ଡାକ୍ତରଖାନାରେ ଭର୍ତ୍ତି ହେଲେ ମହାରାଷ୍ଟ୍ର ମନ୍ତ୍ରୀ ନବାବ ମଲିକ: ୨ ଦିନ ତଳେ ଗିରଫ କରିଥିଲା ଇଡି

Published: Feb 25, 2022, 6:56 pm IST

ମୁମ୍ବାଇ: ମହାରାଷ୍ଟ୍ର ମନ୍ତ୍ରୀ ନବାବ ମଲିକଙ୍କୁ ଚିକିତ୍ସା କାରଣରୁ ମୁମ୍ବାଇର ସରକାରୀ ଜେ.ଜେ. ଡାକ୍ତରଖାନାରେ ଭର୍ତ୍ତି କରାଯାଇଛି। ତାଙ୍କ କାର୍ଯ୍ୟାଳୟ ଆଜି ଏହି ସୂଚନା ଦେଇଛି। ମନି ଲଣ୍ଡରିଂ ମାମଲାରେ ମଲିକଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଗିରଫ କରିଥିଲା ​​ଏବଂ ସେ ମାର୍ଚ୍ଚ ୩ ତାରିଖ ପର୍ଯ୍ୟନ୍ତ ଇଡି ହେପାଜତରେ ଅଛନ୍ତି। ଏଜେନ୍ସି କହିଛି ଯେ, ଏହି ଅନୁସନ୍ଧାନ ପଳାତକ ଗ୍ୟାଙ୍ଗଷ୍ଟର ଦାଉଦ ଇବ୍ରାହିମ, ତାଙ୍କ ସହଯୋଗୀ ଏବଂ ମୁମ୍ବାଇ ଅଣ୍ଡରୱାର୍ଲ୍ଡର କାର୍ଯ୍ୟକଳାପ ସହିତ ଜଡିତ।

ସୂଚନା ଅନୁଯାୟୀ, ଇଡି ହେପାଜତରେ ସ୍ୱାସ୍ଥ୍ୟ ସମ୍ବନ୍ଧୀୟ କିଛି ସମସ୍ୟା ସମ୍ପର୍କରେ କେନ୍ଦ୍ରୀୟ ଏଜେନ୍ସିର କର୍ମଚାରୀଙ୍କ ନିକଟରେ ମଲିକ ଅଭିଯୋଗ କରିଥିଲେ ଏବଂ ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା।”

ଅର୍ଥ ହେରଫେର ମାମଲାର ଯାଞ୍ଚ ମାମଲାରେ ମହାରଷ୍ଟ୍ର ସଂଖ୍ୟାଲଘୁ ବ୍ୟାପାର ମନ୍ତ୍ରୀ ତଥା ଶାସକ ନ୍ୟାସନାଲିଷ୍ଟ କଂଗ୍ରେସ ପାର୍ଟି (ଏନସିପି) ମୁଖପାତ୍ର ମଲିକଙ୍କୁ ବୁଧବାର ଦିନ ଇଡି ଗିରଫ କରିଥିଲା। ଏହା ପରେ ମଲିକଙ୍କୁ ମନି ଲଣ୍ଡରିଂ ମାମଲା ସହ ଜଡିତ ଏକ ସ୍ୱତନ୍ତ୍ର କୋର୍ଟରେ ହାଜର କରାଯାଇଥିଲା ଯାହା ତାଙ୍କୁ ମାର୍ଚ୍ଚ ୩ ତାରିଖ ପର୍ଯ୍ୟନ୍ତ ଇଡି ହେପାଜତକୁ ପଠାଇ ଦିଆଯାଇଥିଲା।

Related posts