ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ୨୦୨୦ ଏବଂ ୨୧ ମସିହା ପାଇଁ ବ୍ରହ୍ମପୁର ଫରେଷ୍ଟ ରେଞ୍ଜ ଅଂଚଳରେ ପକ୍ଷୀଗଣନା କାର୍ଯ୍ୟ ସଂପୂର୍ଣ୍ଣ ହୋଇଛି। ଗତକିଛି ଦିନ ହେଲା ଏହି ରେଞ୍ଜ ଅଂଚଳର ୪୨ଟି ସ୍ଥାନରେ ପକ୍ଷୀ ଗଣନା କାର୍ଯ୍ୟ ଚାଲୁ ରହିଥିଲା। ଏହି ରେଞ୍ଜରେ ୯୫ ପ୍ରଜାତିର ସମୁଦାୟ ୨୪ହଜାର ୨୯୮ଟି ପକ୍ଷୀ ରହିଥିବା ଜଣାପଡ଼ିଛି। ମୁଖ୍ୟତଃ ବାହୁଦା ବେକ୍ୱାଟର ଅଂଚଳରେ ଅଧିକ ପରିମାଣରେ ପକ୍ଷୀ ରହିଛନ୍ତି। ଉକ୍ତ ସ୍ଥାନରେ ୪୨ଟି ପଂଜାତିର ୭୯୮୨ଟି ପକ୍ଷୀ ଅଛନ୍ତି। ୨୦୧୯-୨୦ ବର୍ଷରେ ସମୁଦାୟ ୩୮ଟି ଅଂଚଳରେ ପକ୍ଷୀ ଗଣନା କରାଯାଇଥିବାବେଳେ ୭୨ଟି ପ୍ରଜାତିର ୧୨୩୩୨ଟି ପକ୍ଷୀ ରହିଥିଲେ। ଗତବର୍ଷ ତୁଳନାରେ ଚଳିତବର୍ଷ ସମୁଦାୟ ୧୧୯୬୬ଟି ପକ୍ଷୀଙ୍କ ସଂଖ୍ୟା ବଢ଼ିଥିବା ବ୍ରହ୍ମପୁର ଏସିଏଫ୍ ସୂଚନା ଦେଇଛନ୍ତି।
Tags: ପକ୍ଷୀ ଗଣନା, ବ୍ରହ୍ମପୁର ଡ଼ିଭିଜନ
