ଭୁବନେଶ୍ବର, ଓଡିଶୀର ଆଦିଗୁରୁ ଗୁରୁ କେଳୁ ଚରଣ ମହାପାତ୍ରଙ୍କ ଧର୍ମପତ୍ନୀ ଲକ୍ଷ୍ମୀପ୍ରିୟା ମହାପାତ୍ରଙ୍କ ପରଲୋକ ଘଟିଛି। ତାଙ୍କୁ ୮୬ ବର୍ଷ ବୟସ ହୋଇଥିଲା। ସେ ଦୀର୍ଘମାସ ଧରି ବାର୍ଦ୍ଧାକ୍ୟ ରୋଗରେ ପିଡିତ ଥିଲେ। ଶନିବାର ରାତି ୧୧ଟାରେ ଭୀମଟାଙ୍ଗିସ୍ଥିତ ବାସଭବନରେ ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି । ମୃତ୍ୟୁଶଯ୍ୟା ନିକଟରେ ତାଙ୍କ ପୁତ୍ର ତଥା ଗୁରୁ ରତିକାନ୍ତ ମହାପାତ୍ର ଓ ପରିବାରର ଅନ୍ୟ ସଦସ୍ୟମାନେ ଉପସ୍ଥିତ ଥିଲେ ।
ଲକ୍ଷ୍ମୀପ୍ରିୟା ଜଣେ ମହିଳା ଭାବରେ ସେ ମଞ୍ଚରେ ପ୍ରଥମ ଓଡ଼ିଶୀ ନୃତ୍ୟ ପରିବେଷଣ କରିଥିଲେ। ସେ ଏକାଧାରରେ ଜଣେ ନୃତ୍ୟଶିଳ୍ପୀ ଓ ଅଭିନେତ୍ରୀ ଥିଲେ । ଅନ୍ନପୂର୍ଣ୍ଣ ଏ ଥିଏଟରରେ ଜଣେ ଅଭିନେତ୍ରୀ ଭାବେ ସେ ଅନେକ ନାଟକରେ ଅଭିନୟ ପ୍ରଦର୍ଶନ କରିଛନ୍ତି। ଏହାପରେ ଅନ୍ନପୂଣ୍ଣା ବି ଗ୍ରୁପରେ ସେ କେଳୁଚରଣଙ୍କ ମୃଦଙ୍ଗର ତାଳେ ତାଳେ ନୃତ୍ୟ ପରିବେଷଣ କରୁଥିଲେ। ସେହି ଅନ୍ନପୂର୍ଣା ଥିଏଟରରେ ଲକ୍ଷ୍ମୀପ୍ରିୟା କେଳୁଚରଣଙ୍କ ସହିତ ପରିଚିତ ହୋଇ ବିବାହ ବନ୍ଧନରେ ଆବଦ୍ଧ ହୋଇଥିଲେ।
ତାଙ୍କ ବିୟୋଗରେ ଓଡିଶୀ ନୃତ୍ୟ ଓ ସଂଗୀତ କ୍ଷେତ୍ରରେ ଏକ ଶୋକର ଛାୟା ଖେଳିଯାଇଛି।
