Author: Samikhsya Bureau

ଯାଜପୁର: କିଛିଦିନ ବ୍ୟବଧାନ ପରେ ଧର୍ମଶାଳାରେ ପୁଣି ହିଂସା ଦେଖିବାକୁ ମିଳିଛି। ଆଜି ଧର୍ମଶାଳାର ପୂର୍ବତନ ବିଧାୟକ ପ୍ରଣବ ବଳବନ୍ତରାୟ ଏବଂ ବିଧାୟକ ହିମାଂଶୁ ସାହୁଙ୍କ ସମର୍ଥକଙ୍କ ମଧ୍ୟରେ ପିଟାପିଟି ହୋଇଛନ୍ତି। ଫଳରେ ଏଥିରେ ବହୁ କର୍ମି ଆହତ ହୋଇଥିବାର ସୂଚନା ମିଳିଛି। ତିନି ଜଣ ଗୁରୁତର ହେବାରୁ ତାଙ୍କୁ କଟକ ଏସସିବିରେ ଭର୍ତ୍ତି କରାଯାଇଛି। ଉତ୍ତେଜନା ଲାଗି ରହିଥିବାରୁ ସେଠାରେ ପୋଲିସ ଫୋର୍ସ ମୁତୟନ କରାଯାଇଛି। ଘଟଣାରୁ ଜଣାପଡିଛି ଯେ, ପ୍ରଣବଙ୍କ ଜେନାପୁର ଥାନ ଅଧିନରେ ଥିବା ଏକ ଫାର୍ମ ହାଉସରେ କେତେକ କର୍ମି ଭୋଜି କରୁଥିଲେ। ହଠାତ ସେଠାରେ ବିଧାୟକ ହିଂମାଶୁଙ୍କ ସମର୍ଥକମାନେ ତାଙ୍କ ଉପରେ ଆକ୍ରମଣ କରିଥିଲେ ବୋଲି ବିଜେଡି ତରଫରୁ ଅଭିଯୋଗ କରାଯାଇଛି। ଅନ୍ୟପଟେ ବିଧାୟକଙ୍କ କାର୍ଯ୍ୟାଳୟରୁ କୁହାଯାଇଛି ଯେ, ହିମାଂଶୁଙ୍କ କର୍ମିମାନେ ସେହିବାଟରେ ଯାଉଥିବା ବେଳେ ପ୍ରଣବଙ୍କ କର୍ମି ଆକ୍ରମଣ କରିଥିଲେ। ଏହି ଘଟଣାରେ ହିମାଂଶୁଙ୍କ ସମର୍ଥକମାନେ ବହୁ ଗାଡି ଭାଙ୍ଗି ଦେଇଥିବାର ଜଣାପଡିଛି। …

ନୂଆଦିଲ୍ଲୀ: ଭାରତୀୟ ରେଳବାଇ ଲିଙ୍କେ ହଫମାନ ବୁଶ (ଏଲଏଚବି) କୋଚ୍ ଉତ୍ପାଦନରେ ଦୀର୍ଘସ୍ଥାୟୀ ପ୍ରଗତି ହାସଲ କରିଛି। ଏହା ଯାତ୍ରୀମାନଙ୍କୁ ଉନ୍ନତ ସୁରକ୍ଷା, ଆରାମଦାୟକ ଯାତ୍ରା ଏବଂ ଅଧିକ କାର୍ଯ୍ୟକ୍ଷମତା ପ୍ରଦାନ କରିବା ପାଇଁ ଡିଜାଇନ୍ କରାଯାଇଛି। ଚଳିତ ଆର୍ଥିକ ବର୍ଷ 2025-26 (ନଭେମ୍ବର 2025 ପର୍ଯ୍ୟନ୍ତ) ମଧ୍ୟରେ ମୋଟ 4,224 ରୁ ଅଧିକ ଏଲଏଚବି କୋଚ୍ ନିର୍ମାଣ କରାଯାଇଛି। ଏହା ଗତ ବର୍ଷର ସମାନ ସମୟ ମଧ୍ୟରେ ଉତ୍ପାଦିତ 3,590 କୋଚ୍ ତୁଳନାରେ 18% ଅଧିକ। ଉତ୍ପାଦନରେ ଏହି ବୃଦ୍ଧି ରେଳ ୟୁନିଟ୍‌ଗୁଡ଼ିକରେ ଉତ୍ପାଦନ କ୍ଷମତାର ନିରନ୍ତର ସୁଦୃଢ଼ୀକରଣ ଏବଂ ଉନ୍ନତ ଉତ୍ପାଦନ ଯୋଜନାକୁ ପ୍ରତିଫଳିତ କରୁଛି। ଏହି ସମୟ ମଧ୍ୟରେ କାରଖାନାୱାରୀ ପ୍ରଦର୍ଶନ ମୁତାବକ, ଚେନ୍ନାଇର ଇଣ୍ଟିଗ୍ରାଲ କୋଚ୍ ଫ୍ୟାକ୍ଟ୍ରି (ଆଇସିଏଫ) 1,659 ଏଲଏଚବି କୋଚ୍ ଉତ୍ପାଦନ କରିଥିଲା। ଏହା ପରେ ରାୟବରେଲିର ମଡର୍ଣ୍ଣ କୋଚ୍ ଫ୍ୟାକ୍ଟ୍ରି (ଏମସିଏଫ) 1,234 କୋଚ୍ ଏବଂ କପୁରଥଲା ରେଳ କୋଚ୍ ଫ୍ୟାକ୍ଟ୍ରି…

ଭୁବନେଶ୍ବର: ଆଜି ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀଙ୍କ ଝିଅ ବାହାଘର ଭୋଜି। ଏ ନେଇ ବରମୁଣ୍ଡା ପଡିଆରେ ବିରାଟ ଆୟୋଜନ କରାଯାଇଛି। ହଜାରହଜାର ଅତିଥୀ ଯୋଗଦେଇ ଭୋଜି ଖାଇବାର ବନ୍ଦୋବସ୍ତ କରାଯାଇଛି। ଏହି ଭୋଜିରେ ରାଜ୍ୟର ବରିଷ୍ଠ ନେତା ତଥା ମନ୍ତ୍ରୀଗଣ ଯୋଗ ଦେଇଛନ୍ତି। ସେଥିପାଇଁ ପୂର୍ବରୁ ଅପରାଜିତା ଏବଂ ତାଙ୍କ ଆଇଏଏସ ସ୍ବାମୀ ସନ୍ତୋଷ ଷଡଙ୍ଗୀ ନିମନ୍ତ୍ରଣ ଦେଇ ଆସିଛନ୍ତି। ଏହି ପରିପ୍ରେକ୍ଷୀରେ ଏହି ଭୋଜିରେ ଯୋଗଦେଇଛନ୍ତି ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳର ନେତା ନବୀନ ପଟ୍ଟନାୟକ। ତାଙ୍କୁ ରାସ୍ତାରୁ ଅପରାଜିତା, ସନ୍ତୋଷ ଷଡଙ୍ଗୀ ଏବଂ ଖୋର୍ଦ୍ଧା ବିଧାୟକ ପ୍ରଶାନ୍ତ ଜଗଦ୍ଦେବ ପାଛୋଟି ନେଇଥିଲେ। ନବୀନ ବରକନ୍ୟାଙ୍କ ନିକଟକୁ ଯାଇ ଆର୍ଶିବାଦ ପ୍ରଦାନ କରି ଫେରିଥିଲେ। ତାଙ୍କୁ ଲୋକେ ଦେଖିବାକୁ ପ୍ରବଳ ଉତ୍ସହ ପରିଲକ୍ଷିତ ହୋଇଥିଲା। ସେହିପରି ଏହି ଭୋଜିରେ ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ, ବାଚସ୍ପତି ସୁରମା ପାଢୀ, ମନ୍ତ୍ରୀ ପୃଥୀରାଜ ହରିଚନ୍ଦନ, ବହୁ ବିଧାୟକ ତଥା…

ମୁମ୍ବାଇ: ଭାରତ ଗସ୍ତରେ ଥିବା ଲିଓନେଲ ମେସି ଆଜି ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ସଚିନ ତେନ୍ଦୁଲକର, ସୁନୀଲ ଛେତ୍ରୀ ଏବଂ ଅନେକ ସେଲିବ୍ରିଟିଙ୍କୁ ଭେଟିଛନ୍ତି। କ୍ରିକେଟର ଭଗବାନ ଫୁଟବଲର କିମ୍ବଦନ୍ତୀଙ୍କୁ ଭେଟିବା ଏକ ଐତିହାସିକ ମୁହୂର୍ତ୍ତ ଥିଲା। ଭାରତୀୟ ଫୁଟବଲ୍ କିମ୍ବଦନ୍ତୀ ସୁନୀଲ ଛେତ୍ରୀ ବିଶ୍ୱର ସର୍ବଶ୍ରେଷ୍ଠ ଫୁଟବଲ୍ ଖେଳାଳି ମେସିଙ୍କୁ ଆଲିଙ୍ଗନ କରିଥିଲେ। ସମାରୋହ ସମୟରେ ସଚିନ ମେସିଙ୍କୁ ତାଙ୍କର ବିଶ୍ୱକପ୍ ଜର୍ସି ଉପହାର ଦେଇଥିଲେ। ଏଥିରେ ସଚିନଙ୍କ ଅଟୋଗ୍ରାଫ୍ ଥିଲା। ମେସି ଏବଂ ସଚିନ ଏକାଠି ଫଟୋ ପାଇଁ ପୋଜ୍ ଦେଇଥିଲେ। ଏହା ଏକ ଐତିହାସିକ ମୁହୂର୍ତ୍ତ, ଗୋଟିଏ ମଞ୍ଚରେ ନିଜ ନିଜ ଖେଳର କିମ୍ବଦନ୍ତୀମାନେ ଏକାଠି ଥିଲେ। ମେସି ମଧ୍ୟ ସଚିନଙ୍କୁ ଏକ ଫୁଟବଲ୍ ଉପହାର ଦେଇଥିଲେ। ମେସି ସୁନୀଲ ଛେତ୍ରୀଙ୍କୁ ତାଙ୍କର ଜର୍ସି ଉପହାର ଦେଇଥିଲେ।

ଭୁବନେଶ୍ଵର: ଆଜି ଖୋର୍ଦ୍ଧା ଜିଲ୍ଲା ବାଣପୁରର ଅଗ୍ରଣୀ ଧାର୍ମିକ ଅନୁଷ୍ଠାନ ଶ୍ରୀ ଶ୍ରୀ ରଙ୍କନାଥ ଦେବ ୧୦୮ ହନୁମାନ ଚାଳିଶା ଯଜ୍ଞ କମିଟିର ସଭ୍ୟମାନେ ଚିଲିକା ବିଧାୟକ ତଥା ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନଙ୍କୁ ସରକାରୀ ବାସଭବନରେ ସୌଜନ୍ୟମୂଳକ ସାକ୍ଷାତ କରିଛନ୍ତି। ଏହି ଅବସରରେ ବିଧାୟକଙ୍କ ଅନୁଦାନ ପାଣ୍ଠିରୁ ରଙ୍କନାଥ ଦେବଙ୍କ ମନ୍ଦିର ପରିସରରେ ଜାରି ରହିଥିବା ଉନ୍ନୟନ କାର୍ଯ୍ୟର ସ୍ଥିତି ବିଷୟରେ ମନ୍ତ୍ରୀଙ୍କୁ ଅବଗତ କରାଇଥିଲେ କମିଟିର ସଭ୍ୟମାନେ। ତେବେ ମନ୍ଦିରର ଉନ୍ନୟନ କାର୍ଯ୍ୟ କ୍ଷିପ୍ରଗତିରେ ଜାରି ରହିଥିବାବେଳେ ଏହାକୁ ଆସନ୍ତା ମହାଶିବରାତ୍ରି ପୁର୍ବରୁ ସମ୍ପୂର୍ଣ୍ଣ କରିବା ପାଇଁ ଲକ୍ଷ୍ୟ ରଖାଯାଇଥିବା କମିଟିର ସଭ୍ୟମାନେ ମନ୍ତ୍ରୀଙ୍କୁ ସୂଚନା ଦେଇଥିଲେ। ତେବେ ଏ ଦିଗରେ ସମ୍ପୂର୍ଣ୍ଣ ସହଯୋଗ ଜାରିରହିବ ବୋଲି ମନ୍ତ୍ରୀ କମିଟିର ସଭ୍ୟମାନଙ୍କୁ ନିର୍ଭର ପ୍ରତିଶୃତି ଦେଇଥିଲେ। ଏହି ଅବସରରେ କମିଟି ପକ୍ଷରୁ ମନ୍ତ୍ରୀଙ୍କୁ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା। ସୂଚନା ଥାଉକି ରଙ୍କନାଥ ଦେବଙ୍କ ମନ୍ଦିରର ଉକ୍ତ ଉନ୍ନୟନ କାର୍ଯ୍ୟଦ୍ୱାରା…

ଚିଲିକା: ଚିଲିକା ବ୍ଲକ ଅନ୍ତର୍ଗତ ନଇରୀ ନିକଟସ୍ଥ ଗଙ୍ଗାଯମୁନା ଘାଟ ଅନତିଦୂରରେ ଚିଲିକା ଜଳରାଶି ପରିବେଷ୍ଟିତ ଶ୍ରୀଜଗନ୍ନାଥଙ୍କ ଗୁପ୍ତ ଲୀଳାକ୍ଷେତ୍ର କାଙ୍କଣଶିଖରୀ ପୀଠରେ ଚାଲିଥିବା ଅଷ୍ଟମ ବାର୍ଷିକ ଶ୍ରୀଜଗନ୍ନାଥ ମହୋତ୍ସବ ଆଜି ଉଦଯାପିତ ହୋଇଯାଇଛି। ଆଜି ଅନ୍ତିମ ଦିବସରେ ଯଜ୍ଞର ପୂର୍ଣ୍ଣାହୂତି ସହିତ ନିଳାମ୍ଵୁ ଚିଲିକା ଉଦ୍ଦେଶ୍ୟରେ ଚଳିତ ବର୍ଷ ଯଜ୍ଞର ଅନ୍ତିମ ଚିଲିକା ଆଳତି ସମ୍ପନ୍ନ କରାଯାଇଥିଲା। ଟ୍ରଷ୍ଟର ବରିଷ୍ଠ ସଦସ୍ୟ ହାଡିବନ୍ଧୁ ପଟ୍ଟନାୟକ ଓ ତାଙ୍କର ଧର୍ମପତ୍ନୀ ଏହି ଅବସରରେ କାର୍ଯ୍ୟଗ୍ରାହୀ ଭାବେ ବରିଷ୍ଠ ବ୍ରାହ୍ମଣ ପଣ୍ଡିତ ମାନଙ୍କ ପୈ।ରହିତ୍ୟରେ ଯଜ୍ଞର ପୂର୍ଣ୍ଣାହୂତି ପ୍ରଦାନ କରିଥିଲେ। ଚିଲିକା ଓ ବାଣପୁର ବ୍ଲକର ସମସ୍ତ ଜଗନ୍ନାଥ ମନ୍ଦିରର ଆଜ୍ଞା ମାଳ ମାନଙ୍କୁ ବନ୍ଦାପନା କରାଯାଇ ମେଲାଣି ଦିଆଯାଇଥିଲା। ଏହି ଅବସରରେ କାଙ୍କଣ ଶିଖରୀ ଟ୍ରଷ୍ଟ ଆବାହକ ଡଃ ସୁଶାନ୍ତ କୁମାର ସାହୁ ଓ କୋଷାଧ୍ୟକ୍ଷ ରୀତାରାଣୀ ସାହୁଙ୍କ ପ୍ରତ୍ୟକ୍ଷ ତତ୍ବାବଧାନରେ ଇ° ପାର୍ଥ ସାରଥି ମହାନ୍ତିଙ୍କ ସ°ଯୋଜନାରେ ଏକ ଆଧ୍ୟାତ୍ମିକ…

ନୂଆଦିଲ୍ଲୀ: ପାକିସ୍ତାନକୁ ଭାରତ ୯୦ ରନର ବିଶାଳ ବ୍ୟବଧାନରେ ପରାସ୍ତ କରିଛି। ପୁରୁଷ ୧୯ ବର୍ଷରୁ କମ୍ ଏସିଆ କପର ଏହି ମ୍ୟାଚ୍ ଦୁବାଇରେ ଖେଳାଯାଇଥିଲା। ପ୍ରଥମେ ବ୍ୟାଟିଂ କରି ଟିମ୍ ଇଣ୍ଡିଆ ୨୪୦ ରନ କରିଥିଲା। ଜବାବରେ ପାକିସ୍ତାନ ୧୫୦ ରନରେ ଅଲଆଉଟ୍ ହୋଇଯାଇଥିଲା। ଏହି ବିଜୟ ସହିତ ଭାରତ ସେମିଫାଇନାଲରେ ନିଜର ସ୍ଥାନ ପ୍ରାୟ ସୁରକ୍ଷିତ କରିସାରିଛି। ଭାରତ ପକ୍ଷରୁ ବୋଲିଂରେ ଦିପେଶ ଦେବେନ୍ଦ୍ରନ ଘାତକ ବୋଲିଂ କରିଥିଲେ। ସେ ତିନିଟି ୱିକେଟ ନେଇଥିଲା। ଟସ୍ ଜିତି ପ୍ରଥମେ ବୋଲିଂ କରିବାର ନିଷ୍ପତ୍ତି ପାକିସ୍ତାନ ଉପରେ ଭାରି ପଡ଼ିଥିଲା। ଆରନ୍ ଜର୍ଜଙ୍କ ୮୫ ରନ ଯୋଗୁଁ ଭାରତୀୟ ଦଳ ୨୪୦ ରନ କରିଥିଲା। ତଥାପି, ଟିମ୍ ଇଣ୍ଡିଆ ମଧ୍ୟ ସମ୍ପୂର୍ଣ୍ଣ ୫୦ ଓଭର ଖେଳିପାରି ନଥିଲା। ବୈଭବ ସୂର୍ଯ୍ୟବଂଶୀ କେବଳ ପାଞ୍ଚ ରନ କରିପାରିଥିଲେ, ଯେତେବେଳେ ଅଧିନାୟକ ଆୟୁଷ ମହାତ୍ରେ ମଧ୍ୟ ତାଙ୍କ ୩୮ ରନକୁ ଏକ ବଡ଼…

ରଣପୁର: ଶନିବାର ଦିନ ରଣପୁର ବ୍ଲକର ୩୪ ଜଣ ୩୪ ଜଣ ଶିକ୍ଷକ ଶିକ୍ଷ୍ୟୟତ୍ରୀଙ୍କୁ ସମନ୍ୱୟ ଶିକ୍ଷକ ସଙ୍ଘ ଦ୍ୱାରା ସେବା ନିବୃତ୍ତ ସମ୍ବର୍ଦ୍ଧନା ପ୍ରଦାନ କରାଯାଇଛି। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଓଡ଼ିଶାର ବାଚସ୍ପତି ସୁରମା ପାଢ଼ୀ ଯୋଗ ଦେଇ ଶିକ୍ଷକତା କ୍ଷେତ୍ରରୁ ଅବସର ନେଇଥିବା ଶିକ୍ଷକ ଶିକ୍ଷୟତ୍ରୀଙ୍କୁ ଉପଢକନ, ପୁଷ୍ପଗୁଛ ଓ ମାନପତ୍ର ପ୍ରଦାନ କରି ସମ୍ବର୍ଦ୍ଧିତ କରିଥିଲେ। ଅନ୍ୟମାନଙ୍କ ମଧ୍ୟରେ ଓଡିଶା ପ୍ରାଥମିକ ଶିକ୍ଷକ ସଙ୍ଘ ମହାସଚିବ ଜ୍ୟୋତି ରଞ୍ଜନ ଦାଶ, ସମନ୍ୱୟ ଶିକ୍ଷକ ସଂଘର କାର୍ଯ୍ୟକାରୀ ସଭାପତି ଅନିଲ କୁମାର ପାଇକରାୟ, ସମ୍ପାଦକ ଜ୍ୟୋତି ରଞ୍ଜନ କର, ଅତିରିକ୍ତ ବ୍ଲକ ଶିକ୍ଷା ଅଧିକାରିଣୀ ଲକ୍ଷ୍ମୀ ଦେଇ, ପ୍ରାଥମିକ ଶିକ୍ଷକ ସଙ୍ଘର ସଭାପତି ବିଶ୍ୱଜିତ ମହାପାତ୍ର , ବ୍ଲକଗ୍ରାଣ୍ଟ ଶିକ୍ଷକ ସଙ୍ଘ ସଭାପତି ସ୍ମୃତି ରଂଜନ ଦାଶ ଓ ପବିତ୍ର ମୋହନ ସାମନ୍ତରାୟ ପ୍ରମୁଖ ମଂଚାସୀନ ଥିଲେ। ବିଭିନ୍ନ କର୍ମକର୍ତ୍ତା ଓ ଶିକ୍ଷକ ଶିକ୍ଷୟତ୍ରୀମାନେ କାର୍ଯ୍ୟକ୍ରମ…

ଭୁବନେଶ୍ୱର: ଟ୍ରେଡ ୟୁନିଅନ ସେଣ୍ଟର ଅଫ୍ ଇଣ୍ଡିଆ ଓଡ଼ିଶା ରାଜ୍ୟ କମିଟି ପକ୍ଷରୁ ମାଷ୍ଟର କେଣ୍ଟିନ ଠାରେ ଶ୍ରମିକ ବିକ୍ଷୋଭ ପ୍ରଦର୍ଶନ କରିବା ସହ ବିଧାନସଭା ପର୍ଯ୍ୟନ୍ତ ଶୋଭାଯାତ୍ରା ଯାଇଥିଲା। ପୁଞ୍ଜିପତମାନଙ୍କ ସ୍ବାର୍ଥରେ ମୋଦି ସରକାର ନଭେମ୍ବର ୨୧ ତାରିଖରେ ଯେଉଁ ଶ୍ରମିକ ବିରୋଧୀ ୪ ଶ୍ରମ ସଂହିତା କାର୍ଯ୍ୟକାରୀ କରିଛନ୍ତି ତାହା ତୁରନ୍ତ ରଦ୍ଦ କରି ୪୪ ଟି ଶ୍ରମ ଆଇନକୁ ପୁନଃସ୍ଥାପନ କରି ଶ୍ରମିକଙ୍କ ହିତରେ ଆଇନକୁ କାର୍ଯ୍ୟକାରୀ କରିବା ଏବଂ ଓଡିଶାରେ ନାରୀ ନିର୍ଯାତନା ଶୀର୍ଷରେ, ବ୍ୟାପକ ବେକାରୀ, ଦାରିଦ୍ର୍ୟତା, ଅଭାବ ଅନାଟନ, ଅଭାବ ବିକ୍ରୀ ସହ ଦାଦନ ଶ୍ରମିକଙ୍କ ସମସ୍ୟା ବୃଦ୍ଧି ପାଉଛି। ଅପହଞ୍ଚ ଶିକ୍ଷା ଏବଂ ବିପର୍ଯ୍ୟସ୍ତ ସ୍ବାସ୍ଥ୍ୟସେବା, ବିପର୍ଯ୍ୟସ୍ତ ଆଇନ ଶୃଙ୍ଖଳା, ଶିକ୍ଷକ, ଅଙ୍ଗନବାଡି, ସ୍ବାସ୍ଥ୍ୟ କର୍ମୀ ଆଦି ନିୟମିତ କରିବା ଏବଂ ଦରମା ବୃଦ୍ଧି ଦାବି ନେଇ ବିଧାନସଭା ସମ୍ମୁଖରେ ଶୀତ କାକରରେ ଦୁଃଖ ଜଣାଇ ଅଧିକାର ମାଗିବାକୁ ଆସିଥିବା ଶ୍ରମଜୀବୀଙ୍କ…

ଭୁବନେଶ୍ବର: ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ମିଳିଛି ନୂଆଦିଲ୍ଲୀର ମୁଖ୍ୟ ସ୍ଥାନରେ ଏକ ଚକାଚକ ବଙ୍ଗଳା। ଏହା ଦିଲ୍ଲୀର ତିନ ମୂର୍ତ୍ତି ଲେନସ୍ଥିତ ବଙ୍ଗଳା ନଂ -2 ଆବଣ୍ଟନ କରାଯାଇଛି। ଏହି ବଙ୍ଗଳାକୁ ଏକ ପ୍ଲାଟୁନ ପୋଲିସ ଫୋର୍ସ ମୁତୟନ କରିବାକୁ ଓଡିଶା ପୋଲିସ ତରଫରୁ ନିଷ୍ପତି କରାଯାଇଛି। ଏହାକୁ ନେଇ ବିଜେଡି ଖପ୍ପା ହୋଇଛି। ମୁଖ୍ୟମନ୍ତ୍ରୀ କଣ ଭୁବନେଶ୍ବର ଛାଡି ଦିଲ୍ଲୀରେ ରହିବେ କି ବୋଲି ଦଳ ପ୍ରଶ୍ନ କରିଛି। ତାଙ୍କୁ କଣ ଓଡିଶା ଦାୟିତ୍ବରୁ ହଟାଇ ଦିଆଯାଉଛି କି ବୋଲି ବିଜେଡି ପ୍ରଶ୍ନ କରିଛି। ବିଜେଡି ତରଫରୁ ଏହାକୁ ତୀବ୍ର ବିରୋଧ କରାଯାଇଛି। ଓଡିଶା ରାଜକୋଷରୁ କଣ ପାଇଁ କୋଟିକୋଟି ଟଙ୍କା ଖର୍ଚ୍ଚ କରି ଦିଲ୍ଲୀରେ ମୁଖ୍ୟମନ୍ତ୍ରୀଙ୍କ ପାଇଁ ବ୍ୟବସ୍ଥା କରାଯାଉଛି ତାହା ଜଣାପଡୁ ନାହିଁ। ମୁଖ୍ୟମନ୍ତ୍ରୀ ଯେତେବେଳେ ଦିଲ୍ଲୀ ଗସ୍ତରେ ଯାଉଛନ୍ତି ସେତେବେଳେ ସେ ରହିବା ପାଇଁ ଓଡିଶା ଭବନ ରହିଛି। ବର୍ତ୍ତମାନ ଏହା ମରାମତି କାମ ଚାଲିଥିବାରୁ…

ନୂଆଦିଲ୍ଲୀ: ଭାରତୀୟ ଜନତା ପାର୍ଟିର ନୂତନ ରାଷ୍ଟ୍ରୀୟ ସଭାପତିଙ୍କ ନାମ ଘୋଷଣା କରାଯାଇଛି। ବିହାର ସରକାରଙ୍କ ମନ୍ତ୍ରୀ ନୀତିନ ନବୀନଙ୍କୁ ଦଳର ନୂତନ କାର୍ଯ୍ୟକାରୀ ସଭାପତି ନିଯୁକ୍ତ କରାଯାଇଛି। ସେ ଏବେ ଜେପି ନଡ୍ଡାଙ୍କ ପରେ ଦଳର ନେତୃତ୍ୱ ଗ୍ରହଣ କରିବେ। ବିଜେପିର ଜାତୀୟ ସାଧାରଣ ସମ୍ପାଦକଙ୍କ ଦ୍ୱାରା ଜାରି ଏକ ପତ୍ରରେ କୁହାଯାଇଛି ଜେଆର, “ଭାରତୀୟ ଜନତା ପାର୍ଟିର ସଂସଦୀୟ ବୋର୍ଡ ବିହାର ସରକାରଙ୍କ ମନ୍ତ୍ରୀ ନୀତିନ ନବୀନଙ୍କୁ ବିଜେପିର ରାଷ୍ଟ୍ରୀୟ କାର୍ଯ୍ୟକାରୀ ସଭାପତି ଭାବରେ ନିଯୁକ୍ତ କରିଛି। ଉପରୋକ୍ତ ନିଯୁକ୍ତି ତୁରନ୍ତ କାର୍ଯ୍ୟକାରୀ ହେବ।” ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନୀତିନ ନବୀନଙ୍କୁ ବିଜେପିର କାର୍ଯ୍ୟକାରୀ ସଭାପତି ନିଯୁକ୍ତ ହେବା ପାଇଁ ହୃଦୟର ସହିତ ଅଭିନନ୍ଦନ ଜଣାଇଛନ୍ତି। ସେ ସୋସିଆଲ ମିଡିଆ ପ୍ଲାଟଫର୍ମ X ରେ ଏକ ପୋଷ୍ଟ ସେୟାର କରି କହିଛନ୍ତି ଯେ, “ନୀତିନ ନବୀନ ଜୀ ନିଜକୁ ଜଣେ କଠିନ ବିଜେପି କର୍ମୀ ଭାବରେ ପ୍ରତିଷ୍ଠିତ କରିଛନ୍ତି।…

ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ ଏକ ଅଭାବନୀୟ ଘଟଣା ଘଟିଯାଇଛି। ଚୋରା ମଦ ବିକ୍ରି ଅଭିଯୋଗରେ ପୋଲିସ ଦ୍ୱାରା ଅଟକ ଥିବା ଜଣେ ଅଭିଯୁକ୍ତଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିବା ଜଣାପଡିଛି। ବାଣପୁର ପୋଲିସ ସୂଚନା ମୁତାବକ ସ୍ଥାନୀୟ ଦାଶରଥୀପୁର ଗ୍ରାମ (ପୋଡ଼ାସାହି) ରେ ବିପୁଳ ପରିମାଣରେ ଚୋରା ମଦ ବିକ୍ରି ହେଉଥିବା ବାରମ୍ବାର ଅଭିଯୋଗ ହୋଇଆସୁଥିଲା। ଏହି ପରିପ୍ରେକ୍ଷୀରେ ଗତକାଲି ସଂନ୍ଧ୍ୟାରେ ଉକ୍ତ ଅଞ୍ଚଳରେ ପୋଲିସ ପାଟ୍ରୋଲିଂ କରୁଥିବା ବେଳେ ଦାଶରଥୀପୁର ଗ୍ରାମର ଛବିନ୍ଦ୍ର ନାୟକଙ୍କୁ ଦେଶୀ ମଦ ସହ ଅଟକ ରଖିଥିଲା। ତେବେ ଆଜି ସକାଳେ ସେ ଅସୁସ୍ଥ ଅନୁଭବ କରିବାରୁ ତାଙ୍କୁ ପୋଲିସ ବାଣପୁର ମେଡିକାଲକୁ ନେଇଥିଲେ। କିନ୍ତୁ ଡାକ୍ତର ତାଙ୍କୁ ବାଣପୁରରୁ କ୍ୟାପିଟାଲ ହସ୍ପିଟାଲକୁ ସ୍ଥାନାନ୍ତରିତ କରିଥିଲେ। ତେବେ କ୍ୟାପିଟାଲ ହସ୍ପିଟାଲ ପହଂଚିଲାବେଳକୁ ଡାକ୍ତର ସେଠାରେ ଛବିନ୍ଦ୍ରଙ୍କୁ ମୃତ ଘୋଷଣା କରିଥିଲେ। ଖବର ପାଇ କ୍ୟାପିଟାଲ ଥାନା ପୋଲିସ ଏକ ଅପମୃତ୍ୟୁ ମାମଲା…

ନୂଆଦିଲ୍ଲୀ: ଅବୈଧ କଫ ସିରପ ଚୋରା ଚାଲାଣ ମାମଲାରେ ଉତ୍ତର ପ୍ରଦେଶରେ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ବିଭୋର ରାଣା ଏବଂ ତାଙ୍କ ଭାଇ ବିଶାଲଙ୍କ ଫାର୍ମଗୁଡ଼ିକର FSDA ଲାଇସେନ୍ସ ରଦ୍ଦ କରିଛି। ଏହି କାର୍ଯ୍ୟାନୁଷ୍ଠାନ ଲକ୍ଷ୍ନୌ-ଭିତ୍ତିକ ଏକ ନେଟୱାର୍କରୁ ଆସିଛି, ଯାହା ଉତ୍ତର ପ୍ରଦେଶ ଏବଂ ବାଂଲାଦେଶ ସମେତ ଅନେକ ରାଜ୍ୟକୁ କୋଡିନ୍-ଯୁକ୍ତ କଫ ସିରପ ଚୋରା ଚାଲାଣରେ ଜଡିତ ବୋଲି ଅଭିଯୋଗ ହୋଇଛି। ଏହି ମାମଲା ଗୁରୁତ୍ୱପୂର୍ଣ୍ଣ କାରଣ ଏହା ଡ୍ରଗ୍ସ ନିୟନ୍ତ୍ରଣ ଏବଂ ସୀମାପାର ଅବୈଧ ବାଣିଜ୍ୟ ସହିତ ଜଡିତ। FSDA ଅନୁଯାୟୀ, ବିଭୋର ରାଣା ନାମରେ ପଞ୍ଜିକୃତ GR ଟ୍ରେଡିଂ ଏବଂ ବିଶାଲଙ୍କ ନାମରେ ପରିଚାଳିତ Avt ହେଲ୍ଥ କେୟାରର ଲାଇସେନ୍ସ ତୁରନ୍ତ ପ୍ରଭାବରୁ ବାତିଲ କରାଯାଇଛି। ତଦନ୍ତରୁ ଏହି ଫାର୍ମଗୁଡ଼ିକର ଯୋଗାଣ ଶୃଙ୍ଖଳା, କ୍ରୟ ଏବଂ ବିକ୍ରୟ ରେକର୍ଡ ଏବଂ ବଣ୍ଟନ ନେଟୱାର୍କରେ ଗୁରୁତର ଅନିୟମିତତା ପ୍ରକାଶ ପାଇଛି। ଅଧିକାରୀମାନେ କହିଛନ୍ତି ଯେ, କାଗଜପତ୍ର…

ନୂଆଦିଲ୍ଲୀ: ଆଜି ଅଷ୍ଟ୍ରେଲିଆର ସିଡନୀର ବୋଣ୍ଡି ବିଚ୍‌ରେ ସ୍ପଷ୍ଟ ଦିବାଲୋକରେ ଗୁଳିକାଣ୍ଡ ଘଟିଛି। ଦୁଇଜଣ ସଶସ୍ତ୍ର ଆକ୍ରମଣକାରୀ ପଥିକଙ୍କ ଉପରେ ଅତର୍କିତ ଗୁଳିଚାଳନା କରିଛନ୍ତି। ଏହି ଗଣ ଗୁଳିକାଣ୍ଡରେ ଅତି କମରେ ୧୦ ଜଣଙ୍କର ମୃତ୍ୟୁ ହୋଇଛି। ରବିବାର ହୋଇଥିବାରୁ ବେଳାଭୂମିରେ ଏକ ବଡ଼ ଭିଡ଼ ଜମା ହୋଇଥିଲା। ସ୍ଥାନୀୟ ଗଣମାଧ୍ୟମ ସୂଚନା ଅନୁଯାୟୀ, ଆଠ ଦିନିଆ ପବିତ୍ର ପର୍ବ ହନୁକ୍କାର ପ୍ରଥମ ଦିନ ପାଳନ କରିବା ପାଇଁ ବହୁ ସଂଖ୍ୟକ ୟହୂଦୀ ସେଠାରେ ଏକାଠି ହୋଇଥିଲେ। ସ୍ଥାନୀୟ ଗଣମାଧ୍ୟମ ଅନୁଯାୟୀ, ଘଟଣା ପରେ ସିଡନୀ ସୁରକ୍ଷା ସଂସ୍ଥାଗୁଡ଼ିକ ଏକ ବଡ଼ ଅଭିଯାନ ଆରମ୍ଭ କରିଥିଲେ ଏବଂ ପୋଲିସ ଉଭୟ ଆକ୍ରମଣକାରୀଙ୍କୁ ଗିରଫ କରିଥିଲା। ପ୍ରତ୍ୟକ୍ଷଦର୍ଶୀଙ୍କ ଅନୁଯାୟୀ, କଳା ପୋଷାକ ପିନ୍ଧିଥିବା ଦୁଇଜଣ ବ୍ୟକ୍ତି ରାଇଫଲ୍ କିମ୍ବା ବନ୍ଧୁକ ସହିତ ଗୁଳି ଚଳାଇଥିଲେ। ୧୨ ରୁ ୫୦ ଗୁଳିର ଶବ୍ଦ ଶୁଣାଯାଇଥିଲା।

ନୂଆଦିଲ୍ଲୀ: ପାକିସ୍ତାନକୁ ଭାରତ ୨୪୧ ରନର ଟାର୍ଗେଟ ଦେଇଛି। ପୁରୁଷ ୧୯ ବର୍ଷରୁ କମ୍ ଏସିଆ କପର ଏହି ମ୍ୟାଚ୍ ଦୁବାଇରେ ଖେଳାଯାଉଛି। ପ୍ରଥମେ ବ୍ୟାଟିଂ କରି ଟିମ୍ ଇଣ୍ଡିଆ ମାତ୍ର ୨୪୦ ରନରେ ଅଲଆଉଟ୍ ହୋଇଯାଇଛି। ବୈଭବ ସୂର୍ଯ୍ୟବଂଶୀ ଏଥର ବିଫଳ ହୋଇଛନ୍ତି, କିନ୍ତୁ ଆରୋନ୍ ଜର୍ଜ ୮୫ ରନ କରିଛନ୍ତି। ଭାରତ ଏବଂ ପାକିସ୍ତାନ ସେମାନଙ୍କର ପୂର୍ବ ମ୍ୟାଚ୍‌ରେ ବିଜୟୀ ହେଉଛନ୍ତି, ଏବଂ ଏହି ମ୍ୟାଚ୍‌ର ବିଜେତା ପ୍ରାୟ ନିଶ୍ଚିତ ଭାବରେ ସେମିଫାଇନାଲରେ ସ୍ଥାନ ସୁରକ୍ଷିତ କରିବ। ପାକିସ୍ତାନ ଏହି ମ୍ୟାଚ୍‌ରେ ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲା। ସାଧାରଣତଃ ଟିମ୍ ଇଣ୍ଡିଆକୁ ବିସ୍ଫୋରକ ଆରମ୍ଭ ଦେଉଥିବା ବୈଭବ ସୂର୍ଯ୍ୟବଂଶୀ ମାତ୍ର ୫ ରନ କରି ଆଉଟ ହୋଇଥିଲେ। ଅଧିନାୟକ ଆୟୁଷ ମହାତ୍ରେ ୨୫ ବଲ୍‌ରେ ୩୮ ରନ କରିଥିଲେ, କିନ୍ତୁ ସେ ମଧ୍ୟ ଦଳର ୧୦ ଓଭର ପୂରଣ ହେବା ପୂର୍ବରୁ ଆଉଟ ହୋଇଥିଲେ। ଆରନ୍…

ନୂଆଦିଲ୍ଲୀ: ଭାରତୀୟ ଜନତା ପାର୍ଟି (ବିଜେପି) ଆଜି ଉତ୍ତର ପ୍ରଦେଶର ନୂତନ ରାଜ୍ୟ ସଭାପତି ଭାବରେ କେନ୍ଦ୍ର ଅର୍ଥ ରାଷ୍ଟ୍ରମନ୍ତ୍ରୀ ପଙ୍କଜ ଚୌଧୁରୀଙ୍କ ନାମ ଘୋଷଣା କରିଛି। ଡିସେମ୍ବର ୧୩ ତାରିଖ ନାମାଙ୍କନ ପ୍ରକ୍ରିୟାରେ ଚୌଧୁରୀ ଏକମାତ୍ର ପ୍ରାର୍ଥୀ ହୋଇଥିବାରୁ ସେ ନିର୍ବିରୋଧରେ ନିର୍ବାଚିତ ହୋଇଛନ୍ତି। ଆଜି ଲକ୍ଷ୍ନୌରେ କେନ୍ଦ୍ର ମନ୍ତ୍ରୀ ପୀୟୁଷ ଗୋୟଲଙ୍କ ଉପସ୍ଥିତିରେ ତାଙ୍କ ନାମାଙ୍କନ ଘୋଷଣା କରାଯାଇଛି। କେନ୍ଦ୍ର ମନ୍ତ୍ରୀ ପୀୟୁଷ ଗୋୟଲ କହିଛନ୍ତି ଯେ, “ଆଜି ଡିସେମ୍ବର ୧୪, ୨୦୨୫ ସଂଗଠନ ଦିବସର ଶୁଭ ଅବସରରେ, ମୁଁ ଘୋଷଣା କରି ଖୁସି ଯେ ପଙ୍କଜ ଚୌଧୁରୀଙ୍କୁ ସର୍ବସମ୍ମତିକ୍ରମେ ଭାରତୀୟ ଜନତା ପାର୍ଟି, ଉତ୍ତର ପ୍ରଦେଶର ନୂତନ ସଭାପତି ଭାବରେ ନିଯୁକ୍ତ କରାଯାଇଛି। ମୁଁ ଏହି ଘୋଷଣା କରି ବହୁତ ଖୁସି।” ପଙ୍କଜ ଚୌଧୁରୀ ମହାରାଜଗଞ୍ଜ ସଂସଦୀୟ କ୍ଷେତ୍ରରୁ ସାତ ଥର ସାଂସଦ ଏବଂ କୁର୍ମି ଜାତିର ଅଟନ୍ତି, ଯାହା ଅନ୍ୟାନ୍ୟ ପଛୁଆ ବର୍ଗ (ଓବିସି) ଅଧୀନରେ…

ପଶ୍ଚିମବଙ୍ଗ: ପଶ୍ଚିମବଙ୍ଗ ରାଜ୍ୟପାଳ ସି.ଭି. ଆନନ୍ଦ ବୋଷ କୋଲକାତାର ସଲ୍ଟ ଲେକ୍ ଷ୍ଟାଡିୟମରେ ଲିଓନେଲ୍ ମେସି ଇଭେଣ୍ଟରେ ଘଟିଥିବା ବିଶୃଙ୍ଖଳାକୁ ଏକ ବ୍ୟବସ୍ଥାଗତ ବିଫଳତା ବୋଲି ବର୍ଣ୍ଣନା କରିଛନ୍ତି। ରାଜ୍ୟପାଳ ବୋଷ ଆୟୋଜକ ଏବଂ ପୋଲିସ ଉଭୟଙ୍କୁ ଦାୟୀ କରି ଏହାକୁ “କୋଲକାତାର କ୍ରୀଡାପ୍ରେମୀ ଲୋକଙ୍କ ପାଇଁ ଏକ କଳା ଦିନ” ବୋଲି କହିଛନ୍ତି। ସେ ରାଜ୍ୟ ସରକାରଙ୍କୁ ୧୨ ଟି ନିର୍ଦ୍ଦେଶନାମା ମଧ୍ୟ ଜାରି କରିଛନ୍ତି, ଯେଉଁଥିରେ ନ୍ୟାୟିକ ତଦନ୍ତ, ଆୟୋଜକଙ୍କ ଗିରଫଦାରୀ ଏବଂ ଟିକେଟ୍ ଫେରସ୍ତ ଅନ୍ତର୍ଭୁକ୍ତ। ସଲ୍ଟ ଲେକ୍ ଷ୍ଟାଡିୟମରେ ପହଞ୍ଚିବା ପରେ ରାଜ୍ୟପାଳ ଆନନ୍ଦ ବୋଷଙ୍କୁ ଫାଟକ ଭିତରକୁ ପ୍ରବେଶ କରିବାକୁ ବାରଣ କରାଯାଇଥିଲା ଏବଂ ଲାଇଟ୍ ବନ୍ଦ କରି ଦିଆଯାଇଥିଲା। ରାଜ୍ୟର ସାମ୍ବିଧାନିକ ମୁଖ୍ୟ ନିଜର ଅସନ୍ତୋଷ ପ୍ରକାଶ କରି ପଚାରିଥିଲେ ଯେ, “ବଙ୍ଗଳାରେ ରାଜ୍ୟପାଳଙ୍କ ସହ ଏପରି ବ୍ୟବହାର କରାଯାଏ କି?” ଏହି ଘଟଣା ରାଜ୍ୟର ବର୍ତ୍ତମାନର ପରିସ୍ଥିତିକୁ ପ୍ରକାଶ କରେ। ଏଫଆଇଆର…

ନୂଆଦିଲ୍ଲୀ: ଆଜମଗଡ଼ରେ ଅନୁଷ୍ଠିତ ରାଷ୍ଟ୍ରୀୟ ଲୋକ ଅଦାଲତ ମାଧ୍ୟମରେ ୧୮୦ ଟି ମାମଲାର ସମାଧାନ କରାଯାଇଥିଲା, ଯେଉଁଠାରେ ମିଶନ ଶକ୍ତି ୫.୦ ଅନ୍ତର୍ଗତ ୪୦ ଦମ୍ପତି ପାରସ୍ପରିକ ସମ୍ମତିରେ ସେମାନଙ୍କର ବୈବାହିକ ବିବାଦ ସମାଧାନ କରିଥିଲେ ଏବଂ ପୁଣି ଥରେ ଏକାଠି ଜୀବନ ଆରମ୍ଭ କରିବାକୁ ନିଷ୍ପତ୍ତି ନେଇଥିଲେ। ଏହି ପ୍ରକ୍ରିୟା କେବଳ କୋର୍ଟରେ ମାମଲା ସଂଖ୍ୟା ହ୍ରାସ କରିନଥିଲା ବରଂ ସମ୍ପୃକ୍ତ ପକ୍ଷମାନଙ୍କୁ ମାନସିକ, ସାମାଜିକ ଏବଂ ଆର୍ଥିକ ଆଶ୍ୱସ୍ତି ପ୍ରଦାନ କରିଥିଲା। ବିଚାରପତି ଏବଂ ପୋଲିସ ଅଧିକାରୀଙ୍କ ଉପସ୍ଥିତିରେ ଉଭୟ ପକ୍ଷଙ୍କ ପରାମର୍ଶ ବିବାଦର ସୌହାର୍ଦ୍ଦପୂର୍ଣ୍ଣ ସମାଧାନ କରିଥିଲା। ଫଳସ୍ୱରୂପ ୪୦ ପରିବାର ପୁନଃମିଳନ ହୋଇଥିଲେ। ଏହି ଦମ୍ପତିମାନଙ୍କୁ ଫୁଲମାଳ ଏବଂ ଉପହାର ପ୍ରଦାନ କରାଯାଇଥିଲା ଏବଂ ଏକ ଉଜ୍ଜ୍ୱଳ ଭବିଷ୍ୟତ କାମନା କରାଯାଇଥିଲା। ଏହି ପଦକ୍ଷେପ ଅନେକ ପରିବାରରେ ଖୁସି ଫେରାଇ ଆଣିଥିଲା ​​ଏବଂ ସେମାନଙ୍କ ସମ୍ପର୍କରେ ବିଶ୍ୱାସ ଏବଂ ପ୍ରେମ ସୃଷ୍ଟି କରିଥିଲା।

ଭୁବନେଶ୍ବର: ଲୋକପ୍ରିୟ ଅଭିନେତା ଅକ୍ଷୟ କୁମାର କଲ୍ୟାଣ ଜୁଏଲରସ୍ ସୋ ରୁମର ଉଦଘାଟନ କରିଛନ୍ତି। ସେ ଭୁବନେଶ୍ବର ଓ କଟକ ଗସ୍ତ କରି ଦୁଇଟି ସ୍ଥାନରେ ଏହି ସୋ ରୁମର ଉଦଘାଟନ କରିଛନ୍ତି। କଡା ସୁରକ୍ଷା ମଧ୍ୟରେ ଅକ୍ଷୟ କୁମାର ଭୁବନେଶ୍ବର କଟକ ଗସ୍ତ କରି ତାଙ୍କର ପ୍ରଶଂସକଙ୍କ ସହିତ ହାତ ମିଳାଇଛନ୍ତି। ଅକ୍ଷୟ କୁମାରଙ୍କୁ ଦେଖିବା ପାଇଁ ଦୁଇ ସହରରେ ଲୋକଙ୍କର ପ୍ରବଳ ଭିଡ ପରିଲକ୍ଷିତ ହୋଇଥିଲା। ଏହି ପରିପ୍ରେକ୍ଷୀରେ ଅକ୍ଷୟ କୁମାର ଜୟ ଜଗନ୍ନାଥ କହି ନିଜର ସଂକ୍ଷିପ୍ତ ଅଭିଭାଷଣ ପ୍ରଦାନ କରିଥିଲେ। ସେ କହିଥିଲେ ଯେ, କଲ୍ୟାଣ ଜୁଏଲରସ ପରି ଏକ ବଡ ବ୍ରାଣ୍ଡର ଉଦଘାଟନରେ ସାମିଲ ହୋଇଥିବାରୁ ବେଶ ଖୁସି। ଓଡିଶାକୁ ମୁଁ ବହୁଥର ଗସ୍ତରେ ଆସିଛି। ମୋତେ ଓଡିଶା ବେଶ ଭଲ ଲାଗେ। ଏଥିସହିତ ସେ କଲ୍ୟାଣ ଜୁଏଲରସ ପ୍ରତି ଲୋକଙ୍କ ଭରସା ରହିଥିବାର କହିଥିଲେ। ଏହି ଉପଲକ୍ଷେ କଂପାନୀ ତରଫରୁ ଅକ୍ଷୟ କୁମାରଙ୍କୁ…

SAIL Sales Growth: ଷ୍ଟିଲ୍ ଅଥରିଟି ଅଫ୍ ଇଣ୍ଡିଆ ଲିମିଟେଡ୍ (ସେଲ୍) ଗତ ମାସରେ ଏହାର ବିକ୍ରୟରେ ଗତ ବର୍ଷର ସମାନ ସମୟ ତୁଳନାରେ ୨୭ ପ୍ରତିଶତ ବୃଦ୍ଧି ପାଇଛି। ଇସ୍ପାତ ମନ୍ତ୍ରଣାଳୟ ଏକ ବିଜ୍ଞପ୍ତିରେ କହିଛି ଯେ ଗତ ମାସରେ ଖୁଚୁରା ବିକ୍ରୟ ୬୯ ପ୍ରତିଶତ ବୃଦ୍ଧି ପାଇ ୦.୧୪ ନିୟୁତ ଟନ୍ (ଏମ୍ଟି) ହୋଇଛି, ଯାହା ଗତ ବର୍ଷର ସମାନ ମାସରେ ୦.୦୮୪ ମିଲିୟନ ଟନ୍ ଥିଲା। ଏହା ଆହୁରି ମଧ୍ୟ କହିଛି ଯେ ଏପ୍ରିଲ-ନଭେମ୍ବର ୨୦୨୫ ଅବଧିରେ, ସେଲ୍ ୧୨.୭ ମିଲିୟନ ଟନ୍ ବିକ୍ରୟ ହାସଲ କରିଛି, ଯାହା ଗତ ବର୍ଷର ସମାନ ସମୟର ୧୧.୧ ମିଲିୟନ ଟନ୍ ତୁଳନାରେ ୧୪ ପ୍ରତିଶତ ବୃଦ୍ଧି। ମନ୍ତ୍ରଣାଳୟ ଘରୋଇ ବିକ୍ରୟଯୋଗ୍ୟ ଇସ୍ପାତ ଏବଂ ଗୋଦାମରୁ ଘର ବିତରଣ ସମେତ ବହୁବିଧ ଉତ୍ପାଦ ବର୍ଗ ଏବଂ ବଣ୍ଟନ ଚ୍ୟାନେଲରେ ଗୁରୁତ୍ୱପୂର୍ଣ୍ଣ ଅଭିବୃଦ୍ଧିରେ ଅବଦାନ ରଖିଛି।

ଭୁବନେଶ୍ଵର: ଅଦରକାରୀ ନଡ଼ିଆ ଖୋଳପା ବା ସଢେଇରୁ ତିଆରି ହେଉଛି ଭଳିକି ଭଳି ଘରକରଣା ସାମଗ୍ରୀ। କେନ୍ଦ୍ରାପଡା ଜିଲ୍ଲା ନିକିରାଇ ଗ୍ରାମର ସୁମନ ସେଠୀ ଏହି ସଢେଇକୁ ବ୍ୟବହାର କରି ବଭିନ୍ନ ସୌଖୀନ ଜିନିଷ ପ୍ରସ୍ତୁତ କରୁଛନ୍ତି। ସୁମନ ଜଣେ ଇଲେକ୍ଟ୍ରିସିଆନ ଭାବେ କାମ କରୁଥିଲେ ବି ନିଶା ତାଙ୍କର ସଢେଇ କଳା। ବିନା ତାଲିମରେ ସେ ହରିଣ, ବାଘ, କୁକୁର, ବିଲେଇ, ଫଳନ୍ତି ନଡିଆ ଗଛ, ଫୁଲଦାନୀ, ଗୁଣ୍ଡୁଚିମୁଷା ଓ ଚତୁର୍ଦ୍ଧା ମୂର୍ତ୍ତି ଆଦି କଳାକୃତି ଗଢ଼ୁଛନ୍ତି। ଏସବୁ କଳାକୃତୀ ଦେଖିବାକୁ ଯେତିକି ସୁନ୍ଦର ସେତିକି ନିଆରା। ନିଜସ୍ବ ଅଧ୍ୟବସାୟ ବଳରେ ସେ ସୃଷ୍ଟି କରିପାରିଛନ୍ତି ନିଜର ସ୍ୱତନ୍ତ୍ର ପରିଚୟ। ପୂଜାରେ ଲାଗି ହେବା ପରେ ସଢେଇକୁ ଲୋକମାନେ ଫୋପାଡି ଦେଉଥିବା ବେଳେ ତାହାକୁ ସଂଗ୍ରହ କରି ବିଭିନ୍ନ ପ୍ରକାର ଘରକରଣା ଓ ସୌଖିନ ସାମଗ୍ରୀ ନିର୍ମାଣ କରୁଥାନ୍ତି ସୁମନ। ପ୍ରଥମେ ସଢେଇ ସଂଗ୍ରହ କରି ତାହାକୁ ନିଜ ହାତ…