କଟକ, ଆଉ କିଛି ସମୟ ମଧ୍ୟରେ ବରିଷ୍ଠ ଆଇପିଏସ ତଥା ଭିଜିଲାନ୍ସ ନିର୍ଦ୍ଦେଶକ ଦେବାଶିଷ ପାଣିଗ୍ରାହୀଙ୍କ ମରଶରୀର କଟକରେ ପହଞ୍ଚିବ। ଗତକାଲି ରାତିରେ ତାଙ୍କର କୋଲକତାର ଏକ ଘରୋଇ ହସପିଟାଲରେ ଦେହାନ୍ତ ହୋଇଥିଲା। ଏହାପରେ ରାତିରେ ଏକ ସ୍ବତନ୍ତ୍ର ଗାଡିରେ ତାଙ୍କର ମରଶରୀର କଟକ ଅଣାଯାଉଛି।
କଟକ ଆସିବା ରାସ୍ତାରେ ବାଲେଶ୍ବରରେ କିଛି ସମୟ ପାଇଁ ତାଙ୍କର ଶେଷ ଦର୍ଶନ କରିଥିଲେ। ବାଲେଶ୍ବର ଭିଜିଲାନସ ଏସପିଙ୍କ ସମେତ ବରିଷ୍ଠ ଅଧିକାରୀ ସେଠାରେ ଶେଷ ଦର୍ଶନ କରିଥିଲେ। ସେହିପରି କଟକ ଆସିବା ପରେ ତାଙ୍କ ବାସଭବନରେ ଶେଷ ଦର୍ଶନ ପାଇଁ ରଖାଯିବ। ଏହାପରେ କଟକ ସତୀଚଉରାରେ ତାଙ୍କର ଶେଷ କୃତ୍ୟ ସଂପନ୍ନ ହେବ।
