ଭୁବନେଶ୍ବର: ବିଧାନସଭାର ଶୀତକାଳୀନ ଅଧିବେଶନରେ ଜାରି ରହିଛି ହଟ୍ଟଗୋଳ। ବିରୋଧୀ ଦଳ ପକ୍ଷରୁ ମମିତା ମେହେର ହତ୍ୟାକାଣ୍ଡ ଘଟଣା ଉଠାଇ ସରକାର ବିରୋଧରେ ହଙ୍ଗାମା କରୁଥିବା ବେଳେ ବିରୋଧୀଙ୍କୁ ବିଭିନ୍ନ ପ୍ରସଙ୍ଗ ଉଠାଇ ବିଜେଡ଼ି ମଧ୍ୟ ଘେରିବାକୁ ଚେଷ୍ଟା କରୁଛି। ଆଜି ବିଧାନସଭାରେ ବିଜେଡ଼ି ସ୍ଵାଧୀନତା ସଂଗ୍ରାମ ପ୍ରସଙ୍ଗ ଉଠାଇଛି। ଏହି ପ୍ରସଙ୍ଗରେ ବିଜେଡ଼ି ଗାନ୍ଧୀ ମୂର୍ତ୍ତି ତଳେ ଧାରଣାରେ ବସିଛି। ଜୟୀ ରାଜଗୁରୁଙ୍କ ମୁଖା ପିନ୍ଧି ଗାନ୍ଧୀ ମୂର୍ତ୍ତି ତଳେ ବିଜେଡ଼ି ପ୍ରତିବାଦ କରୁଛି। ବିଜେଡ଼ି ପକ୍ଷରୁ ପାଇକ ବିଦ୍ରୋହକୁ ଦେଶର ପ୍ରଥମ ସ୍ଵାଧୀନତା ସଂଗ୍ରାମର ମାନ୍ୟତା ଦାବି କରି ପ୍ରତିବାଦ କରାଯାଉଛି। ଏହି ପ୍ରସଙ୍ଗରେ କେନ୍ଦ୍ରର ଅବହେଳା କହି ବିଜେଡ଼ି ଆକ୍ରମଣ କରିଛି।
