ସୀତାରାମ ଅଗ୍ରୱାଲ
ଟାଙ୍ଗୀ: ଜାତୀୟ ରାଜପଥରେ ରଙ୍ଗ ବୋଝେଇ ପିକଅପ ଗାଡି ଓଲଟି ପଡିଥିବାର ଦେଖିବାକୁ ମିଳିଛି। ଟାଙ୍ଗୀ ଥାନା ଅନ୍ତର୍ଗତ ୧୬ ନଂ ଜାତୀୟ ରାଜପଥ ବଡପାରୀ ଓଭରବ୍ରିଜ ନିକଟରେ ଏଭଳି ଏକ ଦୁର୍ଘଟଣା ଘାଟିଯାଇଛି।
ସୂଚନା ଯୋଗ୍ୟ ଯେ, ରଙ୍ଗ ବୋଝେଇ ପିକଅପଟି କଟକରୁ ରଙ୍ଗ ନେଇ ଆସିକା ଯାଉଥିବା ବେଳେ ଏକ ଟ୍ରକ ପିକଅପକୁ ସାଇଟ ମାରିଦେବାରୁ ପିକଅପଟି ଭାରସାମ୍ୟ ହରାଇ ଓଲଟି ପଡିଥିଲା। ଏଥିରେ ଡ୍ରାଇଭର ଓ ହେଲ୍ପରଙ୍କୁ ସାମାନ୍ୟ ଆଘାତ ଲାଗିଥିଲା। ହେଲେ ଦୁର୍ଘଟଣା କରାଇଥିବା ଟ୍ରକ ଟି ଘଟଣା ସ୍ଥଳରୁ ଫେରାର ହୋଇ ଯାଇଥିଲା। ଘଟଣା ସ୍ଥଳରେ ଟାଙ୍ଗୀ ପୋଲିସ ପହଞ୍ଚି ଗାଡିଟିକୁ ଜବତ କରି ତଦନ୍ତ ଚଳାଇଛି।