ଶୀତକାଳୀନ ଅଧିବେଶନ: ଷଷ୍ଠ ଦିନରେ ମଧ୍ୟ ସ୍ଵାଭାବିକ ହେଲାନି ଗୃହ, ୪ ଟା ଯାଏଁ ମୁଲତବୀ

Published: Dec 7, 2021, 11:05 am IST

ଭୁବନେଶ୍ବର: ଆଜି ଓଡିଶା ବିଧାନସଭା ଶୀତକାଳୀନ ଅଧିବେଶନର ଷଷ୍ଠ ଦିନ ଅଟେ। କିନ୍ତୁ କ୍ରମାଗତ ଷଷ୍ଠ ଦିନ ପର୍ଯ୍ୟନ୍ତ ଗୃହ କାର୍ଯ୍ୟ ବାଧାପ୍ରାପ୍ତ ହୋଇଛି। ବିଧାନସଭାର ସମସ୍ତ ସଦସ୍ୟଙ୍କ ହଟ୍ଟଗୋଳ ଯୋଗୁଁ ଗୃହ କାର୍ଯ୍ୟକୁ ଆଜି ଅପରାହ୍ନ ୪ ଟା ଯାଏଁ ମୁଲତବୀ ଘୋଷଣା କରାଯାଇଛି। ବାଚସ୍ପତି ଡା ସୂର୍ଯ୍ୟନାରାୟଣ ପାତ୍ର ଗୃହକୁ ୪ ଟା ଯାଏଁ ମୁଲତବୀ କରିଛନ୍ତି।

ବିରୋଧୀ ବିଜେପି ଆଜି ବିଧାନସଭାରେ ଘଣ୍ଟ ମାଡ କରିଥିବା ବେଳେ ଶାସକ ବିଜେଡ଼ି ଦଳ ମଧ୍ୟ ଗୃହରେ ଗଙ୍ଗା ଜଳ ସିଞ୍ଚନ କରିଛି। ସେପଟେ କଂଗ୍ରେସ ଦଳର ସଦସ୍ୟମାନେ ଗୃହ ମଧ୍ୟ ଭାଗକୁ ଆସି ପ୍ଲାକାର୍ଡ ଧରି ପ୍ରତିବାଦ କରିଥିଲେ। ଏଭଳି ହୋ-ହାଲ୍ଲା ଯୋଗୁଁ ବାଚସ୍ପତି ଗୃହ କାର୍ଯ୍ୟକୁ ମୁଲତବୀ କରିଥିଲେ। କ୍ରମାଗତ ଷଷ୍ଠ ଦିନରେ ମଧ୍ୟ ଗୃହ କାର୍ଯ୍ୟ ଚାଲିପାରିନି।

Related posts