ଭୁବେନଶ୍ୱର: ଆଜି ରାଷ୍ଟ୍ରୀୟ ମଧ୍ୟବିତ୍ତ ପରିବାର ମହାସଂଘ ଓଡ଼ିଶା ରାଜ୍ୟ କମିଟି ପକ୍ଷରୁ ମହାସଂଘର ରାଷ୍ଟ୍ରୀୟ ସଭାପତି ପ୍ରଦୀପ ମିଶ୍ରଙ୍କ ନେତୃତ୍ୱରେ ଏକ ଚାରିଜଣିଆ ପ୍ରତିନିଧି ମଣ୍ଡଳୀ ଭୁବନେଶ୍ୱର ଅତିରିକ୍ତ ଜିଲ୍ଲାପାଳଙ୍କ ଜରିଆରେ ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟରେ ମଧ୍ୟବିତ୍ତବର୍ଗଙ୍କ ବିଭିନ୍ନ ମୌଳିକ ସମସ୍ୟା ସମ୍ବଳିତ ଏକ ସ୍ମାରକ ପତ୍ର ପ୍ରଦାନ କରାଯାଇଛି।
କରୋନା ମହାମାରୀ ସମୟରେ ଜୀବନ ଜୀବିକା ହରାଇ ଭୋକ ଉପାସରେ ରହିଥିବା ମଧ୍ୟବିତ୍ତ ଶ୍ରେଣୀର ଲୋକଙ୍କୁ ଉଭୟ କେନ୍ଦ୍ର ଓ ରାଜ୍ୟ ସରକାର କୌଣସି ସାହାଯ୍ୟ ସହଯୋଗ ନ କରିବା ଓ ସମସ୍ତ ସରକାରୀ ଯୋଜନାରେ ମଧ୍ୟବିତ୍ତବର୍ଗଙ୍କୁ ସରକାର ଅଣଦେଖା କରୁଥିବା ମହାସଂଘର ସଭାପତି ପ୍ରଦୀପ ମିଶ୍ର ଅଭିଯୋଗ କରିଛନ୍ତି।
ମଧ୍ୟବିତ୍ତବର୍ଗଙ୍କୁ ସାମାଜିକ ସମାନତା ଓ ଆର୍ଥିକ ସୁରକ୍ଷାକୁ ଅଗ୍ରାଧିକାର ଦେବା ସହିତ ମଧ୍ୟବିତ୍ତ ବର୍ଗଙ୍କ ସାମାଜିକ ଓ ଅର୍ଥନୈତିକ ସ୍ଥିତି ଚିହ୍ନଟ ପାଇଁ ଥିବା ଆଇନକୁ ତର୍ଜମା କରି ନୂତନ ଆଇନ ପ୍ରଣୟନ କରିବା, ଭାରତବର୍ଷରେ ଥିବା ମଧ୍ୟବିତ୍ତବର୍ଗଙ୍କ ସଂଖ୍ୟା ନିରୂପଣ କରିବା, ଦେଶରେ ମଧ୍ୟବିତ୍ତ କମିଶନ ଗଠନ କରିବା, ଶିକ୍ଷା ଓ ସରକାରୀ ଚାକିରୀ କ୍ଷେତ୍ରରେ ମଧ୍ୟବିତ୍ତବର୍ଗଙ୍କ ପାଇଁ ୧୨ ପ୍ରତିଶତ ସ୍ଥାନ ସଂରକ୍ଷଣ କରିବା ସହିତ ସମସ୍ତ ମଧ୍ୟବିତ୍ତ ପିରବାରମାନଙ୍କୁ ଜାତୀୟ ଖାଦ୍ୟ ସୁରକ୍ଷା ଯୋଜନାରେ ଅନ୍ତର୍ଭୁକ୍ତ କରିବା ପାଇଁ ମାନ୍ୟବର ପ୍ରଧାନମନ୍ତ୍ରୀଙ୍କ ନିକଟରେ ମଧ୍ୟବିତ୍ତ ପରିବାର ମହାସଂଘର ରାଷ୍ଟ୍ରୀୟ ସଂଗଠନ ସମ୍ପାଦକ କେ. ବାଲାରାଜୁ ଆଚାରୀ ଦାବି କରିଛନ୍ତି।
