ଭାରତରେ ନିର୍ବାଚନକୁ ନେଇ ରାଜନୀତି ପାଣିପାଗ ବେଶ୍ ସରଗରମ ରହିଥିବାବେଳେ ଏହାର ପ୍ରଭାବ ମଧ୍ୟ ପଡ଼ୋଶୀ ଦେଶମାନଙ୍କ ଉପରେ ପଡୁଛି। ଭାରତର ନିର୍ବାଚନକୁ ନେଇ ପାକ୍ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍ ଆଜି ଏକ ବୟାନ ଦେଇଛନ୍ତି। ଇମ୍ରାନ୍ କହିଛନ୍ତି ଯେ, ଯଦି ନିର୍ବାଚନରେ ନରେନ୍ଦ୍ର ମୋଦିଙ୍କର ବିଜୟ ହେଉଛି, ତେବେ ଦୁଇ ଦେଶ ମଧ୍ୟରେ ଶାନ୍ତିର ଆଲୋଚନା ଉଜ୍ଜ୍ବଳ ହୋଇପାରିବ। ଯଦି ଚଳିତ ନିର୍ବାଚନରେ ବିପକ୍ଷ ପାର୍ଟି କଂଗ୍ରେସର ବିଜୟ ହେଉଛି, ତେବେ କଂଗ୍ରେସ ନେତୃତ୍ବରେ ସରକାର କାଶ୍ମୀର ସମସ୍ୟାକୁ ନେଇ ପାକିସ୍ତାନ ସହ ଶାନ୍ତିବାର୍ତ୍ତା ନ ହେବାକୁ ନେଇ ସମ୍ଭାବନା ରହିବ କିମ୍ବା ପରିସ୍ଥିତି ଏହାଠାରୁ ଭୟାବହ ହୋଇପାରେ ବୋଲି କହିଛନ୍ତି ଇମ୍ରାନ୍। ଇମ୍ରାନ୍ ଏକ ସାକ୍ଷାତ୍କାରରେ ଏହି ବିଷୟରେ ନିଜର ମତାମତ ଦେଇଛନ୍ତି। ସେହିପରି ଇମ୍ରାନ୍ ହିନ୍ଦୁ ରାଷ୍ଟ୍ରବାଦ ଉପରେ ନିଶାନା ଲଗାଇ କହିଛନ୍ତି ଯେ, ପୂର୍ବରୁ ଭାରତରେ ମୁସଲିମ୍ ସମ୍ପ୍ରଦାୟ ଲୋକ ବହୁତ ଖୁସିରେ ଶାନ୍ତିପୂର୍ବକ ରହୁଥିଲେ,…
Author: Samikhsya Bureau
ମାଲାୟଲମ ଚଳଚିତ୍ର ଲୁସିଫର ୧୦୦କୋଟି କ୍ଲବ୍ରେ ସାମିଲ୍ ହୋଇଛି। ରିଲିଜ୍ ହେବାର ୮ଦିନ ମଧ୍ୟରେ ସୁପରଷ୍ଟାର ମୋହନଲାଲଙ୍କ ଫିଲ୍ମ ଏହି ମାଇଲଖୁଣ୍ଟ ଅତିକ୍ରମ କରିବାରେ ସଫଳ ହୋଇଛି। ୧୦୦ କୋଟି କ୍ଲବ୍ରେ ମୋହନଲାଲଙ୍କର ଏହା ତୃତୀୟ ଫିଲ୍ମ ହୋଇଥିବା ବେଳେ ଦ୍ବିତୀୟ ମାଲାୟଲମ୍ ଫିଲ୍ମ। ପ୍ରଥମେ ୨୦୧୬ରେ ମୋହନଲାଲ ଅଭିନୀତ ପୁଲି ମୁରୁଗନ୍ ଏହି ମାଇଲଖୁଣ୍ଟ ଛୁଇଁଥିଲା। ଦ୍ବିତୀୟ ମାଲାୟଲମ ଫିଲ୍ମ ଭାବରେ ନିବିନ୍ ପଉଲିଙ୍କ ଅଭିନୀତ କାୟାମକୁଲମ୍ କାେଚ୍ଚୁନି ଏହି ମାଇଲଖୁଣ୍ଟ ଅତିକ୍ରମ କରିଥିଲା। ସେହିପରି ୨୦୧୭ରେ ମୋହନଲାଲଙ୍କ ତେଲୁଗୁ ଫିଲ୍ମ ଜନତା ଗ୍ୟାରେଜ୍ ମଧ୍ୟ ୧୦୦କୋଟି ଅତିକ୍ରମ କରିଥିଲା। ପୃଥ୍ବୀରାଜ ସୁକୁମାରନଙ୍କ ନିର୍ଦ୍ଦେଶିତ ଏହି ପଲିଟିକାଲ ଥ୍ରୀଲର ବର୍ତ୍ତମାନ ମଧ୍ୟ ହାଉସଫୁଲ୍ ଚାଲିଥିବାରୁ ଏହା ପୁଲି ମୁରୁଗନ୍ର ୧୪୦କୋଟିକୁ ଅତିକ୍ରମ କରିବାର ସମ୍ଭାବନା ରହିଛି। ଫିଲ୍ମଟିରେ ଅନ୍ୟାନ୍ୟ ଗୁରୁତ୍ବପୂର୍ଣ୍ଣ ଚରିତ୍ରରେ ବିବେକ ଓବେରୟ, ଟୋଭିନୋ ଥୋମାସ, ଇନ୍ଦ୍ରଜିତ୍ ଏବଂ ମଞ୍ଜୁ ଓ୍ବାରିୟର ରହିଛନ୍ତି।
ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କୁ ସୁପ୍ରିମ୍କୋର୍ଟଙ୍କ ଝଟ୍କା। ଚାରା ଦୁର୍ନୀତି ମାମଲା ନେଇ ଜେଲ୍ରେ ବନ୍ଦୀ ଥିବା ଲାଲୁ ଗତକାଲି ସର୍ବୋଚ୍ଚ କୋର୍ଟରେ ଜାମିନ ଆବେଦନ କରିଥିଲେ। ସୁପ୍ରିମ୍କୋର୍ଟ ଆଜି ଲାଲୁଙ୍କ ଜାମିନ ଆବେଦନକୁ ଖାରଜ କରି ଦେଇଛନ୍ତି। ଲାଲୁଙ୍କ ମାମଲାକୁ ବରିଷ୍ଠ ଓକିଲ କପିଲ ଶିବଲ ଲଢୁଥିବା ବେଳେ ମୁଖ୍ୟ ବିଚାରପତି ରଞ୍ଜନ ଗୋଗୋଇ ଏହି ମାମଲାର ବିଚାର କରିଥିଲେ। ଗତକାଲି ଲାଲୁଙ୍କ ପକ୍ଷରୁ ଜାମିନ ଆବେଦନ କରାଯାଇଥିବା ବେଳେ ସିବିଆଇ ପକ୍ଷରୁ ଏହାକୁ ବିରୋଧ କରାଯାଇଥିଲା। ଚାରା ଘୋଟାଲା ମାମଲାରେ ଜେଲରେ ରହିଥିବା ଲାଲୁ ଚଳିତ ଲୋକସଭା ନିର୍ବାଚନ ପୂର୍ବରୁ ରାଜନୈତିକ କାର୍ଯ୍ୟକ୍ରମରେ ଅଂଶଗ୍ରହଣ କରିବା ନେଇ ଜାମିନ ଆବେଦନ କରିଥିଲେ। ସୂଚନାଯୋଗ୍ୟ ଯେ, ଲାଲୁ ବର୍ତ୍ତମାନ ରିମ୍ସରେ ଚିକିତ୍ସାଧୀନ ଅଛନ୍ତି। ଜଣେ ବ୍ୟକ୍ତି ଅସୁସ୍ଥ ଥିଲେ ଡାକ୍ତରଖାନାରେ ହିଁ ସଠିକ୍ ଚିକିତ୍ସା ମିଳିପାରିବ ବୋଲି କହିବା ସହିତ କୋର୍ଟ ତାଙ୍କ ଆବେଦନକୁ ଖାରଜ କରି ଦେଇଛନ୍ତି।
ମି ଠୁ ମୁଭ୍ମେଣ୍ଟରେ ସାମ୍ବାଦିକା ପ୍ରିୟା ରମାନୀଙ୍କ ବିପକ୍ଷରେ ମାନହାନି ମୋକଦ୍ଦମା ଦାୟର କରିଛନ୍ତି ଏମ୍ ଜେ ଆକବର। ବୁଧବାର ପୂର୍ବତନ କେନ୍ଦ୍ରମନ୍ତ୍ରୀ ଏମ୍ ଜେ ଆକବର ଦିଲ୍ଲୀର ଏକ କୋର୍ଟରେ ପ୍ରିୟାଙ୍କ ବିରୋଧରେ ମାମଲା ରୁଜୁ କରିବା ପରେ ପ୍ରିୟା କୋର୍ଟରେ ହାଜର ହୋଇଛନ୍ତି। ମୁଖ୍ୟ ମେଟ୍ରୋପଲିଟାନ୍ ମାଜିଷ୍ଟ୍ରେଟ୍ ସମର ବିଶାଳଙ୍କ ଆଗରେ ହାଜର ହୋଇ ନିଜକୁ ନିର୍ଦ୍ଦୋଷ ବୋଲି କହିଥିଲେ ରମାନୀ। ସୂଚନାଯୋଗ୍ୟ ଯେ ସାମ୍ବାଦିକା ପ୍ରିୟା ରମାନୀ ଆକବରଙ୍କ ବିରୋଧରେ ଯୌନ ଶୋଷଣର ଅଭିଯୋଗ ଆଣିବା ପରେ ଗତବର୍ଷ ଅକ୍ଟୋବର ୧୭ ତାରିଖରେ କେନ୍ଦ୍ରମନ୍ତ୍ରୀ ପଦରୁ ଇସ୍ତଫା ପ୍ରଦାନ କରିବା ସହିତ ଏକ ମାନହାନି ମୋକଦ୍ଦମା ଦାୟର କରିଥିଲେ। ଏହି ମାମଲାର ଆଗାମୀ ଶୁଣାଣି ପାଇଁ କୋର୍ଟ ମେ ୪ ତାରିଖ ଧାର୍ଯ୍ୟ କରିଥିବା ବେଳେ ରମାନୀଙ୍କୁ ବ୍ୟକ୍ତିଗତ ଭାବରେ ହାଜର ହେବାର କୌଣସି ଆବଶ୍ୟକତା ନାହିଁ ବୋଲି କହିଛନ୍ତି।
ଆଗାମୀ ଲୋକସଭା ନିର୍ବାଚନକୁ ନେଇ ମତ ରଖିଛନ୍ତି ଯୋଗଗୁରୁ ବାବା ରାମଦେବ। ସେ କହିଛନ୍ତି ଯେ, ମତଦାତା ଚିହ୍ନ ଦେଖି ନୁହେଁ, ବରଂ ବ୍ୟକ୍ତିଙ୍କୁ ଦେଖି ଭୋଟ୍ ଦେବା ଉଚିତ୍। ଏପରି ଲୋକଙ୍କୁ ଭୋଟ୍ ଦେବା, ଯାହା ହାତରେ ଦେଶ ସୁରକ୍ଷିତ ରହିବ। ଯାହାର ନୀତି, ନିୟମ ଓ ନେତୃତ୍ବ ଓ ଚରିତ୍ର ପବିତ୍ର , ତାକୁ ହିଁ ଭୋଟ୍ ଦେବା ଉଚିତ୍ ହେବ ବୋଲି ରାମଦେବ କହିଛନ୍ତି। କେବଳ ଭାରତ ମାତାର ଜୟ କହିଲେ ଚଳିବ ନାହିଁ, ଏବେ ଗରିବ, ଶ୍ରମିକ ଶୋଷିତଙ୍କୁ ନ୍ୟାୟ ଦେବାରସମୟ ଆସିଛି। ୨୦୧୪ ମସିହାରେ ବାବା ବିଜେପି ଓ ମୋଦି ସରକାରଙ୍କୁ ସମର୍ଥନ କରିଥିଲେ। ଚଳିତ ନିର୍ବାଚନରେ ସେ କୌଣସି ପାର୍ଟି ସପକ୍ଷରେ ଯୁକ୍ତି ବାଢିନାହାନ୍ତି। ଚଳିତଥର ମଧ୍ୟ ବିଜେପି ପାଇଁ ପ୍ରଚାର କରିବେ ନାହିଁ ବୋଲି ମନା ମଧ୍ୟ କରିଥିଲେ ରାମଦେବ। ନିର୍ବାଚନ ଅବସରରେ ବାବା କହିଛନ୍ତି ଯେ, ଯିଏ, ଭାରତବାସୀଙ୍କ ଜୀବନର…
ଇସ୍ରାଏଲ୍ର ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁ କ୍ରମାଗତ ପଞ୍ଚମଥର ପାଇଁ ପ୍ରଧାନମନ୍ତ୍ରୀ ଭାବରେ ନିର୍ବାଚିତ ହୋଇଛନ୍ତି। ଚଳିତ ଥର ନେତନ୍ୟାହୁ ବେନ୍ନି ଗାଣ୍ଟଜ୍ଙ୍କ ନିକଟକରୁ କଡା ପ୍ରତିଦ୍ବନ୍ଦିତାର ସମ୍ମୁଖୀନ ହୋଇଥିଲେ ମଧ୍ୟ ବିଜୟୀ ହୋଇଛନ୍ତି। ବର୍ତ୍ତମାନ ଦେଶର ୯୭ପ୍ରତିଶତ ଭୋଟଗ୍ରହଣର ଫଳାଫଳ ନେତନ୍ୟାହୁଙ୍କ ସପକ୍ଷରେ ରହିଥିବାରୁ ସନ୍ତୋଷ ପ୍ରକାଶ କରିଛନ୍ତି ନେତନ୍ୟାହୁ। ଏହି ବିଜୟ ପାଇଁ ଇସ୍ରାଏଲ୍ବାସୀଙ୍କୁ ଧନ୍ୟବାଦ ଜ୍ଞାପନ କରିଛନ୍ତି ନେତନ୍ୟାହୁ। ନେତନ୍ୟାହୁଙ୍କ ଲିକୁଡ୍ ଦଳ ୩୫ ଆସନରେ ବିଜୟୀ ହୋଇଥିବା ବେଳେ ଗାଣ୍ଟଜ୍ଙ୍କ ଦଳ ମଧ୍ୟ ସମାନ ଆସନରେ ବିଜୟୀ ହୋଇଥିଲା। ମାତ୍ର ବିଭିନ୍ନ ମେଣ୍ଟ ଦଳ ଯୋଗୁଁ ଲିକୁଡ୍ ଦଳ ୫ ଆସନରେ ଅଗ୍ରଣୀ ରହି ସରକାର ଗଠନ କରିଛି। ଦେଶର ପୂର୍ବତନ ସେନାମୁଖ୍ୟ ଗାଣ୍ଟଜ୍ ନେତନ୍ୟାହୁଙ୍କୁ ବିଜୟ ପାଇଁ ଅଭିନନ୍ଦନ ବାର୍ତ୍ତା ଦେଇଛନ୍ତି। ଇସ୍ରାଏଲ୍ର ୭୧ ବର୍ଷ ଇତିହାସରେ ସର୍ବାଧିକ ସମୟ ପର୍ଯ୍ୟନ୍ତ ପ୍ରଧାନମନ୍ତ୍ରୀ ରହିବାର ରେକର୍ଡ କରିଛନ୍ତି ନେତନ୍ୟାହୁ। ୨୦୦୫ରୁ ବର୍ତ୍ତମାନ ପର୍ଯ୍ୟନ୍ତ ଲଗାତାର ୪ଥର…
ବଲିଉଡ ଅଭିନେତ୍ରୀ ଆୟେଶା ଟିକିଆଙ୍କ ଆଜି ହେଉଛି ୩୨ତମ ଜନ୍ମଦିବସ। ‘ଟାରଜନ୍ ଦ ଓ୍ବଣ୍ଡର୍ କାର୍’ ଜରିଆରେ ବଲିଉଡ୍ ଡେବ୍ୟୁ କରିଥିବା ଏହି ଅଭିନେତ୍ରୀଜଣକ ଏହି ଫିଲ୍ମ ପାଇଁ ଶ୍ରେଷ୍ଠ ନବାଗତାର ପୁରସ୍କାର ମଧ୍ୟ ହାତେଇଥିଲେ। ପରବର୍ତ୍ତୀ ସମୟରେ ତାଙ୍କୁ ‘ଡୋର୍’ ଫିଲ୍ମରେ ଏକ ପ୍ରଭାବଶାଳୀ ଭୂମିକାରେ ଦେଖିବାକୁ ମିଳିଥିଲା। ଏହି ଫିଲ୍ମ ପାଇଁ ମଧ୍ୟ ସ୍କ୍ରିନ୍ ଆଓ୍ବର୍ଡର ଶ୍ରେଷ୍ଠ ଅଭିନେତ୍ରୀ (କ୍ରଟିକ୍) ର ପୁରସ୍କାର ହାତେଇଥିଲେ। ପରବର୍ତ୍ତୀ ସମୟରେ ତାଙ୍କୁ ବଲିଉଡ୍ ଭାଇଜାନ୍ ସଲମନ୍ ଖାନ୍ଙ୍କ ସୁପରହିଟ୍ ଫିଲ୍ମ ‘ଓ୍ବାଣ୍ଟେଡ୍’ରେ ନଜର ଆସିଥିଲେ। ତାଙ୍କ ଅଭିନୀତ ଫିଲ୍ମଗୁଡ଼ିକ ମଧ୍ୟରେ ରହିଛି ‘ଦିଲ୍ ମାଙ୍ଗେ ମୋର୍, ’ସଲାମ୍ ଇ ଈଶ୍କ,’ କ୍ୟା ଲଭ୍ ଷ୍ଟୋରୀ ହୈ, ଫୁଲ୍ ଏଣ୍ଡ୍ ଫାଇନାଲ୍, କ୍ୟାସ୍, ବ୍ଲଡ୍ ବ୍ରଦର୍ସ, ନୋ ସ୍କୋକିଂ, ‘ସନ୍ଡେ’, ‘ଦେ ତାଲି’, ‘ପାଠଶାଳା’ ‘ମୋଡ଼’ ଆଦି ଫିଲ୍ମରେ ଅଭିନୟ କରିଛନ୍ତି। ୨୦୦୯ରେ ସେ ଫରହାନ୍ ଅଜ୍ମୀଙ୍କୁ ବିବାହ କରିଛନ୍ତି। ପରବର୍ତ୍ତୀ ସମୟରେ…
ନିର୍ବାଚନର ଅବ୍ୟବହତି ପୂର୍ବରୁ କେନ୍ଦୁଝର ଜିଲାର ସାଂସଦ ପ୍ରାର୍ଥୀଙ୍କ ଅଶ୍ଳୀଳ ଭିଡିଓ ଭାଇରାଲ ହୋଇଥିଲା। ଏହି ଘଟଣାରେ ଟାଉନ ଥାନା ପୁଲିସ ୨ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ହେଲେ ବିଷ୍ଣୁଦତ୍ତ ବାରିକ ଓ ଜୟଦେବ ଗିରି। ସୂଚନାଯୋଗ୍ୟ ଯେ, ମହିଳାଙ୍କ ଭିଡିଓ ଭାଇରାଲ ନେଇ ତାଙ୍କ ମାମୁଁ ଥାନାରେ ଏତଲା ଦେଇଥିଲେ। ଏହାପରେ ପୁଲିସ ମାମଲା ରୁଜୁ ପରେ କାର୍ଯ୍ୟାନୁଷ୍ଠାନ ନେଇଛି। ତେବେ ଏହି ଘଟଣାରେ ଯେଉଁ ଗ୍ରୁପ ଓ ବ୍ୟକ୍ତି ବିଶେଷ ସଂପୃକ୍ତ ଅଛନ୍ତି, ସେମାନକ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ ନେବା ନିହାତି ଜରୁରୀ। ସେହିପରି ସୋସିଆଲ୍ ମିଡ଼ିଆରେ ଏଭଳି କାର୍ଯ୍ୟକରୁଥିବା ବ୍ୟକ୍ତିବିଶେଷଙ୍କ ପ୍ରତି ମଧ୍ୟ ଦୃଷ୍ଟାନ୍ତମୂଳକ ପଦକ୍ଷେପ ନେବା ଜରୁରୀ।
ନିର୍ବାଚନ ପୂର୍ବରୁ ଲାଞ୍ଜିଗଡ ବିଧାୟକ ପ୍ରାର୍ଥୀଙ୍କ ଗାଡିରୁ ୨ ଲକ୍ଷ ଟଙ୍କା ଜବତ କରାଯାଇଛି। ଲାଞ୍ଜିଗଡର ବିଜେଡି ବିଧାୟକ ପ୍ରାର୍ଥୀ ପ୍ରଦୀପ ଦିଶାରୀଙ୍କ ଗାଡିରୁ ଫ୍ଲାଇଁ ସ୍କ୍ବାଡ ଏହି ଅର୍ଥ ଜବତ କରିଛି। ଚଢାଉ ସମୟରେ ଗାଡିରେ ପ୍ରଦୀପଙ୍କ ବ୍ୟତିତ ଆହୁରି ଚାରି ଜଣ ଉପସ୍ଥିତ ଥିଲେ। ୫୦୦ ଟଙ୍କିଆ ଚାରିଟି ବଣ୍ଡଲ ଅର୍ଥ ଜବତ କରାଯାଇଥିବା ବେଳେ ଏନେଇ ପଚରା ଉଚୁରା ଚାରି ରଖିଛି। ନିର୍ବାଚନ ଅଧିକାରୀଙ୍କ ନିୟମ ଅନୁଯାୟୀ କୌଣସି ପ୍ରାର୍ଥୀ ୫୦ ହଜାରରୁ ଅଧିକ ଅର୍ଥ ସାଙ୍ଗରେ ରଖି ପାରିବେ ନାହିଁ ବୋଲି ନିୟମ ରହିଥିବା ବେଳେ ପ୍ରାର୍ଥୀ ୨ଲକ୍ଷ ଅର୍ଥ ସାଙ୍ଗରେ ଧରି ବୁଲିବା ପ୍ରଶ୍ନବାଚୀ ସୃଷ୍ଟି କରିଛି।
ବିଛିନ୍ନତାବାଦୀ ନେତା ତଥା ଜାମ୍ମୁ କାଶ୍ମୀର ଲିବରେସନ୍ ଫ୍ରଣ୍ଟର ମୁଖ୍ୟ ୟାସିନ୍ ମଲିକ୍କୁ ତିହାର ଜେଲ୍କୁ ସ୍ଥାନାନ୍ତର କରିଛି ଜାତୀୟ ତଦନ୍ତକାରୀ ଦଳ (ଏନ୍ଆଇଏ)। ଜମ୍ମୁର କୋଟ ଭଲଓ୍ବାଲ ଜେଲ୍ରେ ବନ୍ଦୀ ଭାବରେ ଅବସ୍ଥାନ କରୁଥିବା ମଲିକ୍କୁ ପଚରା ଉଚୁରା ପାଇଁ ଦିଲ୍ଲୀର ତିହାର ଜେଲକୁ ସ୍ଥାନାନ୍ତର କରାଯାଇଛି । ପାକିସ୍ତାନ ପକ୍ଷରୁ ଆତଙ୍କବାଦକୁ ପ୍ରୋତ୍ସାହନ ପାଇଁ ଅର୍ଥ ଗ୍ରହଣ କରିଥିବା ନେଇ ଏନ୍ଆଇଏକୁ ପ୍ରମାଣ ମିଳିଥିବାରୁ ଅଧିକ ତଦନ୍ତ ପାଇଁ ତିହାର ସ୍ଥାନାନ୍ତର କରାଯାଇଛି। ସିବିଆଇ ପକ୍ଷରୁ ଜମ୍ମୁ କଶ୍ମୀର ହାଇକୋର୍ଟରେ ମଲିକ୍ର ସ୍ଥାନାନ୍ତର ନେଇ ମାର୍ଚ୍ଚ ୧୩ ତାରିଖରେ ଆବେଦନ କରାଯାଇଥିଲା। ଯାହାକୁ କୋର୍ଟ ମଞ୍ଜୁରୀ ପ୍ରଦାନ କରିଥିଲେ। ମଲିକ୍ ଶ୍ରୀନଗରରେ ୨୫ ଜାନୁୟାରୀ ୧୯୯୦ରେ ପାଞ୍ଚ ଏୟାରଫୋର୍ସ ଅଫିସରଙ୍କ ହତ୍ୟାର ମୁଖ୍ୟ ଅଭିଯୁକ୍ତ ଏବଂ ଡିସେମ୍ବର ୮, ୧୯୮୯ରେ ଜମ୍ମୁ କାଶ୍ମୀର ମୁଖ୍ୟମନ୍ତ୍ରୀ ମୁଫ୍ତି ମହମ୍ମଦଙ୍କ ଝିଅ ଡକ୍ଟର ରୁବିୟା ସଇଦ୍ ଅପହରଣରେ ମଧ୍ୟ ସାମିଲ ଥିଲା।…
ସମୀକ୍ଷା ବ୍ୟୁରୋ ରାଜନୈତିକ ପଶାପାଲିରେ ଦିନକୁ ଦିନ ଅଜବ କଥା ସବୁ ଶୁଣିବାକୁ ମିଳିଛି। ତେବେ ବର୍ତ୍ତମାନ ଯେଉଁ ଖବର ରାଜନୈତିକ ବଜାରରେ ଘୁରି ବୁଲୁଛି ତାହା ଅତି ସାଂଘାତିକ। ଖବରଟି ହେଲା ବିଜେପି ଟିକଟରେ ନିର୍ବାଚନ ଲଢୁଥିବା ବୈଜୟନ୍ତ ପଣ୍ଡା, ଅପରାଜିତା ଷଡଙ୍ଗୀ, ବିଜୟ ମହାପାତ୍ର ଏବଂ ସମ୍ବିତ ପାତ୍ର ହାରିବା ପାଇଁ ବିଜେପିର ଗୋଟିଏ ଗୋଷ୍ଠୀ କରୁଛନ୍ତି ଷଢଯନ୍ତ୍ର। ଏହି ଖବରଟି କେତେ ସତ ତାହା କହିବା ମୁସ୍କିଲ, ହେଲେ ଯଦି ସତ ତାହା ହେଲେ ବଡ ସାଂଘାତିକ। ବିଜେପିର ଏହି ପ୍ରଭାବଶାଳୀ ଗୋଷ୍ଠୀର ଭୟ ରହିଛି ଯେ, ଏହି ଚାରିଜଣ କ୍ଷମତାକୁ ଆସିଲେ ରାଜ୍ୟରେ ବେଶ୍ ପ୍ରଭାବଶାଳୀ ହୋଇଯିବେ। ଏପରିକି ଲୋକମାନେ ଓ କର୍ମୀମାନେ ମଧ୍ୟ ସେମାନଙ୍କ ପଟକୁ ଢଳିଯିବେ। ଏହି ଆଶଙ୍କାରେ ସେହି ନିର୍ଦ୍ଦିଷ୍ଠ ଗୋଷ୍ଠୀର ଉପଦେଷ୍ଠାଠାରୁ ଆରମ୍ଭ କରି ଚେଲାଚାମୁଣ୍ଡା ପର୍ଯ୍ୟନ୍ତ ବିଭିନ୍ନ ମାର୍ଗରେ ସେମାନଙ୍କୁ ହରାଇବା ପାଇଁ ରାସ୍ତା ତିଆରି କରୁଛନ୍ତି। ବିଭିନ୍ନ…
ତିବ୍ଦତ୍ର ନିର୍ବାସିତ ବୌଦ୍ଧ ଧର୍ମଗୁରୁ ଦଲାଇ ଲାମା ଅସୁସ୍ଥ ହୋଇପଡ଼ିଛନ୍ତି। ଛାତିରେ ସଂକ୍ରମଣ ହୋଇଥିବା ଯୋଗୁଁ ମଙ୍ଗଳବାର ତାଙ୍କୁ ଦିଲ୍ଲୀର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି। ଏହା ପୂର୍ବରୁ ମଧ୍ୟ ଦଲାଇ ଲାମା ଦିଲ୍ଲୀ ଆସି ନିଜର ଚିକିତ୍ସା କରାଇଥିଲେ। କୁହାଯାଉଛି ଯେ, ମଙ୍ଗଳବାର ହସ୍ପିଟାଲରେ ଭର୍ତ୍ତି ହେବା ପରେ ଡାକ୍ତରମାନେ ତାଙ୍କର କିଛି ପରୀକ୍ଷା କରିଛନ୍ତି, ଯାହାର ରିପୋର୍ଟ ଭଲ ଥିବା ସୂଚନା ମିଳିଛି। ଦଲାଇ ଲାମାଙ୍କ ବ୍ୟକ୍ତିଗତ ସଚିବ ତେନଜିନ ଟକଲା କହିଛନ୍ତି ଯେ, ମଙ୍ଗଳବାର ଧର୍ମଗୁରୁଙ୍କ ସ୍ବାସ୍ଥ୍ୟ ଖରାପ ହୋଇଯାଇଥିଲା। ତାଙ୍କୁ ଦିଲ୍ଲୀର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି। ୨/୩ ଦିନ ପର୍ଯ୍ୟନ୍ତ ସେ ହସ୍ପିଟାଲରେ ରହି ଚିକିତ୍ସିତ ହେବ।
କେନ୍ଦ୍ର ସରକାରଙ୍କୁ ସୁପ୍ରିମ୍କୋର୍ଟଙ୍କ ଝଟ୍କା। ରାଫାଲେ ବିମାନ ମାମଲାରେ ଆଗତ ପିଟିସନ୍ର ବିଚାର କରି ସର୍ବୋଚ୍ଚ କୋର୍ଟ ମାମଲାର ପୁର୍ନବିଚାର ପାଇଁ ନିଷ୍ପତ୍ତି ନେଇଛନ୍ତି। ପ୍ରଶାନ୍ତ ଭୂଷଣ, ଅରୁଣ ସୌରୀ ଏବଂ ୟଶଓ୍ବନ୍ତ ସିହ୍ନାଙ୍କ ଯାଚିକାର ବିଚାର କରି ସର୍ବୋଚ୍ଚ କୋର୍ଟ ଏହି ନିଷ୍ପତ୍ତି ନେଇଛନ୍ତି। ମୁଖ୍ୟ ବିଚାରପତି ରଞ୍ଜନ ଗୋଗୋଇ, ଜଷ୍ଟିସ୍ ଏସ୍ କେ କୌଲ୍ ଏବଂ କେଏମ୍ ଯୋଶେଫ୍ଙ୍କ ନେତୃତ୍ବରେ ଗଠିତ ଖଣ୍ଡପୀଠ ଏହି ମାମଲାର ବିଚାର କରିଥିଲେ। କେନ୍ଦ୍ର ସରକାର ଯାଚିକା ନିମନ୍ତେ ଦାଖଲ କରାଯାଇଥିବା ପ୍ରତିରକ୍ଷା ସମ୍ବନ୍ଧୀୟ କାଗଜପତ୍ର ଦେଶର ଜାତୀୟ ସୁରକ୍ଷା ପ୍ରତି ବିପଦ ବୋଲି ଦର୍ଶାଇ ମାମଲାକୁ ଋଦ୍ଦ କରିବା ପାଇଁ ଆବେଦନ କରିଥିଲେ ଯାହକୁ ସୁପ୍ରିମ୍କୋର୍ଟ ଖାରଜ କରି ଦେଇଛନ୍ତି। ବର୍ତ୍ତମାନ ସର୍ବାେଚ୍ଚ କୋର୍ଟ କେବଳ ବିମାନର ଦର ନୁହେଁ ବରଂ ଅନୀଲ ଅମ୍ବାନୀଙ୍କ କମ୍ପାନୀ ଦାସଲ୍ଟର ନିଯୁକ୍ତି ନେଇ ମଧ୍ୟ ବିଚାର କରାଯିବ ବୋଲି ସୂଚନା ଦେଇଛନ୍ତି। ଏହି ମାମଲାରେ…
ଜାପାନ୍ର ଏକ ଏଫ୍ ୩୫-ଏ ଲଢୁଆ ଯୁଦ୍ଧ ବିମାନ ଅଭ୍ୟାସ ସମୟରେ ପ୍ରଶାନ୍ତ ମହାସାଗରରେ ନିଖୋଜ ହୋଇଛି। ବିମାନଟିର ଧ୍ବଂସାବଶେଷ ପ୍ରଶାନ୍ତ ମହାସାଗରରୁ ମିଳିଥିବା ବେଳେ ପାଇଲଟ୍ଙ୍କର କୌଣସି ସୂଚନା ମିଳିପାରିନାହିଁ। ଜାପାନର ପ୍ରତିରକ୍ଷା ମନ୍ତ୍ରୀ ଟାକେଶୀ ଇଓ୍ବାୟା ଏହି ଖବରକୁ ସ୍ପଷ୍ଟ କରିଛନ୍ତି। ଜାପାନ୍ର ମିସ୍ଓ୍ବା ଏୟାର ବେସ୍ରୁ ୧୩୫ କିମି ଦୂର ଆଓମୋରି ନିକଟରୁ ମଙ୍ଗମଳବାର ରାତ୍ରରେ ବିମାନର ଧ୍ବଂସାବଶେଷ ମିଳିଥିବା ବେଳେ ପାଇଲଟ୍ଙ୍କ ସନ୍ଧାନ ବର୍ତ୍ତମାନ ପର୍ଯ୍ୟନ୍ତ ଜାରି ରହିଛି। ଏହି ଯୁଦ୍ଧ ଅଭ୍ୟାସରେ ଅନ୍ୟ ତିନୋଟି ବିମାନ ଅଂଶଗ୍ରହଣ କରିଥିଲେ। ବିମାନଟି ଧ୍ବଂସ ହେବା ପରେ ତୁରନ୍ତ ସର୍ଚ୍ଚ ଅପରେସନ୍ ଆରମ୍ଭ କରାଯାଇଥିଲା। ମାର୍ଚ୍ଚ ୨୬ ତାରିଖରେ ୧୩ଟି ଏଫ୍ ୩୫- ଏ ବିମାନ ଜାପାନ ବିମାନ ବାହିନୀରେ ଯୋଗ ଦେଇଥିଲା। ଜାପାନ ଭବିଷ୍ୟତରେ ୧୪୭ଟି ଏଫ୍ ୩୫ ବିମାନ ନିର୍ମାଣ କରିବାର ଯୋଜନା ରଖିଥିବା ବେଳେ ତନ୍ମଧ୍ୟରୁ ୧୦୫ଟି ଏଫ୍ ୩୫- ଏ ରହିଛି।
କେଦାର ମିଶ୍ର ପ୍ରଥମେ ଏ ପ୍ରସଙ୍ଗରେ ଜଣେ ବନ୍ଧୁ ମୋତେ କିଛି କହିବାକୁ ଚେଷ୍ଟା କରିଥିଲେ। ଯେହେତୁ ମୁଁ ସୋସିଆଲ ମିଡିଆରେ ଫଟୋସପ ରାଜନୀତିକୁ ଜାଣେ, ଏ ପ୍ରସଙ୍ଗରେ ଅଧିକ ଆଗ୍ରହ ପ୍ରକାଶ କରିନଥିଲି। କେଉଁଝର ଲୋକସଭା ନିର୍ବାଚନରୁ ବିଜୁ ଜନତା ଦଳର ଟିକଟରେ ନିର୍ବାଚନ ଲଢୁଥିବା ତରୁଣୀ ଆଦିବାସୀ ନେତ୍ରୀ ଚନ୍ଦ୍ରାଣୀ ମୂର୍ମୁଙ୍କ କିଛି ଛବି ସୋସିଆଲ ମିଡିଆରେ ଭାଇରାଲ ହୋଇଛି ବୋଲି ଗତ ଦୁଇ ତିନି ଦିନ ହେଲା ଚର୍ଚ୍ଚା ଚାଲିଥିଲା। ତେବେ ଆଜି ହଠାତ ବିଭିନ୍ନ ଫେସବୁକ ଗ୍ରୁପରେ ଚନ୍ଦ୍ରାଣୀଙ୍କ ନାଁ ରେ ଯାବତୀୟ କୁତ୍ସା ରଟନା ଆରମ୍ଭ ହୋଇଗଲା। ଚନ୍ଦ୍ରାଣୀ କେଉଁ ଦଳର ଓ ସେ କାହା ସାଙ୍ଗରେ ଲଢୁଛନ୍ତି, ସେ ବିଷୟରେ ଆମର ଚିନ୍ତା କରିବାର ନାହିଁ। କିନ୍ତୁ ମାତ୍ର ୨୬ ବର୍ଷ ବଯସର ଜଣେ ଉଚ୍ଚ ଶିକ୍ଷିତା ଆଦିବାସୀ ଯୁବତୀ ଯେତେବେଳେ ରାଜନୀତିକୁ ଆସୁଛନ୍ତି, ତାଙ୍କ ବିରୋଧରେ ଏ ପ୍ରକାର କୁତ୍ସା ରଟନାର…
ପ୍ରଥମ ପର୍ଯ୍ୟାୟ ମତଦାନର ଦୁଇ ଦିନ ପୂର୍ବରୁ ଛତିଶଗଡ଼ରେ ହୋଇଛି ବଡ଼ ଧରଣର ମାଓ ଆକ୍ରମଣ ହୋଇଛି। ଛତିଶଗଡ଼ର ନକ୍ସଲ ପ୍ରଭାବିତ ଦାନ୍ତେଓ୍ଵାଡାରେ ବିଜେପି ବିଧାୟକଙ୍କ ଗାଡି ଉପରେ ହୋଇଛି ମାଓ ହମଲା। ଏହି ଆକ୍ରମଣରେ ବିଜେପି ବିଧାୟକ ଭୀମା ମାଣ୍ଡଭିଙ୍କ ମୃତ୍ୟୁ ଘଟିବା ସହିତ ତାଙ୍କ ପିଏସ୍ଓ ଓ ୫ଜଣ ଯବାନ ସହିଦ ହୋଇଛନ୍ତି। ଦନ୍ତେଓ୍ଵାଡା ଛତିଶଗଡ଼ର ବସ୍ତର ଲୋକସଭା କ୍ଷେତ୍ରରେ ରହିଛି। ଏପ୍ରିଲ୍ ୧୧ ତାରିଖରେ ଏଠାରେ ମତଦାନ ହେବାକୁ ରହିଛି। ଦନ୍ତେଓ୍ଵାଡାର ନକୁଲନାର ନିକଟରେ ବିଧାୟକ ଭୀମା ମାଣ୍ଡଭିଙ୍କ ଗାଡି ଉପରକୁ ନକ୍ସଲ ଏହି ଆକ୍ରମଣ କରିଛନ୍ତି। ଲ୍ୟାଣ୍ଡ ମାଇନ ବିସ୍ଫୋରଣ କରି ପୋଲିସ ଭ୍ୟାନକୁ ଉଡ଼ାଇ ଦେଇଛନ୍ତି ନକ୍ସଲ। ଆକ୍ରମଣ ପରେ ଘଟଣାସ୍ଥଳ ତଥା ଆଖପାଖ ଅଞ୍ଚଳକୁ ସିଜ୍ କରି ଦିଆଯାଇଛି। ଏହା ସହିତ ଆକ୍ରମଣକାରୀଙ୍କ ସନ୍ଧାନରେ ଯବାନଙ୍କ ଦ୍ଵାରା ସର୍ଚ୍ଚ ଅପରେସନ ମଧ୍ୟ ଆରମ୍ଭ ଦ୍ରୁତଗତିରେ କରାଯାଇଛି।
ସମୀକ୍ଷା ବ୍ୟୁରୋ ବିଜେଡ଼ି କାର୍ଯ୍ୟାଳୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ବିଜେଡ଼ିର ନିର୍ବାଚନ ଇସ୍ତାହାର ୨୦୧୯କୁ ଉନ୍ମୋଚିତ କରିଛନ୍ତି। ଏହି ଇସ୍ତାହାରର ଶୀର୍ଷକ ରହିଛି ‘ନବୀନ ଓଡ଼ିଶାର ପରିଚୟ’। ୧୯ ବର୍ଷ ଧରି ଶାସନ କ୍ଷମତାରେ ଥିବା ବିଜେଡ଼ି ସରକାର ଏଥର ଇସ୍ତାହାରରେ ସବୁ ବର୍ଗଙ୍କୁ ସାମିଲ୍ କରିଛି। ବିଶେଷକରି ନାରୀ, ଯୁବ ଓ ଚାଷୀଙ୍କ ପ୍ରତି ବିଶେଷ ଅଗ୍ରାଧିକାର ଦିଆଯାଇଛି। ତେବେ ଚଳିତ ନିର୍ବାଚନ ପାଇଁ ବିଜେଡ଼ିର ଇସ୍ତାହାରର ଥିମ୍ ରହିଛି ‘ନବୀନ ଓଡ଼ିଶା, ସଶକ୍ତ ଓଡ଼ିଶା’। ଘର ଘର ବୁଲି ମତ ସଂଗ୍ରହ କରାଯିବା ପରେ ଇସ୍ତାହାର ପ୍ରସ୍ତୁତ କରାଯାଇଛି ବୋଲି କହିଛନ୍ତି ଅମର ପଟ୍ଟନାୟକ। ମହିଳାଙ୍କୁ ସମ୍ମାନ ତଥା ସଶକ୍ତ କରିବାପାଇଁ ଚଳିତ ନିର୍ବାଚନରେ ଉଭୟ ଲୋକସଭା ଓ ବିଧାନସଭାରେ ୩୩ ପ୍ରତିଶତ ମହିଳାଙ୍କୁ ପ୍ରାର୍ଥୀ କରାଯାଇଛି। ଇସ୍ତାହାରରେ ମଧ୍ୟ ମହିଳାଙ୍କୁ ସଶକ୍ତ କରିବା ପାଇଁ ବିଭିନ୍ନ ପ୍ରକାରର ଯୋଜନା କରାଯାଇଛି। ମହିଳାଙ୍କ ପାଇଁ ୫ ହଜାର…
ମତଦାନର ପ୍ରଥମ ପର୍ଯ୍ୟାୟ ଆସନ୍ତା ୧୧ ତାରିଖରୁ ଆରମ୍ଭ ହେବାକୁ ଯାଉଥିବାବେଳେ ଏବେ ନିର୍ବାଚନୀ ପ୍ରଚାର ପୂରା ଜୋରସୋର୍ରେ ଚାଲିଛି। ସମସ୍ତ ରାଜନୈତିକ ଦଳ ଆକ୍ଷେପ ପ୍ରତି ଆକ୍ଷେପ କରୁଛନ୍ତି। ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ଟିଏମ୍ସି ନେତ୍ରୀ ମମତା ବାନାର୍ଜୀ ମଙ୍ଗଳବାର ପୁଣି ଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କଡ଼ା ସମାଲୋଚନା କରିଛନ୍ତି। ନରେନ୍ଦ୍ର ମୋଦୀ ଦଙ୍ଗା ଓ ହିଂସା ରାସ୍ତା ଦେଇ ରାଜନୀତିକୁ ଆସିଛନ୍ତି। ଏପରିକି ସେ ଜର୍ମାନୀର ଏକଛତ୍ରବାଦ ଶାସକ ଆଡଲଫ ହିଟ୍ଲରଙ୍କୁ ବଳି ଯାଇଛନ୍ତି। ଏବେ ଯଦି ହିଟ୍ଲର ଜୀବିତ ଥାନ୍ତେ, ତେବେ ମୋଦୀଙ୍କ ଗତିବିଧି ତଥା କାର୍ଯ୍ୟକଳାପ ଦେଖି ଆତ୍ମହତ୍ୟା କରିଦେଇଥାନ୍ତେ। ମମତା କେବଳ ବିଜେପିକୁ ସମାଲୋଚନା କରିନାହାନ୍ତି, ସେ କଂଗ୍ରେସକୁ ମଧ୍ୟ କଡ଼ା ନିନ୍ଦା କରି କହିଛନ୍ତି ଯେ, କଂଗ୍ରେସ ନିଜ ଦମ୍ରେ କେନ୍ଦ୍ରରେ ସରକାର କରିପାରିବ ନାହିଁ। ବିଜେପିର ଉତ୍ଥାନ ପଛରେ କଂଗ୍ରେସ ହାତ ରହିଛି ବୋଲି ସେ କହିଛନ୍ତି। କଂଗ୍ରେସ ଲୋକଙ୍କ…
କରଣ କପାଡିଆଙ୍କ ଡେବ୍ୟୁ ଫିଲ୍ମ ‘ବ୍ଲାଙ୍କ’ ଟ୍ରେଲର ରିଲିଜ୍ ପରଠାରୁ ଚର୍ଚ୍ଚାରେ ରହିଛି। ପ୍ରଥମେ ଫିଲ୍ମର ଅଲଗା କାହାଣୀ ପାଇଁ ଏହାର ଚର୍ଚ୍ଚାରେ ରହିଥିବା ବେଳେ ବର୍ତ୍ତମାନ ଫିଲ୍ମରେ ଅକ୍ଷୟ କୁମାରଙ୍କୁ ଏକ ଡ୍ୟାନ୍ସ ନମ୍ବରରେ ଦେଖିବାକୁ ମିଳିବ। କରଣଙ୍କ ପାଇଁ ଅକ୍ଷୟ ଏହି ଗୀତଟି କରିଥିବା ବେଳେ ସଙ୍ଗୀତ ନିର୍ଦ୍ଦେଶନା ଦଇଛନ୍ତି ଆର୍କୋ ମୁଖାର୍ଜୀ ଏବଂ ବି ପାରକ୍ ଗୀତଟି ଗାଇଛନ୍ତି। ନିକଟରେ ରିଲିଜ୍ ହୋଇଥିବା କେଶରୀର ତେରୀ ମିଟ୍ଟି ଗୀତଟି ଗାଇଥିଲେ ପାରକ୍। ବେହଜାଦ ଖମ୍ବାଟାଙ୍କ ନିର୍ଦ୍ଦେଶିତ ଏହି ଫିଲ୍ମଟି ମେ ୩ ତାରିଖରେ ପରଦାକୁ ଆସିବ। ଫିଲ୍ମଟିରେ କରଣଙ୍କ ବ୍ୟତିତ ସନ୍ନି ଦେଓଲ, ଇଶିତା ଦତ୍ତ, କରଣବୀର ଶର୍ମା ଏବଂ ରଶିକା ପ୍ରଧାନ ପ୍ରମୁଖ ନଜର ଆସିବେ।
ବିଜେଡ଼ି କାର୍ଯ୍ୟାଳୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ବିଜେଡ଼ିର ନିର୍ବାଚନ ଇସ୍ତାହାର ୨୦୧୯କୁ ଉନ୍ମୋଚିତ କରିଛନ୍ତି। ଏହି ଇସ୍ତାହାରରେ ସବୁ ବର୍ଗକୁ ଗୁରୁତ୍ବ ଦେବା ସହିତ ଜନମତ ଆଧାରରେ ଏହା ପ୍ରସ୍ତୁତ କରାଯାଇଛି। ବିଜେଡ଼ି ସବୁବେଳେ ପ୍ରତିଶ୍ରୁତି ରକ୍ଷା କରି ଆସିଛି, ବିଜେପି ଭଳି ଏଥିରେ ମିଥ୍ୟା ପ୍ରତିଶ୍ରୁତି ନାହିଁ। ଇସ୍ତାହାର ସମ୍ପର୍କରେ ସୂଚନା ଦେଇଛନ୍ତି ଅମର ପଟ୍ଟନାୟକ। ଇସ୍ତାହାରରେ ସବୁ ବର୍ଗକୁ ଗୁରୁତ୍ବ ଦିଆଯାଇଛି। ଘରଘର ବୁଲି ମତ ନେବା ପରେ ଏହି ଇସ୍ତାହାରକୁ ପ୍ରସ୍ତୁତ କରାଯାଇଛି। ଏହି ଇସ୍ତାହାରର ଶୀର୍ଷକ ରହିଛି ‘ନବୀନ ଓଡ଼ିଶାର ପରିଚୟ’। ମହିଳାମାନଙ୍କୁ ୫ ହଜାର କୋଟିର ସରକାରୀ କାମ, ସ୍ଥାନୀୟ ଯୁବକଙ୍କ ପାଇଁ ରହିବ ୭୫ ପ୍ରତିଶତ ସଂରକ୍ଷଣ , କାଳିଆ କମିଶନ ଗଠନ , ଭୁବନେଶ୍ବର ଓ କଟକ ପାଇଁ ମେଟ୍ରୋ ରେଳ, କାଳିଆ ଯୋଜନା ଜାରି ରହିବ, ବର୍ଷକୁ ଚାଷୀଙ୍କୁ ୧୦,୦୦୦ଟଙ୍କା , ଭୂମିହୀନଙ୍କୁ ୧୨ ହଜାରଟଙ୍କା, ଓଡ଼ିଶାର ବିଶ୍ବବିଦ୍ୟାଳୟ,…
ଆଜିଠୁ ଆାରମ୍ଭ ହେବାକୁ ଯାଉଛି ସିଙ୍ଗାପୁର ଓପନ ବ୍ୟାଡମିଣ୍ଟନ। ୩ ଲକ୍ଷ ୫୫ହଜାର ଡଲାର ପୁରସ୍କାର ରାଶି ବିଶିଷ୍ଟ ଏହି ପ୍ରତିଯୋଗିତାରେ ନିଜର ଫର୍ମ ନେଇ ଆଶାୟୀ ଅଛନ୍ତି ପିଭି ସିନ୍ଧୁ। ମାଲେସିଆ ଓପନରୁ ଶୀଘ୍ର ବିଦାୟ ନେଇଥିବା ସିନ୍ଧୁ ଏହି ଟୁର୍ଣ୍ଣାମେଣ୍ଟ ପାଇଁ ଷଷ୍ଠ ସିଡ୍ର ମାନ୍ୟତା ପାଇଛନ୍ତି। ଏକମାତ୍ର ଭାରତୀୟ ଭାବରେ ସାଇନା ନେହ୍ବାଲ ଗୋଟିଏ ଥର ଏହି ଟାଇଟଲ ଜିତିବାରେ ସଫଳ ହୋଇଛନ୍ତି। ସାଇନା ଏବଂ ସିନ୍ଧୁଙ୍କ ବ୍ୟତିତ କିଦାମ୍ବି ଶ୍ରୀକାନ୍ତ ମଧ୍ୟ ଏହି ଟୁର୍ଣ୍ଣାମେଣ୍ଟରେ ସଫଳ ପ୍ରଦର୍ଶନ ନେଇ ଆଶାବାଦୀ ରହିବେ। ଏଚ ଏସ୍ ପ୍ରଣୟ ଏବଂ ବି ସାଇ ପ୍ରଣୀଥ୍ ମଧ୍ୟ ମୁଖ୍ୟ ଡ୍ରରେ ସାମିଲ୍ ହୋଇଛନ୍ତି। ସାଇ ପ୍ରଣୀଥ୍ ନିଜର ପ୍ରଥମ ରାଉଣ୍ଡ ମୁକାବିଲାରେ ବିଶ୍ବର ଏକ ନମ୍ବର ଖେଳାଳି କେଣ୍ଟୋ ମୋମୋଟାଙ୍କ ମୁକାବିଲା କରିବେ।
