ଭୁବନେଶ୍ୱର: ଆଜି ରାଜ୍ୟ ସରକାର ଏପ୍ରିଲ ମାସ ପାଇଁ ଗାଇଡ୍ଲାଇନ୍ ଜାରି କରିଛନ୍ତି। ଏହି ଗାଇଡ୍ଲାଇନ୍ ଏପ୍ରିଲ ୧ରୁ ୩୦ ତାରିଖ ଯାଏଁ ଲାଗୁ ରହିବ। ସତର୍କତାର ସହ ମାଇକ୍ରୋ କଣ୍ଟେନ୍ମେଣ୍ଟ ଜୋନ୍ କରିବାକୁ ସ୍ଵତନ୍ତ୍ର ରିଲିଫ କମିଶନର ନିର୍ଦ୍ଦେଶ ଦେଇଛନ୍ତି। ଜିଲ୍ଲାପାଳ ଏବଂ ମ୍ୟୁନିସ୍ପାଲ୍ କମିଶନର୍ଙ୍କ କ୍ଷମତା ପରିଧି ମଧ୍ୟରେ କଣ୍ଟେନ୍ମେଣ୍ଟ ଜୋନ୍ ଘୋଷଣା କରିବାର ନିଷ୍ପତ୍ତି ରହିବ।
ଟେଷ୍ଟିଂ, ଟ୍ରାକିଂ ଏବଂ ଟ୍ରିଟ୍ମେଣ୍ଟ ଉପରେ ଗୁରୁତ୍ୱ ଦିଆଯାଇଛି। ଘରକୁ ଘର ଯାଇ ସର୍ଭେ କରାଯିବ। ଆରଟିପିସିଆର ଟେଷ୍ଟକୁ ଅଧିକ କରାଯିବାକୁ ନିର୍ଦ୍ଦେଶ ହୋଇଛି। ମାସ୍କ, ସାନିଟାଇଜର ବ୍ୟବହାର କଡ଼ାକଡ଼ି କରିବାକୁ ନିର୍ଦ୍ଦେଶ ରହିଛି। ସାମାଜିକ, ରାଜନୈତିକ ଏବଂ ଧାର୍ମିକ ସମାବେଶରେ ୨୦୦ ଲୋକଙ୍କୁ ଅନୁମତି ରହିଛି। ଏନେଇ ସ୍ୱତନ୍ତ୍ର ରିଲିଫ୍ କମିଶନର୍ ସୂଚନା ଦେଇଛନ୍ତି।
