ନୂଆଦିଲ୍ଲୀ: ଉତ୍ତର ପ୍ରଦେଶ ସମେତ ପାଞ୍ଚୋଟି ରାଜ୍ୟର ବିଧାନସଭା ନିର୍ବାଚନ ଫେବୃୟାରୀରେ ହେବାକଥା। ହେଲେ ବର୍ତ୍ତମାନ ଓମିକ୍ରମ ଭାରିଆଣ୍ଟ ସଂକ୍ରାମଣ ସାରା ଦେଶକୁ ପୁଣି ଦୋହଲାଇ ଦେଇଛି। ଏପରି ପରିସ୍ଥିତିରେ ଏହି ରାଜ୍ୟଗୁଡିକର ନିର୍ବାଚନ କିପରି ହେଲ ସେ ନେଇ ଚିନ୍ତା ବଢିଛି। ଏସବୁକୁ ନେଇ ଆଜି ନିର୍ବାଚନ କମିଶନର କେନ୍ଦ୍ର ସ୍ବାସ୍ଥ୍ୟ ଅଧିକାରୀଙ୍କ ସହିତ ଏକ ବୈଠକ କରୁଛନ୍ତି।
ଆସନ୍ତା ବର୍ଷ ଉତ୍ତର ପ୍ରଦେଶ, ଉତ୍ତରାଖଣ୍ଡ, ପଂଜାବ, ଗୋଆ ଏବଂ ମଣିପୁର ନିର୍ବାଚନ ହେବ। ଏହି ନିର୍ବାଚନ ପାଇଁ ବର୍ତ୍ତମାନ ପ୍ରଧାନମନ୍ତ୍ରୀ ସମେତ କେନ୍ଦ୍ର ମନ୍ତ୍ରୀମାନେ ପ୍ରଚାର ଆରମ୍ଭ କରିଦେଇଛନ୍ତି। ତାଙ୍କ ସଭାରେ ହଜାରହଜାର କର୍ମି ଏକଜୁଟ ହେଉଛନ୍ତି। ଏପରି ପରିସ୍ଥିତିକୁ ଧ୍ୟାନରେ ରଖି ଆଲ୍ଲହାବାଦ ହାଇକୋର୍ଟ ପ୍ରଧାନମନ୍ତ୍ରୀ ବିଚାର କରନ୍ତୁ ବୋଲି କହିଥିଲେ। ଫଳରେ ଏହି ନିର୍ବାଚନ ଠିକ ସମୟରେ ହେବ ନା ଆଉ କେତେ ମାସ ପାଇଁ ଘୁଞ୍ଚିବ ସେନେଇ ନିଷ୍ପତି ଗ୍ରହଣ କରାଯିବ।
