ଭାରତୀୟ ଅଲରାଉଣ୍ଡର ରବୀନ୍ଦ୍ର ଜାଡେଜାଙ୍କ ଭଉଣୀ ନୈନା ଭାରତୀୟ ଜାତୀୟ କଂଗ୍ରେସରେ ଯୋଗ ଦେଇଛନ୍ତି। ଏକ ମାସ ପୂର୍ବରୁ ଜାଡେଜାଙ୍କ ପତ୍ନୀ ରିଭାବା ସୋଲାଙ୍କି ବିଜେପିରେ ଯୋଗ ଦେଇଥିଲେ। ଜାଡେଜାଙ୍କ ବଡ ଭଉଣୀ ନୈନା ପୂର୍ବରୁ ନ୍ୟାସନାଲ୍ ଓମେନ୍ସ ପାର୍ଟିରେ ରହିଥିବା ବେଳେ ଆଜି ଜାମନଗରର ମୁଲୁ କଣ୍ଡୋରିଆ ଏବଂ ପଟିଦାର ନେତା ହାର୍ଦ୍ଦିକ୍ ପଟେଲଙ୍କ ଉପସ୍ଥିତିରେ କଂଗ୍ରେସରେ ଯୋଗ ଦେଇଥିଲେ। ଏହି ଯୋଗଦାନ ସମୟରେ ଜାଡେଜାଙ୍କ ପିତା ଅନିରୁଦ୍ଧ ସିଂ ଜାଡେଜା ମଧ୍ୟ ଉପସ୍ଥିତ ଥିଲେ। କିଛିଦିନ ପୂର୍ବରୁ ବିଜେପିର ଯୋଗ ଦେଇଥିବା ଜାଡେଜାଙ୍କ ପତ୍ନୀ ରିଭା ମଧ୍ୟ ପୂର୍ବରୁ କର୍ଣ୍ଣୀ ସେନାର ମହିଳା ଶାଖାର ମୁଖ୍ୟ ରହିଥିଲେ। ଅନିରୁଦ୍ଧ ସିଂ ଜାଡେଜା କୌଣସି ରାଜନୈତିକ ଦଳରେ ଯୋଗ ଦେଇ ନାହାନ୍ତି।
