ନୂଆଦିଲ୍ଲୀ: ଆଜି ଗୁଗୁଲ୍ ସ୍ବତନ୍ତ୍ର ଡୁଡୁଲ୍ ପ୍ରସ୍ତୁତ କରିଛି । ଆଜି ସୌରମଣ୍ଡଳରେ ଏକ ବଡ ଭୌଗୋଳିକ ଘଟଣା ଦେଖିବାକୁ ମିଳିବ।ସୌର ଜଗତର ଦୁଇ ବିଶାଳ ଗ୍ରହ ବୃହସ୍ପତି ଓ ଶନି ପରସ୍ପରର ଅତି ନିକଟତର ହେବେ। ଆଜି ଏଥିପାଇଁ ଗୁଗୁଲ ଆଜି ଏକ ସ୍ୱତନ୍ତ୍ର ଡୁଡଲ ତିଆରି କରିଛି। ଆମେରିକାର ସ୍ପେସ୍ ଏଜେନ୍ସି ନାସା ସହଯୋଗରେ ଗୁଗୁଲ ଏହି ଡୁଡଲ ତିଆରି କରିଛି।ପ୍ରାୟ 800 ବର୍ଷ ପରେ ପୁନର୍ବାର ଏପରି ଏକ ବିରଳ ଜାଗତିକ ଦୃଶ୍ୟ ଦେଖିବାକୁ ମିଳିବ । ଏଥିପାଇଁ ଗୁଗୁଲ୍ ସ୍ବତନ୍ତ୍ର ଡୁଡୁଲ୍ ପ୍ରସ୍ତୁତ କରିଛି ।
ଏହି ଆନିମେଟେଡ୍ ଡୁଡୁଲ୍ରେ ଶୀତକାଳୀନ ଉତ୍ସବ ସହିତ ଦୁଇ ଗ୍ରହଙ୍କର ମହାମିଳନ ଦେଖାଯାଇଛି । ପ୍ରାୟ ଚାରିଶବର୍ଷ ପରେ ବୃହଷ୍ପତି ଓ ଶନିଙ୍କର ମହାମିଳନ ଆଜି ଘଟିବାକୁ ଯାଉଛି। ପ୍ରତି କୋଡିଏ ବର୍ଷ ଅନ୍ତରରେ ନିୟମିତ ବୃହସ୍ପତି ଓ ଶନି ଗ୍ରହ ପରସ୍ପରକୁ ଅତିକ୍ରମ କରନ୍ତି। ପୂର୍ବରୁ 17ଶ ଶତାବ୍ଦୀରେ ଶନି ଓ ବୃହସ୍ପତି ବହୁତ ନିକଟତର ହୋଇଥିଲେ । ଏହାପରେ ଆଜି ଶନି ଓ ବୃହସ୍ପତି ନିକଟତର ହେବେ । ଆଜି ସନ୍ଧ୍ୟା ସମୟରେ ଖାଲି ଆଖିରେ ଏହି ଦୃଶ୍ୟକୁ ଦେଖିହେବ । ଆଜି ସନ୍ଧ୍ୟା 6.30ରୁ 7.30 ମଧ୍ୟରେ ଭାରତରେ ଏହି ଦୃଶ୍ୟ ଦୃ୍ଶ୍ୟମାନ ହେବ । (ଏଜେନ୍ସି)
