ସୀତାରାମ ଅଗ୍ରୱାଲ
ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ଭୁଷ୍କାପଡ଼ା ଗ୍ରାମରେ ଏକ ଅଭାବନୀୟ ଘଟଣା ଘଟିଯାଇଛି। ବଜ୍ରପାତ ଯୋଗୁଁ ଜଣେ ବୃଦ୍ଧଙ୍କ ମୃତ୍ୟୁ ଘଟିଥିବାର ଖବର ହସ୍ତଗତ ହୋଇଛି।
ଖବର ମୁତାବକ ଆଜି ଅପରାହ୍ନରେ ଭୁଷ୍କାପଡ଼ା ଗ୍ରାମର ଭ୍ରମର ମହାନ୍ତି (୭୫) ବିଲରୁ ଚାଷ କାମ ସାରି ଫେରୁଥିବାବେଳେ ହଠାତ ବଜ୍ରପାତ ହୋଇଥିଲା। ଯାହାଫଳରେ ଘଟଣାସ୍ଥଳରେ ଭ୍ରମର ମୂର୍ଚ୍ଛା ହୋଇଯାଇଥିଲେ। ତାଙ୍କୁ ତୁରନ୍ତ ପରିବାର ବର୍ଗ ବାଣପୁର ମେଡିକାଲରେ ଭର୍ତ୍ତି କରିଥିଲେ। ହେଲେ ଡାକ୍ତର ଭ୍ରମରଙ୍କୁ ମୃତ ଘୋଷଣା କରିଥିଲେ।
ଏ ନେଇ ବାଣପୁର ମେଡିକାଲ ଡାକ୍ତର ସନ୍ଦୀପ ମହାନ୍ତି ବାଣପୁର ପୋଲିସକୁ ସୂଚନା ଦେବାପରେ ପୋଲିସ ଶବ ଜବତ କରି ତଦନ୍ତ ଜାରିରଖିଛି।
