ଭୁବନେଶ୍ବର, ଆଜି ହେଉଛି କେନ୍ଦ୍ର ରେଳ, ଯୋଗାଯୋଗ ଏବଂ ଆଇଟି ମନ୍ତ୍ରୀ ଅଶ୍ବିନୀ ବୈଷ୍ଣବଙ୍କ ଜନ୍ମଦିନ। ସେ ରାଜସ୍ଥାନର ଯୋଧପୁରରେ 1970 ମସିହା ଜୁଲାଇ 18 ତାରିଖରେ ଜନ୍ମଗ୍ରହଣ କରିଛନ୍ତି। ଓଡିଶାରୁ ରାଜ୍ୟସଭାକୁ ନିର୍ବାଚିତ ହୋଇ ଯିବା ପରେ ସେ ଚର୍ଚ୍ଚାକୁ ଆସିଥିଲେ। ତେବେ ମୋଦି ମନ୍ତ୍ରୀମଣ୍ଡଳରେ ତିନୋଟି ଗୁରୁତ୍ବପୂର୍ଣ୍ଣ ବିଭାଗର ମନ୍ତ୍ରୀ ହେବା ପରେ ସେ ସାରା ଦେଶର ଦୃଷ୍ଟି ଆକର୍ଷଣ କରିଛନ୍ତି।
1994 ବ୍ୟାଚ ଓଡିଶା କ୍ୟାଡରର ଏହି ଆଇଏଏସ ଅଧିକାରୀ ଓଡିଶାରେ ବିଭିନ୍ନ ଜିଲ୍ଲାର ଜିଲ୍ଲାପାଳ ଭାବେ କାର୍ଯ୍ୟ କରିଛନ୍ତି। ଜଣେ ଉଚ୍ଚ ଶିକ୍ଷିତ ବ୍ୟକ୍ତି ଭାବେ ପରିଚିତ ଅଶ୍ବିନୀ ଅଟଳବିହାରୀ ବାଜେପେୟୀ ପ୍ରଧାନମନ୍ତ୍ରୀ ଥିବା ବେଳେ ତାଙ୍କର ବ୍ୟକ୍ତିଗତ ସଚିବ ଥିଲେ। ଏହାପରେ ଆଇଏଏସ ଚାକିରୀରୁ ସ୍ବେଚ୍ଛାକୃତ ଅବସର ନେଇ କରର୍ପୋରେଟ ସେକ୍ଟରରେ କାମ କରୁଥିଲେ। ବର୍ତ୍ତମାନ ସେ ଦେଶରେ ଜଣେ ଶକ୍ତିଶାଳୀ ମନ୍ତ୍ରୀ ଭାବେ ପରିଚିତ ହୋଇପାରିଛନ୍ତି।
Tags: ଅଶ୍ବିନୀ ବୈଷ୍ଣବ, ରେଳମନ୍ତ୍ରୀ
