ସୀତାରାମ ଅଗ୍ରୱାଲ
ବାଲୁଗାଁ: ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ଅନ୍ତର୍ଗତ ନାଭାଲ ନିକଟସ୍ଥ ପେଟ୍ରୋଲ ପମ୍ପ ଠାରେ ଶ୍ରମିକଙ୍କୁ ନେଇଯାଉଥିବା ଅଟୋଟି ଦୁର୍ଘଟଣା ଗ୍ରସ୍ତ ହୋଇଛି। ଏଥିରେ ୪ ଜଣ ଗୁରୁତର ଆହତ ହୋଇଛନ୍ତି।
ସୂଚନା ମୁତାବକ ଗଞ୍ଜାମ ଜିଲ୍ଲା କୈରାସୀ ଅଞ୍ଚଳରୁ ୧୦ ଜଣ ଶ୍ରମିକଙ୍କୁ ନେଇ ଅଟୋଟି ବାଲୁଗାଁ ରେଳ ଷ୍ଟେସନ ଅଭିମୁଖେ ଯାଉଥିଲା। ଉକ୍ତ ଶ୍ରମିକ ମାନେ କୋଣାର୍କ ଏକ୍ସପ୍ରେସ ଜରିଆରେ ଆଜି ସଂନ୍ଧ୍ୟାରେ ମୁମ୍ବାଇ ଯାଇଥାନ୍ତେ। ତେବେ ଅପରାହ୍ନ ୨.୩୦ ଘଟିକା ସମୟରେ ଭାରସାମ୍ୟ ହରାଇ ଅଟୋଟି ନାଭାଲ ନିକଟସ୍ଥ ପେଟ୍ରୋଲ ପମ୍ପ ପାଖରେ ଓଲଟି ପଡିଥିଲା। ଫଳରେ ୪ ଜଣ ଶ୍ରମିକ ଗୁରୁତର ଆହତ ହୋଇଛନ୍ତି। ତେବେ ସ୍ଥାନୀୟ ଅଞ୍ଚଳବାସୀ ଗୁରୁତର ଆହତ ଶ୍ରମିକଙ୍କୁ ଉଦ୍ଧାର କରି ଅନ୍ୟ ଏକ ଅଟୋ ଜରିଆରେ ବାଲୁଗାଁ ମେଡିକାଲକୁ ପଠାଇଛନ୍ତି। ଦୁର୍ଘଟଣାସ୍ଥଳରେ ନାଭାଲ ଫାଣ୍ଡି ପୋଲିସ ଉପସ୍ଥିତ ରହି ତଦନ୍ତ ଜାରି ରଖିଛି।