ପଶ୍ଚିମବଙ୍ଗରେ ଏକ ନିର୍ବାଚନ ପ୍ରଚାର କାର୍ଯ୍ୟକ୍ରମରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ କଡା ସମାଲୋଚନା କରିଛନ୍ତି ମୋଦି। ମୋଦି କହିଛନ୍ତି ରାଜ୍ୟରେ ଦୁଇଟି ପର୍ଯ୍ୟାୟର ନିର୍ବାଚନ ପରେ ବର୍ତ୍ତମାନ ଦିଦିଙ୍କ ନିଦ ହଜିଯାଇଛି। ମେ ୨୩ରେ ନିର୍ବାଚନ ଫଳାଫଳ ଆସିବା ପରେ ଗୁଣ୍ଡାଗର୍ଦ୍ଦି, ସାଧାରଣ ଜନତାଙ୍କ ଅର୍ଥ ହରିଲୁଟ ଏବଂ ବିକାଶରେ ବାଧା ସୃଷ୍ଟି କରିବାର ପରିଣାମ କଣ ହୁଏ ତାହା ଜାଣି ପାରିବେ ବୋଲି କହିଥିଲେ ମୋଦି। ମୋଦି କହିଥିଲେ ରାଜ୍ୟର ବିକାଶରେ ବାଧା ସୃଷ୍ଟି କରୁଥିବା ସ୍ପିଡ୍ ବ୍ରେକର୍ ଦିଦିଙ୍କ ନିଦ ବର୍ତ୍ତମାନ ହଜିଯାଇଛି। ୨୩ ତାରିଖରେ ମୋଦି ସରକାର ଗଠନ ହେବା ପରେ ପଶ୍ଚିମବଙ୍ଗକୁ ବାଂଲାଦେଶୀ ଅନୁପ୍ରବେଶ କାରୀଙ୍କୁ ରୋକିବାରେ କଡା ପଦକ୍ଷେପ ଗ୍ରହଣ କରାଯିବ ବୋଲି ମୋଦି କହିଥିଲେ। ସର୍ବଦା ମମତା ‘ମା, ମାଟି , ମାନୁଷ’ର ନାରା ଦେଉଥିଲେ ମଧ୍ୟ ପଶ୍ଚିମବଙ୍ଗ ବାସୀଙ୍କ ଅର୍ଥକୁ ଚିଟ୍ଫଣ୍ଡ ଜରିଆରେ ଲୁଟିଛନ୍ତି ବୋଲି ମୋଦି କହିଥିଲେ। ସେହିପରି ଏକ ନିର୍ଦ୍ଦିଷ୍ଟ ଜାତିର ଲୋକଙ୍କୁ ପ୍ରଭାବିତ କରିବା ପାଇଁ ପଡୋଶୀ ରାଷ୍ଟ୍ରର ଅଭିନେତାଙ୍କୁ ଆଣି ପ୍ରଚାର ଚଳାଇଥିଲେ। ସେହିପରି ଏୟାର ଷ୍ଟ୍ରାଇକ୍ର ପ୍ରମାଣ ମାଗୁଥିବା ନେତାଙ୍କ ମଧ୍ୟରେ ମମତା ଅନ୍ୟତମ ବୋଲି ମୋଦି କହିଛନ୍ତି।
