ରମେଶ ମହାନ୍ତି
ଜଗତସିଂହପୁର: ଜଗତସିଂହପୁର ଜିଲ୍ଲାରେ ଆଜି ୨୭୮ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ବିରିଡ଼ି ବ୍ଲକରୁ ଜଣେ ୩୫ ବର୍ଷୀୟ ଯୁବକର ମୃତ୍ୟୁ ହୋଇଛି।
ଆଜି ଚିହ୍ନଟ ହୋଇଥିବା କରୋନା ଆକ୍ରାନ୍ତଙ୍କ ମଧ୍ୟରୁ ଜଗତସିଂହପୁର ବ୍ଲକରୁ ସର୍ବାଧିକ ୮୨ଜଣ ଚିହ୍ନଟ ହୋଇଥିବା ବେଳେ ପାରାଦ୍ବୀପରୁ ୫୬ଜଣ, ବାଲିକୁଦା ବ୍ଲକରୁ ୩୧ଜଣ , ଏରସମା ଓ ରଘୁନାଥପୁର ବ୍ଲକରୁ ୨୧ଜଣ ଲେଖାଏଁ ,ବିରିଡ଼ି ବ୍ଲକରୁ ୧୯ଜଣ, କୁଜଙ୍ଗ ବ୍ଲକରୁ ୧୬ଜଣ ,ତିର୍ତ୍ତୋଲ ଓ ନାଉଗାଁ ବ୍ଲକରୁ ୧୩ଜଣ ଲେଖାଏଁ , ଜଗତସିଂହପୁର ମ୍ୟୁନିସିପାଲିଟିରୁ ୬ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି।
ଏଥିସହିତ ଜଗତସିଂହପୁର ଜିଲ୍ଲାରୁ ଚିହ୍ନଟ ହୋଇଥିବା ସମୁଦାୟ ୧୨୪୨୭ ଜଣ କରୋନା ଆକ୍ରାନ୍ତଙ୍କ ମଧ୍ୟରୁ ୧୦୯୬୦ ଜଣ ସୁସ୍ଥ ହୋଇଥିବା ବେଳେ ୪୧ ଜଣଙ୍କର ମୃତ୍ୟୁ ହୋଇଛି ଏବଂ ଆଜି ଜିଲ୍ଲାରୁ ୧୭୨ ଜଣ ସୁସ୍ଥ ହୋଇଛନ୍ତି ବୋଲି ଜିଲ୍ଲା ପ୍ରଶାସନ ପକ୍ଷରୁ ସୂଚନା ପ୍ରଦାନ କରାଯାଇଛି।