ଭୁବନେଶ୍ବର, ନୂଆଦିଲ୍ଲୀରେ କୃଷି ବିଲ୍ ବିରୋଧରେ ଚାଷୀଙ୍କ ଆନ୍ଦୋଳନ ଜାରି ରହିଛି। ଏହି ସମୟରେ, ଭାରତୀୟ କିସାନ ୟୁନିଅନ ଆଜି ଦେଶ ବ୍ୟାପି ଚକା ବନ୍ଦ ଡାକରା ଦେଇଛି। ତିନି ଘଣ୍ଟା ପାଇଁ ଏହି ଆନ୍ଦୋଳନ ହେବ। ଏହି ବନ୍ଦ ଦିନ 12ଟା ରୁ ଆରମ୍ଭ ହୋଇ ଅପରାହ୍ନ 3 ଟା ପର୍ଯ୍ୟନ୍ତ ଦେଶବ୍ୟାପୀ ଚାଲିବ। ଭାରତୀୟ କୃଷକ ସଂଘର ନେତା ରାକେଶ ଟିକାଏତ ଏହି ଆହ୍ବାନ ଦେଇଛନ୍ତି।
ସେହିପରି ଓଡିଶାରେ ଏହି ବନ୍ଦକୁ ସମର୍ଥନ କରିଛି ନବ ନିର୍ମାଣ କୃଷକ ସଂଗଠନ। ଏହାର କର୍ମିମାନେ ଭୁବନେଶ୍ବରର ମୁଖ୍ୟରାସ୍ତାରେ ଚକାବନ୍ଦ କରିବେ। ସେହିପରି ସଂଗଠନର ବିଭିନ୍ନ ଜିଲ୍ଲାରେ ଥିବା କର୍ମିମାନେ ମଧ୍ୟ ରାଜରାସ୍ତା ବନ୍ଦ କରିବେ ବୋଲି ନିଷ୍ପତି କରାଯାଇଛି। ଏ ନେଇ ସଂଗଠନର ମୁଖ୍ୟ ଅକ୍ଷୟ କୁମାର ସୂଚନା ଦେଇଛନ୍ତି। ସଂଗଠନର ଘୋଷଣା ପରେ ପୋଲିସ ପ୍ରଶାସନ ତରଫରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି।
