ଟ୍ରେନିଂ ଓ…
ଭାରତରେ କ୍ରିକେଟ୍କୁ ଧର୍ମ ପରି ବିବେଚନା କରାଯାଏ । ମାତ୍ର ଚଳିତ କ୍ରିକେଟ୍ ବିଶ୍ବକପ୍ର ସେମି ଫାଇନାଲ୍ରୁ ଭାରତୀୟ ଦଳ ବିଦାୟ ନେବା ପରେ ବିଭିନ୍ନ ମହଲରୁ ଏହାକୁ ସମାଲୋଚନା କରାଯାଉଛି। ବରିଷ୍ଠ ଖେଳାଳିଙ୍କ ପକ୍ଷରୁ କୋହଲିଙ୍କୁ ଅଧିନାୟକ ପଦବୀରୁ ବହିଷ୍କାର କରାଯିବାର ଦାବି କରାଯାଉଛି । ଏହି ସମୟରେ ଭାରତୀୟ ଦଳ ଓ୍ବେଷ୍ଟଇଣ୍ଡିଜ ଗସ୍ତ କରିଛି । ଦଳ ଟି20 ସିରିଜ୍ରେ ବିଜୟୀ ହୋଇଥିଲେ ମଧ୍ୟ ଦଳର ପ୍ରଦର୍ଶନ ସନ୍ତୋଷ ଜନକ ନ ରହିବା ନେଇ ପୁନର୍ବାର କୋହଲି ଭାରତୀୟ ଚୟନକର୍ତ୍ତା ସମାଲୋଚନାର ଶିକାର ହୋଇଛନ୍ତି । ଚଳିତ ଗସ୍ତରୁ ମହେନ୍ଦ୍ର ସିଂ ଧୋନୀ ବିଶ୍ରାମ ନେଇଥିବା ବେଳେ ତାଙ୍କ ସ୍ଥାନରେ ଋଷଭ ପନ୍ତଙ୍କୁ ଦଳରେ ସାମିଲ କରାଯାଇଥିଲା । ପନ୍ତ ନିଜର ଆକ୍ରମଣାତ୍ମକ ବ୍ୟାଟିଂ ନିମନ୍ତେ ପ୍ରସିଦ୍ଧି ହାସଲ କରିଥିଲେ ମଧ୍ୟ ଏହି ଦୁଇ ମ୍ୟାଚ୍ରେ ବେପରୁଆ ସଟ୍ ଖେଳି ଚର୍ଚ୍ଚାକୁ ଆସିଛନ୍ତି । ସେହିପରି ଚାରି ନମ୍ବର…