ଭୁବନେଶ୍ବର, ପଶ୍ଚିମ ଓଡିଶା ବିକାଶ ପରିଷଦକୁ ସ୍ବୟଂ ଶାସିତ କରିବା ପାଇଁ ଆଜି ବିଜେପି ତରଫରୁ ଦାବୀ କରାଯାଇଛି। ଏ ନେଇ ବିଜେପି ରାଜଭବନ ଆଗରେ ବିକ୍ଷୋଭ ପ୍ରଦର୍ଶନ କରିଛି। ଏଥିସହିତ ଦଳର ସଭାପତି ସମୀର ମହାନ୍ତିଙ୍କ ନେତୃତ୍ବରେ ଏକ ପ୍ରତିନିଧି ଦଳ ରାଜ୍ୟପାଳଙ୍କୁ ଭେଟି ଏକ ଦାବୀ ପତ୍ର ମଧ୍ୟ ପ୍ରଦାନ କରିଛନ୍ତି।
ଦଳ ଦାବୀ କରିଛି ଯେ, ପଶ୍ଚିମ ଓଡିଶା ବିକାଶ ପରିଷଦ ବର୍ତ୍ତମାନ ସାଇନ ବୋର୍ଡ ସଂସ୍ଥା ଭାବେ କାର୍ଯ୍ୟ କରୁଛି। ଏହା ସରକାରୀ ଦଳର ଏହ ସଂସ୍ଥା ହୋଇଛି। ଯେଉଁ ଉଦ୍ଦେଶ୍ୟରେ ଏହାର ପରିକଳ୍ପନା କରାଯାଇଥିଲା ତାହା ପୂରଣ ହୋଇପାରୁ ନାହିଁ। ଏହାର ମୁଖ୍ୟ କାର୍ଯ୍ୟାଳୟ ତୁରନ୍ତ ଭୁବନେଶ୍ବରରୁ ହଟାଇ ସେହି ଜିଲ୍ଲାରେ କରାଯାଉ ବୋଲି ଦଳ ଦାବୀ କରିଛି। ସରକାର ତୁରନ୍ତ ଏହି ସଂସ୍ଥାକୁ ରାଜନୈତିକ ମୁକ୍ତ କରି ସ୍ବୟଂଶାସିତ ସଂସ୍ଥା ଭାବେ ଘୋଷଣା କରନ୍ତୁ ବୋଲି ଦଳ ଦାବୀ କରିଛି।
