ନୂଆଦିଲ୍ଲୀ : ତାମିଲନାଡୁର ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ ସିଡିଏସ ଜେନେରାଲ ବିପିନ ରାୱତ, ତାଙ୍କ ପତ୍ନୀ ଏବଂ ଅନ୍ୟ 11ଜଣଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି। ସେ ନୀଳଗିରି ଜିଲ୍ଲାର ମାଡ୍ରାସ ରେଜିମେଣ୍ଟାଲ ସେଣ୍ଟରରେ ସମସ୍ତଙ୍କ ଶବଧାରରେ ପୁଷ୍ପମାଳ ପ୍ରଦାନ କରିଛନ୍ତି।
ଆଜି ସକାଳେ 13 ଟି ମୃତଦେହଗୁଡିକୁ ତାମିଲନାଡୁର ନୀଳଗିରି ଜିଲ୍ଲାର ୱେଲିଙ୍ଗଟନ୍ର ମିଲିଟାରୀ ହସ୍ପିଟାଲରୁ ମାଡ୍ରାସ ରେଜିମେଣ୍ଟାଲ୍ ସେଣ୍ଟରକୁ ଅଣାଯାଇଥିଲା। ସେଠାରେ ଶେଷ ମେଲିଟାରୀ ସମ୍ମାନ ପ୍ରଦାନ କରାଯାଇଥିଲା। ଗତକାଲି ସେନା ହେଲିକାପ୍ଟର ଦୁର୍ଘଟଣା ଗସ୍ତ ହେବା ଦ୍ବାରା ମୋଟ 14 ଜଣଙ୍କ ମଧ୍ୟରୁ 13 ଜଣଙ୍କର ମୃତ୍ୟୁ ଘଟିଥିଲା। ଏକମାତ୍ର ବଞ୍ଚିଥିବା ଗ୍ରୁପ୍ କ୍ୟାପଟେନ ବରୁଣ ସିଂ ୱେଲିଙ୍ଗଟନ୍ ହସ୍ପିଟାଲରେ ଜୀବନ ସହିତ ସଂଘର୍ଷ କରୁଛନ୍ତି।
