ନୂଆଦିଲ୍ଲୀ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ ଟୁଇଟି କରିବା ଘଟଣା ଜଣେ ସାମ୍ବାଦିକଙ୍କ ପାଇଁ ମହଙ୍ଗା ପଡିଛି। ତାହା ହେଉଛି ତାଙ୍କୁ ସବୁଦିନ ପାଇଁ ଅଫିସରୁ ଛୁଟି କରି ଦିଆଯାଇଛି। ସେ ହେଉଛନ୍ତି ଦେଶର ନାମଜାଦା ନ୍ୟୁଜ ଚ୍ୟାନେଲ ଆଜତକ ର ସାମ୍ବାଦିକ ଶ୍ୟାମ ମିରା ସିଂ।
ଶ୍ୟାମ ତାଙ୍କ ଟୁଇଟରେ ଇଣ୍ଡିଆ ଟୁଡେ ଗ୍ରୁପ ତାଙ୍କୁ ବହିସ୍କାର କରିବା ଖବର ଜଣାଇଛନ୍ତି। ସେ କହିଛନ୍ତି ଯେ ମୋଦିଙ୍କ ବିରୋଧରେ ମୋ ବ୍ୟକ୍ତିଗତ ଟୁଇଟର ଆକାଉଣ୍ଟରେ ଲେଖୁଥିଲି। ହେଲେ ମୋର କଂପାନୀ ତାଗିଦ କରିବା ପରେ ମୋତେ ବହିସ୍କାର କରିଛନ୍ତି। ତେବେ ଏଥିରେ ମୁଁ ନ ଡରି ଆହୁରି ଲେଖିବି ବୋଲି ଶ୍ୟାମ ତାଙ୍କ ଟୁଇଟରେ ଉଲ୍ଲେଖ କରିଛନ୍ତି।
