ଶରଦ ପାୱାରଙ୍କ ବାସଭବନରେ ୮ ଟି ଦଳର ନେତାଙ୍କ ମଧ୍ୟରେ ଆଲୋଚନା: ତୃତୀୟ ମୋର୍ଚ୍ଚା ଗଠନ ସମ୍ଭାବନା

Published: Jun 22, 2021, 6:47 pm IST

ନୂଆଦିଲ୍ଲୀ: ଦେଶରେ ଅଣ-ବିଜେପି ଏବଂ ଅଣ-କଂଗ୍ରେସ ରାଜନୈତିକ ଦଳକୁ ନେଇ ଏକ ତୃତୀୟ ମୋର୍ଚ୍ଚା ଗଠନ ହେବା ନେଇ କଳ୍ପନା ଜଳ୍ପନା ଜାରି ରହିଛି। ଏନସିପି ନେତା ଶରଦ ପାୱାରଙ୍କ ଦିଲ୍ଲୀସ୍ଥିତ ବାସଭବନରେ ଆଜି ଏକ ବୈଠକ ହୋଇଛି।

ଏଥିରେ ଦେଶର ୮ ଟି ରାଜନୈତିକ ଦଳର ନେତାମାନେ ଯୋଗ ଦେଇଥିବା ଜଣାପଡିଛି। ତୃଣମୂଳ କଂଗ୍ରେସ, ଏନସିପି, ରାଷ୍ଟ୍ରୀୟ ଲୋକଦଳ, ସିପିଆଇ, ସିପିଏମ, ଆମ ଆଦ୍ମି ପାର୍ଟି, ସମାଜବାଦୀ ପାର୍ଟି ଏବଂ ନ୍ୟାସନାଲ କନଫରେନ୍ସ ଦଳର ନେତାମାନେ ଭାଗ ନେଇଛନ୍ତି।

ଏତଦବ୍ୟତୀତ ପୂର୍ବତନ ସାଂସଦ ପବନ ବର୍ମା, ଜାବେଦ ଅଖତର, ସଞ୍ଜୟ ଝା ଏବଂ କେସି ସିଂହ ମଧ୍ୟ ଏହି ବୈଠକରେ ସାମିଲ ହୋଇଛନ୍ତି। ୨୦୨୪ ଲୋକସଭା ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିରୋଧରେ ଏକ ମିଳିତ ମଞ୍ଚ ଗଠନ ପାଇଁ ପ୍ରୟାସ କରାଯାଉଥିବା କୁହାଯାଉଛି।

ଏହି ବୈଠକ ପୂର୍ବରୁ ପ୍ରଖ୍ୟାତ ନିର୍ବାଚନ ରଣନୀତିକାର ପ୍ରଶାନ୍ତ କିଶୋରଙ୍କ ସହ ଶାରଦା ପାୱାରଙ୍କର ଗୋଟିଏ ସପ୍ତାହରେ ଦୁଇ ଦୁଇ ଥର ଆଲୋଚନା ହୋଇଥିଲା। ହେଲେ ତୃତୀୟ ମୋର୍ଚ୍ଚା ସମ୍ଭାବନାକୁ ଶାରଦା ପାୱାର ମନା କରିଦେଇଛନ୍ତି।

Related posts