ନୂଆଦିଲ୍ଲୀ: ଉତ୍ତରାଖଣ୍ଡର ମୁଖ୍ୟମନ୍ତ୍ରୀ ତୀରଥ ସିଂହ ରାୱତ ଇସ୍ତଫା ଦେଇପାରନ୍ତି। ସେ ଉତ୍ତରାଖଣ୍ଡ ରାଜ୍ୟପାଳଙ୍କୁ ଭେଟିବା ପାଇଁ ସମୟ ମାଗିଛନ୍ତି। ତେଣୁ ତୀରଥ ଇସ୍ତଫା ଦେବେ ବୋଲି ଚର୍ଚ୍ଚା ହେଉଛି।
ଉଲ୍ଲେଖ ଯୋଗ୍ୟ ଯେ, ଦିଲ୍ଲୀରେ ଉପସ୍ଥିତ ଥିବା ଉତ୍ତରାଖଣ୍ଡ ମୁଖ୍ୟମନ୍ତ୍ରୀଙ୍କ ଇସ୍ତଫା ଖବରର ଚର୍ଚ୍ଚା ସେତେବେଳେ ଜୋର ଧରିଲା ଯେତେବେଳେ ସେ ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ସହ ସାକ୍ଷାତ କରିଥିଲେ। ଗତ ତିନି ଦିନ ଭିତରେ ସେମାନଙ୍କ ମଧ୍ୟରେ ଏହା ତୃତୀୟ ଆଲୋଚନା ବୋଲି ଜଣାପଡିଛି। ତେଣୁ ସେମାନଙ୍କ ମଧ୍ୟରେ ଆଲୋଚନାକୁ ନେଇ ଉତ୍ତରାଖଣ୍ଡରେ ମୁଖ୍ୟମନ୍ତ୍ରୀ ପରିବର୍ତ୍ତନ ନେଇ ଚର୍ଚ୍ଚା ଧରିଛି। ଗତ ୪ ମାସ ତଳେ ଉତ୍ତରାଖଣ୍ଡର ମୁଖ୍ୟମନ୍ତ୍ରୀ ଭାବେ ତୀରଥ ସିଂହ ରାୱତ ଶପଥ ନେଇଥିଲେ।
