ଭୁବନେଶ୍ବର, ଆଜି ଗୋପାଳପୁର ନିର୍ବାଚନ ମଣ୍ଡଳୀର 30 ଜଣ ଯୁବ କର୍ମୀ ବିଜେଡିରେ ଯୋଗଦେଇଛନ୍ତି। ସେମାନେ କଂଗ୍ରେସ ଏବଂ ବିଜେପି କର୍ମୀ ଥିଲେ। ଆଜି ବିଜେଡି ରାଜ୍ୟ କାର୍ଯ୍ୟାଳୟରେ ଏକ ମିଶ୍ରଣ ପର୍ବରେ ଏମାନେ ସାମିଲ ହୋଇଥିଲେ।
ଏଥିରେ ବିଜେଡି ସାଂଗଠକ ସଂପାଦକ ପ୍ରଣବ ପ୍ରକାଶ ଦାସ ସେମାନଙ୍କୁ ବିଜେଡି ଉତ୍ତରୀୟ ଦେଇ ସ୍ବାଗତ କରିଥିଲେ। ଏହି କର୍ମିମାନେ ହେଉଛନ୍ତି ଗୋପାଳପୁର ନିର୍ବାଚନ ମଣ୍ଡଳୀର ରଙ୍ଗେଇଲୁଣ୍ଡା ବ୍ଲକର। ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କୁ ବିଜେଡିରୁ ବହିସ୍କାର ପରେ ବର୍ତ୍ତମାନ ଦଳ ସେଠାରେ ନିଜର ସଂଗଠନ ସୁଦୃଢ କରିବାରେ ଲାଗିଛି।
