ନୂଆଦିଲ୍ଲୀ: ବର୍ତ୍ତମାନ ଡାକ୍ତରୀ ଛାତ୍ରମାନଙ୍କ ଅପେକ୍ଷା ଶେଷ ହେବାକୁ ଯାଉଛି। ନିଟ୍ ପିଜି (NEET PG) କାଉନସେଲିଂ ଜାନୁଆରୀ 12 ତାରିଖରୁ ଆରମ୍ଭ ହେବ। କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମାନସୁଖ ମାଣ୍ଡଭିଆ ଏନେଇ ଟୁଇଟ୍ କରି ସୂଚନା ଦେଇଛନ୍ତି। ନିଟ୍ କାଉନସେଲିଂରେ ବିଳମ୍ବ ହେତୁ ନୂତନ ଅଧିବେଶନ ପାଇଁ ଆଡମିଶନ ଅଟକି ରହିଥିଲା, ଯେଉଁ କାରଣରୁ ଗତ ମାସରେ ରେସିଡେଣ୍ଟ ଡାକ୍ତରମାନେ କେନ୍ଦ୍ର ସରକାରଙ୍କ ବିରୋଧରେ ବିକ୍ଷୋଭ କରିଥିଲେ ଏବଂ ଧର୍ମଘଟରେ ବସିଥିଲେ।
