କଟକ, ଜଣେ ମହିଳା ଏକା ସଙ୍ଗେରେ ଜନ୍ମଦେଲେ ୪ ନବଜାତ ଶିଶୁ। ଏହା ଅବିଶ୍ବାସ ହେଉଥିଲେ ମଧ୍ୟ ସତକଥା। ଆଉ ଘଟଣାଟି ବାହାର ରାଜ୍ୟରେ ନୁହେଁ ଖୋଦ ଓଡିଶାର କଟକ ମେଡିକାଲରେ ଘଟିଛି। ଘଟଣା ଅନୁଯାୟୀ କିଛି ଦିନ ତଳେ ଭଞ୍ଜନଗର -ଶରଣକୁଳ ଅଞ୍ଚଳର ଜଣେ ମହିଳା ପ୍ରସବ ବେଦନା ଅନୁଭବ କରିଥିଲେ । ତାଙ୍କର ଗର୍ଭରେ ଚାରୋଟି ଶିଶୁ ଥିବାର ଜଣାପଡିଥିଲା। ମାତ୍ର ଆର୍ଥିକ ଅଭାବରୁ ସେ ତାଙ୍କର ଚିକିତ୍ସା କରାଇପାରୁ ନ ଥିଲେ ।
ତେବେ ଏହି ଖବର ଅଭିନେତା ସବ୍ୟସାଚୀ ଜାଣିବା ପରେ ତାଙ୍କୁ ସହାୟତାର ହାତ ବଢାଇଥିଲେ। ନୟାଗଡରୁ ଆଣି ତାଙ୍କୁ ଏସସିବିରେ ଭର୍ତ୍ତ କରାଇଥିଲେ। ଏସସିବିରେ ସ୍ତ୍ରୀ ଓ ପ୍ରସୁତି ବିଭାଗର ମୁଖ୍ୟ ଡା.ତୁଷାର କରଙ୍କ ନେତୃତ୍ୱରେ ଏକ ଟିମ ଗଠନ ହୋଇଥିଲା । ମହିଳାଙ୍କ ସହ ନବଜାତଙ୍କୁ ବଞ୍ଚାଇବା ପାଇଁ ଚେଷ୍ଟା କରିଥିଲେ ଡାକ୍ତର । ଡାକ୍ତରଙ୍କ ଚେଷ୍ଟାରେ ସୁରକ୍ଷିତ ଭାବରେ ମହିଳା ଜଣଙ୍କ ୪ କନ୍ୟା ସନ୍ତାନଙ୍କୁ ଜନ୍ମ ଦେଇଛନ୍ତି।
ଏହି ଖବର ସବ୍ୟସାଚୀ ନିଜ ଟୁଇଟରେ ଜଣାଇବା ସହିତ ଫଟୋ ମଧ୍ୟ ସେୟାର କରିଛନ୍ତି। ସେ ନିଜେ ପିଲାମାନଙ୍କର ମାମୁଁ ବନିଗଲେ ବୋଲି ସ୍ବୀକାର ମଧ୍ୟ କରିଛନ୍ତି।