ସେନାର ରାଜନୀତିକରଣ ହେଉଥିବା ନେଇ ରାଷ୍ଟ୍ରପତିଙ୍କୁ ପତ୍ର ଲେଖିଥିବା ଖବରକୁ ଅସ୍ବୀକାର କରିଛନ୍ତି ପୁରାତନ ସେନାମୁଖ୍ୟ ଜେନେରାଲ୍ ସୁନିଥ୍ ଫ୍ରାନ୍ସିସ୍ ରଡ୍ରିଗ୍ଜ ।ରଡ୍ରିଗ୍ଜ କହିଛନ୍ତି ଏପରି କୌଣସି ଚିଠି ରାଷ୍ଟ୍ରପତିଙ୍କୁ ଲେଖାଯାଇନାହିଁ କିମ୍ବା ମୁଁ କୌଣସି ଚିଠିରେୂ ହସ୍ତାକ୍ଷର କରିନାହିଁ । ପୂର୍ବତନ ବିମାନ ବାହିନୀ ମୁଖ୍ୟ ଏୟାର ଚିଫ୍ ମାର୍ଶାଲ ଏନ୍ସି ସୁରୀ ଏବଂ ଏମ୍ଏଲ୍ ନାଇଡୁ ମଧ୍ୟ ଏହି ଖବରରେ ନିଜ ସମ୍ପୃକ୍ତିକୁ ଅସ୍ବୀକାର କରିଛନ୍ତି । ଏହି ଖବରକୁ ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ସମାଲୋଚନା କରିବା ସହିତ କହିଥିଲେ, ତିନିଜଣ ବରିଷ୍ଠ ପୂର୍ବତନ ସେନାମୁଖ୍ୟ ଏହି ଘଟଣାରେ ନିଜର ସମ୍ପୃକ୍ତିକୁ ଅସ୍ବୀକାର କରିବା ପରେ ସରକାର ଏପରି ମିଥ୍ୟା ଚିଠିକୁ ନେଇ ଚିନ୍ତିତ । ଶ୍ରମତୀ ସୀତାରମଣ କହିଥିଲେ, କଂଗ୍ରେସ ମୋଦିଙ୍କୁ ସେନାକୁ ବ୍ୟବହାର କରୁଥିବା ନେଇ ଅଭିଯୋଗ ଉଠାଉଛି ମାତ୍ର ସେନାବାହିନୀ ବିଜେପି ସହିତ ନୁହେଁ ବରଂ ଦେଶ ସହିତ ଛିଡା ହୋଇଛି । ସେହିପରି ଏପରି…
Author: Samikhsya Bureau
ପ୍ରଥମ ପର୍ଯ୍ୟାୟ ମତଦାନ ସରିଯାଇଥିବାବେଳେ ଆସନ୍ତା ୧୮ ତାରିଖରେ ଆରମ୍ଭ ହେବ ଦ୍ବିତୀୟ ପର୍ଯ୍ୟାୟ ଭୋଟ୍ । ଏଥର ୫ଟି ଲୋକସଭା ଆସନ ଓ ତତ୍ସଂଲଗ୍ନ ୩୫ଟି ବିଧାନସଭା ଆସନ ପାଇଁ ମତଦାନ ପ୍ରକ୍ରିୟା ଅନୁଷ୍ଠିତ ହେବ । ଏଥିପାଇଁ ନିର୍ବାଚନୀ ପ୍ରଚାର ପୂରା ଜୋର୍ସୋର୍ରେ ଚାଲିଛି । ଆଜି ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ କେନ୍ଦୁଝର ଗସ୍ତରେ ଆସି ମେଡିକାଲ କଲେଜ ପଡ଼ିଆରେ ଅନୁଷ୍ଠିତ ବିଜୟ ସଂକଳ୍ପ ସଭାରେ ଯୋଗ ଦେଇଛନ୍ତି। ଏହି ସଭାରେ ଉଭୟ କଂଗ୍ରେସ ଓ ବିଜେଡି ସରକାରଙ୍କ ଉପରେ ବର୍ଷିଛନ୍ତି । ଓଡ଼ିଶାର ମୁଖ୍ୟମନ୍ତ୍ରୀ ଭାବେ ୧୯ ବର୍ଷ ଧରି ଶାସନ କରିବା ସତ୍ତ୍ୱେ ଏଯାବତ ସେ ଭଲ ଭାବେ ଓଡ଼ିଆ ଭାଷା ଜାଣି ନ ଥିବା ନେଇ ଶାହ ନବୀନ ପଟ୍ଟନାୟକଙ୍କୁ ସମାଲୋଚନା କରିଥିଲେ। କେନ୍ଦୁଝରରେ ଡିଏମଏଫ ଫଣ୍ଡରେ ୧୬୦୦ କୋଟି ମିଳିଛି । ମୋଦି ସରକାର ରେଳପଥ, ଜାତୀୟ ରାଜପଥ ଆଦିର…
ବେଙ୍ଗାଲୁରୁରେ ଅବସ୍ଥାପିତ ଇ ଫାର୍ମାସୀ ଷ୍ଟାର୍ଟଅପ୍ମ କମ୍ପାନୀ ମେଡ୍ଲାଇଫ୍ ପାରିବାରିକ ଟ୍ରଷ୍ଟରୁ 118 କୋଟିର ନିବେଶ ହାସଲ କରିଛି । କମ୍ପାନୀର ସହ ପ୍ରତିଷ୍ଠାତା ତୁଷାର କୁମାରଙ୍କ ପରିବାରର ଟ୍ରଷ୍ଟ ‘ପ୍ରସିଦ ୟୁନୋ’ 118 କୋଟିର ପୁଞ୍ଜିନିବେଶ କରିବାର ନିଷ୍ପତ୍ତି ନେଇଛି । 2014ରେ ତୁଷାର କୁମାର ଏବଂ ପ୍ରଶାନ୍ତ ସିଂଙ୍କ କମ୍ପାନୀ ଡାକ୍ତର ମାନଙ୍କୁ ଡିଜିଟାଲ ମାଧ୍ୟମରେ ରୋଗୀଙ୍କ ତଥ୍ୟ ରଖିବାରେ ସହାୟତା କରୁଥିଲା । ଧୀରେ ଧୀରେ କମ୍ପାନୀ ବର୍ଦ୍ଧିତ ଲୋକପ୍ରିୟତା ସହିତ କମ୍ପାନୀ ଅନ୍ଲାଇନ୍ ଡାକ୍ତର ସେବା ଏବଂ ପରୀକ୍ଷଣର ସୁବିଧା ପ୍ରଦାନ କରିବା ଆରମ୍ଭ କରିଥିଲା । 15 ମିଲିୟନ୍ ଡଲାର ନିବେଶରେ ଆରମ୍ଭ ହୋଇଥିବା ଏହି କମ୍ପାନୀ ପରବର୍ତ୍ତୀ ସମୟରେ ଆଲ୍କେମ୍ରୁ 30 ମିଲିୟନ୍ ଡଲାରର ନିବେଶ ହାସଲ କରିଥିଲା । ନିକଟରେ ମେଡଲାବ୍ଜକୁ ଅଧିଗ୍ରହଣ କରିଥିବା ଏହି କମ୍ପାନୀ ପୂର୍ବରୁ ତୁଲିପ୍ ଲାବର ମାଲିକାନା ହାସଲ କରିଛନ୍ତି । ଭାରତର 29ଟି ସହରରେ…
ରାଜ୍ୟର ପ୍ରଥମ ପର୍ଯ୍ୟାୟ ମତଦାନ ସରିଛି । ଏହି ପର୍ଯ୍ୟାୟରେ ୪ଟି ଲୋକସଭା ଓ ୨୮ଟି ବିଧାନସଭା ଆସନ ପାଇଁ ମତଦାନ ଅନୁଷ୍ଠିତ ହୋଇଥିଲା । କୋରାପୁଟ, ବ୍ରହ୍ମପୁର, କଳାହାଣ୍ଡି, ନବରଙ୍ଗପୁର ଲୋକସଭା ଆସନ ପାଇଁ ଭୋଟ୍ଗ୍ରହଣ କରାଯାଇଛି । ପ୍ରଥମ ପର୍ଯ୍ୟାୟରେ ୭୩.୭୬% ପ୍ରତିଶତ ଭୋଟର ମତଦାନ କରିଛନ୍ତି । ଚଳିତ ଥର ପୁରୁଷଙ୍କ ତୁଳନାରେ ମହିଳା ଅଧିକ ଭୋଟ୍ ଦେଇଛନ୍ତି । ତେବେ ଆହୁରି ୧୦୦ଟି ବୁଥ୍ରେ ଭୋଟ୍ ଗଣନା ଚାଲିଛି । ସୂଚନାଯୋଗ୍ୟ ଯେ, ମାଲକାନଗିରି ଓ ବ୍ରହ୍ମପୁରର ଗୋଟିଏ ଲେଖାଏଁ ବୁଥ୍ରେ ସାନି ମତଦାନ ପାଇଁ ଇସିଆଇଙ୍କୁ ସୁପାରିସ କରାଯାଇଛି । ଗୋଟିଏ ବୁଥ୍ରେ ଇଭିଏମ୍ ମେସିନ ଫୋପାଡି ଦିଆଯାଇବା ଅଭିଯୋଗ ଆସିଥିବାବେଳେ ଅନ୍ୟ ଏକ ବୁଥ୍ରେ ପ୍ରିଜାଇଡି ଅଫିସରଙ୍କ ତ୍ରୁଟି ଥିବା ଅଭିଯୋଗ ଆସିଛି । ୨୦୧୯ ପ୍ରଥମ ପର୍ଯ୍ୟାୟ ଭୋଟିଂରେ ୭୩.୦୯% ପୁରୁଷ ଭୋଟର ଥିବାବେଳେ ୭୪.୪୩% ମହିଳା ଭୋଟର ନିଜର ନାଗରିକତ୍ୱ…
ନିର୍ମାତା ନିର୍ଦ୍ଦେଶକ କରନ୍ ଜୋହରଙ୍କ ସୁପରହିଟ୍ ଫିଲ୍ମ ‘ଷ୍ଟୁଡେଣ୍ଟ ଅଫ୍ ଦ ଇଅର୍’ର ସ୍ବିକେଲ୍ ‘ଷ୍ଟୁଡେଣ୍ଟ ଅଫ୍ ଦ ଇଅର୍-୨’ର ଆଜି ଟ୍ରେଲର୍ ରିଲିଜ୍ ହୋଇଛି । ଏହି ଫିଲ୍ମରେ ଦୁଇ ନବାଗତାଙ୍କ ବଲିଉଡ୍ ଏଣ୍ଟ୍ରି କରୁଛନ୍ତି । ଏହି ଫିଲ୍ମ ଜରିଆରେ ଅନନ୍ୟା ପାଣ୍ଡେ ଓ ତାରା ସୁତାରିଆ ବଲିଉଡ ଡେବ୍ୟୁ କରୁଛନ୍ତି । ଟ୍ରେଲର୍ରେ ଦୁହେଁ ବହୁତ ଗ୍ଲାମର୍ସ ଲୁକ୍ରେ ନଜର ଆସିଛନ୍ତି । ସେହିପରି ଏହି ଫିଲ୍ମର ଅଭିନେତା ଟାଇଗର ଶ୍ରଫ୍ ଏହି ଟ୍ରେଲର୍ରେ ଏକଦମ୍ ସେ ରଫ୍ ଟଫ୍ ଲୁକ୍ରେ ନଜର ଆସିଛନ୍ତି । ଟାଇଗର୍ଙ୍କ ଷ୍ଟଣ୍ଟ୍ ମଧ୍ୟ ଏହି ଫିଲ୍ମର ଟ୍ରେଲର୍ରେ ଦେଖିବାକୁ ମିଳିଥିବାବେଳେ ଦୁଇ ନବାଗତାଙ୍କ ସୌନ୍ଦର୍ଯ୍ୟର ଯାଦୁ ଦେଖାଇଛନ୍ତି । ଟ୍ରେଲର୍ରେ ପୂରାପରି କଲେଜ ମସ୍ତି, କମ୍ପିଟିସନ୍ ଓ ବନ୍ଧୁତା ପ୍ରେମ, ବୁଦ୍ଧିମତାର ପ୍ରଦର୍ଶନ କରାଯାଇଛି । ଟ୍ରେଲର୍ ଆସିବା ପୂର୍ବରୁ ଦୁଇ ଅଭିନେତ୍ରୀଙ୍କର ପୋଷ୍ଟର ରିଲିଜ୍ କରାଯାଇଥିଲା । ଏହି…
ଆମାଜନ୍ର ପ୍ରତିଷ୍ଠାତା ତଥା ମୁଖ୍ୟ ଜେଫ୍ ବେଜୋସ୍ ପ୍ରତିପକ୍ଷ କମ୍ପାନୀ ମାନଙ୍କୁ କର୍ମଚାରୀଙ୍କ ବେତନ ବୃଦ୍ଧି ପାଇଁ ପତ୍ର ଲେଖିଛନ୍ତି । ବେଜୋସଙ୍କ ପତ୍ର ମୁତାବକ ନିଜର ପ୍ରତିଦ୍ବନ୍ଦୀ ମାନେ କର୍ମଚାରୀଙ୍କ କମ୍ ବେତନ ପ୍ରଦାନ କରୁଛନ୍ତି । ନିକଟରେ ଆମାଜନ୍ ଆମେରିକାରେ କାର୍ଯ୍ୟରତ କର୍ମଚାରୀଙ୍କ ବେତନ ଘଣ୍ଟାପ୍ରତି ୧୫ ଡଲାରକୁ ବୃଦ୍ଧି କରିଥିଲା । ଏହି ଅନ୍ଲାଇନ୍ ରିଟେଲର ପକ୍ଷରୁ ଚିଠିରେ ଲେଖାଯାଇଛି ଆପଣମାନେ କମର୍ଚାରୀଙ୍କ ବେତନ ଘଣ୍ଟାପ୍ରତି ୧୫ ଡଲାର କରନ୍ତୁ କିମ୍ବା ଅଧିକ ବଢାଇ ଆମ ପାଇଁ ଏକ ଚ୍ୟାଲେଞ୍ଜ ସୃଷ୍ଟି କରନ୍ତୁ । ସୂଚନାଯୋଗ୍ୟ ଯେ, ବିଗତ ନଭେମ୍ବରରୁ ଆମାଜନ୍ ଏହାର କର୍ମଚାରୀଙ୍କ ପାଉଣା ବୃଦ୍ଧି କରିଛି । ବେଜୋସ୍ଙ୍କ ମନ୍ତବ୍ୟ ପରେ ଓ୍ବାଲମାର୍ଟ ପକ୍ଷରୁ ମନ୍ତବ୍ୟ ପ୍ରକାଶ ପାଇଛି ଯେ, ଆମାଜନ୍ ପ୍ରଥମେ ସରକାରଙ୍କୁ କର ଦେଉ ଏହାପରେ ଆମେ ପାଉଣା ବଢାଇବୁ । ଉଲ୍ଲେଖଯୋଗ୍ୟ ଯେ, ଆମାଜନ୍ ୨୦୧୮ ଆର୍ଥିକ ବର୍ଷରେ ଏକ…
ସମୀକ୍ଷା ବ୍ୟୁରୋ ଗତକାଲି ଓଡିଶାରେ ଅନୁଷ୍ଠିତ ପ୍ରଥମ ପର୍ୟାୟ ସାଧାରଣ ନିର୍ବାଚନରେ ୭୦% ରୁ ଅଧିକ ମତଦାନ ହୋଇଛି। କୋରାପୁଟ, ବ୍ରହ୍ମପୁର,ନବରଙ୍ଗପୁର ଓ କଳାହାଣ୍ଡି ଲୋକସଭା ଓ ଏହା ଅଧୀନରେ ଥିବା ୨୮ ଟି ବିଧାନସଭା ଆସନରେ ଅନୁଷ୍ଠିତ ହୋଇଥିବା ନିର୍ବାଚନରେ ଶାସକ ବିଜୁ ଜନତା ଦଳ ପୁଣିଥରେ ଭଲ ଫଳାଫଳ କରିବ ବୋଲି ବିଭିନ୍ନ ସୂତ୍ର କହୁଛି। ନିର୍ବାଚନ ପ୍ରକ୍ରିୟା ଚାଲୁଥିବାରୁ ଏବେ ଫଳାଫଳ ବିଷୟରେ କୌଣସି ରିପୋର୍ଟ ଦେବା ସଠିକ ହେବ ନାହିଁ। ତେବେ ବିଭିନ୍ନ ସୂତ୍ରରୁ ଯାହା ଜଣା ପଡୁଛି, ବିଜେଡ଼ିକୁ ପଞ୍ଚମଥର ଲାଗି ସଫଳତା ମିଳିବାରେ ବିଶେଷ ଅସୁବିଧା ହେବାର ନାହିଁ।
କେଦାର ମିଶ୍ର ଆଜି ମାନ୍ୟବର ସୁପ୍ରିମକୋର୍ଟ ସବୁ ରାଜନୈତିକ ଦଳଙ୍କୁ ନିର୍ଦ୍ଦେଶ ଦେଇଛନ୍ତି ଯେ, ସେମାନେ ଇଲେକ୍ଟୋରାଲ ବଣ୍ଡ ଜରିଆରେ ଯେତିକି ଅର୍ଥ ସଂଗ୍ରହ କରିଛନ୍ତି, ତାହାର ସବିଶେଷ ବିବରଣୀ ଜଉମୁଦ ଦିଆ ଲଫାପାରେ ନିର୍ବାଚନ କମିଶନଙ୍କ ନିକଟରେ ଦାଖଲ କରନ୍ତୁ। ତେବେ ରାଜନୈତିକ ଦଳ ଗୁଡିକ ବୈଧାନିକ ଭାବରେ ଗ୍ରହଣ କରୁଥିବା ଚାନ୍ଦାକୁ ଗୋପନ ରଖିବାର ଅର୍ଥ କଣ? ଏ ସମ୍ପର୍କରେ ସୁପ୍ରିମ କୋର୍ଟରେ ଶୁଣାଣି ବେଳେ ଆଟର୍ଣ୍ଣୀ ଜେନେରାଲ କେ.କେ.ବେଣୁଗୋପାଳ ଯାହା କହିଥିଲେ ତାହା ଅତ୍ୟନ୍ତ ବିପଜ୍ଜନକ। ସରକାରଙ୍କ ତରଫରୁ ଆଟର୍ଣ୍ଣି ଜେନେରାଲ କହିଥିଲେ ଯେ ରାଜନୈତିକ ଦଳଙ୍କର ଅର୍ଥ ଓ ଚାନ୍ଦା ବିଷୟରେ ଜାଣିବାର ଅଧିକାର ଭୋଟରଙ୍କର ନାହିଁ। ଦେଶର ସର୍ବବୃହତ ଗଣତନ୍ତ୍ରର ସବୁଠୁ ବଡ ସରକାରୀ ଓକିଲ ଯେତେବେଳେ ଏ ପ୍ରକାର ଯୁକ୍ତି ରଖନ୍ତି, ସେଠି ଆମକୁ ଭାବି ନେବାକୁ ପଡିବ ଯେ ଦେଶର ଗଣତନ୍ତ୍ର ଏବେ ବିପନ୍ନ। ଇଲେକ୍ଟୋରାଲ ବଣ୍ଡ ଜରିଆରେ ବିଭିନ୍ନ କର୍ପୋରେଟ…
ଖୋର୍ଦ୍ଧା ଜିଲ୍ଲା ଜଟଣୀ ଥାନା ଅନ୍ତର୍ଗତ ମୁଣ୍ଡିଆସାହିର ଗୋପବନ୍ଧୁନଗରରେ ଜଣେ ନାବାଳିକା(୬)ଙ୍କୁ ଦୁଷ୍କର୍ମ ପରେ ହତ୍ୟା କରାଯାଇଥିବା ଅଭିଯୋଗ ହୋଇଥିଲା। ଏହି ଘଟଣାରେ ତୀବ୍ର ଉତ୍ତେଜନା ପ୍ରକାଶ ପାଇଛି। ଘଟଣା ପରେ ଗାଁ ଲୋକେ ଜଣେ ଯୁବକଙ୍କୁ ଧରି ନିସ୍ତୁକ ମାଡ଼ ମାରିବା ସହ ରାସ୍ତାରୋକ କରିଥିଲେ। ଘଟଣାସ୍ଥଳରେ ଭୁବନେଶ୍ୱର ଡିସିପି ଅନୁପ୍ ସାହୁ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ପରିସ୍ଥିତି ନିୟନ୍ତ୍ରଣ ହୋଇଥିଲା। ଘଟଣାସ୍ଥଳରେ ଏକ ପ୍ଲାଟୁନ ଫୋର୍ସ ମୁତୟନ କରାଯାଇଛି। ଡିସିପି କହିଛନ୍ତି ଯେ,ଏକ ସ୍ୱତନ୍ତ୍ର ଟିମ୍ ଦ୍ୱାରା ଉକ୍ତ ଘଟଣାର ତଦନ୍ତ କରାଯିବ। ପୀଡ଼ିତାଙ୍କ ବାପାଙ୍କୁ ଥାନା ଭିତରେ ମାଡ଼ମରା ଘଟଣାର ମଧ୍ୟ ତଦନ୍ତ ନିର୍ଦ୍ଦେଶ ଦେଇଛନ୍ତି ଡିସିପି। ଅଭିଯୋଗ ଅନୁସାରେ ଗତକାଲି ରାତିରେ ନାବାଳିକା ଜଣକ ଘର ବାହାରେ ଖେଳୁଥିଲା ବେଳେ କୁଆଡ଼େ ଗାଏବ ହୋଇଯାଇଥିଲା। ପରିବାର ଲୋକେ ଚାରିଆଡ଼େ ଖୋଜାଖୋଜି କରିଥିଲେ। ହେଲେ ଝିଅକୁ ପାଇ ନଥିଲେ। ପରେ ପରିବାର ଲୋକେ…
କେନ୍ଦ୍ରମନ୍ତ୍ରୀ ତଥା ବିଜେପି ସାଂସଦ ପ୍ରାର୍ଥୀ ସ୍ମୃତି ଇରାନୀଙ୍କ ନାମାଙ୍କନକୁ ନେଇ ପୁଣି ବିବାଦ ଦେଖାଯାଇଛି । ଚଳିତ ନିର୍ବାଚନରେ ଉତ୍ତର ପ୍ରଦେଶର ଆମେଥିରୁ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ବିପକ୍ଷରେ ପ୍ରତିଦ୍ବନ୍ଦ୍ବିତା କରୁଛନ୍ତି । ଗତ ଗୁରୁବାର ସ୍ମୃତିଙ୍କ ନାମାଙ୍କନ ପତ୍ର ଦାଖଲରେ ଦର୍ଶାଇଥିବା ଶିକ୍ଷାଗତ ଯୋଗ୍ୟତାକୁ ନେଇ ପୁଣି ଚର୍ଚ୍ଚା ଆରମ୍ଭ ହୋଇଛି । ଇରାନୀଙ୍କ ଶିକ୍ଷାଗତ ଯୋଗ୍ୟତାକୁ ନେଇ ବିରୋଧୀମାନଙ୍କ ମଧ୍ୟରେ ଅନେକ ସମୟରେ ବିତର୍କ ଦେଖିବାକୁ ମିଳେ । ଚଳିତ ନିର୍ବାଚନରେ ସେ ନାମାଙ୍କନପତ୍ର ଦାଖଲ କରିବା ସମୟରେ ଯେଉଁ ସତ୍ୟପାଠ ଦେଇଛନ୍ତି ସେଥିରେ ଉଲ୍ଲେଖ କରିଛନ୍ତି ଯେ, ସେ ସ୍ନାତକ ଶେଷ କରିନାହାନ୍ତି । ସେ ଦର୍ଶାଇଛନ୍ତି,୧୯୯୧ରେ ସେ ମାଧ୍ୟମିକ ସ୍କୁଲ ପରୀକ୍ଷାରେ ପାସ୍ କରିଥିଲାବେଳେ ୧୯୯୩ରେ ଉଚ୍ଚ ମାଧ୍ୟମିକ ସ୍କୁଲ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିଲେ । ୨୦୧୪ ନିର୍ବାଚନ ସମୟରେ ଦେଇଥିବା ସତ୍ୟପାଠରେ ସ୍ମୃତି ଇରାନୀ ଦିଲ୍ଲୀ ବିଶ୍ଵବିଦ୍ୟାଳୟରୁ ୧୯୯୪ରେ ସ୍ନାତକ ପାସ୍ କରିଥିବା…
ସେନାର ରାଜନୀତିକରଣ ହେଉଥିବା ନେଇ ରାଷ୍ଟ୍ରପତିଙ୍କୁ ପତ୍ର ଲେଖିଛନ୍ତି ସେନାର ବରିଷ୍ଠ ଏବଂ ଅବସରପ୍ରାପ୍ତ କର୍ମଚାରୀ। ରାମନାଥ କୋବିନ୍ଦଙ୍କୁ ଲେଖାଯାଇଥିବା ଏହି ପତ୍ରରେ ୮ ଜଣ ପୂର୍ବତନ ସେନାମୁଖ୍ୟଙ୍କ ଦସ୍ତଖତ ମଧ୍ୟ ରହିଛି। ଚଳିତ ଲୋକସଭା ନିର୍ବାଚନରେ ସେନାକୁ ରାଜନୈତିକ ଦଳମାନେ କରୁଥିବା ରାଜନୀତି ଉପରେ ପ୍ରତିବନ୍ଧକ ଲଗାଇବାକୁ ଏହି ଚିଠିରେ କୁହାଯାଇଛି। ସେନାର ଏହି ଅଧିକାରୀ ମାନେ କୌଣସି ରାଜନୈତିକ ଦଳର ନାମ ନେଇ ନଥିଲେ ମଧ୍ୟ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ‘ମୋଦିଜୀଙ୍କ ସେନା’କୁ ଦୃଷ୍ଟିରେ ରଖିଥିବା ଅନୁମାନ ଲଗାଯାଉଛି। ଏହି ପତ୍ରରେ ୮ ଜଣ ପୂର୍ବତନ ସେନାମୁଖ୍ୟ ରହିଛନ୍ତି। ଜେନେରାଲ୍ ସୁନିଥ୍ ଫ୍ରାନ୍ସିସ୍ ରଡ୍ରିଗ୍ଜ, ଜେନରାଲ୍ ଶଙ୍କର ରାୟ ଚୌଧୁରୀ, ଜେନରାଲ୍ ଦୀପକ କପୁର, ପୂର୍ବତନ ନୌସେନା ମୁ୍ଖ୍ୟ ଏଲ୍ ରାମଦୋସ, ଆଡମିରାଲ୍ ବିଷ୍ଣୁ ଭାଗବତ, ଆଡମିରାଲ ଅରୁଣ ପ୍ରକାଶ, ଆଡମିରାଲ ସୁରେଶ ମେହେଟ୍ଟା ଏବଂ ବିମାନ ବାହିନୀ ମୁଖ୍ୟ ଏନ୍ସି ସୁରୀ ପ୍ରମୁଖ ଏହି ପତ୍ରରେ…
ଚତୁର୍ଥ ରାଷ୍ଟ୍ର ଭାବରେ ଚନ୍ଦ୍ରରେ ନିଜର ମହାକାଶ ଯାନ ପହଞ୍ଚାଇବାର ପ୍ରୟାସ କରୁଥିବା ଇସ୍ରାଏଲ୍କୁ ବିଫଳତାର ସମ୍ନା କରିବାକୁ ପଡିଛି। ଏହାର ମହାକାଶ ଯାନ ବିଅର୍ସିଟ୍ ଚନ୍ଦ୍ରରେ ଧ୍ବଂସ ହୋଇଯାଇଛି। ମୁଖ୍ୟ ଇଞ୍ଜିନ୍ର ବିଫଳତା ଯୋଗୁଁ ଏହି ମହାକାଶ ଯାନଟି ଧ୍ବଂସ ହୋଇଥିବା ଜଣାପଡିଛି। ଇସ୍ରାଏଲ୍ ଏରୋସ୍ପେସ୍ ଇଣ୍ଡଷ୍ଟ୍ରିଜ୍ର ଏହି ଯାନଟିର ପ୍ରେରଣ ପରେ ଏହାର ଇଞ୍ଜିନ୍ରେ ସମସ୍ୟା ରହିଥିବା ବିଷୟରେ ଜଣାପଡିଥିଲା। ଏହି ମିଶନ୍ର ମୁଖ୍ୟ ଲକ୍ଷ୍ୟ ଥିଲା ଚନ୍ଦ୍ରପୃଷ୍ଠର ଫଟୋ ଉଠାଇବା ଏବଂ କିଛି ପରୀକ୍ଷଣ କରିବା। ଇସ୍ରାଏଲ୍ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁ ଏହି ମିଶନ୍କୁ କଣ୍ଟ୍ରୋଲ ରୁମ୍ରୁ ଦେଖୁଥିଲେ। ମିଶନର ବିଫଳତା ପରେ ନେତନ୍ୟାହୁ କହିଛନ୍ତି, ଇସ୍ରାଏଲ୍ ଚନ୍ଦ୍ରରେ ନିଜର ମିଶନ ଆଗକୁ ଜାରି ରଖିବ ଏବଂ ଆସନ୍ତା ୨ରୁ ୩ ବର୍ଷ ମଧ୍ୟରେ ସଫଳତା ହାସଲ କରିବ। ଏହି ମିଶନରେ ଇସ୍ରାଏଲ୍ ୧୦୦ ମିଲିୟନ୍ ଆମେରିକୀୟ ଡଲାର ନିବେଶ କରିଥିଲା। ପୂର୍ବରୁ ସୋଭିଏତ୍ ୟୁନିୟନ୍, ଆମେରିକା…
ଇସ୍ଲାମିକ୍ ଷ୍ଟେଟ୍ର ୧୨ ଜଣ ଆତଙ୍କୀଙ୍କୁ ନିପାତ କରିଛି ଇରାକୀ ସେନା। ଇରାକ୍ର ହିମ୍ରିନ୍ ପାର୍ବତ୍ୟାଞ୍ଚଳରେ ଇରାକୀ ସେନା ଦ୍ବାରା ଏହି ଅପରେସନ୍ ଆରମ୍ଭ କରାଯାଇଥିଲା। ଇରାକର ସଲାହୁଦ୍ଦିନ୍ ଏବଂ ଦିୟାଲା ଅଞ୍ଚଳରେ କିଛି ଗ୍ରାମକୁ ମଧ୍ୟ ଏହି ଆକ୍ରମଣ ପାଇଁ ଖାଲି କରାଯାଇଥିଲା। ଗୁରୁବାର ରାତିରେ ଇରାକୀ ସେନାର କାଉଣ୍ଟର ଟେରରିଜିମଖ ସର୍ଭିସ୍ (ସିଟିଏସ୍) ପକ୍ଷରୁ ଏହି ଅପରେସନ୍ ଆରମ୍ଭ କରାଯାଇଥିଲା। ବିମାନ ଆକ୍ରମଣ ପାଇଁ ୪ଟି ଗ୍ରାମକୁ ଖାଲି କରାଯାଇଥିଲା। ବିଳମ୍ବିତ ରାତ୍ରରେ ଆକ୍ରମଣ କରାଯାଇ ୧୨ ଆଇଏସ୍ ଆତଙ୍କୀଙ୍କୁ ନିପାତ କରାଯିବା ସହିତ ଆଇଏସ୍ର ମୁଖ୍ୟାଳୟକୁ ନଷ୍ଟ କରାଯାଇଥିଲା। ଏହା ସହିତ ଆଇଏସ୍ର ଅନ୍ୟ ୧୧ଟି ବଙ୍କରକୁ ମଧ୍ୟ ନଷ୍ଟ କରିବାରେ ସକ୍ଷମ ହୋଇଛି। ଏହି ଆକ୍ରମଣରେ ସେନା ବିପୁଳ ପରିମାଣରେ ଅସ୍ତ୍ରଶସ୍ତ୍ର ସହିତ ଅର୍ଥରାଶି ଜବତ କରିବାରେ ସକ୍ଷମ ହୋଇଛି।
ଭୋଟର ମାନଙ୍କୁ ବିଭ୍ରାନ୍ତ କରିବା ପାଇଁ କିଛି ବିଜେପି ସମର୍ଥକ ବଲିଉଡ୍ର ସେଲିବ୍ରିଟି ଯୋଡି ରଣବୀର ସିଂହ ଏବଂ ଦୀପିକା ପାଦୁକୋନଙ୍କ ଏକ ଫଟୋକୁୁ ଫଟୋଶ୍ପ୍ ନିର୍ବାଚନ ପ୍ରଚାରରେ ବ୍ୟବହାର କରିଛନ୍ତି। ପ୍ରକାଶିତ ଫଟୋରେ ଉଭୟ ‘ବିଜେପିକୁ ଭୋଟ ଦିଅନ୍ତୁ’ ସ୍ଲୋଗାନ ଥିବା ଗାମୁଛା ବେକରେ ପକାଇଥିବାର ଦେଖାଯାଉଛି। ମାତ୍ର ବାସ୍ତବରେ ଉଭୟ କେବଳ କମଳା ରଙ୍ଗର ଗାମୁଛା ବେକରେ ପକାଇଛନ୍ତି। ନିଜ ବିବାହର କିଛି ଦିନ ପରେ ନଭେମ୍ବର ୩୦ରେ ଉଭୟ ମୁମ୍ବାଇର ସିଦ୍ଧି ବିନାୟକ ମନ୍ଦିରକୁ ଯାଇଥିବା ବେଳେ ଏହି ଫଟୋ ନିଆଯାଇଥିଲା। ‘ଏକ୍ ବିହାରୀ ଶୌ ପେ ଭାରୀ’ ନାମକ ଏକ ଗ୍ରୁପ୍ରେ ସେୟାର କରାଯାଇଥିବା ଏହି ଫଟୋରେ ଲେଖା ଯାଇଛି ‘ପଦ୍ମର ସ୍ବିଚ୍ ଦବାଇ ଦେଶର ବିକାଶରେ ସାମିଲ ହୁଅନ୍ତୁ’। ଅନ୍ୟୁନ ୩୬ ହଜାର ଥର ଏହି ଲାଇକ୍ କରାଯିବା ସହିତ ୪ ହଜାର ଥର ସେୟାର କରାଯାଇଛି। ମେ ଭି ଚୌକିଦାର ନାମକ ଏକ…
ପଞ୍ଜାବ କ୍ୟାବିନେଟ୍ ମନ୍ତ୍ରୀ ନଭଜୋତ ସିଂ ସିଦ୍ଧୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମାଲୋଚନା କରିଛନ୍ତି। ସିଦ୍ଧୁ କହିଛନ୍ତି ମୋଦି ଦ୍ବିତୀୟ ଥର କ୍ଷମତାକୁ ଆସିଲେ ଦେଶ ଧ୍ବଂସ ହୋଇଯିବ। ସେ ଆହୁରି ମଧ୍ୟ କହିଛନ୍ତି, ‘ଚୀନ୍ ସମୁଦ୍ର ତଳେ ମେଟ୍ରୋ ଟ୍ରେନ୍ ଚଳାଚଳ ପାଇଁ ରାସ୍ତା ନିର୍ମାଣ କରୁଛି, ଆମେରିକା ମଙ୍ଗଳରେ ଜୀବନର ସନ୍ଧାନ କରୁଛି, ଋଷ ରୋବୋଟିକ୍ ସେନାବାହିନୀ ନିର୍ମାଣ ପାଇଁ ପ୍ରଚେଷ୍ଟା ଚଳାଇଥିବା ବେଳେ ଆମର ପ୍ରଧାନମନ୍ତ୍ରୀ ଚୌକିଦାରୀ କରୁଛନ୍ତି ଏବଂ ଯିଏକି ବାସ୍ତବରେ ଜଣେ ଲୁଟେରା’। ଛତିଶଗଡର ରାୟପୁରରେ ଏକ ରାଲିରେ ସେ କହିଛନ୍ତି, କଂଗ୍ରେସ ଏପରି ଏକ ଦଳ ଯାହାର କହିବା ଏବଂ କାର୍ଯ୍ୟ କରିବା ଶୈଳୀରେ କୌଣସି ପ୍ରଭେଦ ନଥାଏ। ପଞ୍ଜାବରେ ସରକାର ପ୍ରତିଜ୍ଞା ମୁତାବକ ୧୧-୧୫ ଲକ୍ଷ ପର୍ଯ୍ୟନ୍ତ ଋଣ ଛାଡ କରିଥିଲେ। ତେଣୁ ଦେଶର ନାଗରିକ ମାନେ ସଚେତନ ହୋଇ ଭୋଟ ପ୍ରଦାନ କରିବା ଉଚିତ ବୋଲାି ସିଦ୍ଧୁ କହିଛନ୍ତି।
ଶୁକ୍ରବାର ସୁପ୍ରିମ୍କୋର୍ଟ ଏକ ଏତିହାସିକ ରାୟ ପ୍ରଦାନ କରିଛନ୍ତି। ସୁପ୍ରିମ୍କୋର୍ଟ କହିଛନ୍ତି ରାଜନୈତିକ ଦଳ ମାନେ କଉଁଠାରୁ ନିଜର ଚାନ୍ଦା ସଂଗ୍ରହ କରୁଛନ୍ତି ଏହା ଜାଣିବାର ଅଧିକାର ସାଧାରଣ ଭୋଟରଙ୍କ ରହିଛି। ତେଣୁ ପ୍ରତ୍ୟେକ ରାଜନୈତିକ ଦଳ ନିଜର ଚାନ୍ଦା ସମ୍ପର୍କରେ ବିସ୍ତୃତ ସୂଚନା ପ୍ରଦାନ କରିବା ଆବଶ୍ୟକ ବୋଲି ଏକ ଅନ୍ତରୀଣ ଆଦେଶ ଶୁଣାଇଛନ୍ତି। ପୂର୍ବରୁ ରାଜନୈତିକ ଦଳ ଗୁଡିକ କେବଳ ଇଲେକ୍ଟୋରାଲ ବଣ୍ଡ ଜରିଆରେ ଚାନ୍ଦା ସଂଗ୍ରହ କରିପାରିବେ ବୋଲି ଆଦେଶ ଦେଇଥିଲେ କୋର୍ଟ। କୋର୍ଟ କହିଛନ୍ତି ଏହି ଚାନ୍ଦା କିଏ ଦେଉଛି ଯଦି ନ ଜାଣିହେବ ତେବେ ନିର୍ବାଚନରେ କଳାଟଙ୍କାର ପ୍ରଭାବକୁ ଚାହିଁ ମଧ୍ୟ ରୋକି ହେବ ନାହିଁ। ନିର୍ବାଚନ ଆୟୋଗଙ୍କ ସମ୍ମୁଖରେ ସମସ୍ତ ରାଜନୈତିକ ଦଳ ନିଜର ଚାନ୍ଦା ସମ୍ପର୍କିତ ସମ୍ପୂର୍ଣ୍ଣ ବିବରଣୀ ପ୍ରଦାନ କରିବେ ବୋଲି କୋର୍ଟ ଆଦେଶ ଦେଇଛନ୍ତି। ମେ ୩୦ ସୁଦ୍ଧା ସମସ୍ତ ରାଜନୈତିକ ଦଳ ନିଜର ଚାନ୍ଦା ସମ୍ପର୍କିତ ସୂଚନା…
ପାକିସ୍ତାନରେ ଏକ ଶକ୍ତିଶାଳୀ ବୋମା ବିସ୍ଫାେରଣରେ ୧୬ଜଣ ଲୋକଙ୍କ ମୃତ୍ୟୁ ଘଟିଛି। ପାକିସ୍ତାନୀ ସହର କ୍ବେଟାର ଦକ୍ଷିଣ ପଶ୍ଚିମ ଇଲାକାରେ ଏହି ବିସ୍ଫୋରଣ ଘଟିଛି। ସିଆ ସମ୍ପ୍ରଦାୟର ଲୋକ ମାନେ ରହୁଥିବା ଏହି ଅଞ୍ଚଳରେ ବିସ୍ଫୋରଣରେ ଅନ୍ୟୁନ ୧୬ ଜଣ ନିହତ ହୋଇଥିବା ବେଳେ ୩୦ ରୁ ଅଧିକ ଲୋକ ଆହତ ହୋଇଛନ୍ତି। ପୋଲିସ ମୁଖ୍ୟ ଅବ୍ଦୁର ରଜାକ୍ ଶୁକ୍ରବାର ସକାଳୁ ଗଣମାଧ୍ୟମ ଅଧିକାରୀଙ୍କୁ ଏହି ସୂଚନା ଦେଇଛନ୍ତି। କୌଣସି ଆତଙ୍କୀ ସଙ୍ଗଠନ ଏହି ବିସ୍ଫୋରଣ ପାଇଁ ନିଜକୁ ଦାୟୀ କରିନାହାନ୍ତି। ସୁନ୍ନି ଜିହାଦୀ ମାନେ ଅତୀତରେ ଏଭଳି କାଣ୍ଡ ଘଟାଇଥିବାରୁ ଏହି ଘଟଣାରେ ମଧ୍ୟ ସୁନ୍ନି ସଙ୍ଗଠନର ହାତ ରହିଥିବା ନେଇ ରଜାକ ସନ୍ଦେହ ପ୍ରକଟ କରିଛନ୍ତି। ବେଲୁଚିସ୍ତାନର ରାଜଧାନୀ କ୍ବେଟା ପ୍ରାକୃତିକ ଗ୍ୟାସ୍ ଏବଂ ତୈଳରେ ଭରପୁର ରହିଥିବାରୁ ଉଭୟ ଗୋଷ୍ଠୀ ମଧ୍ୟରେ ଏହାକୁ ଅକ୍ତିଆର କରିବା ନେଇ ପ୍ରତିଦ୍ବନ୍ଦିତା ଚଳାଇଛନ୍ତି।
ଛତିଶଗଡ଼ ନାରାୟଣପୁର ଅର୍ଚ୍ଛା ଥାନା ଅଂଚଳରେ ମାଓବାଦୀ ଓ ସୁରକ୍ଷାବଳଙ୍କ ମଧ୍ୟରେ ଗୁଳିବିନିମୟ ହୋଇଛି। ଏହି ଗୁଳି ବିନିମୟରେ ଜଣେ ନକ୍ସଲ ନିହତ ହୋଇଛି। ଏହା ପୂର୍ବରୁ ଆଇଟିବିପି ଓ ରାଜ୍ୟ ପୁଲିସର ଏକ ମିଳିତ ବାହିନୀ ଉପରେ ମଧ୍ୟ ନକ୍ସଲମାେନ ଆଇଇଡି ବିସ୍ଫୋରଣ କରିଥିଲେ। ତେବେ ସୁରକ୍ଷାବଳ ଏହି ବିସ୍ଫୋରଣରୁ ନିଜକୁ ରକ୍ଷା କରିବା ସହ ନକ୍ସଲଙ୍କ ଉପରକୁ ଗୁଳି ଚଳାଇଥିଲେ। ଗତ କାଲି ମଧ୍ୟ ଗଡଚିରୋଲୀ ଜିଲ୍ଲାରେ ନକ୍ସଲମାନେ ଆଇଇଡି ବିସ୍ଫୋରଣ ଘଟାଇଥିଲେ। ଗତ ମଙ୍ଗଳବାରଦିନ ରାଜ୍ୟର ଦାନ୍ତେଓ୍ଵାଡ଼ା ଜିଲ୍ଲାର କୁଆଗୁଡ଼ା ନାମକ ସ୍ଥାନରେ ମାଓବାଦୀମାନେ ଆଇଡି ବିସ୍ଫୋରଣ କରିବା ଫଳରେ ବିଜେପି ବିଧାୟକ ଭୀମା ମଣ୍ଡାଭୀ ନିହତ ହୋଇଥିଲେ। ଏହା ସହିତ ତାଙ୍କ ସହିତ ଥିବା ୫ ଜଣ ଯବାନ ସହିଦ ହୋଇଥିଲେ।
ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅଞ୍ଚଳକୁ ନିର୍ବାଚନୀ ଗସ୍ତ କରିଛନ୍ତି। ସେଠାରେ ଆୟୋଜିତ ସାଧାରଣ ସଭାରେ ଯୋଗ ଦେଇଥିଲେ। ମୁଖ୍ୟମନ୍ତ୍ରୀ ଜନସଭାକୁ ଉଦ୍ବୋଧନ ଦେଇ କେନ୍ଦ୍ରକୁ ଟାର୍ଗେଟ୍ କରିଛନ୍ତି ନବୀନ। ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ଯେ, କାଳିଆ ଯୋଜନାରେ ୪୦ ଲକ୍ଷ ଚାଷୀ ସହାୟତା ପାଇସାରିଲେଣି; କିନ୍ତୁ ଏହାକୁ ଭାଜପା ବିରୋଧ କରିଛି। ଏହି ଯୋଜନାକୁ ବନ୍ଦ କରିବା ପାଇଁ କେନ୍ଦ୍ର ଚକ୍ରାନ୍ତ ଚଳାଇଛି। ସେ ରହିଥିବା ପର୍ଯ୍ୟନ୍ତ ଏହି ଯୋଜନାକୁ ବନ୍ଦ କରିବାକୁ ଦିଆଯିବ ନାହିଁ, ଏହାକୁ କେହି ବନ୍ଦ କରିପାରିବେ ନାହିଁ ବୋଲି ରୋକ୍ଠୋକ୍ କହିଛନ୍ତି ନବୀନ। ସମସ୍ତ ହିତାଧିକାରୀ ଏହି ଅର୍ଥ ନିଶ୍ଚିତ ପାଇବେ ବୋଲି ମୁଖ୍ୟମନ୍ତ୍ରୀ କହିଛନ୍ତି। ସେହିପରି କେନ୍ଦ୍ର ସରକାରଙ୍କ କୁମ୍ଭୀର କାନ୍ଦଣା କାନ୍ଦୁଛନ୍ତି, ତାଙ୍କର ଚାଷୀଙ୍କ ପ୍ରତି ଦରଦ ନାହିଁ କହିବା ସହିତ ଅନୁସୂଚିତ ଜାତି ଓ ଜନଜାତିଙ୍କ ଷ୍ଟାଇପେଣ୍ଡ ଟଙ୍କାକୁ କେନ୍ଦ୍ର ସରକାର ବନ୍ଦ…
ରାଜ୍ୟରେ ଆଜି ୪ଟି ଲୋକସଭା ଓ ତତ୍ ସଲଗ୍ନ ୨୮ ବିଧାନସଭା ଆସନ ପାଇଁ ମତଦାନ ଜାରି ରହିଛି। ସକାଳ ସାତଟାରୁ ଭୋଟଗ୍ରହଣ ଆରମ୍ଭ ହୋଇଛି। ଏହା ମଧ୍ୟରେ ରାଜ୍ୟର ଅନେକ ଅଞ୍ଚଳରେ ଇଭିଏମ ଯାନ୍ତ୍ରିକ ତ୍ରୁଟି କାରଣରୁ ମତଦାନ ବାଧା ପ୍ରାପ୍ତ ହୋଇଥିବା ବେଳେ ଅନ୍ୟ କେଉଁଠି ପୋଲିଂ ବୁଥ ଶୂନ ରହିଛି। ଏପରିକି ରାସ୍ତା ନଥିବାରୁ ଲୋକେ ଭୋଟ୍ ବର୍ଜନ କରିଥିବା ଘଟଣା ସାମ୍ନାକୁ ଆସିଛି। ସୂଚନା ମୁତାବକ ମାଲକାନଗିରି ଜିଲ୍ଲା ଚିତ୍ରକୋଣ୍ଡାରେ ୧୫ଟି ବୁଥରେ ପୋଲିଂ ଶୂନ ରହିଛି। ମାଓବାଦୀଙ୍କ ଭୟରେ କେହି ଭୋଟ୍ ଦେବାକୁ ଆସିନଥିବା କୁହାଯାଉଛି। ଫଳରେ ଜିଲ୍ଲାର ସ୍ଵାଭିମାନ ଅଞ୍ଚଳର କୁନ୍ତୁରପଦରର ୯ଟି ବୁଥ ଏବଂ ଚିତ୍ରକୋଣ୍ଡାର ଅନ୍ୟ ୬ଟି ବୁଥରେ ପୋଲିଂ ଶୂନ ରହିଛି।
ଆଜି ସପ୍ତଦଶ ଲୋକସଭାର ପ୍ରଥମ ପର୍ଯ୍ୟାୟ ଭୋଟଗ୍ରହଣ ଅବସରରେ ଓଡ଼ିଶାର ୪ଟି ଲୋକସଭା ନିର୍ବାଚନ ମଣ୍ଡଳୀ ଓ ୨୮ଟି ବିଧାନସଭା ନିର୍ବାଚନ ମଣ୍ଡଳୀରେ ଭୋଟ୍ଦାନ ପ୍ରକ୍ରିୟା ଆରମ୍ଭ ହୋଇଛି। ଆଜି ସନ୍ଧ୍ୟା ୫ଟା ସୁଦ୍ଧା ପ୍ରାୟ ୬୬ ପ୍ରତିଶତ ମତଦାନ ହୋଇଛି। ମାତ୍ର ପୋଲିଂ ପାର୍ଟି ଫେରିବା ପରେ ପ୍ରକୃତ ତଥ୍ୟ ମିଳି ପାରିବ ବୋଲି ଓଡ଼ିଶା ମୁଖ୍ୟ ନିର୍ବାଚନ ଅଧିକାରୀ ସୁରେନ୍ଦ୍ର କୁମାର ରାଜ୍ୟ ନିର୍ବାଚନ କାର୍ଯ୍ୟାଳୟରେ ଗଣମାଧ୍ୟମର ପ୍ରତିନିଧିଙ୍କୁ ଏହି ସୂଚନା ଦେଇଛନ୍ତି। ପ୍ରଥମ ପର୍ଯ୍ୟାୟରେ ଓଡ଼ିଶାର ୪ଟି ଲୋକସଭା ଆସନ କୋରାପୁଟ, ନବରଂଗପୁର, ବ୍ରହ୍ମପୁର ଏବଂ କଳାହାଣ୍ଡି ଲୋକସଭା ପାଇଁ ନିର୍ବାଚନ ଅନୁଷ୍ଠିତ ହୋଇଥିଲା। ଆଜି ଓଡ଼ିଶା ସମେତ ଆନ୍ଧ୍ରପ୍ରଦେଶ, ଅରୁଣାଚଳ ପ୍ରଦେଶ, ଆସମ, ବିହାର, ଛତିଶଗଡ, ଜାମ୍ମୁ ଏବଂ କାଶ୍ମୀର, ମହାରାଷ୍ଟ୍ର, ମଣିପୁର, ମେଘାଲୟ, ମିଜୋରମ, ନାଗଲାଣ୍ଡ, ସିକିମ, ତେଲେଙ୍ଗାନା, ତ୍ରିପୁରା, ଉତ୍ତରପ୍ରଦେଶ, ଉତ୍ତରାଖଣ୍ଡ, ପଶ୍ଚିମବଙ୍ଗ, ଆଣ୍ଡାମାନ ଓ ନିକୋବର ଦୀପପୁଂଜ ଏବଂ ଲାକ୍ଷାଦୀପରେ ମତଦାନ…
