ଭୁବନେଶ୍ବର: ଆସନ୍ତା 23 ତାରିଖରେ ପ୍ରଖ୍ୟାତ ଜନନାୟକ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜନ୍ମ ଜୟନ୍ତି। ଏହି ଅବସରରେ ଓଡିଶା ଲଳିତ କଳା ଏକାଡେମୀ ଏବଂ ନେତାଜୀ ଜନ୍ମସ୍ଥାନ ସଂଗ୍ରହାଳୟ ଟ୍ରଷ୍ଟ ଦ୍ବାରା ଆରମ୍ଭ ହୋଇଛି ମାଟି ମୂର୍ତ୍ତି ନିର୍ମାଣ ଶିବିର। ଏଥିରେ କଟକର ପନ୍ଦର ଜଣ ମୃଣ୍ମୟ ଭାସ୍କର୍ଯ୍ୟ ଶିଳ୍ପୀ ଯୋଗ ଦେଇ ସେମାନଙ୍କ କଳା ନୈପୁଣ ପ୍ରଦର୍ଶନ କରୁଛନ୍ତି।
ଏହି ଶିବିରକୁ ଆଜି ସଂସ୍କୃତି ବିଭାଗ ନିର୍ଦ୍ଦେଶକ ରଂଜନ କୁମାର ଦାସ, ଓଡିଶା ଲଳିତକଳା ଏକାଡେମୀର ସଭାପତି ସୁଦର୍ଶନ ପଟ୍ଟନାୟକ ଏବଂ ଶିଳ୍ପୀ ଗଜେନ୍ଦ୍ର ସାହୁ ପ୍ରମୁଖ ଉଦଘାଟନ କରିଥିଲେ। ଏହି ଶିବିର 20 ତାରିଖରୁ 22 ତାରିଖ ପର୍ଯ୍ୟନ୍ତ ଚାଲିବ। 23 ତାରିଖରେ ନେତାଜୀଙ୍କ ଜନ୍ମ ଜୟନ୍ତିରେ ଏହି ମୃତ୍ତିକା ସ୍ଥାପତ୍ୟ ପ୍ରଦର୍ଶିତ ହେବ।
