The Samikhsya Odia
ନୂଆଦିଲ୍ଲୀ: ସାଂସଦ ତଥା ପୂର୍ବତନ ମନ୍ତ୍ରୀ ଶ୍ରୀ ରତନ ଲାଲ କଟାରିଆଙ୍କ ପରଲୋକରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଗଭୀର ଶୋକ ବ୍ୟକ୍ତ କରିଛନ୍ତି ।
ଏକ ଟୁଇଟରେ ପ୍ରଧାନମନ୍ତ୍ରୀ କହିଛନ୍ତି:
ସାଂସଦ ତଥା ପୂର୍ବତନ ମନ୍ତ୍ରୀ ଶ୍ରୀ ରତନ ଲାଲ କଟାରିଆଙ୍କ ପରଲୋକରେ ଅତ୍ୟନ୍ତ ଦୁଃଖିତ । ଜନସେବା ଏବଂ ସାମାଜିକ ନ୍ୟାୟରେ ତାଙ୍କ ଗୁରୁତ୍ୱପୂର୍ଣ୍ଣ ଯୋଗଦାନ ପାଇଁ ତାଙ୍କୁ ମନେ ରଖାଯିବ । ସେ ହରିୟାଣାରେ ବିଜେପିକୁ ମଜଭୁତ କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲେ । ତାଙ୍କ ପରିବାର ଓ ସମର୍ଥକଙ୍କ ପ୍ରତି ସମବେଦନା । ଓମ୍ ଶାନ୍ତି ।
ଭୁବନେଶ୍ବର: ଦୀର୍ଘ କିଛି ଦିନ ଧରି ସାରା ରାଜ୍ୟ ପ୍ରବଳ ଗ୍ରୀଷ୍ମ ପ୍ରବାହରେ ଡହଳବିକଳ ହେବାରେ ଲାଗିଛି। ଏପରିକି ପଶ୍ଚିମ ଓଡିଶା ସବୁଠାରୁ ଉତ୍ତପ୍ତ ହୋଇଉଠିଛି। ଫଳରେ ସେଠାରେ ସକାଳୁ ସକାଳୁ ଯିବା ଆସିବା କରିବା କଷ୍ଟକର ହୋଇପଡିଛି। ତେବେ ଏହିପରି ଗରମ ଆହୁରି ପ୍ରବାହିତ ହେବ ବୋଲି ଜଣାପଡିଛି।
ତେବେ ପାଣିପାଗ ବିଭାଗ ଅନୁସାରେ ଆଜି ଦିନ ୧୧.୩୦ ସୁଦ୍ଧା ରେକର୍ଡ କରାଯାଇଥିବା ତାପମାତ୍ରା ହେଲା
ଝାରସୁଗୁଡା: ୪୦.୬ ଡ଼ିଗ୍ରୀ
ସମ୍ବଲପୁର: ୪୦.୪ ଡ଼ିଗ୍ରୀ
ହୀରାକୁଦ: ୩୯.୪ ଡ଼ିଗ୍ରୀ
ଚାନ୍ଦବାଲି: ୩୭.୮ ଡ଼ିଗ୍ରୀ
ଭୁବନେଶ୍ୱର: ୩୬.୨ ଡ଼ିଗ୍ରୀ
କେନ୍ଦୁଝର: ୩୪.୮ ଡ଼ିଗ୍ରୀ
ବାଲେଶ୍ୱର: ୩୪.୬ ଡ଼ିଗ୍ରୀ
ପୁରୀ: ୩୪.୦ ଡ଼ିଗ୍ରୀ
ଗୋପାଳପୁର: ୩୩.୪ ଡ଼ିଗ୍ରୀ
ପାରାଦୀପ: ୩୩.୦ ଡ଼ିଗ୍ରୀ
ନୂଆଦିଲ୍ଲୀ: ଆସନ୍ତାକାଲି ହେଉଛି ସାବିତ୍ରୀ ବ୍ରତ। ଏହି ଦିନ ସଧବା ମହିଳାମାନେ ବ୍ରତ କରି ଉପବାସ ରହିଥାନ୍ତି। ସେମାନେ ଏହି ବ୍ରତ କଲେ ସ୍ବାମୀଙ୍କର ମଙ୍ଗଳ ହୁଏ ବୋଲି ବିଶ୍ବାସ ରହିଛି। ସେଥିପାଇଁ ଏହି ସାବିତ୍ରୀ ବ୍ରତ ଓଡିଶାର ଘରେଘରେ ପାଳନ କରାଯାଇଥାଏ।
ସାବିତ୍ରୀ ଅମାବାସ୍ୟା ଦିନ ଏହି କାମ କରନ୍ତୁ ନାହିଁ, ଏହା ସ୍ୱାମୀଙ୍କ ପାଇଁ ଅଶୁଭ ହେବ:
ଏକ ସ୍ଥିର ମନ ଏବଂ ଏକାଗ୍ର ମନ ସହିତ ସାବିତ୍ରୀ ଅମାବାସ୍ୟାରେ ଉପବାସ ରଖନ୍ତୁ। ସଠିକ୍ ଉପାସନା କରନ୍ତୁ। ଏହି ଦିନ କିଛି କାର୍ଯ୍ୟ କରିବା ଆବଶ୍ୟକ ନାହିଁ। ଯାହା ଦ୍ଵାରା ଇଚ୍ଛାକୃତ ଫଳାଫଳ ମିଳିପାରିବ।
ଏହି ଦିନ ନିମ୍ନଲିଖିତ ଜିନିଷକୁ ଏଡ଼ାଇବା ଉଚିତ୍: –
– ଏହି ଦିନ କାହାକୁ ଅସମ୍ମାନ କରାଯିବା ଉଚିତ ନୁହେଁ।
– କଠୋର ଭାଷା ବ୍ୟବହାର କରନ୍ତୁ ନାହିଁ।
– ଏହି ଦିନ ଶବଦାହ ସ୍ଥାନକୁ ଯାଆନ୍ତୁ ନାହିଁ। କାରଣ ଏହି ଦିନ ନକାରାତ୍ମକ ଶକ୍ତି ଜାଗ୍ରତ ହୋଇଥାଏ।
– ଏହି ଦିନ ବର ଗଛକୁ ପୂଜା କରିବା ଉଚିତ। କିନ୍ତୁ ବର ଗଛକୁ କେବେବି ଛୁଇଁବେ ନାହିଁ।
– ଏହି ଦିନ ବିଳମ୍ବିତ ରାତି ପର୍ଯ୍ୟନ୍ତ ଶୋଇବା ଉଚିତ୍ ନୁହେଁ।
– ଶାରୀରିକ ସମ୍ପର୍କ କରିବା ଉଚିତ୍ ନୁହେଁ।
– ଏହି ଦିନ ମାଂସ ମଦ ବ୍ୟବହାର କରିବା ଉଚିତ୍ ନୁହେଁ।
– ଅମାବାସ୍ୟା ଦିନ କେଶ ଏବଂ ନଖ କାଟନ୍ତୁ ନାହିଁ।
ନୂଆଦିଲ୍ଲୀ: ଆଜି ମନ୍ତ୍ରୀ କିରଣ ରିଜିଜୁଙ୍କ ଆଇନ ବିଭାଗ ଯିବା ପରେ ସେ ନିଜର ଟୁଇଟର ପ୍ରୋଫାଇଲକୁ ପରିବର୍ତ୍ତନ କରିଛନ୍ତି। ପୂର୍ବରୁ ସେ ଏହି ପ୍ରୋଫାଇଲରେ ଆଇନ ଓ ବିଚାର ବିଭାଗ ମନ୍ତ୍ରୀ ଭାବେ ଉଲ୍ଲେଖ କରିଥିଲେ। ତେବେ ରାଷ୍ଟ୍ରପତି ଭବନରୁ ବିଜ୍ଞପ୍ତି ବାହାରିବା ପରେ ସେ ଏହାକୁ ପରିବର୍ତ୍ତନ କରି ଆର୍ଥ ସାଇନସ ମନ୍ତ୍ରୀ ବୋଲି ଉଲ୍ଲେଖ କରିଛନ୍ତି।
ଆଜି ହଠାତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କେନ୍ଦ୍ର ମନ୍ତ୍ରୀମଣ୍ଡଳରେ ଛୋଟ ଧରଣ ଅଦଳ ବଦଳ କରିଛନ୍ତି। ଏହି ପରିପ୍ରେକ୍ଷୀରେ ସେ ଆଇନ ମନ୍ତ୍ରୀ କିରଣ ରିଜିଜୁଙ୍କଠାରୁ ଆଇନ ବିଭାଗ କାଢି ନିଆଯାଇଛି। ବର୍ତ୍ତମାନ ଆଇନ ବିଭାଗକୁ ରାଷ୍ଟ୍ରମନ୍ତ୍ରୀ ଅର୍ଜୁନ ରାମ ମେଘବାଲଙ୍କୁ ପ୍ରଦାନ କରାଯାଇଛି। ସେ ନିଜ ବିଭାଗ ସହିତ ଆଇନ ବିଭାଗକୁ ସ୍ବାଧୀନ ଭାବେ ତୁଲାଇବେ ବୋଲି କୁହାଯାଇଛି।
ସେହିପରି କିରଣ ରିଜିଜୁଙ୍କୁ କେବଳ ଆର୍ଥ ସାଇନସ ବିଭାଗର ମନ୍ତ୍ରୀ ଭାବେ ଦାୟିତ୍ବ ଦିଆଯାଇଛି। ଏହି ବିଭାଗର ଦାୟିତ୍ବରେ ଥିଲେ ମନ୍ତ୍ରୀ ଜିତେନ୍ଦ୍ର ସିଂ। ଏ ନେଇ ଆଜି ରାଷ୍ଟ୍ରପତି ଭବନରୁ ବିଜ୍ଞପ୍ତି ପ୍ରକାଶ ପାଇଛି। ତେବେ ହଠାତ ପ୍ରଧାନମନ୍ତ୍ରୀ ମୋଦୀ ଏପରି କାହିଁକି କଲେ ସେ ନେଇ କିଛି ଜଣାପଡି ନାହିଁ।
ନୂଆଦିଲ୍ଲୀ: ଆଜି ହଠାତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କେନ୍ଦ୍ର ମନ୍ତ୍ରୀମଣ୍ଡଳରେ ଛୋଟ ଧରଣ ଅଦଳ ବଦଳ କରିଛନ୍ତି। ଏହି ପରିପ୍ରେକ୍ଷୀରେ ସେ ଆଇନ ମନ୍ତ୍ରୀ କିରଣ ରିଜିଜୁଙ୍କଠାରୁ ଆଇନ ବିଭାଗ କାଢି ନିଆଯାଇଛି। ବର୍ତ୍ତମାନ ଆଇନ ବିଭାଗକୁ ରାଷ୍ଟ୍ରମନ୍ତ୍ରୀ ଅର୍ଜୁନ ରାମ ମେଘବାଲଙ୍କୁ ପ୍ରଦାନ କରାଯାଇଛି। ସେ ନିଜ ବିଭାଗ ସହିତ ଆଇନ ବିଭାଗକୁ ସ୍ବାଧୀନ ଭାବେ ତୁଲାଇବେ ବୋଲି କୁହାଯାଇଛି।
ସେହିପରି କିରଣ ରିଜିଜୁଙ୍କୁ କେବଳ ଆର୍ଥ ସାଇନସ ବିଭାଗର ମନ୍ତ୍ରୀ ଭାବେ ଦାୟିତ୍ବ ଦିଆଯାଇଛି। ଏହି ବିଭାଗର ଦାୟିତ୍ବରେ ଥିଲେ ମନ୍ତ୍ରୀ ଜିତେନ୍ଦ୍ର ସିଂ। ଏ ନେଇ ଆଜି ରାଷ୍ଟ୍ରପତି ଭବନରୁ ବିଜ୍ଞପ୍ତି ପ୍ରକାଶ ପାଇଛି। ତେବେ ହଠାତ ପ୍ରଧାନମନ୍ତ୍ରୀ ମୋଦୀ ଏପରି କାହିଁକି କଲେ ସେ ନେଇ କିଛି ଜଣାପଡି ନାହିଁ।
କଟକ : ମାଧ୍ୟମିକ ଶିକ୍ଷା ପରିଷଦ ଦ୍ବାରା ପରିଚାଳିତ ମାଟ୍ରିକ୍ ପରୀକ୍ଷା ଫଳ ପ୍ରକାଶ ପାଇଛି। ଏଥିସହିତ ମଧ୍ୟମା ଓ ରାଜ୍ୟ ମୁକ୍ତ ବିଦ୍ୟାଳୟ ପରୀକ୍ଷା ଫଳ ମଧ୍ୟ ପ୍ରକାଶ ପାଇଛି। କଟକସ୍ଥିତ ବୋର୍ଡ ମୁଖ୍ୟାଳୟରେ ଗଣଶିକ୍ଷା ବିଭାଗ ମନ୍ତ୍ରୀ ପ୍ରମିଳା ମଲ୍ଲିକ ଏହି ପୁସ୍ତିକାକୁ ଉନମୋଚନ କରିଛନ୍ତି। ତାଙ୍କ ସହିତ ଗଣଶିକ୍ଷା ସଚିବ ଏବଂ ବୋର୍ଡ ସଭାପତି ପ୍ରମୁଖ ଉପସ୍ଥିତି ଥିଲେ।
ଚଳିତ ବର୍ଷ ପାସ ହାର ରହିଛି ୯୬.୪0 ପ୍ରତିଶତ। ସେଥିରେ ଏ-୧ରେ ୪,୧୫୮ ଜଣ ପାସ କରିଥିବାବେଳେ ଏ-୨ରେ ୨୯,୮୩୮ଜଣ ଛାତ୍ରଛାତ୍ରୀ ପାସ କରିଛନ୍ତି । ସେହିପରି ବି-୧ରେ ୭୭,୫୬୭ ଜଣ ପାସ କରିଥିବାବେଳେ ବି-୨ରେ୧, ୧୮,୭୫୦ ଜଣ ଛାତ୍ରଛାତ୍ରୀ ପାସ କରିଛନ୍ତି । ତେବେ ଏଥର ବି ପାସହାରରେ ଛାତ୍ରୀମାନେ ଆଗରେ ଅଛନ୍ତି ।
ଏଥର ଛାତ୍ରୀଙ୍କ ପାସ ହାର ୯୭.୦୫ ପ୍ରତିଶତ ଥିବାବେଳେ ଛାତ୍ରଙ୍କ ପାସହାର ୯୫.୭୫ ପ୍ରତିଶତ ରହିଛି । ତେବେ କଟକ ଓ ଜଗତସିଂହପୁର ଜିଲ୍ଲାର ପାସହାର ସର୍ବାଧିକ ରହିଛି । ଏହି ଦୁଇ ଜିଲ୍ଲାରେ ପାସହାର ୯୭.୯୯% ରହିଛି । ତେବେ ମାଲକାନଗିରିରେ ପାସହାର ସର୍ବନିମ୍ନ ରହିଥିବା ଜଣାଯାଇଛି । ଏଠାରେ ପାସ ହାର ୯୨.୬୩ ପ୍ରତିଶତ ରହିଛି। ତେବେ ରାଜ୍ୟର ୩୨୨୨ଟି ସ୍କୁଲରେ ଶତ ପ୍ରତିଶତ ରେଜଲ୍ଟ ହୋଇଥିବା ଜଣାପଡିଛି।
ଆଜି ମଧ୍ୟାହ୍ନ ୧୨ଟାରେ ଛାତ୍ରଛାତ୍ରୀମାନେ ମାଧ୍ୟମିକ ଶିକ୍ଷା ପରିଷଦର ଅଫିସିଆଲ ୱେବ ସାଇଟ www.bseodisha.ac.in ରୁ ପରୀକ୍ଷା ଫଳ ପାଇପାରିବେ। ସେହିପରି ମୋବାଇଲ୍ ଏସ୍ଏମ୍ଏସ୍ ଦ୍ୱାରା ମଧ୍ୟ ପରୀକ୍ଷାଫଳ ଜାଣିହେବ । ପରୀକ୍ଷାର୍ଥୀ ନିଜ ମୋବାଇଲରୁ OR10 ଟାଇପ୍ କରି ୫୬୭୬୭୫୦ ନମ୍ୱରକୁ ପଠାଇ ଫଳାଫଳ ଜାଣି ପାରିବେ।
ଚଳିତ ବର୍ଷ ୫ ଲକ୍ଷ ୪୧ ହଜାର ୨୪୭ ଜଣ ପିଲା ମାଟ୍ରିକ୍ ପରୀକ୍ଷା ଦେଇଛନ୍ତି। ୩ ହଜାର ୨୧୮ଟି କେନ୍ଦ୍ରରେ ମାଟ୍ରିକ୍ ପରୀକ୍ଷା ହୋଇଥିଲା। ରାଜ୍ୟରେ ୫୫ଟି ମୂଲ୍ୟାୟନ କେନ୍ଦ୍ରରେ ପରୀକ୍ଷାର୍ଥୀଙ୍କ ଉତ୍ତର ଖାତାର ମୂଲ୍ୟାୟନ ଏପ୍ରିଲ ୩ ତାରିଖରୁ ଆରମ୍ଭ ହୋଇ ୧୨ ଦିନ ପର୍ଯ୍ୟନ୍ତ ଚାଲିଥିଲା।
ଭୁବନେଶ୍ବର: ଆଜି ପ୍ରକାଶ ପାଇବ ଓଡିଶା ମାଧ୍ୟମିକ ଶିକ୍ଷା କେନ୍ଦ୍ରର ଦଶମ ବା ମାଟ୍ରିକ ପରୀକ୍ଷା ଫଳ। ଆଜି ସକାଳ ୧୦ଟାରେ ଫଳାଫଳ ପ୍ରକାଶ ପାଇବ। ମାଟ୍ରିକ୍ ସହିତ ସଂସ୍କୃତ ମଧ୍ୟମା ଏବଂ ଷ୍ଟେଟ ଓପନ ସ୍କୁଲ ସାର୍ଟିଫିକେଟ୍ ପରୀକ୍ଷା ଫଳ ମଧ୍ୟ ପ୍ରକାଶ ପାଇବ।
ଆଜି ମଧ୍ୟାହ୍ନ ୧୨ଟାରେ ଛାତ୍ରଛାତ୍ରୀମାନେ ମାଧ୍ୟମିକ ଶିକ୍ଷା ପରିଷଦର ଅଫିସିଆଲ ୱେବ ସାଇଟ www.bseodisha.ac.in ରୁ ପରୀକ୍ଷା ଫଳ ପାଇପାରିବେ। ସେହିପରି ମୋବାଇଲ୍ ଏସ୍ଏମ୍ଏସ୍ ଦ୍ୱାରା ମଧ୍ୟ ପରୀକ୍ଷାଫଳ ଜାଣିହେବ । ପରୀକ୍ଷାର୍ଥୀ ନିଜ ମୋବାଇଲରୁ OR10 ଟାଇପ୍ କରି ୫୬୭୬୭୫୦ ନମ୍ୱରକୁ ପଠାଇ ଫଳାଫଳ ଜାଣି ପାରିବେ।
ଚଳିତ ବର୍ଷ ୫ ଲକ୍ଷ ୪୧ ହଜାର ୨୪୭ ଜଣ ପିଲା ମାଟ୍ରିକ୍ ପରୀକ୍ଷା ଦେଇଛନ୍ତି। ୩ ହଜାର ୨୧୮ଟି କେନ୍ଦ୍ରରେ ମାଟ୍ରିକ୍ ପରୀକ୍ଷା ହୋଇଥିଲା। ରାଜ୍ୟରେ ୫୫ଟି ମୂଲ୍ୟାୟନ କେନ୍ଦ୍ରରେ ପରୀକ୍ଷାର୍ଥୀଙ୍କ ଉତ୍ତର ଖାତାର ମୂଲ୍ୟାୟନ ଏପ୍ରିଲ ୩ ତାରିଖରୁ ଆରମ୍ଭ ହୋଇ ୧୨ ଦିନ ପର୍ଯ୍ୟନ୍ତ ଚାଲିଥିଲା।
ସୀତାରାମ ଅଗ୍ରୱାଲ
ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଏନଏସି ୫୦ ବର୍ଷରେ ପାଦ ଥାପିଥିବା ବେଳେ ଅଦ୍ୟାବଧି ଏଠାରେ ଡ୍ରେନେଜ ବ୍ୟବସ୍ଥା ହୋଇପାରୁନାହିଁ। ଯାହାକି ଅତ୍ୟନ୍ତ ଲଜ୍ଜାଜନକ ବିଷୟ। ଏନଏସି ବାସିନ୍ଦା ସରକାରଙ୍କୁ ଟିକସ ଦେଉଥିବା ବେଳେ ମୌଳିକ ସୁବିଧାରୁ ବଞ୍ଚିତ ହେଉଛନ୍ତି। ଡ୍ରେନେଜ ନିର୍ମାଣ ବ୍ୟବସ୍ଥା ଏନଏସି ଦାୟିତ୍ୱ ଥିବା ବେଳେ ମୁଖ୍ୟ ରାସ୍ତାଟି ପୂର୍ତ୍ତବିଭାଗ ଅଧୀନରେ ଯାଉଛି।
ଫଳରେ ଉଭୟ ବିଭାଗ ପରସ୍ପରକୁ କାଦୁଅ ଫିଙ୍ଗିବାରେ ବ୍ୟସ୍ତ କିନ୍ତୁ ସମସ୍ୟାର ସମାଧାନ ହେଇପାରୁନାହିଁ। ଅଦିନିଆ କାଳବୈଶାଖୀ ବର୍ଷାରେ ସହରର ମୁଖ୍ୟ ରାସ୍ତାରେ ଆଣ୍ଠୁଏ ପାଣି ଜମୁଛି। ଦୁଇ ଦିନ ତଳେ ହୋଇଥିବା ସାମାନ୍ୟ କାଳବୈଶାଖୀ ବର୍ଷାରେ ବିଧାରପୁର ଛକରେ ଅଦ୍ୟାବଧି ପାଣି ଜମି ରହିଥିବାର ଦେଖିବାକୁ ମିଳିଛି। ତେବେ ଏଥିପାଇଁ ପୂର୍ତ୍ତବିଭାଗ ସମ୍ପୂର୍ଣ୍ଣ ଦାୟୀ ବୋଲି ଆଲୋଚନା ହେଉଛି।
ଆଗକୁ ମୌସୁମୀ ଆସିବାକୁ ଥିବାବେଳେ ଅଦ୍ୟାବଧି ଏନଏସି ରେ ଡ୍ରେନେଜ ବ୍ୟବସ୍ଥା ହୋଇପାରିନାହିଁ। ଫଳରେ ଆଗକୁ ପୁନଶ୍ଚ ବାଣପୁର ସହର ଜଳବନ୍ଦୀ ହେବ ଏଥିରେ କୌଣସି ସନ୍ଦେହ ନାହିଁ। ଅନୁରୂପ ଭାବେ ଏନଏସି ର ଏକାଧିକ ତଳିଆ ୱାର୍ଡରେ ମଧ୍ୟ ଡ୍ରେନେଜ ବ୍ୟବସ୍ଥା ନାହିଁ। ଫଳରେ ବର୍ଷା ଜଳ ତଥା ନିତ୍ୟବ୍ୟବହାର୍ଯ୍ୟ ଜଳ ନିଷ୍କାସନ ପାଇଁ ବାଟ ନାହିଁ। ଯଦି ପୂର୍ତ୍ତବିଭାଗ ପକ୍ଷରୁ ମୁଖ୍ୟ ରାସ୍ତାରେ ଡ୍ରେନେଜ ନିର୍ମାଣ କରାଯାଏ ତେବେ ଅନ୍ୟ ୱାର୍ଡ ଗୁଡିକରେ ଡ୍ରେନେଜ ସଂଯୋଗୀକରଣ ରେ କୌଣସି ଅସୁବିଧା ହେବ ନାହିଁ।
ଏନଏସି କର୍ତ୍ତୃପକ୍ଷଙ୍କ କହିବା କଥା ପୂର୍ତ୍ତବିଭାଗ ଯେତେଶୀଘ୍ର ମୁଖ୍ୟ ରାସ୍ତାରେ ଡ୍ରେନ ନିର୍ମାଣ କରିବ ସେତେଶୀଘ୍ର ଏନଏସି ରେ ୱାର୍ଡ ୱାରୀ ଡ୍ରେଜେନ ନିର୍ମାଣ କରାଯିବ। ତେବେ ବିଡମ୍ବନାର ବିଷୟ ଏ ନେଇ ଦୀର୍ଘ ଦୁଇ ବର୍ଷ ହେବ ବିଭିନ୍ନ ଗଣମାଧ୍ୟମରେ ବାରମ୍ବାର ଖବର ପ୍ରକାଶ ପାଇବା ସହ ଜିଲ୍ଲାପାଳ ଏବଂ ବିଭାଗୀୟ ଅଧିକାରୀଙ୍କୁ ବାରମ୍ବାର ଅଭିଯୋଗ କରାଯାଇଥିଲେ ସୁଦ୍ଧା କିଛି ସୁଫଳ ମିଳିନାହିଁ।
ଖୋର୍ଦ୍ଧା ଜିଲ୍ଲାରେ ସ୍ଥାୟୀ ପୂର୍ତ୍ତବିଭାଗ ନିର୍ବାହୀ ଅଧିକାରୀଙ୍କୁ ନିଯୁକ୍ତି ମିଳୁନଥିବା ବେଳେ ସଦାବେଳେ ପଡୋଶୀ ଜିଲ୍ଲାର ଅଧିକାରୀଙ୍କୁ ଅତିରିକ୍ତ ଦାଇତ୍ୱ ଦିଆଯାଉଛି। ଫଳରେ ଉନ୍ନୟନ କାର୍ଯ୍ୟ କ୍ଷିପ୍ର ହୋଇପାରୁନାହିଁ। ଅନୁରୂପ ଭାବେ ସ୍ଥାନୀୟ ଜନପ୍ରତିନିଧିମାନଙ୍କ ମଧ୍ୟ ଉକ୍ତ ସମସ୍ୟାକୁ ନେଇ ପାଟି ସମ୍ପୂର୍ଣ୍ଣ ଚୁପ।
କେବଳ ନିର୍ବାଚନ ବେଳେ ଭୋଟ ପାଇଁ ମୁହଁ ଦେଖାଉଥିବା ନେତାମାନଙ୍କୁ ଆଗାମୀ ଦିନରେ ବାଣପୁର ଜନସାଧାରଣ ଉଚିତ ଜବାବ ଦେବେ ବୋଲି ଚର୍ଚ୍ଚା ହେଉଛି। ଯଦି ମୌସୁମୀ ପୁର୍ବରୁ ବାଣପୁର ଏନଏସି ରେ ଡ୍ରେନେଜ ନିର୍ମାଣ ନହୁଏ ତେବେ ବହୁ ସାମାଜିକ ସଂଗଠନ ବାଧ୍ୟ ହୋଇ ଆନ୍ଦୋଳନକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି।
ସୀତାରାମ ଅଗ୍ରୱାଲ
ବାଣପୁର: ବାଣପୁର ଥାନା ଅନ୍ତର୍ଗତ ଖୁଣ୍ଟପଲ୍ଲୀ ଗ୍ରାମର ଜଣେ କଲେଜ ଛାତ୍ରୀ ଆଜି ଆତ୍ମହତ୍ୟା କରିଥିବାର ଅଭିଯୋଗ ହୋଇଛି । ସୂଚନା ମୁତାବକ ଚଗଲା ଜେନାଙ୍କ ଝିଅ ସୁନିତା ଜେନା(୧୭) ଆଜି ସଂନ୍ଧ୍ୟାରେ କୌଣସି କାରଣବଶତଃ ଚାଉଳ ବିଷ ଖାଇ ଦେଇଥିଲେ ।
ସଙ୍ଗେସଙ୍ଗେ ପରିବାର ବର୍ଗ ତାଙ୍କୁ ବାଣପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ନିମନ୍ତେ ଆଣିଥିବା ବେଳେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି । ଏ ନେଇ ମେଡିକାଲ ପକ୍ଷରୁ ବାଣପୁର ପୋଲିସ କୁ ସୂଚନା ଦିଆଯିବା ପରେ ପୋଲିସ ଶବ ଜବତ କରିଛି । ମୃତ ସୁନିତା ବାଣପୁର ଗ୍ରାମୀଣ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟର ଦ୍ୱାଦଶ ଶ୍ରେଣୀର ଛାତ୍ରୀ ଥିଲେ ବୋଲି ଜଣାପଡିଛି । ଏହି ଘଟଣାର କାରଣ କଣ ଜଣାପଡି ନାହିଁ।
ନୂଆଦିଲ୍ଲୀ: ଆଜି ବିଜେପିର ରାଷ୍ଟ୍ରୀୟ ସଭାପତି ଜେ ପି ନଡ୍ଡାଙ୍କୁ ସାକ୍ଷାତ କରିଛନ୍ତି ଓଡିଶା ବିଜେପି ସଭାପତି ମନମୋହନ ସାମଲ। ଝାରସୁଗୁଡା ଉପନିର୍ବାଚନର ପରାଜୟ ପରେ ମନମୋହନ ନଡ୍ଡାଙ୍କୁ ସାକ୍ଷାତ କରିଛନ୍ତି। ସେ ଏହି ନିର୍ବାଚନରେ ପରାଜୟ କାରଣ ସଂପର୍କରେ ନଡ୍ଡାଙ୍କୁ ଅବଗତ କରାଇଥିବାର ଜଣାପଡିଛି।
ଆସନ୍ତାକାଲି ପ୍ରଧାନମନ୍ତ୍ରୀ ପୁରୀ ହାୱାଡା ବନ୍ଦେ ଭାରତ ଏକ୍ସପ୍ରେସର ଶୁଭ ଉଦଘାଟନ କରିବେ। ସେ ନେଇ ସେ ଆଲୋଚନା କରିଥିବାର ଜଣାପଡିଛି। ସେହିପରି ଆସନ୍ତା କୋଡିଏ ତାରିଖରେ ଓଡିଶା ରାଜ୍ୟ ବିଜେପିର କାର୍ଯ୍ୟକାରୀଣି ବୈଠକ ହେବାର ଅଛି। ସେ ନେଇ ନଡ୍ଡାଙ୍କ ସହିତ ମନମୋହନ ଆଲୋଚନା କରିଛନ୍ତି।
ଏଥିସହିତ ସେ ଓଡିଶା ବିଜେପିର ନୂଆ ଟିମ ତାଲିକା ସଂପର୍କରେ ନଡ୍ଡାଙ୍କ ସହିତ ଆଲୋଚନା କରିଛନ୍ତି। ଏହା ସହ ମନମୋହନ ରାଷ୍ଟ୍ରୀୟ ସଙ୍ଗଠନ ମହାସଚିବ ବି. ଏଲ ସନ୍ତୋଷ ଏବଂ ରାଷ୍ଟ୍ରୀୟ ମହାସଚିବ ତଥା ଓଡ଼ିଶା କ୍ଷେତ୍ରୀୟ ପ୍ରଭାରୀ ସୁନୀଲ ବଂଶଲ ଏବଂ ସହ ପ୍ରଭାରୀ ବିଜୟ ପାଲ ସିଂ ତୋମରଙ୍କୁ ମଧ୍ୟ ଭେଟିଥିବା ଜଣାପଡ଼ିଛି।
ଭୁବନେଶ୍ୱର : ଭାରତର ସର୍ବବୃହତ୍ ଶିକ୍ଷା ପ୍ଲାଟ୍ଫର୍ମ ଅନଏକାଡେମି ପକ୍ଷରୁ ଓଡିଶାର ଭୁବନେଶ୍ୱରଠାରେ ଏହାର ପ୍ରଥମ ଅନଏକାଡେମି ଷ୍ଟୋରର ଉଦ୍ଘାଟନ କରାଯାଇଛି। ଅନଏକାଡେମି ଷ୍ଟୋର୍ଗୁଡିକ ହେଉଛି ବ୍ରାଣ୍ଡର ସୁବିଧା ଏବଂ ବିଶେଷଜ୍ଞମାନଙ୍କ ସହଯୋଗ ହାସଲ କରିବା ପାଇଁ ଶିକ୍ଷାର୍ଥୀମାନଙ୍କ ପାଇଁ ଏକ ଅଫଲାଇନ୍ ଏକ୍ସପେରିଏନ୍ସିଆଲ ଟଚପଏଂଟ୍।
ଏଠାରେ ଶିକ୍ଷାର୍ଥୀମାନେ ଏହାର ଉନ୍ନତ ସୁବିଧାଗୁଡିକର ଅନୁଭୂତି ସହିତ ପ୍ଲାଟଫର୍ମରେ ବ୍ରାଣ୍ଡର ଅଫରିଙ୍ଗଗୁଡିକୁ ବୁଝିପାରିବେ। ଏକ ଆଧୁନିକ ଓ ସରଳ ଡିଜାଇନ୍ ଆଭିମୁଖ୍ୟ ସହ ନିର୍ମିତ ଏହି ଅନଏକାଡେମି ଷ୍ଟୋର୍ ମାଧ୍ୟମରେ ଶିକ୍ଷାର୍ଥୀମାନେ ନିଜର ଚୟନ କରିଥିବା କ୍ୟାରିୟର ମାର୍ଗ ସମ୍ପର୍କରେ ସୂଚନା ପାଇପାରିବେ ଏବଂ ସମାନ ଆଗ୍ରହ ରଖିଥିବା ଅନ୍ୟ ଶିକ୍ଷାର୍ଥୀମାନଙ୍କ ସହ ଯୋଡ଼ି ହୋଇପାରିବେ।
ଏହି ଶୁଭାରମ୍ଭ ଅବସରରେ ଅନଏକାଡେମି ଷ୍ଟୋର ଫ୍ରାଂଚାଇଜ ମାଲିକ ଶ୍ରୀ ଜୟ ସଦାନୀ, ଗ୍ରୋଥ ମ୍ୟାନେଜର ଶ୍ରୀ ଅନୁରାଗ ଶର୍ମା, ୱାର୍ଡ୧୫ କର୍ପୋରେଟର ଶ୍ରୀମତୀ ପିଙ୍କି ସ୍ୱାଇଁ ଏବଂ ଅନଏକାଡେମି ଆସୋସିଏଟ ଡାଇରେକ୍ଟର ଶ୍ରୀ ରାଜ କୁମାରନ ପ୍ରମୁଖ ଉପସ୍ଥିତ ଥିଲେ।
ଏହି ନୂଆ ଅନଏକାଡେମି ଷ୍ଟୋର୍ ଶୀତଲ ଆନେକ୍ସ, ୬୮୭/୨୫୧୬, ଏକାମ୍ର କାନନ ରୋଡ୍, ଏକାମ୍ର ବିହାର, ଆଇଆରସି ଭିଲେଜ୍, ନୟାପଲ୍ଲୀ, ଭୁବନେଶ୍ୱର, ଓଡିଶା ୭୫୧୦୧୫ରେ ଅବସ୍ଥିତ ରହିଛି। ଆଜିଠାରୁ ଆରମ୍ଭ ହେଉଥିବା ଏହି ଅନଏକାଡେମି ଷ୍ଟୋର୍ ସପ୍ତାହର ସମସ୍ତ ୭ ଦିନ ସକାଳ ୧୦ଟାରୁ ରାତି ୮ଟା ପର୍ଯ୍ୟନ୍ତ ଖୋଲା ରହିବ।
ଭୁବନେଶ୍ବର: ଓଡିଶାର ଏକ ବଡ ଟିମ ଦୁବାଇ ଗସ୍ତରେ ଅଛନ୍ତି। ଦୁବାଇରେ ଆୟୋଜିତ ଓଡିଶା ଦିବସରେ ଯୋଗ ଦେବା ପାଇଁ ସେମାନେ ଯାଇଛନ୍ତି। ଏଥିରେ ମନ୍ତ୍ରୀ ଅଶୋକ ପଣ୍ଡାଙ୍କ ସହିତ କେତେକ ବିଧାୟକ ଅଛନ୍ତି। ସେହିପରି ଉନ୍ନୟନ କମିଶନରଙ୍କ ସହିତ କେତେକ ଅଧିକାରୀ ମଧ୍ୟ ଯାଇଛନ୍ତି। ସେହି ଟିମରେ ସାମିଲ ହୋଇଛନ୍ତି ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ତଥା ୫ଟି ସଚିବ ଭି କେ ପାଣ୍ଡିଆନ।
ଦୁବାଇର ଏକ ବଡ ପ୍ରେକ୍ଷାଳୟରେ ଭରପୁର ଓଡିଆଙ୍କୁ ସମ୍ବୋଧିତ କରିଥିଲେ ପାଣ୍ଡିଆନ। ଏଥସହିତ ସେ ଓଡିଆ ଲୋକଙ୍କର ବିଭିନ୍ନ ପ୍ରଶ୍ନର ଉତ୍ତର ମଧ୍ୟ ପ୍ରଦାନ କରିଥିଲେ। ସେଥିରେ ଜଣେ ପ୍ରବାସୀ ଓଡିଆ ପାଣ୍ଡିଆନଙ୍କୁ ମୁଖ୍ୟମନ୍ତ୍ରୀଙ୍କ ଉପରେ ପ୍ରଶ୍ନ କରିଥିଲେ। ସେ କହିଥିଲେ ଯେ, ଆପଣ ମୁଖ୍ୟମନ୍ତ୍ରୀଙ୍କ ପାଖରେ ସବୁବେଳେ ରହୁଛନ୍ତି, ତାଙ୍କଠାରୁ କଣ ଶିକ୍ଷା ଲାଭ କରିଛନ୍ତି କିମ୍ବା ଆପଣଙ୍କୁ ତାଙ୍କର କେଉଁ ଗୁଣ ଉଦବୋଧ କରିଛି।
ଏହାର ଉତ୍ତରରେ ପାଣ୍ଡିଆନ ନବୀନ ପଟ୍ଟନାୟକଙ୍କ ସହିତ ଅଙ୍ଗେ ନିଭା କଥା କେତୋଟି ଉଦାହରଣ ଦେଇଥିଲେ। ସେ କହିଥିଲେ ଯେ, ମୋର ସୌଭାଗ୍ୟ ମୁଁ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହିତ କାମ କରୁଛି। ମୁଖ୍ୟତଃ ତାଙ୍କର ସମୟାନୁବର୍ତ୍ତିତା, ଶାଳୀନତା, ସାଧାରଣ ଚାଲିଚଳଣୀ ମୋତେ ବେଶ ଉଦବୋଧ କରିଛି ବୋଲି ପାଣ୍ଡିଆନ ଭରପୁର ପ୍ରେକ୍ଷାଳୟରେ ଲୋକଙ୍କୁ କହିଥିଲେ।
ସେ କହିଥିଲେ ଯେ, ମୁଁ ଯେତେବେଳେ ମୁଖ୍ୟମନ୍ତ୍ରୀଙ୍କ ସହିତ କାମ ଆରମ୍ଭ କଲି ସେତେବେଳେ ସେ ମାରୁତି ଏସଟିମ୍ ଗାଡିରେ ଯିବା ଆସିବା କରୁଥିଲେ। ପରବର୍ତ୍ତି ସମୟରେ ମାରୁତି କଂପାନୀ ଏହି ଗାଡି ଉତ୍ପାଦନ ବନ୍ଦ କରିଦେଲା। ସେତେବେଳେ ମୁଁ ମୁଖ୍ୟମନ୍ତ୍ରୀଙ୍କୁ ଏହି ଗାଡି ପରିବର୍ତ୍ତନ କରିବା ପାଇଁ ଅନୁରୋଧ କରିଥିଲେ। ସେ ମନା କଲେ, କହିଲେ ଏବେ ଚାଲୁଛି ତ ଚାଲୁ।
ଏହା ପରେ ସେହି ଗାଡି କିଛି ମାସ ଚାଲିଲା। ହେଲେ ହଠାତ ଦିନେ ସେ ଗାଡିଟି ରାସ୍ତାରେ ଅଟକିଗଲା। ସେତେବେଳେ ସାରଙ୍କୁ କହିଲେ ଯେ, ଏହି ଗାଡି ପରିବର୍ତ୍ତନ କରିବା। ମୁଖ୍ୟମନ୍ତ୍ରୀ କିଛି ସମୟ ଚିନ୍ତା କରି କହିଲେ ଯେ, ଠିକ ଅଛି, ତେବେ ମାରୁତି କଂପାନୀ ଏହି ଗାଡିକୁ ପରିବର୍ତ୍ତନ କରି କଣ ନୂଆ ଗାଡି କାଢିଛି ଜାଣିଛ କି ? ଏହାର ଉତ୍ତରେ ସେ କହିଥିଲ ଯେ, ସାରେ ଏହା ବଦଳରେ ମାରୁତି କଂପାନୀ ଏସଏକ୍ସଫୋର ବାହାର କରିଛି। ମୁଖ୍ୟମନ୍ତ୍ରୀ କହିଲେ ସେହି ଗାଡିଟି ଆଣ।
ଏହାପରେ ମୁଖ୍ୟମନ୍ତ୍ରୀଙ୍କୁ ବୁଝାଇବାକୁ ପଡିଲା ଯେ, ସାରେ ସେ ଗାଡିଟି ନିଚା, ଆପଣଙ୍କ ଉଚ୍ଚତା ଛଅ ଫୁଟ ଉପରେ, ଆମେ ଟିକି ଉଚ୍ଚା ଗାଡି କିଣିବା। ହେଲେ ସେ ମନା କଲେ, କହିଲେ ଏହା ହେଉଛି ଓଡିଶା ଲୋକଙ୍କ ପଇସା। ଲୋକଙ୍କ ପଇସା ମୁ ବରବାଦ କରିବାକୁ ଚାହେଁ ନାହିଁ ବୋଲି ସେତେବେଳେ ମୁଖ୍ୟମନ୍ତ୍ରୀ କହିଥିବାର ଉପସ୍ଥିତ ଦର୍ଶକଙ୍କୁ ଜଣାଇଥିଲେ ପାଣ୍ଡିଆନ।
ସେହିପରି ମୁଖ୍ୟମନ୍ତ୍ରୀଙ୍କ ଆଉ ଏକ ନିଷ୍ପତି ମୋତେ ଆଶ୍ଚର୍ଯ୍ୟ କରିଥିଲା ବୋଲି ପାଣ୍ଡିଆନ କହିଥିଲେ। ତାହା ହେଲା ପୁରୀ ସ୍ବର୍ଗଦ୍ବାରରୁ ବିଜୁବାବୁଙ୍କ ସମାଧୀକୁ ସ୍ଥାନାନ୍ତରିତ କରିବା ନିଷ୍ପତି। ସ୍ବର୍ଗଦ୍ବାର ବିକାଶରେ ବିଜୁବାବୁଙ୍କ ସମାଧୀ ସମସ୍ୟା ସୃଷ୍ଟି କରୁଛି ବୋଲି ମୁଖ୍ୟମନ୍ତ୍ରୀ ଜାଣିବା ପରେ ସେ ଏହାକୁ ସ୍ଥାନାନ୍ତରିତ କରିବା ପାଇଁ ନିର୍ଦ୍ଦେଶ ଦେଇଥିଲେ। ଓଡିଶା ଲୋକଙ୍କ ପାଇଁ ନିଜ ବାପା ତଥା ଓଡିଶୀର ପ୍ରବାଦ ପୁରୁଷଙ୍କ ସମାଧୀ ପିଠକୁ ହଠାଇବା ନିଷ୍ପତି ସେତେବେଳେ ଆମକୁ ଆଶ୍ଚର୍ଯ୍ୟ କରିଥିଲା ବୋଲି ପାଣ୍ଡିଆନ କହିଥିଲେ।
ଭୁବନେଶ୍ୱର: ଆଜି ଓଡ଼ିଶା ପ୍ରଦେଶ କଂଗ୍ରେସ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ କମିଟିର ଏକ ବୈଠକ କମିଟିର ଅଧ୍ୟକ୍ଷ ଶ୍ରୀ କିଶୋର ଚନ୍ଦ୍ର ପଟେଲଙ୍କ ଅଧ୍ୟକ୍ଷତାରେ କଂଗ୍ରେସ ଭବନ, ଭୁବନେଶ୍ୱର ଠାରେ ଅନୁଷ୍ଠିତ ହୋଇଯାଇଛି । ବୈଠକରେ ଗତ ୧୩ ତାରିଖ ଦିନ ରାଉରକେଲା ଜିଲ୍ଲା କଂଗ୍ରେସ କାର୍ଯ୍ୟାଳୟ ଠାରେ ହୋଇଥିବା ବିଶୃଙ୍ଖଳିତ କାର୍ଯ୍ୟକଳାପ ସଂପର୍କରେ ଆଲୋଚନା କରାଯାଇଥିଲା ।
ଶୃଙ୍ଖଳା କମିଟିର ସୁପାରିଶ କ୍ରମେ ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀ ଶରତ ପଟ୍ଟନାୟକ ରାଉରକେଲା ଜିଲ୍ଲା କଂଗ୍ରେସ କମିଟିର ପୂର୍ବତନ ଉପସଭାପତି ଶ୍ରୀ ଉମେଶ ଶରଣଙ୍କୁ କଂଗ୍ରେସ ଦଳରୁ ନିଲମ୍ବନ କରିଛନ୍ତି । ସେହିପରି ରାଉରକେଲା ଜିଲ୍ଲା କଂଗ୍ରେସ ସଂଖ୍ୟାଲଘୁ ବିଭାଗ ପୂର୍ବତନ ଅଧ୍ୟକ୍ଷ ସେକ୍ ସବିର ହୁସେନଙ୍କ ବିରୋଧରେ କାହିଁକି ଦୃଢ଼ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାନଯିବ ସେ ସଂପର୍କରେ ପିସିସି ପକ୍ଷରୁ କାରଣ ଦର୍ଶାଅ ନୋଟିସ ଜାରି କରାଯାଇଛି ।
ଯେଉଁ କଂଗ୍ରେସ ନେତୃବୃନ୍ଦ ଓ କର୍ମୀମାନେ ଫେସବୁକ ଓ ଅନ୍ୟ ସାମାଜିକ ଗଣମାଧ୍ୟମରେ କଂଗ୍ରେସ ଦଳର ଶୀର୍ଷ ନେତାମାନଙ୍କୁ ଓ ଦଳର ଭାବମୂର୍ତିକୁ କ୍ଷୂର୍ଣ୍ଣ କରିବାଭଳି ମନ୍ତବ୍ୟ, ଟିପ୍ପଣୀ ଓ ମତ ରଖୁଛନ୍ତି ଯାହା ଫଳରେ ଦଳ ନିନ୍ଦିତ ହେଉଛି ସେମାନେ ଏଭଳି କାର୍ଯ୍ୟରୁ ବିରତ ରୁହନ୍ତୁ ବୋଲି ଆଜିର ଶୃଙ୍ଖଳା କମିଟି ବୈଠକରେ ବିଷଦ ଆଲୋଚନା ହୋଇଥିଲା । ଆଗକୁ ଯଦି ଏଭଳି ଘଟଣା ପୁଣି ନଜରକୁ ଆସେ ତେବେ ସଂପୃକ୍ତ ବ୍ୟକ୍ତି ବିଶେଷଙ୍କ ବିରୁଦ୍ଧରେ ଦୃଢ଼ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାକୁ ନିଷ୍ପତି ଗ୍ରହଣ କରାଯାଇଛି ।
ଭୁବନେଶ୍ବର: ଅଧାରାତି ରେ ୫୦ ବର୍ଷୀୟା ରଞ୍ଜନା ମାର୍ଥା ଙ୍କ ଶେଷକୃତ୍ୟ କାର୍ଯ୍ୟରେ ସହଯୋଗ ର ହାତ ବଢ଼ାଇଛି ଓଡ଼ିଶା-ମୋ ପରିବାର। ବହୁଦିନ ତଳେ ତାଙ୍କ ସ୍ବାମୀଙ୍କ ଦେହାନ୍ତ ହୋଇଥିଲା, ତାଙ୍କର ପୁଅ ଓ ବୋହୂ ସୁନ୍ଦରପଦା ରେ ରହି ଆସୁଥିବା ବେଳେ ସେ ଏକାକୀ ବଡଗଡ ଅଞ୍ଚଳରେ ବାସ କରୁଥିଲେ।
ବ୍ରେନ୍ ଟ୍ୟୁମର ଭଳି ଅସାଧ୍ୟ ରୋଗ ଚିହ୍ନଟ ହେବାପରେ ମାନସିକ ସନ୍ତୁଳନ ହରାଇ ସେ ସମ୍ପୂର୍ଣ୍ଣ ଶଯ୍ୟାଶାୟୀ ଅବସ୍ଥାରେ ଥିଲେ ଓ ଗତକାଲି ଶେଷ ନିଃଶ୍ୱାସ ତ୍ୟାଗ କରିଥିଲେ । ସନ୍ଧ୍ୟା ସମୟରେ ତାଙ୍କ ମୃତ୍ୟୁ ବିଷୟରେ ଜାଣି, ଅଞ୍ଚଳବାସୀ ମାନେ ଓଡ଼ିଶା-ମୋ ପରିବାର ର ହେଲ୍ପ ଲାଇନ୍ ନମ୍ବର ରେ ସହାୟତା ନିମନ୍ତେ ଯୋଗାଯୋଗ କରିଥିଲେ।
ଏହି ଦୁଃଖଦ ଖବର ପାଇ, ଓଡ଼ିଶା-ମୋ ପରିବାର ର ଯୁଗ୍ମ ସମ୍ପାଦକ ଶ୍ରୀ ରୁଦ୍ର ନାରାୟଣ ସାମନ୍ତରାୟ ତୁରନ୍ତ ପଦକ୍ଷେପ ନେଇ ଶେଷକୃତ୍ୟ ସମ୍ପନ୍ନ ପାଇଁ ସମସ୍ତ ପ୍ରସ୍ତୁତି କରିଥିଲେ। ଏହି ସବୁ ପ୍ରସ୍ତୁତି କାର୍ଯ୍ୟ ମଧ୍ୟରେ ଅଞ୍ଚଳବାସୀ ମାନେ, ରାତି ପ୍ରାୟ ୧୦ ଟା ବେଳେ ତାଙ୍କ ପୁଅ ଓ ବୋହୂ ଙ୍କୁ ଠାବ କରିବାରେ ସଫଳ ହୋଇଥିଲେ ଏବଂ ମା ଙ୍କ ଅକାଳ ବିୟୋଗ ସମ୍ବନ୍ଧରେ ଖବର ପହଞ୍ଚାଇ ଥିଲେ।
ଖବର ପାଇ ପୁଅ ଓ ବୋହୂ ସେହି ମଧ୍ୟରାତ୍ର ରେ ହିଁ ତାଙ୍କ ଶେଷକୃତ୍ୟ କରିବାକୁ ଇଛା ପ୍ରକାଶ କରିଥିଲେ । ଏହାପରେ, ଶ୍ରୀ ସାମନ୍ତରାୟ ଙ୍କ ସଂଯୋଜନାରେ ଜୟ ଓଡ଼ିଶାର “ଶେଷସାଥି” ଯାନ ସହାୟତାରେ, ରାତି ପ୍ରାୟ ୧ଟା ରେ ତାଙ୍କ ମୃତ ଶରୀରକୁ ବଡଗଡରୁ ଶ୍ମଶାନ ସ୍ଥାନାନ୍ତର କରାଯାଇଥିଲା।
ଓଡ଼ିଶା-ମୋ ପରିବାର ର ସ୍ବେଚ୍ଛାସେବୀ ମାନେ ଉପସ୍ଥିତ ରହି ସମସ୍ତ କାର୍ଯ୍ୟ ର ତଦାରଖ କରିଥିଲେ ଏବଂ ତାଙ୍କ ଅମର ଆତ୍ମାର ସଦଗତି ନିମନ୍ତେ ପ୍ରାର୍ଥନା କରିବା ସହ ଶୋକସନ୍ତପ୍ତ ପରିବାର କୁ ସାନ୍ତ୍ଵନା ଦେଇଥିଲେ।
କଟକ: ଚିଲିକା ବିଧାୟକ ପ୍ରଶାନ୍ତ ଜଗଦେବଙ୍କ ଗାଳିଗୁଲଜ କରିବା ଏବଂ ମାଡ ମାରିବା ଏକ ମାମଲାରେ ହାଇକୋର୍ଟ ହସ୍ତକ୍ଷେପ କରିବାକୁ ମନା କରିଦେଇଛନ୍ତି। ପୂର୍ବପରି ଏହି ମାମଲା ତଳ କୋର୍ଟରେ ଚାଲିବ। ହେଲେ ଉପଯୁକ୍ତ ସମୟରେ ଆବେଦନକାରୀ ହାଇକୋର୍ଟର ଦ୍ବାରସ୍ଥ ହୋଇପାରନ୍ତି ବୋଲି କୋର୍ଟ କହିଛନ୍ତି। ଗତକାଲି ମୁଖ୍ୟବିଚାରପତି ଏସ ମୁରଲିଧରନଙ୍କୁ ନେଇ ଗଠିତ ବେଞ୍ଚ ଜଗଦ୍ଦେବଙ୍କ ଆବେଦନର ଶୁଣାଣି କରି ଏହି ନିର୍ଦ୍ଦେଶ ଦେଇଛନ୍ତି।
ଚିଲିକାରେ ଏକ କାର୍ଯ୍ୟକ୍ରମରେ ବିଜେପି ମଣ୍ଡଳ ସଭାପତି ଏବଂ ବିଧାୟକଙ୍କ ମଧ୍ୟରେ ଝଗଡା ହୋଇଥିଲା। ଏପରକି ମାରପିଟ ପର୍ଯ୍ୟନ୍ତ କଥା ଯାଇଥିଲା। ଏଥିରେ ବିଜେପି ମଣ୍ଡଳ ସଭାପତି ବିଧାୟକଙ୍କ ବିରୋଧରେ ବାଲୁଗାଁ ଥାନାରେ ମାମଲା ଋଜୁ କରିଥିଲେ। ଏହାପରେ ବିଧାୟକ ଆଗୁଆ ଜାମିନୀ ପାଇଁ ହାଇକୋର୍ଟରେ ଆବେଦନ କରିଥିଲେ। ହେଲେ କୋର୍ଟ ତାହାକୁ ଖାରଜ କରି ତଳ କୋର୍ଟରେ ଆତ୍ମସର୍ମପଣ ପାଇଁ ନିର୍ଦ୍ଦେଶ ଦେଇଥିଲେ।
ବିଧାୟକ ତଳ କୋର୍ଟରେ ଆତ୍ମସମର୍ପଣ କରି ଜାମିନୀ ପାଇଁ ଆବେଦନ କରିଥିଲେ ମଧ୍ୟ ଜାମିନୀ ଖାରଜ ହୋଇଯାଇ ଥିଲା। ଫଳରେ ସେ ବିଚାର ବିଭାଗୀୟ ହାଜତକୁ ଯାଇଥିଲେ। ତେବେ ତଳ କୋର୍ଟର ଜାମିନୀ ଖାରଜ ବିରୋଧରେ ସେ ହାଇକୋର୍ଟର ଦ୍ବାରସ୍ଥ ହୋଇଥିଲେ। ଏଥିସହିତ ଏହି ମାମଲା ରଦ୍ଦ କରିବା ପାଇଁ ମଧ୍ୟ ପୃଥକ ଆବେଦନ କରିଥିଲେ। ଯାହାକୁ କୋର୍ଟ ଆଗ୍ରହ୍ୟ କରିଦେଇଛନ୍ତି।
ଭୁବନେଶ୍ବର: ବଲାଙ୍ଗୀରର ପ୍ରତିଷ୍ଠିତ ରାଜପରିବାରରେ ବିଦ୍ରୋହ ଦେଖାଦେଇଛି। ବଲାଙ୍ଗୀର ରାଜା ରାଜା ତଥା ପୂର୍ବତନ ମନ୍ତ୍ରୀ ଅନଙ୍ଗ ଉଦୟ ସିଂଦେଓଙ୍କ ସାନ ବୋହୁ ନିର୍ଯ୍ୟାତନା ଅଭିଯୋଗ ଆଣିଛନ୍ତି। ଅନଙ୍ଗଙ୍କ ସାନ ପୁଅ ଅର୍କେଶଙ୍କ ପତ୍ନୀ ଅଦ୍ରିଜା ସିଂଦେଓ ନିର୍ଯ୍ୟାତନା ଅଭିଯୋଗ କରି ଡେରାଡୁନ ଥାନାରେ ମାମଲା ଋଜୁ କରିଛନ୍ତି।
ସେ ଅଭିଯୋଗ କରିଛନ୍ତି ଯେ, ତାଙ୍କୁ ଦୀର୍ଘ ମାସ ଧରି ଯୌତୁକ ନିର୍ଯ୍ୟାତନା ଦିଆଯାଉଛି। ଶଶୂର ଅନଙ୍ଗ ଉଦୟ ସିଂଦେଓ, ସ୍ବାମୀ ଅର୍କେଶ, ବିଜୟ ଲକ୍ଷ୍ମୀ ଦେବୀ, ମେଘନା ରାଣା ଗତ ୫ ବର୍ଷ ଧରି ବାରମ୍ବାର ମାନସିକ ନିର୍ଯାତନା ଦେଉଥିଲେ। ଏପରିକି ତାଙ୍କୁ ମାରଧର କରିବା ସହିତ ଜୀବନରେ ମାରିଦେବାକୁ ଧମକ ଦେଉଛନ୍ତି। ସେହିପରି ରାଜପରିବାରର ଷ୍ଟାଫଙ୍କୁ ଲଗାଇ ମୋତେ ଅପମାନିତ ମଧ୍ୟ କରାଯାଉଥିଲା।
ଅର୍କେଶଙ୍କ ସ୍ତ୍ରୀ ଅଦ୍ରିଜା ହେଉଛନ୍ତି ଡେରାଡୁନ ବାସିନ୍ଦା। ସେ ହେଉଛନ୍ତି ଭାରତର ପୂର୍ବତନ ପ୍ରଧାନମନ୍ତ୍ରୀ ବିଶ୍ବନାଥ ପ୍ରତାପ ସିଂଙ୍କ ନାତୁଣୀ। ୨୦୧୭ ନଭେମ୍ବର ୨୩ରେ ତାଙ୍କର ଅର୍କେଶଙ୍କ ସହିତ ବାହାଘର ହୋଇଥିଲା। ଏହି ଘଟଣା ଜଣାପଡିବା ପରେ ଚାରିଆଡେ ବେଶ ଚର୍ଚ୍ଚା ଚାଲିଛି।
ନୂଆଦିଲ୍ଲୀ: ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଦିଲ୍ଲୀର ନ୍ୟାସନାଲ ଗ୍ୟାଲେରୀ ଅଫ୍ ମଡର୍ଣ୍ଣ ଆର୍ଟରେ ଜନ ଶକ୍ତି କଳା ପ୍ରଦର୍ଶନୀ ବୁଲି ଦେଖିଛନ୍ତି । ଏହି ପ୍ରଦର୍ଶନୀରେ ମନ୍ କୀ ବାତ୍ ଅଧ୍ୟାୟର କିଛି ଥିମ୍ ଆଧାରରେ କେତେକ ଚମତ୍କାର କଳା ପ୍ରଦର୍ଶିତ ହୋଇଛି ।
ପ୍ରଧାନମନ୍ତ୍ରୀ ଟୁଇଟ କରିଛନ୍ତି:
ଦିଲ୍ଲୀର ନ୍ୟାସନାଲ ଗ୍ୟାଲେରୀ ଅଫ୍ ମଡର୍ଣ୍ଣ ଆର୍ଟରେ ଜନ ଶକ୍ତିକୁ ପରିଦର୍ଶନ କରିଥିଲି । ମନ୍ କୀ ବାତ୍ ଅଧ୍ୟାୟର କିଛି ବିଷୟବସ୍ତୁ ଆଧାରରେ ଏହା ଚମତ୍କାର କଳା ପ୍ରଦର୍ଶନୀ । ନିଜ ସୃଜନଶୀଳତା ସହ ଏହି ପ୍ରଦର୍ଶନୀକୁ ସମୃଦ୍ଧ କରିଥିବା ସମସ୍ତ କଳାକାରଙ୍କୁ ମୁଁ ପ୍ରଶଂସା କରୁଛି ।’
ନୂଆଦିଲ୍ଲୀ: ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ଆଜି ୱାଲମାର୍ଟ ସିଇଓ ଶ୍ରୀ ଡୋଗ୍ ମ୍ୟାକମିଲନ ସାକ୍ଷାତ କରିଛନ୍ତି।
ୱାଲମାର୍ଟର ଏକ ଟୁଇଟର ଉତ୍ତର ଦେଇ ପ୍ରଧାନମନ୍ତ୍ରୀ କହିଛନ୍ତି:
‘ୱାଲମାର୍ଟ ସିଇଓ ଶ୍ରୀ ଡୋଗ୍ ମ୍ୟାକମିଲନଙ୍କ ସହ ବୈଠକ ଫଳପ୍ରଦ ଥିଲା । ବିଭିନ୍ନ ବିଷୟରେ ଗଭୀର ଭାବେ ଆଲୋଚନା ହୋଇଥିଲା । ନିବେଶ ପାଇଁ ଭାରତକୁ ଏକ ଆକର୍ଷଣୀୟ ଗନ୍ତବ୍ୟସ୍ଥଳ ଭାବେ
ଦେଖିବା ଖୁସିର ବିଷୟ’ ।
ଭୁବନେଶ୍ବର: ମାତ୍ର ଦଶ ହଜାର ଟଙ୍କା ଦେଲେ ଆପଣ ଭୁବନେଶ୍ବରରୁ ଦୁବାଇ ଯାଇପାରିବେ। ଏହିପରି ଏକ ଅଫର ଦେଇଛି ଇଣ୍ଡିଗୋ ବିମାନ ସେବା। ଆଜିଠାରୁ ଆରମ୍ଭ ହେବ ଭୁବନେଶ୍ବର ଦୁବାଇ ବିମାନ ସେବା। ସେହି ପରିପ୍ରେକ୍ଷୀରେ ଇଣ୍ଡିଗୋ ତରଫରୁ ଏହି ଅଫର ଦିଆଯାଇଛି।ଏହି ଅଫର ମାତ୍ର କିଛିଦିନ ପାଇଁ ରହିଛି।
ଏହି ବିମାନଟି ଭୁବନେଶ୍ବରରୁ ସପ୍ତାହରେ ତିନିଦିନ ସୋମବାର, ବୁଧବାର ଏବଂ ଶୁକ୍ରବାରରେ ଚାଲିବ। ଦୁବାଇରୁ ଏହି ବିମାନଟି ପ୍ରତ୍ୟେକ ଥର ସ୍ଥାନୀୟ ସମୟ ଅନୁସାରେ ୧୧ଟା ୨୫ ମିନିଟରେ ଛାଡିବ। ସେହିପରି ଭୁବନେଶ୍ବରରେ ଏହି ବିମାନ ଅପରାହ୍ନ ୫ ଟା ୨୦ ମିନିଟରେ ପହଞ୍ଚିବ। ଭୁବନେଶ୍ବରରୁ ଏହା ୬ ଟା ୩୦ ମିନିଟରୁ ଛାଡିବ ଏବଂ ଦୁବାଇରେ ୯ ଟା ୪୫ ମିନିଟରେ ପହଞ୍ଚିବ।
ଆଜି ଏହି ବିମାନ ସେବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭାରମ୍ଭ କରିବାର କାର୍ୟ୍ୟକ୍ରମ ରହିଛି।
ଭୁବନେଶ୍ବର: ଝାରସୁଗୁଡା ଉପନିର୍ବାଚନରେ ବିପୁଳ ଭୋଟରେ ବିଜୟ ପରେ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସାକ୍ଷାତ କରିଛନ୍ତି ଦୀପାଳି ଦାସ। ସେ ତାଙ୍କର ଭାଇଙ୍କ ସହିତ ନବୀନ ନିବାସ ଆସି ମୁଖ୍ୟମନ୍ତ୍ରୀଙ୍କୁ ସାକ୍ଷାତ କରିଛନ୍ତି।
ଏହି ସାକ୍ଷାତ ପରେ ମୁଖ୍ୟମନ୍ତ୍ରୀ ଟୁଇଟ କରି କହିଛନ୍ତି ଯେ, ଝାରସୁଗୁଡ଼ା ଉପନିର୍ବାଚନରେ ଐତିହାସିକ ବିଜୟ ହାସଲ କରିଥିବା ବିଜୁ ଜନତା ଦଳର ପ୍ରାର୍ଥୀ ଦୀପାଳି ଦାସଙ୍କୁ ଭେଟିଲି। ଝାରସୁଗୁଡ଼ାର ବିକାଶକୁ ଆଗେଇ ନେବା ସହ ଲୋକମାନଙ୍କ ଜୀବନରେ ପରିବର୍ତ୍ତନ ଆଣିବା ପାଇଁ ସମର୍ପିତ ଭାବେ କାର୍ଯ୍ୟ କରିବାକୁ ତାଙ୍କୁ ପରାମର୍ଶ ଦେଲି।
ଭୁବନେଶ୍ୱର: ଜନଜାତି ସଂସ୍କୃତିର ସଂରକ୍ଷଣ ଓ ପ୍ରସାର ପାଇଁ, ଛୋଟ ବଡ ସବୁ ଜନଜାତି ଗୋଷ୍ଠୀର ଅନନ୍ୟ ପରିଚୟର ସୁରକ୍ଷା ପାଇଁ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଉ ଏକ ବଲିଷ୍ଠ ପଦକ୍ଷେପ ନେଇ ଆଉ ୧୪ଟି ସ୍ବତନ୍ତ୍ର ଉନ୍ନୟନ ପରିଷଦ ସୃଷ୍ଟି କରାଗଲା ବୋଲି ଘୋଷଣା କରିଛନ୍ତି। ଏହି ନୂତନ ଜିଲ୍ଲା ଗୁଡିକ ହେଉଛି ଅନୁଗୋଳ, ବଲାଙ୍ଗୀର, ବାଲେଶ୍ଵର, ବରଗଡ଼, ବୌଦ୍ଧ, ଦେବଗଡ, ଢେଙ୍କାନାଳ, ଗଞ୍ଜାମ, ଯାଜପୁର, ଝାରସୁଗୁଡ଼ା, କଳାହାଣ୍ଡି, ନୂଆପଡ଼ା, ନୟାଗଡ଼ ଓ ସମ୍ବଲପୁର।
ଏହାଦ୍ବାରା ଜନଜାତି କଳା, ସଂସ୍କୃତି ଓ ସାହିତ୍ୟର ସଂରକ୍ଷଣ ପାଇଁ ୨୦୧୭-୧୮ରୁ ଗଠିତ ହୋଇଥିବା ସ୍ବତନ୍ତ୍ର ଉନ୍ନୟନ ପରିଷଦ ସଂଖ୍ୟା ୯ରୁ ୨୩କୁ ବୃଦ୍ଧି ପାଇଛି। ଆଜି ସ୍ଥାନୀୟ ଇଉନିଟ ୧ ସ୍ଥିତ ଆଦିବାସୀ ପଡିଆ ରେ ଆୟୋଜିତ ଏକ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଏହି ଘୋଷଣା କରିଛନ୍ତି।
ପୂର୍ବରୁ ୯ଟି ଜିଲ୍ଲାର ୧୧୭ଟି ବ୍ଲକରେ କାର୍ଯ୍ୟକାରୀ ହେଉଥିଲା। ଏଥିରେ ୬୪ ଲକ୍ଷ ଲୋକ ସାମିଲ ହୋଇଛନ୍ତି।ଏବେ ଏହା ୨୩ଟି ଜିଲ୍ଲାର ୧୭୨ଟି ବ୍ଲକରେ ଏହା କାର୍ଯ୍ୟକାରୀ ହେବ ବୋଲି ମୁଖ୍ୟମନ୍ତ୍ରୀ କହିଛନ୍ତି। ଏଥିପାଇଁ ୨୦୨୩-୨୪ ଆର୍ଥିକ ବର୍ଷରେ ରାଜ୍ୟ ସରକାର ୨୨୩ କୋଟି ଟଙ୍କା ଖର୍ଚ୍ଚ କରିବେ। ଏହି କାର୍ଯ୍ୟକ୍ରମରେ ଅଶି ଲକ୍ଷ ରୁ ଅଧିକ ଜନଜାତି ଲୋକ ସାମିଲ ହୋଇ ନିଜ କଳା ଓ ସଂସ୍କୃତିର ବିକାଶ ପାଇଁ କାମ କରିବେ ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି।
ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ଯେ ଜଗନ୍ନାଥ ସଂସ୍କୃତି ସହିତ ଜନଜାତି ସଂସ୍କୃତିର ଗଭୀର ସମ୍ପର୍କ ଅଛି। ଏଥିରେ ପ୍ରକୃତି ଓ ପରିବେଶର ସୁରକ୍ଷା ଉପରେ ଗୁରୁତ୍ବ ଦିଆଯାଇଛି। ପ୍ରକୃତିର ପୂଜା ଓ ଭାଇଚାରା ଆଦିବାସୀ ସଂସ୍କୃତିର ମୁଖ୍ୟ ଆଧାର ବୋଲି ମୁଖ୍ୟମନ୍ତ୍ରୀ କହିଥିଲେ।
ବିକାଶର ପରିଭାଷାରେ କଳା ଓ ସଂସ୍କୃତିର ଗୁରୁତ୍ୱପୂର୍ଣ୍ଣ ଭୂମିକା ରହିଛି ବୋଲି ମତ ଦେଇ ମୁଖ୍ୟମନ୍ତ୍ରୀ କହିଲେ ଯେ ସେମାନଙ୍କ କଳା ଓ ସଂସ୍କୃତିର ସଂରକ୍ଷଣ ପାଇଁ ସ୍ବତନ୍ତ୍ର ଉନ୍ନୟନ ପରିଷଦ ଗଠନ କରାଯାଇଛି। ରାଜନୀତି ଠାରୁ ଆରମ୍ଭ କରି ସାହିତ୍ୟ, ସଂସ୍କୃତି, ଭାଷା, ରାଜନୀତି ସବୁ କ୍ଷେତ୍ରରେ ଜନଜାତି ବର୍ଗର ଲୋକଙ୍କ ଅବଦାନ ରହିଛି। ଓଡ଼ିଶାର ସଂସ୍କୃତିକୁ ସେମାନେ ଗୌରବମୟ କରିଛନ୍ତି। ମୁଁ ସେମାନଙ୍କ ପାଇଁ ଗର୍ବିତ ବୋଲି ମୁଖ୍ୟମନ୍ତ୍ରୀ କହିଛନ୍ତି।
ନୂଆ ପରିଷଦ ଗଠନ ଦ୍ଵାରା ସବୁ ଛୋଟ ଛୋଟ ବର୍ଗର ଜନଜାତି ଗୋଷ୍ଠୀ ସେମାନଙ୍କ କଳା ଓ ଐତିହ୍ୟ ର ସୁରକ୍ଷା ପାଇଁ ମଧ୍ଯ ନିଜର ଗୁରୁତ୍ଵ ପୁର୍ଣ୍ଣ ଅବଦାନ ରଖି ପାରିବେ ବୋଲି ମୁଖ୍ୟମନ୍ତ୍ରୀ କହିଥିଲେ। ଜନଜାତି କଳା ଓ ସଂସ୍କୃତି ପ୍ରତି ଲୋକଙ୍କ ଆଗ୍ରହ ରହିଛି ବୋଲି ପ୍ରକାଶ କରି ମୁଖ୍ୟ ମନ୍ତ୍ରୀ କହିଲେ ଯେ ଭୁବନେଶ୍ଵର ର ଜନଜାତି ସଂଗ୍ରହାଳୟ ଏବେ ପର୍ଯ୍ୟଟକ ମାନଙ୍କ ପାଇଁ ଏକ ଆକର୍ଷଣ ହୋଇଛି।
ଜନଯାତି ସଂସ୍କୃତି, ଜୀବନ ପ୍ରତି ସେମାନଙ୍କ ଦୃଷ୍ଟିଭଙ୍ଗୀ, ପ୍ରକୃତିର ସଂରକ୍ଷଣ ଓ ସେମାନଙ୍କ ଚିକିତ୍ସା ପ୍ରଣାଳୀ ସମ୍ପର୍କରେ ଅଧିକ ଗବେଷଣା ହେବ ବୋଲି ମୁଖ୍ୟମନ୍ତ୍ରୀ ଆଶା ପ୍ରକାଶ କରିଛନ୍ତି।
ସୂଚନା ଯୋଗ୍ୟ ଯେ ୨୦୧୭ରେ ସ୍ବତନ୍ତ୍ର ଉନ୍ନୟନ ପରିଷଦ ଗଠନ ଦ୍ଵାରା ଜନଜାତି ବର୍ଗର ଅନନ୍ୟ ସଂସ୍କୃତିର ସୁରକ୍ଷା ଦିଗରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ଓଡ଼ିଶା ଏକମାତ୍ର ରାଜ୍ୟ ଭାବେ ପଦକ୍ଷେପ ନେଇଥିଲା। ଏଥିରେ ଜନଜାତି ଲୋକଙ୍କ ପବିତ୍ର ବୃକ୍ଷ ର ସଂରକ୍ଷଣ, ସଂସ୍କୃତି କ୍ଲବ୍ ଗଠନ, ସାଂସ୍କୃତିକ କାର୍ଯ୍ୟକ୍ରମର ଆୟୋଜନ, ଆଦି ଅନେକ କାର୍ଯ୍ୟକ୍ରମ ଗ୍ରହଣ କରାଯାଇଛି। ବର୍ତମାନ ସୁଦ୍ଧା, ଏହି କାର୍ଯ୍ୟକ୍ରମରେ ୬୦ ହଜାରରୁ ଅଧକ ପ୍ରକଳ୍ପର କର୍ଯ୍ୟାନ୍ୱୟନ ହୋଇ ସାରିଛି।
୪୫୯୯ ଚିହ୍ନିତ ପବିତ୍ର ବୃକ୍ଷ ମଧ୍ୟରୁ ୪୪୯୬ ଟି ବୃକ୍ଷର ସଂରକ୍ଷଣ କରାଯାଇସାରିଛି। ୧୫୯୨ଟି କ୍ଲବ୍ ଗଠନ କରାଯାଇଛି। ୨୧ ଟି ଭାଷାରେ ଜନଜାତି ଦ୍ବୀଭାଷା ଅଭିଧାନ ଓ ତ୍ରିଭାଷୀ ଦକ୍ଷତା ମଡ୍ୟୁଲ୍ ପ୍ରସ୍ତୁତ କରାଯାଇ ୩୦ ଟି ଜିଲ୍ଲାରେ ବଣ୍ଟନ କରାଯାଇଛି।
ଏହି ଅବସରରେ ଅନୁସୂଚିତ ଜାତି ଓ ଜନଜାତି ଉନ୍ନୟନ ବିଭାଗ ମନ୍ତ୍ରୀ ଶ୍ରୀ ଜଗନ୍ନାଥ ସାରକା କହିଲେ ଯେ ଆଦିବାସୀ ମାନଂକ ସର୍ବାଙ୍ଗୀନ ଉନ୍ନତି ପାଇଁ ମୁଖ୍ୟମନ୍ତ୍ରୀ ପଦକ୍ଷେପ ନେଇଛନ୍ତି। ସ୍ଵତନ୍ତ୍ର ଉନ୍ନୟନ ପରିଷଦ ଆଦିବାସୀ ମାନଂକ ପାଇଁ ବିକାଶର ଏକ ନୂଆ ଧାରା ସୃଷ୍ଟି କରିବ ବୋଲି ସେ କହିଥିଲେ।
ସ୍ବତନ୍ତ୍ର ଉନ୍ନୟନ ପରିଷଦ ର ଉପଦେଷ୍ଟା ଶ୍ରୀ ପ୍ରଦୀପ ମାଝୀ କହିଲେ ଯେ ଜନଜାତି ବିକାଶ ପାଇଁ ମୁଖ୍ୟମନ୍ତ୍ରୀଙ୍କ ଏହି ପଦକ୍ଷେପ ଭବିଷ୍ୟତ ପୀଢ଼ି ପାଇଁ ସ୍ମରଣୀୟ ହୋଇ ରହିବ। ଏହି ପରିଷଦ ସବୁ ଆଦିବାସୀ ଗୋଷ୍ଠୀ ମଧ୍ୟରେ ସମ୍ପର୍କର ସେତୁ ହୋଇ ରହିବ।
ମୁଖ୍ୟ ମନ୍ତ୍ରୀ ସ୍ଵତନ୍ତ୍ର ଉନ୍ନୟନ ପରିଷଦ ସଂପର୍କରେ ଏକ କଫି ଟେବୁଲ ବୁକ୍ ଉନ୍ମୋଚନ କରିଥଲେ। ଏହି କାର୍ଯ୍ୟକ୍ରମରେ ମୁଖ୍ୟ ଶାସନ ସଚିବ ଶ୍ରୀ ପ୍ରଦୀପ ଜେନା, ଉନ୍ନୟନ କମିଶନର ଶ୍ରୀମତି ଅନୁ ଗର୍ଗ, ମୁଖ୍ୟମନ୍ତ୍ରୀଙ୍କ ସଚିବ (୫ଟି) ଶ୍ରୀ ଭି କେ ପଣ୍ଡିଆନ ଓ ଅନ୍ୟ ବରିଷ୍ଠ ଅଧିକାରୀ ମାନେ ଉପସ୍ଥିତ ଥିଲେ।
ଅତିଥି ମାନଙ୍କୁ ସ୍ବାଗତ କରି ଅନୁସୂଚିତ ଜାତି ଓ ଜନଜାତି ବିଭାଗ କମିଶନର ତଥା ଶାସନ ସଚିବ ଶ୍ରୀମତୀ ରୂପା ରୋସନ୍ ସାହୁ ଆଦିବାସୀ ସଂସ୍କୃତିର ଅନନ୍ୟ ଚିନ୍ତାଧାରାକୁ ପ୍ରୋତ୍ସାହିତ କରିବା ପାଇଁ ସ୍ଵତନ୍ତ୍ର ଉନ୍ନୟନ ପରିଷଦ ୨୦୧୭-୧୮ରୁ ଗଠନ କରାଯାଇଛି।
ଆଦିବାସୀ ମାନଂକ ସଂସ୍କୃତିର ସୁରକ୍ଷା ପାଇଁ ଅନ୍ୟ କୌଣସି ରାଜ୍ୟ ବା ଦେଶରେ ଏଭଳି ପଦକ୍ଷେପର ନଜିର ନାହିଁ ବୋଲି ସେ କହିଥିଲେ।