ଖୋର୍ଦ୍ଧା: ଖୋର୍ଦ୍ଧା ଜିଲ୍ଲାର ବିଜେପି ଜିଲ୍ଲା ସମ୍ପାଦକ ଭାବେ ବିଦ୍ୟୁତ୍ କୁମାର କାଣ୍ଡିକୁ ଦାୟିତ୍ବ ପ୍ରଦାନ କରାଯାଇଛି। ଖୋର୍ଦ୍ଧା ଜିଲ୍ଲାର ସାଙ୍ଗଠନିକ ସ୍ଥିତିକୁ ସୁଦୃଢ କରିବା ପାଇଁ ତାଙ୍କୁ ଏହି ଦାୟିତ୍ବ ପ୍ରଦାନ କରାଯାଇଥିବାର ସୂଚନା ରହିଛି।
ଚିଲିକା ନିର୍ବାଚନ ମଣ୍ଡଳୀ ଅନ୍ତର୍ଗତ ବାଣପୁର ବ୍ଲକର ସାନହନ୍ତୁଆଡ ଗ୍ରାମର ବିଦ୍ୟୁତ୍ କୁମାର କାଣ୍ଡି ଆରଏସ୍ଏସ୍ ସହିତ ଜଡିତ ରହିଛନ୍ତି। ଛାତ୍ର ଜୀବନରୁ ଏବିଭିପି ସହିତ ଜଡିତ ଥିବା ବିଦ୍ୟୁତ୍ ବିଏସସି ପାସ୍ କରି ଏକ ଔଷଧ କମ୍ପାନୀରେ ମ୍ୟାନେଜର୍ ରୂପେ କାର୍ଯ୍ୟରତ ଥିଲେ। ତାଙ୍କ ଉପରେ ଦଳ ଭରସା କରି ତାଙ୍କୁ ଜିଲ୍ଲାର ସମ୍ପାଦକ ଦାୟିତ୍ବ ଦେଇଛି।
ଆଶାନୁରୂପେ ସେ ତାଙ୍କ କାର୍ଯ୍ୟ ତୁଲାଇବା ସହିତ ଖୋର୍ଦ୍ଧା ଜିଲ୍ଲାରେ ଦଳର ସ୍ଥିତିକୁ ମଜବୁତ୍ କରିବା ପାଇଁ ପ୍ରତିବଦ୍ଧ ରହିବେ ବୋଲି ସେ ଦୃଢୋକ୍ତି ପ୍ରକାଶ କରିଛନ୍ତି। ଚିଲିକା ନିର୍ବାଚନ ମଣ୍ଡଳୀର ଯୁବ ନେତାଙ୍କୁ ଖୋର୍ଦ୍ଧା ଜିଲ୍ଲାର ବିଜେପି ଜିଲ୍ଲା ସମ୍ପାଦକ ଦାୟିତ୍ବ ମିଳିଥିବାରୁ ଏହି ନିର୍ବାଚନମଣ୍ଡଳୀରେ ଉତ୍ସାହ ଖେଳି ଯାଇଛି।
