କଂଗ୍ରେସରେ ପ୍ରିୟଙ୍କା ଗାନ୍ଧି ସକ୍ରିୟ ଅଂଶଗ୍ରହଣ କରିବା ପରେ ତାଙ୍କୁ ନେଇ ରାଜନୈତିକ ଚର୍ଚ୍ଚା ଏବେ ବେଶ୍ ସରଗରମ। କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧି ବାରଣାସୀରୁ ନିର୍ବାଚନ ଲଢିବା ଓ ତାଙ୍କ ପତି ରର୍ବଟ ଭଦ୍ରା କଂଗ୍ରେସରେ ଔପଚାରିକ ରୂପେ ସାମିଲ୍ ହେବାର ସମ୍ଭାବନାକୁ ନେଇ ଏବେ ଏକ ନୂଆ ପୁସ୍ତକ ପ୍ରକାଶିତ ହୋଇଛି। ଯେଉଁଥିରେ କଂଗ୍ରେସ ଅଧ୍ୟକ୍ଷ ରାହୁଲ୍ ଗାନ୍ଧିଙ୍କ ଅସଫଳତା ପରେ କଂଗ୍ରେସକୁ ପୁନର୍ଜ୍ଜୀବିତ କରିବା ପାଇଁ ପ୍ରିୟଙ୍କାଙ୍କ ଅଭ୍ୟୁତ୍ଥାନ ହୋଇଛି ବୋଲି ବିବେଚନା କରାଯାଉଛି। ଦକ୍ଷିଣପନ୍ଥୀ ଲେଖକ ସୁମିତ୍ ଭସିନ୍ ତାଙ୍କ ନୂତନ ପୁସ୍ତକ ‘ଦ ନ୍ୟୁ ଏଜ୍ କାର୍ଯ୍ୟକର୍ତ୍ତା – ଫ୍ରମ୍ ପୋଷ୍ଟିଂ ପୋଷ୍ଟର୍ସ ଅନ୍ ଦ ଓ୍ବାଲ୍ ଟୁ ପୋଷ୍ଟିଂ ଅନ୍ ଦ ଓ୍ବାଲ୍’ରେ କଂଗ୍ରେସରେ ପ୍ରିୟଙ୍କାଙ୍କ ଅଭ୍ୟୁଦୟକୁ ନେଇ ଅଭିବ୍ୟକ୍ତି କରିଛନ୍ତି। ସେ ଏଥିରେ ଲେଖିଛନ୍ତି ଯେ, ଆଜିର ତାରିଖରେ ଭାରତୀୟ ଜନତା ପାର୍ଟିର ନୂତନ ଅଧ୍ୟକ୍ଷ ତଥା ପରବର୍ତ୍ତୀ ଅଧ୍ୟକ୍ଷ କିଏ ହେବେ, ସେ ସମ୍ପର୍କରେ ଆମେ ଅନଭିଜ୍ଞ, କିନ୍ତୁ ଏହା ନିଶ୍ଚିତ ଯେ, ରାହୁଲ୍ ଗାନ୍ଧିଙ୍କ ଅସଫଳତା ପରେ ପ୍ରିୟଙ୍କା ଗାନ୍ଧିଙ୍କ ସକ୍ରିୟ ରାଜନୀତିରେ ଅଭ୍ୟୁତ୍ଥାନ।’ ସେ ଏହି ପୁସ୍ତକରେ ଭାଜାପାର ଉଦୟ ଓ କଂଗ୍ରେସର ପତନ ଅବଶ୍ୟମ୍ଭାବୀ ବୋଲି ବର୍ଣ୍ଣନା କରିଛନ୍ତି। କଂଗ୍ରେସର ବିନାଶ ପାଇଁ ଏହାର ନେତୃତ୍ବକୁ ହିଁ ଦାୟୀ କରିଛନ୍ତି। କଂଗ୍ରେସରେ ଉତ୍କୃଷ୍ଟ ଦକ୍ଷତାର ଅଭାବ ହିଁ କଂଗ୍ରେସକୁ ବିନାଶ ଆଡକୁ ଅଗ୍ରସର କରାଉଛି ଅପରପକ୍ଷରେ ବିଜେପି ଯୋଗ୍ୟ ଲୋକଙ୍କୁ ପୁରସ୍କୃତ କରିବା ଜାରି ରଖୁ, କାରଣ ଦଳ ଦେଶର ଅନ୍ୟ ରାଜନୈତିକ ଦଳ ଅପେକ୍ଷା ଅଧିକ ଲୋକତାନ୍ତ୍ରିକ ଅଟେ। ଗତକାଲି ଏହି ପୁସ୍ତକର ଉନ୍ମୋଚନ ଅବସରରେ ବିଜେପି ସାଂସଦ ରମେଶ୍ ବେଧୁଡି କହିଛନ୍ତି ଯେ, ଦଳ ସାଧାରଣ କର୍ମୀଙ୍କ ଅଧିକାରକୁ ମହତ୍ତ୍ବ ଦିଆଯାଇଥାଏ, କିନ୍ତୁ କଂଗ୍ରେସ ଏହାର ବିପରୀତ। କାରଣ ଏହି ଦଳ ଗୋଟିଏ ପରିବାର ଉପରେ ଜୋର୍ ଦେଇଥାଏ। ସେହିପରି ଅନ୍ୟଜଣେ ବିଜେପି ନେତା ତଥା ରାଜ୍ୟସଭା ସାଂସଦ ଡ. ବିନୟ ସହସ୍ରବୁଦ୍ଧେ ଏହି ଅବସରରେ ସବୁ ବଂଶବାଦୀ ଦଳଙ୍କୁ ନିନ୍ଦା କରିଛନ୍ତି।
