ରାଉରକେଲା: ଆଜି ପବିତ୍ର ଦୀପାବଳି। ଏହିଦିନ ଖୁସିରେ ସମସ୍ତେ ବାଣ ଫୁଟାଇଥାନ୍ତି। ହେଲେ କରୋନା କଟକଣା ତଥା ପରିବେଷ ପ୍ରଦୂଷଣ ପାଇଁ ବାଣ ଫୁଟା ନିଷିଧ କରାଯାଇଛି। ଫଳରେ ବାଣ ବେପାର କରି ରୋଜଗାର କରୁଥିବା ଶହଶହ ବେପାରୀ ହତାଶ ହୋଇପଡିଛି। କଟକଣ ସତ୍ବେ ବିଭିନ୍ନ ସ୍ଥାନରେ ବାଣ ବିକ୍ରି ଚାଲିଛି।
ଦୀପାବଳି ପାଇଁ ଚୋରାରେ ବାଣ ବିକ୍ରୀ କରୁଥିବା ବେପାରୀଙ୍କୁ ଚଢାଉ କରି ରାଉରକେଲା ପୋଲିସ ଲକ୍ଷଲକ୍ଷ ଟଙ୍କାର ବାଣ ଜବତ କରିଛି। ଦୁଇ ଦିନ ଧରି ପୋଲିସ ତରଫରୁ ବିଭିନ୍ନ ସ୍ଥାନରେ ଚଢାଉ କରାଯାଇଥିଲା। ବିଶେଷ କରି ଉଦିତନଗର, ବତରଂଗ, ପ୍ଲାଣ୍ଟସାଇଟ ପୋଲିସ ଅଞ୍ଚଳରୁ ବିପୁଳ ପରିମାଣର ବାଣ ଜବତ କରାଯାଇଛି।
