ବ୍ରହ୍ମପୁର ଓ ମାଲକାନଗିରିର ଗୋଟିଏ ଲେଖାଏଁ ବୁଥ୍ରେ ହେବ ସାନି ଭୋଟ। ଏପ୍ରିଲ ୧୮ରେ ୨ଟି ବୁଥ୍ରେ ପୁନଃ ମତଦାନ ପାଇଁ ଘୋଷଣା କରାଯାଇଛି। ନିର୍ବାଚନ ଆୟୋଗ ପକ୍ଷରୁ ଏନେଇ ଘୋଷଣା କରିଛନ୍ତି। ପ୍ରଥମ ପର୍ଯ୍ୟାୟ ମତଦାନ ତଥ୍ୟରେ ତାଳମେଳ ନରହିବାରୁ ସାନି ଭୋଟ ହେବା ନେଇ ଘୋଷଣା କରାଯାଇଛି। ମାଲକାନଗିରିର ଏମ୍ଭି-୬୫ ବୁଥ୍ରେ ଦିନ ୭ରୁ ୪ଟା ଯାଏ ମତଦାନ, ବ୍ରହ୍ମପୁର ସିଟି ହାଇସ୍କୁଲ ବୁଥ୍ରେ ଦିନ ୭ରୁ ସଂଧ୍ୟା ୬ଟା ଯାଏ ଭୋଟ୍ଗ୍ରହଣ କରାଯିବ। ପ୍ରଥମ ପର୍ଯ୍ୟାୟ ମତଦାନ ଏପ୍ରିଲ୍ ୧୧ ତାରିଖରେ ହୋଇଥିବାବେଳେ ଓଡ଼ିଶାର ୪ଟି ଲୋକସଭା ଓ ୨୮ଟି ବିଧାନସଭା ଆସନ ପାଇଁ ଭୋଟ୍ଗ୍ରହଣ ଅନୁଷ୍ଠିତ ହୋଇଥିଲା।
Author: Samikhsya Bureau
୪୧ ବର୍ଷ ବୟସରେ ଅଭିନେତ୍ରୀ ଲାରା ଦତ୍ତ। ଏପ୍ରିଲ୍ ୧୬, ୧୯୭୮ରେ ଉତ୍ତରପ୍ରଦେଶର ଗାଜିଆବାଦରେ ଜନ୍ମଗ୍ରହଣ କରିଥିଲେ ଲାରା। ମିସ୍ ୟୁନିଭର୍ସ ଟାଇଟଲ୍ ଜିତିଥିବାରେ ଲାରା ଦ୍ବିତୀୟ ଭାରତୀୟ। ୨୦୦୩ରେ ଅକ୍ଷୟ କୁମାରଙ୍କ ଅଭିନୀତ ‘ଅନ୍ଦାଜ୍’ରେ ଏହି ଅଭିନେତ୍ରୀ ଜଣକ ବଲିଉଡ୍ ଡେବ୍ୟୁ କରିଥିଲେ। ସେ ଏହି ଫିଲ୍ମ ପାଇଁ ଶ୍ରେଷ୍ଠ ନବାଗତାର ଫିଲ୍ମଫେୟାର୍ ପୁରସ୍କାର ପାଇଥିଲେ। ‘ମସ୍ତି’, ‘ବରଦାସ୍ତ’, ‘ଆନ୍ : ମେନ୍ ଆଟ୍ ଓ୍ବାର୍କ’, ‘ଇନ୍ସାନ୍, ଇଲାନ୍, ଜୁର୍ମ’, ‘କାଲ୍’, ‘ନୋ ଏଣ୍ଟ୍ରି’, ’ଭାଗମ୍ ଭାଗମ୍’, ‘ପାର୍ଟନର୍’, ‘ହାଉସ୍ଫୁଲ୍’, ‘ଝୁମ୍ ବରାବର ଝୁମ’, ‘ବିଲ୍ଲୁ’, ‘ଡନ୍୨’, ‘ସିଂ ଇଜ୍ ବ୍ଲିଙ୍ଗ୍’, ‘ଚାଲୋ ଦିଲ୍ଲୀ’, ‘ଡେଭିଡ୍’ ପ୍ରମୁଖ ଫିଲ୍ମରେ ଅଭିନୟ କରିଛନ୍ତି। ୨୦୧୧ରେ ଭାରତୀୟ ଟେନିସ୍ ଖେଳାଳୀ ମହେଶ ଭୂପତିଙ୍କୁ ବିବାହ କରିଥିବାବେଳେ ତାଙ୍କର ସାଇରା ନାମ୍ନୀ ଗୋଟିଏ ଝିଅ ଅଛି।
ବହୁ ପ୍ରତୀକ୍ଷିତ ମଲ୍ଟିଷ୍ଟାରର ତାମିଲ୍ ଫିଲ୍ମ କାପ୍ପାନର ଟିଜର୍ ରିଲିଜ୍ ହୋଇଛି। ଆକ୍ସନ୍ ସିନ୍ରେ ସମୃଦ୍ଧ ଏହି ଫିଲ୍ମରେ ସୁରିୟା ମୁଖ୍ୟ ଭୂମିକାରେ ନଜର ଆସୁଛନ୍ତି। ସୂର୍ଯ୍ୟାଙ୍କ ସହିତ ଭେଟେରାନ୍ ମାଲାୟଲମ୍ ସୁପରଷ୍ଟାର ମୋହନଲାଲ ଗୁରୁତ୍ବପୂର୍ଣ୍ଣ ଚରିତ୍ରରେ ନଜର ଆସୁଛନ୍ତି। ସୂର୍ଯ୍ୟା ଏହି ଟିଜରରେ ତିନୋଟି ଚରିତ୍ରରେ ନଜର ଆସିଛନ୍ତି। ଜଣେ ନକ୍ସଲ୍, ସୁରକ୍ଷା କର୍ମୀ ଏବଂ ସାଧାରଣ ଲୋକପରି ତିନୋଟି ଚରିତ୍ରରେ ସେ ନଜର ଆସିଛନ୍ତି। ମୋହନଲାଲ ଜଣେ ରାଜନେତାଙ୍କ ଚରିତ୍ରରେ ରହିଥିବା ବେଳେ ଆର୍ୟାଙ୍କ ଚରିତ୍ର ବିଷୟରେ ପ୍ରକାଶ କରିନାହାନ୍ତି ନିର୍ଦ୍ଦେଶକ କେ ଭି ଆନନ୍ଦ। ସାୟେଶା ସେହଗଲ୍ ଫିଲ୍ମରେ ହିରୋଇନ୍ ଭାବରେ ନଜର ଆସୁଛନ୍ତି। ଫିଲ୍ମଟି ଅଗଷ୍ଟ ମାସରେ ରିଲିଜ୍ ହେବାକୁ ଥିବାବେଳେ ଅନ୍ୟ ମୁଖ୍ୟ ଚରିତ୍ରରେ ବୋମନ ଇରାନୀ, ସମୁର୍ଥୀକର୍ଣ୍ଣୀ ଏବଂ ଚିରାଗ ଜାନି ପ୍ରମୁଖ ନଜର ଆସିବେ।
ପୁରୀ ଜିଲ୍ଲା କୁଶଭଦ୍ରା ନଦୀରେ ଗାଧୋଇବାକୁ ଯାଇ ତିନିଜଣ ଯୁବକ ନିଖୋଜ ହୋଇଯାଇଛନ୍ତି । ସ୍ଥାନୀୟ ଲୋକ ଓ ଅଗ୍ନିଶମ ବିଭାଗର ମିଳିତ ଉଦ୍ୟମରେ ନିଖୋଜ ଯୁବକମାନଙ୍କୁ ଖୋଜିବା ଉଦ୍ୟମ ଜାରି ରହିଛି । ପୁରୀ ଜିଲ୍ଲା କୁଶଭଦ୍ରା ନଦୀର ନିମାପଡ଼ା ଧୀରପୁର ଘାଟରେ ବୁଡ଼ି ତିନିଜଣ ଯୁବକ ନିଖୋଜ ହୋଇଯାଇଛନ୍ତି । ନିଖୋଜ ଯୁବକମାନେ ଗାଧୋଇବାକୁ ଯାଇ କୌଣସି କାରଣ ବସତଃ ଗୋଡ଼ ଖସିଥିବାରୁ ଏପରି ହୋଇଥିବା ଜଣାପଡ଼ିଛି । ସେମାନଙ୍କୁ ସ୍ଥାନୀୟ ଲୋକ ଓ ଅଗ୍ନିଶମ ବିଭାଗ ଖୋଜାଖୋଜି ସହ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
ବିଶ୍ବର ପୂର୍ବତନ ଏକ ନମ୍ବର ଗଲ୍ଫ ଖେଳାଳି ଟାଇଗର ଉଡ୍ସ ନିଜ କ୍ୟାରିୟରର ୧୫ତମ ଟାଇଟଲ ହାସଲ କରିଛନ୍ତି। ଦୀର୍ଘ ୧୧ ବର୍ଷର ପ୍ରତୀକ୍ଷାର ଅନ୍ତ ଘଟାଇଛନ୍ତି ଏହି ପେସାଦାର ଗଲ୍ଫର। ଅଗଷ୍ଟା ନ୍ୟାସନାଲ୍ ଟୁର୍ଣ୍ଣାମେଣ୍ଟରେ ବିଜୟୀ ହୋଇ ଉଡ୍ସ ଏହି କୃତିତ୍ବ ହାସଲ କରିଛନ୍ତି। ୨ ଅଣ୍ଡର ୭୦ ସ୍କୋର ସହିତ ଟୁର୍ଣ୍ଣାମେଣ୍ଟରେ ଚାମ୍ପିୟନ୍ ହୋଇଥିଲେ ଉଡ୍ସ। ଉଡ୍ସଙ୍କ କ୍ୟାରିୟରର ଏହା ୮୧ ତମ ପିଜିଏ ଟୁର୍ ବିଜୟ ଯାହାକି ଆନ୍ତର୍ଜାତୀୟ ରେକର୍ଡ ଠାରୁ ମାତ୍ର ଗୋଟିଏ ବିଜୟ ପଛରେ ରହିଛି। ୮୨ ପିଜିଏ ଟୁର୍ର ବିଜୟ ରେକର୍ଡ ସାମ୍ ସ୍ନିଡ୍ଙ୍କ ନାମରେ ରହିଛି।
ଶେଷରେ ଟିକ୍ଟକ୍ ଉପରେ ଭାରତ ସରକାର କଟକଣା ଲଗାଇଛନ୍ତି। ଟିକ୍ଟକ୍ରେ ଅଶ୍ଲୀଳ ଭିଡିଓ ଆସୁଥିବାରୁ ଏହା ଉପରେ ବ୍ୟାନ୍ ଲଗାଇବା ପାଇଁ ମାଦ୍ରାସ ହାଇକୋର୍ଟ ସରକାରଙ୍କୁ ନିର୍ଦ୍ଦେଶ ଦେଇଥିଲେ। ପ୍ଲେ ଷ୍ଟୋରରୁ ଏହି ଆପ୍ଲିକେଶନକୁ ହଟାଇବାକୁ ଗୁଗଲ ଏବଂ ଆପଲକୁ ସୂଚନା ଓ ପ୍ରଯୁକ୍ତି ମନ୍ତ୍ରଣାଳୟ ପକ୍ଷରୁ ନିର୍ଦେଶ ଦିଆଯାଇଛି। ଗତ ଏପ୍ରିଲ ୩ ତାରିଖରେ ମାଡ୍ରାସ ହାଇକୋର୍ଟ ଟିକ୍ଟକ ଆପ୍ ଉପରେ ପ୍ରତିବନ୍ଧକ ଲଗାଇବାକୁ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଥିଲେ। ଏଭଳି ଆପ୍ ଜରିଆରେ ଅଶ୍ଳୀଳ ଏବଂ ଅନୁଚିତ ସାମଗ୍ରୀ ଉପଲବ୍ଧ ହେଉଥିବା ଦର୍ଶାଇ ହାଇକୋର୍ଟ ଚିନ୍ତାବ୍ୟକ୍ତ କରିଥିଲେ। ଏପରି କି ଟିକ୍ଟକ ଭିଡିଓ କ୍ଲିପକୁ ଶେୟାର ନ କରିବାକୁ ଅନ୍ତରୀଣ ନିର୍ଦେଶ ଦେଇଥିଲେ। ତେବେ କେନ୍ଦ୍ର ସରକାର ଏହାକୁ ଚ୍ୟାଲେଞ୍ଜ କରି ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଥିଲେ। କିନ୍ତୁ ସୁପ୍ରିମକୋର୍ଟ ମାଡ୍ରାସ ହାଇକୋର୍ଟଙ୍କ ରାୟ ଉପରେ ସ୍ଥଗିତାଦେଶ ଦେବାକୁ ମନା କରିଦେବା ସହ ଆସନ୍ତା ୨୨ ତାରିଖରେ ମାମଲାର ପରବର୍ତ୍ତୀ ଶୁଣାଣି…
ଶତ୍ରୁଘ୍ନ ସିହ୍ନାଙ୍କ ପତ୍ନୀ ପୁନମ୍ ସିହ୍ନା ଆଜି ବିଧିବଦ୍ଧ ଭାବରେ ସମାଜବାଦୀ ପାର୍ଟିରେ ଯୋଗଦେଇଛନ୍ତି। ଉତ୍ତରପ୍ରଦେଶର ଲକ୍ଷ୍ନୌଠାରେ ଡିମ୍ପଲ୍ ଯାଦବଙ୍କ ଉପସ୍ଥିତିରେ ସେ ଏସ୍ପିରେ ଯୋଗଦେଇଛନ୍ତି। ସେ ବିଜେପି ପ୍ରାର୍ଥୀ ତଥା କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ରାଜନାଥ ସିଂଙ୍କ ସହ ଲକ୍ଷ୍ନୌରେ ଏସ୍ପି ତରଫରୁ ପ୍ରତିଦ୍ବନ୍ଦ୍ବିତା କରିବେ। ଏପ୍ରିଲ୍ ୬ ତାରିଖରେ ଶତ୍ରୁଘ୍ନ ସିହ୍ନା ବିଜେପି ଛାଡ଼ି କଂଗ୍ରେସରେ ଯୋଗଦେଇଛନ୍ତି। ସେ ତାଙ୍କ ପାରମ୍ପରିକ ଆସନ ପାଟନା ସାହିବ୍ରୁ କଂଗ୍ରେସ ତରଫରୁ ପ୍ରାର୍ଥୀ ହୋଇଛନ୍ତି। ଚଳିତଥର ବିଜେପିର ରବି ଶଙ୍କର ପ୍ରସାଦଙ୍କ ପାଟନା ସାହିବରୁ ଶତ୍ରୁଘ୍ନଙ୍କ କଡ଼ା ଟକ୍କର ହେବ।
ଓ୍ବାଇଏସ୍ଆର କଂଗ୍ରେସ ଦଳର ନେତା ଜଗନ ମୋହନ ରେଡ୍ଡୀ ମଙ୍ଗଳବାର ରାଜ୍ୟପାଳଙ୍କୁ ଭେଟିଛନ୍ତି। ରାଜ୍ୟର ଆଇନ୍ ଶୃଙ୍ଖଳା ପରସ୍ଥିତି ନେଇ ରାଜ୍ୟପାଳ ଇ ଏସ୍ ଏଲ୍ ନରସିଂହନ୍ଙ୍କୁ ଭେଟିଛନ୍ତି ଜଗନ। ମୁଖ୍ୟମନ୍ତ୍ରୀ ଏନ୍ ଚନ୍ଦ୍ରବାବୁ ନାଇଡୁ ସରକାରୀ କଳର ଅପବ୍ୟବହାର କରି ତାଙ୍କ ଦଳର କର୍ମୀଙ୍କୁ ହଇରାଣ କରୁଛନ୍ତି ବୋଲି ଅଭିଯୋଗ ଆଣିଛନ୍ତି ଓ୍ବାଇଏସ୍ଆର୍ ମୁଖ୍ୟ। ନରସା ରାଓ ପେଟାରେ ଦଳୀୟ କର୍ମୀଙ୍କ ଉପରେ ହୋଇଥିବା ଆକ୍ରମଣର ପ୍ରତିବାଦ କରିବା ସହିତ ଏହା ଉପରେ ରାଜ୍ୟପାଳଙ୍କ କାର୍ଯ୍ୟାନୁଷ୍ଠାନ ଦାବି କରିଥିଲେ। ଦଳର ଅନ୍ୟ ବରିଷ୍ଠ ନେତା ଜଗନଙ୍କ ସହିତ ରାଜ୍ୟପାଳଙ୍କୁ ଭେଟିବାକୁ ଯାଇଥିଲେ। ଟିଡିପି ଆସନ୍ତା ମେ ୨୩ ପ୍ରକାଶିତ ଫଳାଫଳକୁ ନେଇ ଚିନ୍ତାରେ ରହି ଏପରି ଆକ୍ରମଣ କରୁଛି ବୋଲି ଜଗନ କହିଛନ୍ତି।
ପାକିସ୍ତାନର ସୁରକ୍ଷା ବଳ ପକ୍ଷରୁ ଆତଙ୍କବାଦୀଙ୍କ ଉପରେ ଆକ୍ରମଣ କରା ଯାଇଥିଲା। ଏହି ଆକ୍ରମଣରେ ୫ ଆତଙ୍କବାଦୀ ନିହତ ହୋଇଥିବା ବେଳେ ଜଣେ ପୋଲିସ ଅଫିସରଙ୍କ ପ୍ରାଣହାନି ଘଟିଛି। ୧୫ଘଣ୍ଟା ଧରି ଚାଲିଥିବା ଏହି ସୁଟ୍ଆଉଟ୍ରେ ଅନ୍ୟ ତିନି ଜଣ ପୋଲିସ୍ ଅଫିସର୍ ଆହତ ହୋଇଛନ୍ତି। ହୟାତାବାଦର ଏକ କୋଠାରେ ସୋମବାର ରାତିରୁ ଏହି ଆକ୍ରମଣ ଚାଲିଥିଲା। ଗୁଇନ୍ଦା ସୂଚନା ଅନୁଯାୟୀ ଜନୈକ ଅବସରପ୍ରାପ୍ତ ବିଚାରପତି ଏବଂ ପୋଲିସ୍ ଆଇଜିଙ୍କୁ ହତ୍ୟା କରିବା ପାଇଁ ଏହି ଆତଙ୍କୀ ଯୋଜନା ଚଳାଇଥିଲେ। ପୋଲିସ୍ ପକ୍ଷରୁ ଆତଙ୍କୀଙ୍କୁ ଆତ୍ମସମର୍ପଣ ପାଇଁ କୁହାଯାଇଥିବା ବେଳେ ଗୁଳିଚାଳନା ହେବାରୁ ପୁଲିସ ପାଲଟା ଗୁଳିଚାଳନା କରିଥିଲା। ଆତଙ୍କୀଙ୍କ ପକ୍ଷରୁ ଗ୍ରେନେଡ୍ ଆକ୍ରମଣ କରାଯାଇଥିଲା ଯେଉଁଥିରେ ଜଣେ ପୋଲିସ୍ ଅଫିସର ପ୍ରାଣ ହରାଇଥିଲେ।
ନ୍ୟାସ୍ନାଲ୍ କନଫରେନ୍ସ ଦଳର ନେତାଙ୍କ ଘର ଉପରକୁ ଆତଙ୍କୀ ମାନେ ଆକ୍ରମଣ କରିଛନ୍ତି। ଜମ୍ମୁ କାଶ୍ମୀରର ପୁଲଓ୍ବାମାରେ ଏହି ଘଟଣା ଘଟିଛି। ପୁଲଓ୍ବାମାର ଟ୍ରାଲ ନିର୍ବାଚନ ମଣ୍ଡଳୀରୁ ଏନ୍ସିର ପ୍ରାର୍ଥୀ ଅଶ୍ରଫ୍ ଭଟ୍ଟଙ୍କ ଘର ଉପରକୁ ଏହି ଆକ୍ରମଣ ହୋଇଥିଲା। ଏକ ବ୍ୟାରେଲ୍ ଗ୍ରେନେଡ୍ ଲଞ୍ଚରରୁ ଭଟ୍ଟଙ୍କ ଘର ଉପରକୁ ଏକ ଗ୍ରେନେଡ୍ ଫିଙ୍ଗାଯାଇଥିଲା। ଏହି ଆକ୍ରମଣ ସମୟରେ ଭଟ୍ଟଙ୍କ ଘରେ ଅନ୍ୟ ନେତାମାନେ ମଧ୍ୟ ଉପସ୍ଥିତ ଥିଲେ। ପ୍ରାପ୍ତ ସୂଚନା ଅନୁଯାୟୀ ଏନ୍ସିର ଅନ୍ୟତମ ପ୍ରାର୍ଥୀ ତଥା ଅବସରପ୍ରାପ୍ତ ବିଚାରପତି ହସନୈନ୍ ମସୁଦ୍ଦି ମଧ୍ୟ ଏହି ବୈଠକରେ ଉପସ୍ଥିତ ଥିଲେ। ମସୁଦ୍ଦି ଅନନ୍ତନାଗ ଆସନରୁ ଏନ୍ସିର ପ୍ରାର୍ଥୀ ରହିଛନ୍ତି। ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛି।
ସାହିତ୍ୟ କ୍ଷେତ୍ରରେ ଉଲ୍ଲେଖନୀୟ କୃତିତ୍ବ ପାଇଁ ଆରେଥା ଫ୍ରାଙ୍କଲିନ୍ (୧୯୪୨-୨୦୧୮) ଙ୍କୁ ଚଳିତ ବର୍ଷର ପୁଲିଜର୍ ପୁରସ୍କାରରେ ସମ୍ମାନିତ କରାଯିବ । ସୋମବାର ଦିନ କଲମ୍ବିଆ ବିଶ୍ବବିଦ୍ୟାଳୟର ସ୍କୁଲ୍ ଅଫ୍ ଜର୍ଣ୍ଣାଲିଜିମ୍ ତରଫରୁ ଏହି ପୁରସ୍କାର ପାଇଁ ଘାେଷଣା କରାଯାଇଛି । ଆମେରିକୀୟ ସଙ୍ଗୀତ ଏବଂ କଳା ପ୍ରତି ଅତୁଳନୀୟ ଅବଦାନ ରଖିଥିବା ଫ୍ରାଙ୍କଲିନ୍ଙ୍କୁ ଏହି ପୁରସ୍କାର ପ୍ରଦାନ କରାଯିବା ପାଇଁ ଘୋଷଣା କରାଯାଇଛି । ଦୀର୍ଘ ପାଞ୍ଚ ଦଶନ୍ଧି ଧରି ସଙ୍ଗୀତ ସହିତ ଜଡିତ ରହିଥିବା ଫ୍ରାଙ୍କଲିନ୍ ୧୮ଟି ଗ୍ରାମୀ ପୁରସ୍କାର ହାସଲ କରିଥିବା ବେଳେ ୧୦୦ରୁ ଅଧିକ ବିଲ୍ବୋର୍ଡ ଚାର୍ଟସରେ ସାମିଲ ରହିଥିଲେ । ଏହି ପୁରସ୍କାର ପାଇବାରେ ହାଙ୍କ ଓ୍ବିଲିୟମ୍ସ(୨୦୧୦) ଏବଂ ଡ୍ୟୁକ୍ ଏଲିଙ୍ଗଟନ୍(୧୯୯୯)ଙ୍କ ଏଲାଇଟ୍ କ୍ଲବ୍ରେ ସାମିଲ ହୋଇଛନ୍ତି । ସେହିପରି ଏହି ପୁରସ୍କାରକୁ ମରଣୋତ୍ତର ଭାବରେ ହାସଲ କରିବାରେ ଫ୍ରାଙ୍କଲିନ୍ ହେଉଛନ୍ତି ପ୍ରଥମ ମହିଳା । ସେହିପରି ‘ଦ ଓଭରଷ୍ଟୋରୀ’ ନିମନ୍ତେ ରିଚାର୍ଡ ପାଓ୍ବାରସ୍ଙ୍କୁ କାଳ୍ପନିକ…
ପ୍ରଚଣ୍ଡ ଗ୍ରୀଷ୍ମ ପ୍ରବାହ ପାଇଁ ଆଗୁଆ ଖରା ଛୁଟି ଘୋଷଣା କଲେ ରାଜ୍ୟ ସରକାର। ସ୍ବତନ୍ତ୍ର ରିଲିଫ୍ କମିଶନର ବିଷ୍ଣୁପଦ ସେଠୀ ଏ ବିଷୟରେ ସୂଚନା ଦେଇଛନ୍ତି। ପୂର୍ବରୁ ମେ ୬ ତାରିଖର ହେବ ବୋଲି ସୂଚନା ରହିଥିଲା। ତେବେ ଗ୍ରୀଷ୍ମ ପ୍ରବାହକୁ ଆଖି ଆଗରେ ରଖି ଏହି ନିଷ୍ପତ୍ତି ନିଆଯାଇଛି। ଆସନ୍ତା ୧୮ ତାରିଖରୁ ରାଜ୍ୟର ସମସ୍ତ ସ୍କୁଲ ଛୁଟି ରହିବ। କେବେ ସ୍କୁଲ ଖୋଲିବ ସେ ନେଇ କୌଣସି ସୂଚନା ଦିଆଯାଇ ନାହିଁ। ଅସହ୍ୟ ତାତିରେ ସିଝୁଛି ସାରା ଓଡ଼ିଶା। ପ୍ରଚଣ୍ଡ ଖରାରେ ହନ୍ତସନ୍ତ ହେଉଛନ୍ତି ରାଜ୍ୟବାସୀ। ରାଜ୍ୟରେ ଉପରମୁହାଁ ହେଲାଣି ପାରା। ପ୍ରାୟ ଜିଲ୍ଲାରେ ୪୦ ଡିଗ୍ରୀ ତଥା ତା’ ଉପରେ ତାପମାତ୍ରାର ରେକର୍ଡ କରାଯାଉଛି।
କେନ୍ଦ୍ର ଗୃହ ମନ୍ତ୍ରୀ ତଥା ଲକ୍ଷ୍ନୌରୁ ବିଜେପି ପ୍ରାର୍ଥୀ ରାଜନାଥ ସିଂହ ଆଜି ନିଜ ନାମାଙ୍କନ ପତ୍ର ଦାଖଲ କରିଛନ୍ତି। ନାମାଙ୍କନ ପତ୍ର ଦାଖଲ କରିବା ପୂର୍ବରୁ ସେ ଏକ ରୋଡ ସୋ କରିଥିଲେ। ଏହି ରାଲିରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସାମିଲ୍ ହେବେ ବୋଲି ସୂଚନା ରହିଥିଲା। କିନ୍ତୁ ନିର୍ବାଚନ ପ୍ରଚାର ସମୟରେ ବିବାଦୀୟ ବୟାନ ଦେଇଥିବା କାରଣରୁ ନିର୍ବାଚନ ଆୟୋଗ ତାଙ୍କ ଉପରେ ୭୨ ଘଣ୍ଟିଆ ପ୍ରତିବନ୍ଧକ ଲଗାଇଛନ୍ତି। ଏହି ରାଲିରେ ଉପ ମୁଖ୍ୟମନ୍ତ୍ରୀ କେଶବ ପ୍ରସାଦ ମୋର୍ଯ୍ୟ ଏବଂ ଦିନେଶ ଶର୍ମାଙ୍କ ସହିତ ଯୋଗୀ ସରକାରଙ୍କ ବହୁ ବରିଷ୍ଠ ମନ୍ତ୍ରୀମାନେ ଏଥିରେ ସାମିଲ ହୋଇଛନ୍ତି। ରାଜନାଥ ସିଂହ କୋସଳ କିଶୋର ଦଳ କାର୍ଯ୍ୟାଳୟରୁ ରୋଡ ସୋ ଆରମ୍ଭ କରି କଲେକ୍ଟ୍ରେଟରେ ପହଂଚିଥିଲେ। ୨୦୧୪ରେ ରାଜନାଥ ଏହିଠାରୁ ବହୁ ସଂଖ୍ୟାରେ ଭୋଟ ପାଇ ଜୟଯୁକ୍ତ ହୋଇଥିଲେ। ଲକ୍ଷ୍ନୌରେ ୫ମ ଚରଣ ମତଦାନ ହେବାକୁ ରହିଛି। ଅପ୍ରେଲ ୧୮…
ମହିଳା ମାନଙ୍କ ମସ୍ଜିଦ୍ ପ୍ରବେଶ ଏବଂ ପ୍ରାର୍ଥନା ଉପରେ ରହିଥିବା କଟକଣାକୁ ନେଇ ଦାୟର କରାଯାଇଥିବା ଏକ ମାମଲାକୁ ଗ୍ରହଣ କରିଛନ୍ତି ସର୍ବୋଚ୍ଚ ନ୍ୟାୟାଳୟ। ଜନୈକ ମହାରାଷ୍ଟ୍ର ଦମ୍ପତ୍ତି ମୁସଲିମ ମହିଳାଙ୍କ ମସ୍ଜିଦ୍ରେ ପ୍ରାର୍ଥନା ଉପରେ ରହିଥିବା କଟକଣା ଉଠାଇବାକୁ ନେଇ ଆବେଦନ କରିଥିଲେ। ମଙ୍ଗଳବାର ଏହି ମାମଲାକୁ ଗ୍ରହଣ କରିଛନ୍ତି ଏସ୍ ଏ ବୋବଡେ ଏବଂ ଏସ୍ ଅବ୍ଦୁଲ୍ ନଜୀରଙ୍କ ଦ୍ବାରା ଗଠିତ ଖଣ୍ଡପୀଠ। ନିକଟରେ ସବ୍ରିମାଳାରେ ମହିଳାଙ୍କ ପ୍ରବେଶ ନେଇ ରାୟ ଶୁଣାଇ ଥିବାରୁ ଏହି ମାମଲା ଗ୍ରହଣ କରାଯାଇଛି ବୋଲି କହିଛନ୍ତି ଖଣ୍ଡପୀଠ। ମୁମ୍ବାଇ ହାଜି ଅଲୀ ଦର୍ଘାରେ ମହିଳାଙ୍କ ପ୍ରବେଶକୁ ନେଇ ପୁଣେର ଦମ୍ପତ୍ତି ୟାସ୍ମିନ୍ ଜୁବେର ଅହମ୍ମଦ ଏବଂ ଜୁବେର ଅହମ୍ମଦଙ୍କ ପକ୍ଷରୁ ଏହି ଆବେଦନ କରାଯାଇଛି। ଏହା ସଂଖ୍ୟାଲଘୁ ମହିଳାଙ୍କ ଅଧିକାର କ୍ଷୁର୍ଣ୍ଣ କରୁଛି ବୋଲି କୋର୍ଟ କହିବା ସହିତ ଏ ନେଇ କେନ୍ଦ୍ର ସରକାର ଏବଂ ମୁସଲିମ ବୋର୍ଡ ମାନଙ୍କୁ ଏକ…
ରାଜକୁମାର ଗୁପ୍ତାଙ୍କ ବହୁ ପ୍ରତୀକ୍ଷିତ ହିନ୍ଦି ଫିଲ୍ମ ଇଣ୍ଡିଆସ ମୋଷ୍ଟ ଓ୍ବାଣ୍ଟେଡ୍ର ଟିଜର୍ ରିଲିଜ୍ ହୋଇଛି। ଫିଲ୍ମର ୯୦ ସେକେଣ୍ଡର ଟିଜରରେ ଅର୍ଜୁନଙ୍କ ଚରିତ୍ର ପ୍ରଭାତ କପୁରଙ୍କ ଦୁନିଆ ଦେଖାଇଛନ୍ତି ରାଜକୁମାର ଗୁପ୍ତା। ଟିଜର୍ରେ ଅର୍ଜୁନ ଦାଢି ରଖିବା ସହିତ ଗମ୍ଭୀର ଚରିତ୍ରରେ ନଜର ଆସିଛନ୍ତି। ୫ ଜଣ ଯୁବକ ଜଣେ ଆତଙ୍କବାଦୀ(ଭାରତର ଓସାମା)କୁ ଧରିବାକୁ ନେଇ ଏହି ଫିଲ୍ମର କାହାଣୀ ରହିଛି। ଫିଲ୍ମର ଏକ ପୋଷ୍ଟରରେ ରହିଛି ‘ବନ୍ଧୁକ ନାହିଁ, ଗର୍ବ ନାହିଁ କେବଳ ସାହସ’। ଫିଲ୍ମର ପୋଷ୍ଟର ଅନୁଯାୟୀ ଫିଲ୍ମରେ କୌଣସି ବନ୍ଧୁକ ସିନ୍ ମଧ୍ୟ ନାହିଁ। ଫିଲ୍ମରେ ଅର୍ଜୁନଙ୍କ ବ୍ୟତିତ ଅମ୍ରିତା ପୁରୀ, ରାଜେଶ ଶର୍ମା, ପ୍ରଶାନ୍ତ ଏବଂ ଶାନ୍ତିଲାଲ ମୁଖାର୍ଜୀ ପ୍ରମୁଖ ଭୂମିକାରେ ନଜର ଆସିବେ। ରାଜକୁମାର ଗୁପ୍ତା କାହାଣୀ ଲେଖିବା ସହିତ ନିର୍ଦ୍ଦେଶନା ଦେଇଥିବା ବେଳେ ଫିଲ୍ମଟି ମେ ୨୪ ତାରିଖରେ ରିଲିଜ୍ ହେବାକୁ ଯାଉଛି। ଏହି ଫିଲ୍ମ ବ୍ୟତିତ ଅର୍ଜୁନ ଆହୁରି ଦୁଇଟି…
ନିକଟ ଅତୀତରେ ଅନ୍ୟୁନ ୩୬ ବ୍ୟବସାୟୀ ଦେଶ ଛାଡି ପଳାୟନ କରିଛନ୍ତି ବୋଲି ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ସୂଚନା ପ୍ରଦାନ କରାଯାଇଛି। ସ୍ବତନ୍ତ୍ର ଜଜ୍ ଅରବିନ୍ଦ କୁମାରଙ୍କ ସାମ୍ନାରେ ତଥ୍ୟ ରଖି ଇଡି କହିଛି ଯେ, ନୀରବ ମୋଦି ଏବଂ ବିଜୟ ମାଲ୍ୟାଙ୍କୁ ମିଶାଇ ସମୁଦାୟ ୩୬ ବ୍ୟବସାୟୀ ଦେଶ ଛାଡି ପଳାୟନ କରିଛନ୍ତି। ଏହି ୩୬ ଜଣଙ୍କ ମଧ୍ୟରୁ ଅନେକଙ୍କ ନାମରେ ଅପରାଧିକ ମାମଲା ରହିଥିବା ଇଡି ପକ୍ଷରୁ କୁହାଯାଇଛି। ଅଗଷ୍ଟା ଓ୍ବେଷ୍ଟଲ୍ୟାଣ୍ଡ ମାମଲାର ବିଚାର ସମୟରେ ସୁଶେନ୍ ଗୁପ୍ତାଙ୍କ ଜାମିନ ଆବେଦନ ଉପରେ ବିଚାର କରିବା ସମୟରେ କୋର୍ଟଙ୍କୁ ଏହି ସୂଚନା ଦେଇଥିଲେ ଇଡି। ସୁଶେନ୍ ନିଜକୁ ସାମାଜିକ ଭାବରେ ପ୍ରତିଷ୍ଠିତ ବୋଲି ଦାବି କରି ଜାମିନ ଆବେଦନ କରିଥିବା ବେଳେ ସରକାରଙ୍କ ପକ୍ଷରୁ ମାମଲା ପରିଚାଳନା କରୁଥିବା ଡିପି ସିଂ ଏବଂ ଏନ୍ କେ ମାଟ୍ଟା ଏହାକୁ ଦୃଢ ବିରୋଧ କରିଥିଲେ। ଶ୍ରୀ ସିଂ ଏବଂ ମାଟ୍ଟା…
ଲୋକସଭା ନିର୍ବାଚନର ପ୍ରଥମ ପର୍ଯ୍ୟାୟ ସରିଯାଇଥିବାବେଳେ ଦ୍ବିତୀୟ ପର୍ଯ୍ୟାୟ ହେବାକୁ ରହିଛି। ଚାରିଆଡେ ନିର୍ବାଚନୀର ମାହୋଲ୍। ଉଭୟ ପ୍ରତିପକ୍ଷଙ୍କ ଭିତରେ ଆରୋପ ପ୍ରତ୍ୟାରୋପ ଜାରି ରହିଛି। ନିର୍ବାଚନୀ ଗରମ୍ ମାହୋଲ୍ରେ ବିପକ୍ଷ ଦଳଙ୍କ ନେତାଙ୍କ ଦେଖାସାକ୍ଷାତ୍କୁ ଦେଖିଲେ ଭାରତୀୟ ରାଜନୀତିରେ ସୁନ୍ଦରତାକୁ ଦର୍ଶାଇଥାଏ। କଂଗ୍ରେସ ସାଂସଦ ତଥା ତିରୁଅନନ୍ତପୁରମ୍ର କଂଗ୍ରେସ ପ୍ରାର୍ଥୀ ଶଶି ଥରୁର୍ ସୋମବାର ଦିନ ମନ୍ଦିରରେ ତୁଳାଭରମ୍ ପୂଜା କରିବା ସମୟରେ ଦୁର୍ଘଟଣାର ଶିକାର ହୋଇଛନ୍ତି। ଏହି ଦୁର୍ଘଟଣାରେ ସେ ଗମ୍ଭୀର ରୂପରେ ଆହତ ହୋଇଛନ୍ତି। ଏପରିକି ତାଙ୍କ ମୁଣ୍ଡରେ ୬ଟି ଷ୍ଟିଜ୍ ପଡିଛି। ଆଜି ଅର୍ଥାତ୍ ଏପ୍ରିଲ୍ ୧୬ ମଙ୍ଗଳବାର ଦିନ ଭାରତର ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତରାମଣ ଆଜି ତାଙ୍କୁ ଦେଖିବାକୁ ହସ୍ପିଟାଲ୍ରେ ପହଞ୍ଚିଛନ୍ତି। କଂଗ୍ରେସ ସାଂସଦ ଶଶି ଥରୁର୍ଙ୍କ ସହ ବାର୍ତ୍ତାଳାପ କରି ତାଙ୍କ ଭଲ ମନ୍ଦ ବୁଝିଥିଲେ। ତେବେ ଏହାକୁ ନେଇ ଶଶି ଥରୁର୍ ଏକ ଟୁଇଟ କରିଛନ୍ତି। ତାଙ୍କ ସହ ସୀତାରମଣଙ୍କ…
ସାଗରିକା ନାରୀ ଜୀବନର ପ୍ରତିଟି ପାହାଚରେ ନିଜକୁ ପ୍ରମାଣିତ କରି ଆସିଛି। ହାଣ୍ଡିଶାଳରୁ ଆରମ୍ଭ କରି ରାଜନୀତିର ପଶାପାଲିରେ ବାଜିମାତ୍ କରିଛି। ସାଧାରଣ ରୋଷେଇ ଘରରୁ ବାହାରି ଅନ୍ତର୍ଜାତୀୟ ସ୍ତରରେ ନିଜକୁ ପ୍ରତିପାଦନ କରାଉଛି। ଠିକ୍ ସେହିପରି ଆଜିର ନିର୍ବାଚନରେ ମହିଳା ଭୋଟର୍ ନିର୍ଣ୍ଣାୟକ ଭୂମିକା ଗ୍ରହଣ କରୁଥିବାବେଳେ ସମ୍ପ୍ରତି ରାଜନୈତିକ କ୍ଷମତା କିନ୍ତୁ ପୁରୁଷଙ୍କ କବ୍ଜାରେ ରହିଛି। ଦକ୍ଷିଣ ଭାରତ ଏବଂ ଉତ୍ତର ପୂର୍ବରେ ପୁରୁଷଙ୍କ ଠାରୁ ମହିଳାମାନେ ଅଧିକା ଭୋଟ ଦେଇ ସରକାର ଗଠନରେ ପ୍ରମୁଖ ଭୂମିକା ଗ୍ରହଣ କରିଛନ୍ତି। ଜୀବନର ପ୍ରତିଟି ପାହାଚରେ ଭାରତୀୟ ମହିଳାମାନେ ଉଚ୍ଚ ପଦବୀରେ ଆସୀନ ହୋଇଛନ୍ତି। ସ୍ଵତନ୍ତ୍ର ଲକ୍ଷ୍ୟ ସାଧନ ଅନୁସାରେ ଉତ୍ତରପ୍ରଦେଶରେ ୧୯୬୩ରୁ ୧୯୬୭ ଯାଏଁ ସୁଚେତା କୃପାଳିନୀଙ୍କ ଠାରୁ ନେଇ ୨୦୧୪ରେ ଗୁଜୁରାଟର ଆନନ୍ଦି ବେନ ପଟେଲ ଓ ଆଜିର ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ପରି ଭାରତ ବର୍ଷରେ ୧୫ ଜଣ ମହିଳା ମୁଖ୍ୟମନ୍ତ୍ରୀ ରହି ଆସିଛନ୍ତି। ସୁଷମା ସ୍ଵରାଜ ଏବଂ ନିର୍ମଳା…
ଜିତେନ୍ଦ୍ର ରଥ ଏପ୍ରିଲ ତେର ତାରିଖରେ କଟକର ଚୌଦ୍ବାର ଠାରେ ଏକ ନିର୍ବାଚନୀ ସଭାକୁ ସମ୍ବୋଧିତ କରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବିଜେପି ଓଡିଶାରେ କ୍ଷମତାକୁ ଆସିଲେ ରାଜ୍ୟ ବାସୀଙ୍କୁ ଏକ ଟଙ୍କାରେ ପାଞ୍ଚ କିଲୋ ଚାଉଳ ସହ ଅଧ କିଲୋ ଡାଲି ଓ ପ୍ରାୟ ସମାନ ପରିମାଣର ଲୁଣ ଯୋଗାଇଦେବ ବୋଲି ଘୋଷଣା କରିଛନ୍ତି। ଜାତୀୟ ଖାଦ୍ୟ ସୁରକ୍ଷା ଆଇନ – ୨୦୧୩ ଅନ୍ତର୍ଗତ ପ୍ରାୟ ୩.୨୬ କୋଟି ଲୋକ ଏହି ସୁବିଧା ପାଇବେ ବୋଲି ଏହି ସଭାରେ ଘୋଷଣା କରାଯାଇଛି। ପରବର୍ତୀ ସମୟରେ, ଏହି ବିଷୟଟି କିପରି ଭାବେ, ଓଡିଶା ଭଳି ଏକ ରାଜ୍ୟରେ ଅପପୁଷ୍ଟି ଦୂର କରିବାରେ ସହାୟକ ହେବ ତାହା ବିଭିନ୍ନ ସାମାଜିକ ଗଣମାଧ୍ୟମରେ ଶ୍ରୀଯୁକ୍ତ ପ୍ରଧାନ ଓ ଭାରତୀୟ ଜନତା ପାର୍ଟିର ଅନେକ କାର୍ଯ୍ୟକର୍ତା ପ୍ରକାଶ କରିଛନ୍ତି। ପ୍ରାଥମିକ ଭାବେ ସାଧାରଣ ବଣ୍ଟନ ବ୍ୟବସ୍ଥାରେ ନୂଆ ସାମଗ୍ରୀ ଯୋଗ କରିବା ଓ ଏହାକୁ ଅପପୁଷ୍ଟି…
ଏସିଆନ୍ ବକ୍ସିଂ ଚାମ୍ପିୟନ୍ସିପ୍ ୨୦୧୯ ପାଇଁ ଭାରତୀୟ ମହିଳା ଦଳ ଘୋଷଣା କରାଯାଇଛି। ବ୍ୟାଙ୍କକ୍ରେ ଅନୁଷ୍ଠିତ ହେବାକୁ ଥିବା ଏହି ଟୁର୍ଣ୍ଣାମେଣ୍ଟ ଆଜି ଠାରୁ ଏପ୍ରିଲ୍ ୨୭ ପର୍ଯ୍ୟନ୍ତ ଅନୁଷ୍ଠିତ ହେବ। ଦଳ ଏହି ଟୁର୍ଣ୍ଣାମେଣ୍ଟ ନେଇ ଇନ୍ଦିରା ଗାନ୍ଧୀ ସ୍ପୋର୍ଟସ୍ କମ୍ପ୍ଲେକ୍ସରେ ପ୍ରସ୍ତୁତି ଚଳାଇଥିବା ବେଳେ ଦଳରେ ଭେଟେରାନ୍ଙ୍କ ସହିତ ଅନେକ ଯୁବ ପ୍ରତିଭାଙ୍କୁ ଦେଖିବାକୁ ମିଳିଛି। ଏହି ପ୍ରତିଯୋଗିତାରୁ ଦଳ ୪ ପଦକ ଆଶା ରଖିଥିବା ବେଳେ ଭେଟରାନ୍ ସରିତା ଦେବୀ(୩୭)ଙ୍କ ଠାରୁ ଦଳ ପଦକ ଆଶା ରଖିଛି। ନୂତନ ଭାବରେ ଦଳର ପ୍ରଶିକ୍ଷକ ଦାୟିତ୍ବ ତୁଲାଉଥିବା ମହମ୍ମଦ ଅଲୀ କମର କହିଛନ୍ତି, ସରିତା ଏବଂ ମେରୀକମ୍ଙ୍କ ପରି ବରିଷ୍ଠ ଖେଳାଳିଙ୍କ ସହ ଅଭ୍ୟାସ କରିବା ଦ୍ବାରା ଯୁବ ଖେଳାଳିଙ୍କ ପାଇଁ ଲାଭଦାୟକ। ଭାରତୀୟ ଦଳ : ୪୮ କିଗ୍ରା : ନୀତୁ, ୫୧ କିଗ୍ରା : ନିଖତ୍ ଜରିନ୍, ୫୪ କିଗ୍ରା : ମନୀଷା, ୫୭ କିଗ୍ରା…
ବିବାଦୀୟ ମନ୍ତବ୍ୟ ପାଇଁ ନିର୍ବାଚନ ଆୟୋଗ ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଓ ବିଏସ୍ପି ମୁଖ୍ୟ ମାୟାବତୀଙ୍କ ନିର୍ବାଚନ ପ୍ରଚାର ଉପରେ କଟକଣା ଲଗାଇବା ପରେ ଆଜମ ଖାନ ଓ ମାନେକା ଗାନ୍ଧୀଙ୍କ ନିର୍ବାଚନ ପ୍ରଚାର ଉପରେ ମଧ୍ୟ କଟକଣା ଲଗାଇଛନ୍ତି। ଆଜମ ଖାନଙ୍କ ଉପରେ ୭୨ ଘଣ୍ଟା ପାଇଁ କଟକଣା ଲଗାଯାଇଥିବା ବେଳେ ମାନେକା ଗାନ୍ଧୀଙ୍କ ଉପରେ ୪୮ ଘଣ୍ଟା ପାଇଁ କଟକଣା ଲଗାଯାଇଛି। ଏପ୍ରିଲ ୧୬ ତାରିଖ ସକାଳ ୧୦ଟାରୁ ଏହି କଟକଣା କାର୍ଯ୍ୟକାରୀ ହେବ। ଆଜମ ଖାନ୍ ଜୟପ୍ରଦାଙ୍କ ଉପରେ ବିବାଦୀୟ ମନ୍ତବ୍ୟ ଦେଇଥିବା ଅଭିଯୋଗ ହୋଇଛି। ସେହିପରି ମାନେକା ଗାନ୍ଧୀ ଏକ ରାଲିରେ ନିର୍ଦିଷ୍ଟ ଧର୍ମର ଲୋକଙ୍କୁ କିଛି ମନ୍ତବ୍ୟ ଦେଇଥିବା ଅଭିଯୋଗ ହୋଇଛି। ଦେଶରେ ନିର୍ବାଚନୀ ସମୟରେ ଆଚାର ସଂହିତା ଲାଗୁ ହୋଇଥିବାବେଳେ ନିର୍ବାଚନୀ ସଂସ୍କାର ପାଇଁ ନିର୍ବାଚନ ଆୟୋଗ ବେଶ୍ କଡ଼ା କାର୍ଯ୍ୟାନୁଷ୍ଠାନ ନେଉଛନ୍ତି। ତେବେ ଏହି ଘଟଣାରେ ସୁପ୍ରିମ୍କୋର୍ଟ ତରଫରୁ…