ବଲିଉଡ୍ ଅଭିନେତ୍ରୀ ଅମୃତା ରାଓଙ୍କ ୩୮ ତମ ଜନ୍ମଦିବସ। ୨୦୦୨ ‘ଅବ୍ କେ ବରସ୍’ ଫିଲ୍ମ ଜରିଆରେ ବଲିଉଡ୍ରେ ଡେବ୍ୟୁ କରିଥିବାବେଳେ ‘ଇସ୍କ ଭିସ୍କ’ ଜରିଆରେ ନିଜର ଏକ ସ୍ବତନ୍ତ୍ର ପରିଚୟ କରିଥିଲେ। ତା’ପରେ ତାଙ୍କୁ ଅନେକ ବଲିଉଡ୍ ଫିଲ୍ମରେ ଦେଖିବାକୁ ମିଳିଥିଲା। ତେବେ ‘ବିବାହ’ ଫିଲ୍ମରେ ତାଙ୍କ ଅଭିନୟକୁ ବେଶ୍ ପ୍ରଶଂସା କରାଯାଇଥିଲା। ସିମ୍ପଲ୍ ଡିଭା ରୂପେ ପରିଚିତ ଅମୃତାଙ୍କ ଅଭିନୀତ ଫିଲ୍ମଗୁଡ଼ିକ ମଧ୍ୟରେ ରହିଛି ‘ଦି ଲିଜେଣ୍ଡ ଅଫ୍ ଭଗତ ସିଂ’, ‘ମସ୍ତି’, ‘ମୈ ହୁଁ ନା’, ‘ଦିଓ୍ବାର୍ଏ ‘ଓ୍ବାହ : ଲାଇଫ୍ ହୋ ତୋ ଏସି’, ’ଶିକାର,’ ’ପ୍ୟାରେ ମୋହନ’, ‘ମାଇ ନେମ୍ ଇଜ୍ ଆନ୍ଥୋନି ଗନ୍ସେଲ୍ଭସ୍’, ‘ଶୌର୍ଯ୍ୟ’, ‘ଓ୍ବେଲକମ୍ ଟୁ ସଜ୍ଜନପୁର୍’, ‘ଭିକ୍ଟ୍ରି’, ସର୍ଟକଟ୍ : ଦ କଏନ୍ ଇଜ୍ ଅନ୍, ଲାଇଫ୍ ପାର୍ଟନର୍, ଲଭ ୟୁ କଲାକାର, ଜଲି ଏଲଏଲ୍ବି, ସିଂ ସାହବ ଦ ଗ୍ରେଟ୍, ‘ସତ୍ୟାଗ୍ରହ’, ’ଠାକ୍ରେ’ ପ୍ରମୁଖ ଫିଲ୍ମର ନଜର ଆସିଛନ୍ତି…
Author: Samikhsya Bureau
ବରିଷ୍ଠ ନେତା ଦାମୋଦର ରାଉତଙ୍କ ରାଜନୈତିକ ଭବିଷ୍ୟତକୁ ନେଇ ତାଙ୍କ ପୁତ୍ର ତଥା ପାରାଦ୍ବୀପର ବିଧାୟକ ସମ୍ବିତ୍ ରାଉତରାୟ ଆକଳନ କରିଛନ୍ତି। ସମ୍ବିତ୍ ପୁଣି ଥରେ ଦାମଙ୍କୁ ଦଳକୁ ଫେରାଇ ଆଣିବାକୁ ଆଗ୍ରହୀ ରହିଛନ୍ତି। ସାତ ସାତ ଥର ବିଧାନସଭାକୁ ନିର୍ବାଚିତ ହୋଇଥିବା ଦାମ ରାଉତ ଚଳିତ ଥର ପରାଜୟ ବରଣ କରିଛନ୍ତି। ଦାମଙ୍କ ସମ୍ପର୍କରେ ସମ୍ବିତ୍ କହିଛନ୍ତି ଯେ, ଦାମ ବାବୁ ଜଣେ ପରିପକ୍ବ ନେତା, ସେ କୌଣସି ବର୍ଜନୀୟ ବ୍ୟକ୍ତିବିଶେଷ ନୁହଁନ୍ତି। ସେ ବିଜେପିକୁ ଯାଇ ଖୁସି ନାହାନ୍ତି ବୋଲି କହିଛନ୍ତି ସମ୍ବିତ ରାଉତରାୟ। ଯଦି ସୁପ୍ରିମୋ ଚାହିଁବେ ତା’ହେଲେ ତାଙ୍କ ବାପା ଅର୍ଥାତ୍ ଦାମ ରାଉତ ବିଜେଡ଼ିକୁ ଫେରିବେ ବୋଲି ସମ୍ବିତ୍ କହିଛନ୍ତି। ନିର୍ବାଚନରେ ପରାଜୟ ବାପାଙ୍କ ବ୍ୟକ୍ତିତ୍ବ ଉପରେ କୌଣସି ପ୍ରଭାବ ପକାଇବ ନାହିଁ ବୋଲି ସମ୍ବିତ୍ ରାଉତରାୟ କହିଛନ୍ତି ।
ସପ୍ତାହର ଅନ୍ତିମ ବ୍ୟବସାୟିକ ଦିନରେ ସେନସେକ୍ସ ଓ ନିଫ୍ଟି ଭଲ ପ୍ରଦର୍ଶନ କରିଛନ୍ତି। ସେନ୍ସେକ୍ସ ୨୦୦ ପଏଣ୍ଟ ବଢିଥିବା ବେଳେ ନିଫ୍ଟୀ ୩୪ ପଏଣ୍ଟ ବଢିଛି। ଗତକାଲି ଆର୍ବିଆଇର ରେପୋରେଟ୍ ହ୍ରାସ ପଦକ୍ଷେପ ନିବେଶକଙ୍କୁ ଆକୃଷ୍ଟ କରି ପାରିନଥିଲା ଫଳରେ ଭାରତୀୟ ଶେୟାର ବଜାର ୫୫୩.୮୨ ପଏଣ୍ଟ ତଳକୁ ଖସି ଯାଇଥିଲା। ସେନ୍ସେକ୍ସ ୨୧୧.୦୪ ପଏଣ୍ଟ ବୃଦ୍ଧି ସହିତ ୩୯୩୧୮.୬୮ ପଏଣ୍ଟରେ ରହିଥିବା ବେଳେ ନିଫ୍ଟି ୩୪.୨୫ ପଏଣ୍ଟ ବୃଦ୍ଧି ସହିତ ୧୧୮୦୯.୫୦ ପଏଣ୍ଟରେ ପହଞ୍ଚିଛି। ବେଦାନ୍ତ, ଏସ୍ବିଆଇ, ଇନ୍ଫୋସିସ୍, ଏଲ୍ ଆଣ୍ଡ ଟି ଏବଂ ବଜାଜ ଫାଇନାନ୍ସ ଶ୍ରେଷ୍ଠ ଆୟକାରୀ କମ୍ପାନୀ ମଧ୍ୟରେ ରହିଥିବା ବେଳେ ଇଣ୍ଡସଇଣ୍ଡ ବ୍ୟାଙ୍କ, ସନ୍ ଫାର୍ମା, କୋଟାକ ଏବଂ ମାରୁତି ପ୍ରମୁଖ ସେୟାର ଗୁଡିକର ମୂଲ୍ୟରେ ହ୍ରାସ ଘଟିଥିଲା।
ଆନ୍ଧ୍ରପ୍ରଦେଶର ରେନିଗୁଣ୍ଟାରେ ଏକ ମର୍ମନ୍ତୁଦ ସଡକ ଦୁର୍ଘଟଣାରେ ୬ ଜଣଙ୍କ ମୃତ୍ୟୁ ଘଟିଥିବା ବେଳେ ୪ ଜଣ ଆହତ ହୋଇଛନ୍ତି। ଚାରି ଚକିଆ ଯାନଟି ଏକ ମାଲବାହୀ ଟ୍ରକ ସହିତ ଧକ୍କା ହେବା ଫଳରେ ଏହି ଦୁର୍ଘଟଣା ଘଟିଥିଲା। ଶୁକ୍ରବାର ସକାଳୁ ଚିତୁର୍ ଜିଲ୍ଳାରୁ ଏକ ବିବାହ କାର୍ଯ୍ୟକ୍ରମରୁ ଫେରୁ୍ଥିବା ବେଳେ ଏହି ଦୁର୍ଘଟଣା ଘଟିଥିଲା। ରାସ୍ତା ଦାଢରେ ଟ୍ରକଟି ଛିଡା ହୋଇଥିବା ବେଳେ ପଛ ପାଖରୁ ବୋଲେରୋଟି ଆସି ଧକ୍କା ଦେଇଥିଲା। ମୃତକଙ୍କ ମଧ୍ୟକରେ ତିନି ଜଣ ମହିଳା ରହିଛନ୍ତି। ଆହତ ମାନଙ୍କୁ ତିରୁପତିର ଶ୍ରୀ ଭେଙ୍କଟେଶ୍ବର ରାମନାରାୟଣ ରୁଇଆ ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଛି।
2008 ମାଲେଗାଓଁ ବିସ୍ଫୋରଣ ମାମଲାର ମୁଖ୍ୟ ଆରୋପୀ ତଥା ସାଂସଦ ପ୍ରଜ୍ଞା ସିଂ ଠାକୁର ଏନ୍ଆଇଏ ସମ୍ମୁଖରେ ହାଜର ହୋଇଛନ୍ତି । ଶୁକ୍ରବାର ଜାତୀୟ ତଦନ୍ତକାରୀ ସଂସ୍ଥା (ଏନ୍ଆଇଏ) ମୁମ୍ବାଇ କୋର୍ଟରେ ହାଜର ହୋଇଛନ୍ତି ପ୍ରଜ୍ଞା ସିଂ ଠାକୁର । ଭୋପାଳରୁ ଶୁକ୍ରବାର ସକାଳେ ପହଞ୍ଚିବା ପରେ କୋର୍ଟକୁ ଯାଇଥିଲେ । କୋର୍ଟରେ ସ୍ବତନ୍ତ୍ର ବିଚାରପତି ବିନୋଦ ପଡଲାକରଙ୍କ ସମ୍ମୁଖରେ ହାଜର ହୋଇଥିଲେ । ବିଚାରପତି ପ୍ରଜ୍ଞାଙ୍କୁ ବିସ୍ଫୋରଣ ସମ୍ପର୍କରେ କିଛି ପ୍ରଶ୍ନ କରିଥିଲେ ଏବଂ ଏହି ପ୍ରଣ୍ନ ଗୁଡିକର ଉତ୍ତର ତାଙ୍କୁ ଜଣା ନାହିଁ ବୋଲି କହି ଏଡାଇ ଯାଇଥିଲେ ପ୍ରଜ୍ଞା । ଉଲ୍ଲେଖଯୋଗ୍ୟ ଯେ, ଶେଷଥର ପାଇଁ ପ୍ରଜ୍ଞା 2018 ଅକ୍ଟୋବରରେ ଏନ୍ଆଇଏ କୋର୍ଟରେ ହାଜର ହୋଇଥିଲେ ।
ଆନ୍ଧ୍ରପ୍ରଦେଶ ବିଧାନସଭାରେ ଐତିହାସିକ ଜିତ ହାସଲ କରି ଜଗନମୋହନ ରେଡ୍ଡି ଚର୍ଚ୍ଚାରେ ରହିଥିବାବେଳେ ଏବେ ନିଜର ନୂତନ ଚିନ୍ତାଧାରା ପାଇଁ ପୁଣି ଥରେ ଚର୍ଚ୍ଚାକୁ ଆସିଛନ୍ତି । ନିକଟରେ କୃଷକ, ଆଶା ଦିଦି, ଜନତାଙ୍କ ପାଇଁ ବଡବଡ ଘୋଷଣା କରିବା ପରେ ସେ ଏବେ ପୁଣି ଥରେ ଏକ ବଡ ନିଷ୍ପତ୍ତି ନେଇଛନ୍ତି । ଏଥର ସେ କୌଣସି ଯୋଜନା ନୁହେଁ ବରଂ ସରକାରୀ କ୍ଷେତ୍ରରେ ପରିବର୍ତ୍ତନ ଆଣିଛନ୍ତି । ଆନ୍ଧ୍ରରେ ଏବେ ୫ଜଣ ଉପମୁଖ୍ୟମନ୍ତ୍ରୀଙ୍କୁ ନିୟୋଜିତ କରାଯିବ । ଏଭଳି ଦେଶରେ ପୂର୍ବରୁ କୌଣସି ରାଜ୍ୟରେ ହୋଇ ନାହିଁ । ରେଡ୍ଡିଙ୍କ ମନ୍ତ୍ରିମଣ୍ଡଳରେ ଅନୁସୂଚିତ ଜାତି, ଜନଜାତି, ପଛୁଆ ବର୍ଗ, ଅଳ୍ପସଂଖ୍ୟକ, ଏବଂ କାପୁ ସମୁଦାୟରୁ ଜଣେ ଜଣେ ଉପ ମୁଖ୍ୟମନ୍ତ୍ରୀଙ୍କୁ ନିଯୁକ୍ତି ହେବେ । ଆଜି ଦଳର ବିଧାୟକଙ୍କ ଏକ ବୈଠକ ପରେ ଜଗନମୋହନ ଏହା ବିଷୟରେ ଘୋଷଣା କରିଛନ୍ତି । ଶନିବାର ଦିନ ରାଜ୍ୟରେ ୨୫ ସଂସଦୀୟ…
ଆଜି ରାଜ୍ୟରେ ପାଗ ସକାଳୁ କୋହଲା ରହିଛି । ଉତ୍ତର ପଶ୍ଚିମ ବଙ୍ଗୋପସାଗରରେ ସୃଷ୍ଟି ଘୂର୍ଣ୍ଣିବଳୟ ଯୋଗୁଁ ଆସନ୍ତା ୩ ଦିନ ଯାଏଁ ପାଗ କୋହଲା ରହିବ । ଏହାର ପ୍ରଭାବରେ ଓଡିଶା ଉପକୂଳରେ ପାଗ କୋହଲା ରହିବା ସହ ସ୍ୱଳ୍ପ ବର୍ଷା ହେବାର ସମ୍ଭାବନା ରହିଛି । ଏହା ସହିତ ମାଲକାନାଗିରି, କୋରାପୁଟ, ଗଜପତି, ରାୟଗଡା, ବୌଦ୍ଧ, ବରଗଡ, ସୋନପୁରରେ ସ୍ୱଳ୍ପ ବୃଷ୍ଟି ହେବାର ସମ୍ଭାବନା ରହିଛି । ତେବେ ଆଉ ୪ରୁ ୫ ଦିନ ମଧ୍ୟରେ ମୌସୁମୀ ଓଡିଶା ଛୁଇଁବାର ସମ୍ଭାବନା ରହିଛି । ଭୁବନେଶ୍ୱର ଆଂଚଳିକ ପାଣିପାଗ ବିଭାଗ ପକ୍ଷରୁ ଏନେଇ ସତର୍କ ରହିବା ନେଇ ସୂଚନା ମିଳିଛି ।
ପ୍ରଧାନମନ୍ତ୍ରୀ କିଷାନ ଯୋଜନାରେ ଅନ୍ତର୍ଭୁକ୍ତ ଥିବା ଚାଷୀଙ୍କ ଏକ ତାଲିକା ଆଜି କେନ୍ଦ୍ର ସରକାର ରାଜ୍ୟକୁ ମାଗିଛନ୍ତି । ଜୁଲାଇ ୩୧ ମଧ୍ୟରେ ତାଲିକା ଦେବାକୁ କେନ୍ଦ୍ର ସରକାର କହିଛନ୍ତି । ଏନେଇ ରାଜ୍ୟ କୃଷି ମନ୍ତ୍ରୀ ଅରୁଣ ସାହୁ ପ୍ରତିକ୍ରିୟାରେ କହିଛନ୍ତି ଯେ, କେନ୍ଦ୍ର ସରକାର ପ୍ରଧାନମନ୍ତ୍ରୀ କିଷାନ ଯୋଜନାରେ ସାମିଲ ଥିବା ରାଜ୍ୟର ୪୬ ଲକ୍ଷ ହିତାଧୀକାରୀଙ୍କ ଏକ ତାଲିକା ମାଗିଛନ୍ତି । ଜୁଲାଇ ୩୧ ମଧ୍ୟରେ ତାଲିକା ଦେବାକୁ କେନ୍ଦ୍ର ସରକାର କହିଛନ୍ତି । ତେବେ ପ୍ରଧାନମନ୍ତ୍ରୀ କିଷାନ ଯୋଜନାରେ ଏବେ ସୁଦ୍ଧା ୧୨.୪୫ଲକ୍ଷ କ୍ଷୁଦ୍ର ଓ ନାମମାତ୍ର ଚାଷୀଙ୍କ ତାଲିକା ଦିଆଯାଇଛି । ଏଥିମଧ୍ୟରୁ ୯ ଲକ୍ଷ ୩୬ ହଜାର ଚାଷୀଙ୍କ ଆକାଉଣ୍ଟକୁ ଟଙ୍କା ଯାଇଛି । ଯୋଜନାରେ ବଡ ଚାଷୀଙ୍କୁ ସାମିଲ କରାଯିବାକୁ ଏବେ ରାଜ୍ୟ କ୍ୟାବିନେଟରେ ପ୍ରସ୍ତାବ ରହିଛି ବୋଲି ଅରୁଣ କହିଛନ୍ତି ।
ଉତ୍ତର ପ୍ରଦେଶର ଆଲିଗଡରେ ଏକ ଶିଶୁକୁ ନୃଶଂସ ଭାବରେ ହତ୍ୟା କରାଯାଇଛି। ତିନି ବର୍ଷୀୟ ଶିଶୁର ଖଣ୍ଡବିଖଣ୍ଡିତ ଶରୀର ଏକ ଅଳିଆ ଗଦା ମଧ୍ୟରୁ ରବିବାର ମିଳିବା ପରେ ପୋଲିସ୍ ପକ୍ଷରୁ ଏକ ମାମଲା ରୁଜୁ କରାଯାଇଛି। ସୂଚନା ଅନୁଯାୟୀ ମୃତକଙ୍କ ଜେଜେବାପା ତାଙ୍କ ପଡୋଶୀଙ୍କ ନିକଟରୁ ୧୦ ହଜାର ଟଙ୍କାର ଋଣ ନେଇଥିଲେ। ଏହି ଋଣ ପରିଶୋଧ ନହେବାରୁ ତାଙ୍କ ପଡୋଶୀ ତିନି ବର୍ଷୀୟ ଝିଅଙ୍କୁ ହତ୍ୟା କରିଥିଲେ। ପୋଲିସ କମିଶନର ଆକାଶ କୁହ୍ଳାରୀ ମେ ୩୧ ତାରିଖର ଶିଶୁଟିୀ ନିଖୋଜ ହୋଇଥିବା ନେଇ ସୂଚନା ଦେଇଥିଲେ। ଜୁନ୍ ୨ ତାରିଖରେ ପୋଲିସ୍କୁ ଖଣ୍ଡ ବିଖଣ୍ଡିତ ଶବ ମିଳିଥିଲା। ମୃତ ବାଳିକାଙ୍କ ପିତାଙ୍କ ଅଭିଯୋଗ ଅନୁଯାୟୀ ଦୁଇ ଅଭିଯୁକ୍ତ ଜାହିଦ୍ ଏବଂ ଅସଲମ୍କୁ ପୋଲିସ୍ ଗିରଫ କରିଛି। କୁହ୍ଲାରୀ ଅପରାଧର ଗମ୍ଭୀରତାକୁ ଦେଖି ଫାଷ୍ଟଟ୍ରାକ୍ କୋର୍ଟରେ ଏହାର ବିଚାର କରିବା ପାଇଁ ଆବେଦନ କରିଛନ୍ତି। ଅଭିଯୁକ୍ତଙ୍କ ପରିବାର ସଦସ୍ୟକୁ ଗିରଫ…
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଶିବଲିଙ୍ଗ ଉପରର ବିଛା ବୋଲି ମତ ଦେଇଥିବା ଶଶୀ ଥରୁରଙ୍କୁ ଦିଲ୍ଲୀର ଏକ କୋର୍ଟ ଜାମିନ ପ୍ରଦାନ କରିଛନ୍ତି। ଶୁକ୍ରବାର ଦିଲ୍ଲୀର ଏକ କୋର୍ଟ ଥରୁରଙ୍କ ଜାମିନ ମଞ୍ଜୁର କରିଛନ୍ତି। ସହକାରୀ ମେଟ୍ରୋପଲିଟାନ୍ ମାଜିଷ୍ଟ୍ରେଟ୍ ସମର ବିଶାଲ 20 ହଜାରର ବ୍ୟକ୍ତିଗତ ମୁଚାଲିକାରେ ଛାଡିଛନ୍ତି। ଦିଲ୍ଲୀର ବିଜେପି ମୁ୍ଖ୍ୟ ରାଜୀବ ବବ୍ବରଙ୍କ ପକ୍ଷରୁ ଥରୁରଙ୍କ ନାମରେ ମାନହାନି ମୋକଦ୍ଦମା ଦାୟର କରିଥିଲେ। ଗତ ବର୍ଷ ଅକ୍ଟୋବରରେ ଥରୁର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଶିବଲିଙ୍ଗ ଉପରର ବିଛା ବୋଲି ଅଭିହିତ କରିଥିଲେ। ଏହା ତାଙ୍କର ଧାର୍ମିକ ଭାବନାକୁ ଆଘାତ ପହଞ୍ଚାଇଛି ବୋଲି ଅଭିଯୋଗ କରି ମାନହାନି ମୋକଦ୍ଦମା ଦାୟର କରିଥିଲେ। ଏହି ମାମଲାର ପରବର୍ତ୍ତୀ ଶୁଣାଣି ଚାରି ସପ୍ତାହ ପରେ ହେବ ବୋଲି ଜଣାପଡିଛି।
ବୈଦେଶିକ ମନ୍ତ୍ରୀ ଭାବେ ଦାୟିତ୍ୱ ନେବା ପରେ ଏସ୍. ଜୟଶଙ୍କର ଶୁକ୍ରବାର ଠାରୁ ଦୁଇ ଦିନିଆ ଭୁଟାନ ଗସ୍ତ କରିଛନ୍ତି। ଏହି ଗସ୍ତ କାଳରେ ଜୟଶଙ୍କର ଭୁଟାନ ସରକାରଙ୍କ ସହ ଦ୍ୱିପାକ୍ଷିକ ଆଲୋଚନା କରିବେ। ଜୟଶଙ୍କରର ପଡୋଶୀ ଦେଶ ଭୁଟାନ୍ ଗସ୍ତ ବେଶ୍ ଗୁରୁତ୍ବପୂର୍ଣ୍ଣ ରହିଛି। ଆଗାମୀ ଦିନରେ ଭାରତ ଏବଂ ଭୁଟାନ ମଧ୍ୟରେ ହେବାକୁ ଥିବା ଆର୍ଥିକ ବିକାଶ ଏବଂ ହାଇଡ୍ରୋ ପାୱାର ସହଯୋଗ ଆଦାନ ପ୍ରଦାନ ନେଇ ଆଲୋଚନା ହେବ। ମେ ମାସ ୩୦ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଶପଥ ଗ୍ରହଣ ସମାରୋହରେ ବିମସଷ୍ଟେକର ମୁଖ୍ୟମାନେ ଯୋଗଦେଇଥିଲେ।
ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ନିତି ଆୟୋଗ ବୈଠକରେ ଯୋଗ ଦେବେ ନାହିଁ ବୋଲି ନିଷ୍ପତ୍ତି ନେଇଛନ୍ତି। ନିଜର ଏକଜିଦିଆ ପଣର ଆଉ ଏଖ ନିଦର୍ଶନ ଦେଖାଇଛନ୍ତି ମମତା। ଉଲ୍ଲେଖଯୋଗ୍ୟ ଯେ, ଜୁନ୍ 15 ତାରିଖରେ ନିତି ଆୟୋଗର ବୈଠକ ଅନୁଷ୍ଠିତ ହେବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଲେଖିଥିବା ପତ୍ରରେ ମମତା ବୈଠକରେ ଯୋଗ ନଦେବା ନେଇ ଜଣାଇଛନ୍ତି। ନିତି ଆୟୋଗର କୌଣସି ଅର୍ଥନୈତିକ ଶକ୍ତି ନାହିଁ ଏବଂ ଏହା କୌଣସି ରାଜ୍ୟକୁ ଅର୍ଥନୈତିକ ସହାୟତା କରିପାରିବ ନାହିଁ ବୋଲି ଚିଠିୁରେ ଉଲ୍ଲେଖ କରିଛନ୍ତି ମମତା। ରାଜ୍ୟର ଅର୍ଥନୈତିକ ବିକାଶରେ କୌଣସି ଅବଦାନ ପ୍ରଦାନ କରୁନଥିବା ବୈଠକରେ ଯୋଗ ଦେବାର କୌଣସି ଫାଇଦା ନାହିଁ ବୋଲି କହିବା ସହିତ ଏହି ବୈଠକ ବର୍ଜନ କରିଛନ୍ତି ମମତା। ବିଗତ ସାଢେ 4 ବର୍ଷର ନିତି ଆୟୋଗ ଅଭିଜ୍ଞତାରୁ ମତେ ଲାଗୁଛି ନିତି ଆୟୋଗର ଉପସ୍ଥିତି ଭିତ୍ତିହୀନ। ଏହା ବଦଳରେ ସମ୍ବିଧାନରେ ରହିଥିବା ଧାରା…
କେଦାର ମିଶ୍ର ପାଟଣାଗଡ଼ର ନୂଆ ବିଧାୟକ ସରୋଜ ମେହେର ଜଣେ ସରକାରୀ କର୍ମଚାରୀଙ୍କୁ ଉଠବସ କରାଉଥିବାର ଦୃଶ୍ୟ ଏବେ ଭାଇରାଲ ହୋଇଛି। ବିଧାୟକଙ୍କ କହିବା କଥା ହେଲା ଜନୈକ କନିଷ୍ଠ ଯନ୍ତ୍ରୀଙ୍କ ଦ୍ଵାରା କରାଯାଇଥିବା ରାସ୍ତାକାମ ଅତ୍ୟନ୍ତ ନିମ୍ନମାନର ଥିଲା ଓ ତାହା ଭିଡ଼ିଓରେ ସ୍ପଷ୍ଟ ଜଣାପଡୁଛି। ତେବେ ଏ ସଙ୍କ୍ରାନ୍ତରେ ଠିକଣା ନିସ୍ପତ୍ତି ନେବା ଅଧିକାର ବିଧାୟକଙ୍କର ନାହିଁ। ସରୋଜ ମେହେର ନୂଆ କରି ବିଧାୟକ ହୋଇଛନ୍ତି। ତେଣୁ ସେ ବୋଧହୁଏ ନିଜ କ୍ଷମତାକୁ ଟିକେ ଅଧିକ ବୋଲି ଭାବୁଛନ୍ତି। ଆଇନ ପ୍ରଣୟନକାରୀ ଭାବରେ ତାଙ୍କର ପ୍ରଥମ ଦାୟିତ୍ୱ ହେଉଛି ଆଇନର ଶାସନକୁ ମାନିବା। କୌଣସି ସରକାରୀ କର୍ମଚାରୀଙ୍କ କାମ ଉପରେ ସେ ଅଭିଯୋଗ କରି ପାରିବେ, କିନ୍ତୁ ସେ ଦଣ୍ଡାଦେଶ ଦେବା ମାନବ ଅଧିକାରର ଖୋଲା ଉଲ୍ଲଙ୍ଘନ ବୋଲି ଧରାଯିବ। ଏ କ୍ଷେତ୍ରରେ ଆଉ ଏକ ବୈଧାନିକ ସମସ୍ୟା ରହିଛି। ଅଧିକାରୀ ଜଣକ ଆଦିବାସୀ ଓ ଏହା ଆଟ୍ରୋସିଟି…
ବିଶ୍ବକପ୍ର ୧୧ତମ ମୁକାବିଲାରେ ପରସ୍ପରର ମୁକାବିଲା କରିବେ ପାକିସ୍ତାନ ଏବଂ ଶ୍ରୀଲଙ୍କା। ବ୍ରିଷ୍ଟଲର କଣ୍ଟ୍ରି ଗ୍ରାଉଣ୍ଡରେ ଶୁକ୍ରବାର ଦିନ ୩ଟାରେ ଏହି ମ୍ୟାଚ୍ ଖେଳାଯିବ। ଉଭୟ ଦଳ ନିଜର ପ୍ରଥମ ମ୍ୟାଚ୍ରେ ଶୋଚନୀୟ ଭାବରେ ପରାସ୍ତ ହୋଇଥିଲେ। ଦ୍ବତୀୟ ମ୍ୟାଚ୍ରେ ଉଭୟ ଦଳ ବିଜୟୀ ହୋଇଥିଲେ ମଧ୍ୟ ପାକିସ୍ତାନ ଘରୋଇ ଇଂଲଣ୍ଡକୁ ପରାସ୍ତ କରି ଦୃଢ ଆତ୍ମବିଶ୍ବାସରେ ରହିଛି। ଅପର ପକ୍ଷରେ ଶ୍ରୀଲଙ୍କା ଆଫଗାନିସ୍ତାନ ବିପକ୍ଷରେ ସଙ୍ଘର୍ଷ କରିଥିଲେ ମଧ୍ୟ ନୁଆନ ପ୍ରଦୀପଙ୍କ ୪ ଓ୍ବିକେଟ ହାସଲ ଦଳକୁ ବିଜୟୀ କରାଇ ଥିଲା। ପ୍ରଥମ ମ୍ୟାଚ୍ରେ ପାକିସ୍ତାନ ୧୦୫ରେ ଅଲଆଉଟ୍ ହୋଇଥିଲେ ମଧ୍ୟ ଦ୍ବିତୀୟ ମ୍ୟାଚ୍ରେ ପାକ୍ ବ୍ୟାଟ୍ସମ୍ୟାନ୍ ରନ୍ ସଂଗ୍ରହ କରିବା ସହିତ ୩୪୮ ରନ୍ ସଂଗ୍ରହ କରିଥିଲେ। ଏହି ମ୍ୟାଚ୍ରେ ବିଜୟୀ ହେବା ସହିତ ଦଳ ନିଜର ୧୧ ମ୍ୟାଚ୍ ପରାଜୟ ଧାରା ଭାଙ୍ଗିଥିଲା। ପାକିସ୍ତାନ ଦଳରେ ମହମ୍ମଦ ଆମିର ଏବଂ ଓ୍ବାହାବ ରିଆଜ୍ଙ୍କ ପରି ଅଭିଜ୍ଞ ଦ୍ରୁତ…
ବଲାଙ୍ଗୀର ପାଟଣାଗଡ଼ ପୂର୍ତ୍ତ ବିଭାଗ କନିଷ୍ଠ ଯନ୍ତ୍ରୀ ଯଶବନ୍ତ ଶବର ଉଦ୍ଧାର ହୋଇଛନ୍ତି । ଯଶବନ୍ତଙ୍କୁ ଅପହରଣ କରାଯାଇଥିବା ନେଇ ତାଙ୍କ ପତ୍ନୀ ବିଧାୟକଙ୍କ ନାଁରେ ଏତଲା ଦେବା ପରେ ପୋଲିସ ତାଙ୍କୁ ନୂଆପଡ଼ା ଜିଲ୍ଲା ଖରିଆର ଅଂଚଳରୁ ଉଦ୍ଧାର କରି ଘରେ ଛାଡ଼ିଛି । ଏ ନେଇ ପାଟଣାଗଡ଼ ଡିଏସ୍ପି ସୁରେଶ ନାଏକ ସୂଚନା ଦେଇଛନ୍ତି । ଉଦ୍ଧାର ହେବ ପରେ ଯନ୍ତ୍ରୀ କହିଛନ୍ତି ଯେ, କାର୍ଯ୍ୟନିର୍ବାହୀ ଯନ୍ତ୍ରୀ ଲୋକନାଥ ମିଶ୍ର ବିଧାୟକ ସରୋଜ ମେହେରଙ୍କ ନିର୍ଦ୍ଦେଶରେ ତାଙ୍କୁ ଚାପୁଡା ମାରିଥିଲେ । ଆକ୍ରମଣ ଭୟରେ ସେ ବସଉଠ ହେବାକୁ ବାଧ୍ୟ ହୋଇଥିଲେ । ସେତେବେଳେ ପରିସ୍ଥିତି ଲଜ୍ଜାଜନକ ଥିଲା । ତେଣୁ ସେ କିଛି କହିପାରିନଥିବା କହିଛନ୍ତି । ସୂଚନାଯୋଗ୍ୟ କି, ଗତ ବୁଧବାର ଜେଇଙ୍କୁ ପାଟଣାଗଡ଼ ବିଧାୟକ ସରୋଜ ମେହେର ସର୍ବ ସାଧାରଣ ସମ୍ମୁଖରେ ଉଠାବସା କରାଇଥିଲେ । ନିମ୍ନ ମାନର ରାସ୍ତା କାମ କରିବା ଅଭିଯୋଗରେ…
ଓମାନ୍ ରୁ ଦୁବାଇ ଯାଉଥିବା ଏକ ବସ୍ ୟୁନାଇଟେଡ୍ ଆରବ ଏମିରେଟ୍ସରେ ଦୁର୍ଘଟଣା ଗସ୍ତ ହୋଇ ୧୭ ଜଣଙ୍କ ପ୍ରାଣ ହାନି ଘଟିଛି। ମୃତକଙ୍କ ମଧ୍ୟରେ ୮ ଜଣ ଭାରତୀୟ ରହିଥିବା ନେଇ ଭାରତୀୟ ଦୂତାବାସ ପକ୍ଷରୁ ସ୍ପଷ୍ଟ କରାଯାଇଛି। ଏହି ଦୁର୍ଘଟଣାରେ ଅନ୍ୟ ୩ ଜଣ ଗୁରୁତର ଆହତ ହୋଇଛନ୍ତି। ଦୁବାଇ ଯାଉଥିୁବା ସମୟରେ ମାସ୍କଟ ନିକଟରେ ଏହି ଦୁର୍ଘଟଣା ଘଟିଛି। ଗୁରୁବାର ସନ୍ଧ୍ୟା ସମୟରେ ଏହି ଦୁର୍ଘଟଣା ଘଟିଥିବା ବେଳେ ଶୁକ୍ରବାର ସକାଳୁ ଦୁବାଇ ପୋଲିସ୍ ଏକ ଟ୍ବିଟ୍ ଜରିଆରେ ମୃତ ଏବଂ ଆହତଙ୍କ ସଂଖ୍ୟା ସ୍ପଷ୍ଟ କରିଛି। ଶେଖ ମହମ୍ମଦ ଜାୟେଦ ବିନ୍ ରାସ୍ତାରେ ଏକ ସାଇନ୍ ବୋର୍ଡରେ ବସ୍ଟି ପିଟି ହୋଇ ଓଲଟି ପଡିଥିଲା। ବିଭିନ୍ନ ରାଷ୍ଟ୍ରର ନାଗରିକ ଏହି ଦୁର୍ଘଟଣାରେ ପ୍ରାଣ ହରାଇଥିବା ଜଣାପଡିଛି। ମ୍ବାସାଲଟ୍ ନାମକ ଏକ ସରକାରୀ ପରିବହନ ସଂସ୍ଥାର ଏହି ବସ୍ଟି ଦୁର୍ଘଟଣା ଗସ୍ତ ହେବା ପରେ ତୁରନ୍ତ ନିଜର…
ଜମ୍ମୁ କାଶ୍ମୀରର ପୁଲଓ୍ବାମାରେ ପୋଲିସ୍ ଏବଂ ଆତଙ୍କବାଦୀଙ୍କ ମଧ୍ୟରେ ଘଟିଥିବା ସଂଘର୍ଷରେ ୪ ଜଣ ଆତଙ୍କବାଦୀ ପ୍ରାଣ ହରାଇଛନ୍ତି। ଶୁକ୍ରବାର ଘଟିଥିବା ଏହି ଏନକାଉଣ୍ଟରରେ ଆତଙ୍କୀ ସଙ୍ଗଠନ ସହ ଯୋଗ ଦେଇଥିବା ଦୁଇ ପୂର୍ବତନ ପୋଲିସ୍ ଅଧିକାରୀ ପ୍ରାଣ ହରାଇଛନ୍ତି। ଦକ୍ଷିଣ କାଶ୍ମୀରର ପଞ୍ଜରାନ୍ ଏବଂ ଲାସିପୋରା ଅଞ୍ଚଳରେ ଗୁରୁବାର ଅପରାହ୍ନରୁ ଏହି ଏନ୍କାଉଣ୍ଟର ଆରମ୍ଭ ହୋଇଥିଲା। ଶୁକ୍ରବାର ସକାଳୁ ଏନକାଉଣ୍ଟର ସମାପ୍ତ ହୋଇଥିବା ବେଳେ ଘଟଣାସ୍ଥଳରୁ ସମସ୍ତ ମୃତଦେହ ଜବତ କରାଯାଇଛି। ଦୁଇ ଦିନ ପୂର୍ବରୁ ପୋଲିସ୍ ବାହିନୀ ଛାଡିଥିବା ଦୁଇ ପୂର୍ବତନ ପୋଲିସ୍ ଅଧିକାରୀ ମଧ୍ୟ ନିହତ ହୋଇଛନ୍ତି। ନିଜ ରାଇଫଲ ସହିତ ପୋଲିସ୍ କ୍ୟାମ୍ପ ଛାଡିଥିବା ଏହି ଦୁଇ ଅଧିକାରୀ ଜୈସ ଏ ମହମ୍ମଦରେ ଯୋଗ ଦେବାର ଯୋଜନା କରିଥିଲେ। ଦୁଇ ମୃତ ଅଧିକାରୀଙ୍କ ମଧ୍ୟରେ ତୁଜାନ୍ର ସବିର ଅହମଦ୍ ଏବଂ ସଲ୍ମାନ ଅହମଦ୍ ଉଥ୍ମୁଲା ରହିଥିବା ଜଣାପଡିଛି। ଅନ୍ୟ ଦୁଇ ମୃତ ଆତଙ୍କୀଙ୍କ ପରିଚୟ ମିଳିନାହିଁ।
ଅଷ୍ଟ୍ରେଲିଆନ୍ ଓପନ୍ ବ୍ୟାଡମିଣ୍ଟନରୁ ଦୁଇ ଭାରତୀୟ ପିଭି ସିନ୍ଧୁ ଏବଂ ପାରୁପଲ୍ଳୀ କଶ୍ୟପ ବିଦାୟ ନେଇଛନ୍ତି। ପାରୁପଲ୍ଲୀ କଶ୍ୟପ ଚୀନ୍ର ତଥା ପୂର୍ବତନ ବିଶ୍ବ ଏକ ନମ୍ବର ଲିନ୍ ଡାନ୍ଙ୍କ ନିକଟରୁ ପରାଜିତ ହୋଇଥିବା ବେଳେ ଅଲମ୍ପିକ୍ସ ରୌପ୍ୟ ପଦକ ବିଜୟିନୀ ପିଭି ସିନ୍ଧୁ ମଧ୍ୟ ଦ୍ବିତୀୟ ରାଉଣ୍ଡରୁ ବିଦାୟ ନେଇଛନ୍ତି। ଗୁରୁବାର ନିଜର ଦ୍ବିତୀୟ ରାଉଣ୍ଡ ମୁକାବିଲାରେ ବିଶ୍ବ ମାନ୍ୟତାରେ ୨୯ ନମ୍ବର ସ୍ଥାନରେ ରହିଥିବା ନିଚାଓନ ଜିନ୍ଦାପୋଲଙ୍କ ନିକଟରୁ ପରାଜିତ ହୋଇଥିଲେ। ମାତ୍ର ୪୯ ମିନିଟ୍ର ସମୟ ନେଇ ନିଚାଓନ୍ ୨୧-୧୯ ଏବଂ ୨୧-୧୮ର ସିଧାସଳଖ ସେଟ୍ରେ ବିଜୟୀ ହୋଇଥିଲେ। ଲିନ୍ ଡାନ୍ଙ୍କ ବିପକ୍ଷରେ କଶ୍ୟପ୍ ସଂଘର୍ଷ କରିଥିଲେ ମଧ୍ୟ ୧୪-୨୧, ୨୨-୨୦ ଏବଂ ୧୪-୨୧ ସେଟ୍ରେ ପରାସ୍ତ ହୋଇଥିଲେ।
ରୋହିତ ଶେଟ୍ଟୀଙ୍କ ନିର୍ଦ୍ଦେଶିତ ସୂର୍ଯ୍ୟବଂଶୀର ସୁଟିଂ ଆରମ୍ଭ ହୋଇଛି। ରୋହିତ ସେଟ୍ଟୀଙ୍କ ଏହି ପୋଲିସ୍ ଫିଲ୍ମରେ ଗୁଲଶନ ଗ୍ରୋଭର ଏବଂ ସିକନ୍ଦର ଖେର ନଜର ଆସିବାକୁ ଯାଉଛନ୍ତି। ଗୁଲଶନ ଗ୍ରୋଭର ନକରାତ୍ମକ ଭୂମିକାରେ ନଜର ଆସିବାକୁ ଯାଉଥିବା ବେଳେ ସିକନ୍ଦରଙ୍କ ଭୂମିକା ସମ୍ପର୍କରେ କୌଣସି ସୂଚନା ମିଳିନାହିଁ। ଫିଲ୍ମର କିଛି ଆକ୍ସନ୍ ସିନ୍ର ସୁଟିଂ ବ୍ୟାଙ୍କକ୍ରେ ଆରମ୍ଭ ହୋଇଛି। ପୂର୍ବରୁ ମୁଖ୍ୟ ଖଳନାୟକ ଚରିତ୍ରରେ ଗ୍ରୋଭର ନଜର ଆସୁଥିବା ସ୍ପଷ୍ଟ ହୋଇଥିଲା। ଆଜି ସିକନ୍ଦର ଏହି ଚଳଚିତ୍ର ସାଇନ୍ କରିବା ନେଇ ସ୍ପଷ୍ଟ କରିଛନ୍ତି। ନିଜ ଚରିତ୍ର ସମ୍ପର୍କରେ ଅଧିକ ସୂଚନା ନଦେଇ ସିକନ୍ଦର କହିଛନ୍ତି, ସୂର୍ଯ୍ୟବଂଶୀର ଟିମ୍ ସହିତ କାମ କରିବା ଅତ୍ୟନ୍ତ ମଜାଦାର ଥିଲା। ସିକନ୍ଦର ଶେଷ ଥର ପାଇଁ ଜନ୍ ଆବ୍ରାହାମ ଅଭିନୀତ ରୋମିଓ ଆକବର ଓ୍ବାଲ୍ଟରରେ ନଜର ଆସିଥିଲେ।
ଭାରତୀୟ ବଜାରରେ ପ୍ରବେଶ କରିଛି ଟୟୋଟା ଗ୍ଲାଞ୍ଜା। ଭାରତୀୟ ବଜାରରେ ଏହି କାର୍ ଦୁଇଟି ଭ୍ୟାରିଆଣ୍ଟରେ ପ୍ରବେଶ କରିବ। ଗ୍ଲାଞ୍ଜା ଜି ଏବଂ ଗ୍ଲାଞ୍ଜା ଭି ନାମକ ଏହି ଦୁଇଟି ଗାଡିରେ ୧.୨ଲି. କେ ୧୨ଏମ୍ ଇଞ୍ଜିନ୍ ବ୍ୟବହୃତ ହୋଇଥିବା ବେଳେ ଏହା ୮୨ ବିଏଚ୍ପି ଏବଂ ୧୧୩ ଏନ୍ଏମ୍ ଟର୍କର ଶକ୍ତି ପ୍ରଦାନ କରିଥାଏ। ଏହି କାର୍ରେ ୫ ସ୍ପିଡ୍ର ଗିଅର୍ ରହିଛି। ଟୟୋଟା ଗ୍ଲାଞ୍ଜାର ମାଇଲେଜ୍ ୨୧.୦୧ କିମି ରହିଥିବା ବେଳେ ମାଇଲ୍ଡ ହାଇବ୍ରିଡ୍ର ଜିଏମ୍ଟି ମଡେଲ୍ରେ ୨୩.୮୭ କିମି ଏବଂ ସିଭିଟି ମଡେଲ ୧୯.୫୬ କିମିର ମାଇଲେଜ୍ ପ୍ରଦାନ କରିଥାଏ। ଭାରତୀୟ ବଜାରରେ ଏହି କାର୍ର ମୂଲ୍ୟ ୭ ଲକ୍ଷ ୨୨ ହଜାର ଟଙ୍କା ରହିଥିବା ବେଳେ ଅନ୍ୟ ମଡେଲର ସର୍ବାଧିକ ମୂଲ୍ୟ ୮.୯୦ ଲକ୍ଷ ଟଙ୍କା ରହିଛି।
ଡାକ୍ତରୀ ଛାତ୍ରୀ ପାୟଲ ତାଡ୍ବୀ ଆତ୍ମହତ୍ୟା ଘଟଣାରେ ସମ୍ପୃକ୍ତି ଅଭିଯୋଗରେ ତିନି ଡାକ୍ତରଙ୍କୁ ସାମୟିକ କଷ୍ଟଡିରେ ନେବାକୁ ନିର୍ଦ୍ଦେଶ ଦେଇଛନ୍ତି। କ୍ରାଇମବ୍ରାଞ୍ଚ ପକ୍ଷରୁ ପୂର୍ଣ୍ଣକାଳୀନ କଷ୍ଟଡିର ଆବେଦନ କରାଯାଇଥିଲା। ବମ୍ବେ ହାଇକୋର୍ଟ କ୍ରାଇମବ୍ରାଞ୍ଚର ଆବେଦନକୁ ଖାରଜ କରିବା ସହିତ ତିନି ଡାକ୍ତର ଗୁରୁବାରରେ ୨ଟାରୁ ୬ଟା ପର୍ଯ୍ୟନ୍ତ ଏବଂ ଶୁକ୍ର, ଶନି ଓ ରବିବାରରେ ସକାଳ ୯ଟାରୁ ୬ଟା ପର୍ଯ୍ୟନ୍ତ କ୍ରାଇମବ୍ରାଞ୍ଚ ନିକଟରେ ହାଜର ହେବା ପାଇଁ ନିର୍ଦ୍ଦେଶ ଦେଇଥିଲେ। ଜଷ୍ଟିସ୍ ଏସ୍ ଏସ୍ ସିନ୍ଦେଙ୍କୁ ନେଇ ଗଠିତ ଖଣ୍ଡପୀଠ ତିନି ଛାତ୍ରୀ ହେମା ଆହୁଜା, ଭକ୍ତି ମେହାରେ ଏବଂ ଅଙ୍କିତା ଖଣ୍ଡେଲଓ୍ବାଲଙ୍କ ସାମୟିକ କଷ୍ଟଡି ନିମନ୍ତେ ନିର୍ଦ୍ଦେଶ ଦେଇଛନ୍ତି।
