Categories
ଆଜିର ଖବର ଜାତୀୟ ଖବର

ସ୍ଵତନ୍ତ୍ର ଅଦାଲତରୁ କୌଣସି ଆଶ୍ଵସ୍ତି ନାହିଁ, ମାର୍ଚ୍ଚ ୭ ପର୍ଯ୍ୟନ୍ତ ଇଡି ହେପାଜତରେ ରହିବେ ନବାବ ମଲିକ

ମୁମ୍ବାଇ: ଅର୍ଥ ହେରଫେର ମାମଲାରେ ଗିରଫ ହୋଇଥିବା ମହାରାଷ୍ଟ୍ର ମନ୍ତ୍ରୀ ତଥା ଏନସିପି ନେତା ନବାବ ମଲିକଙ୍କୁ ସ୍ଵତନ୍ତ୍ର ଅଦାଲତ ଝଟକା ଦେଇଛନ୍ତି। ସ୍ଵତନ୍ତ୍ର କୋର୍ଟ ନବାବ ମଲିକଙ୍କ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ହେପାଜତକୁ ମାର୍ଚ୍ଚ ୭ ତାରିଖ ପର୍ଯ୍ୟନ୍ତ ବୃଦ୍ଧି କରିଛନ୍ତି।

ଫେବୃଆରୀ ୨୩ ତାରିଖରେ ଦାଉଦ ଇବ୍ରାହିମଙ୍କ ସହିତ ହୋଇଥିବା ମନି ଲଣ୍ଡରିଂ ମାମଲାରେ ନବାବ ମଲିକଙ୍କୁ ଇଡି ଦ୍ୱାରା ଗିରଫ କରାଯାଇଥିଲା। ଏହା ପରେ ସ୍ୱତନ୍ତ୍ର କୋର୍ଟ ତାଙ୍କୁ ମାର୍ଚ୍ଚ ୩ ତାରିଖ ପର୍ଯ୍ୟନ୍ତ ଇଡି ହେପାଜତକୁ ପଠାଇଥିଲେ। ଆଜି ତାଙ୍କର ହେପାଜତ ଶେଷ ହେବାର ଥିଲା। କିନ୍ତୁ ନବାବ ମଲିକଙ୍କ ହେପାଜତକୁ ମାର୍ଚ୍ଚ ୭ ତାରିଖ ପର୍ଯ୍ୟନ୍ତ କୋର୍ଟ ବୃଦ୍ଧି କରିଛନ୍ତି।

ଇଡି ଅଭିଯୋଗ କରିଛି ଯେ, ନବାବ ମଲିକ, ଦାଉଦ ଇବ୍ରାହିମଙ୍କ ସହଯୋଗୀ- ହସେନା ପାର୍କର, ସଲିମ ପଟେଲ ଏବଂ ସରଦାର ଖାନଙ୍କ ସହିତ ମିଶି ମୁମ୍ବାଇର କୁର୍ଲାସ୍ଥିତ ମୁନିରା ପ୍ଲମ୍ବରର ପୈତୃକ ସମ୍ପତ୍ତି ଲୁଟିବା ପାଇଁ ଏକ ଅପରାଧିକ ଯୋଜନା କରିଥିଲେ। ଏହି ପୈତୃକ ସମ୍ପତ୍ତିର ମୂଲ୍ୟ ପ୍ରାୟ ୩୦୦ କୋଟି ଟଙ୍କା। ଅର୍ଥ ହେରଫେର ମାଧ୍ୟମରେ ଏହି ଅପରାଧ ହୋଇଛି ବୋଲି ଇଡି ଦାବି କରିଛି। ନ୍ୟାସନାଲ ଇନଭେଷ୍ଟିଗେସନ୍ ଏଜେନ୍ସି (ଏନ୍ଆଇଏ) ଦ୍ୱାରା ଦାଉଦ ଇବ୍ରାହିମ ଏବଂ ଅନ୍ୟମାନଙ୍କ ବିରୋଧରେ ପଞ୍ଜୀକୃତ ହୋଇଥିବା ଏକ ଏଫଆଇଆର ଉପରେ ଇଡି ମାମଲା ଆଧାରିତ। UAPA ବିଭାଗ ଅଧୀନରେ NIA ଏକ ଅପରାଧିକ ଅଭିଯୋଗ ଦାଖଲ କରିଥିଲା। ମହାରାଷ୍ଟ୍ରର ସଂଖ୍ୟାଲଘୁ ବ୍ୟାପାର ମନ୍ତ୍ରୀଙ୍କ ବିବୃତ୍ତି PMLA ଅଧୀନରେ ରେକର୍ଡ କରାଯାଇଛି।

Categories
ଆଜିର ଖବର ଜାତୀୟ ଖବର

ଡାକ୍ତରଖାନାରେ ଭର୍ତ୍ତି ହେଲେ ମହାରାଷ୍ଟ୍ର ମନ୍ତ୍ରୀ ନବାବ ମଲିକ: ୨ ଦିନ ତଳେ ଗିରଫ କରିଥିଲା ଇଡି

ମୁମ୍ବାଇ: ମହାରାଷ୍ଟ୍ର ମନ୍ତ୍ରୀ ନବାବ ମଲିକଙ୍କୁ ଚିକିତ୍ସା କାରଣରୁ ମୁମ୍ବାଇର ସରକାରୀ ଜେ.ଜେ. ଡାକ୍ତରଖାନାରେ ଭର୍ତ୍ତି କରାଯାଇଛି। ତାଙ୍କ କାର୍ଯ୍ୟାଳୟ ଆଜି ଏହି ସୂଚନା ଦେଇଛି। ମନି ଲଣ୍ଡରିଂ ମାମଲାରେ ମଲିକଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଗିରଫ କରିଥିଲା ​​ଏବଂ ସେ ମାର୍ଚ୍ଚ ୩ ତାରିଖ ପର୍ଯ୍ୟନ୍ତ ଇଡି ହେପାଜତରେ ଅଛନ୍ତି। ଏଜେନ୍ସି କହିଛି ଯେ, ଏହି ଅନୁସନ୍ଧାନ ପଳାତକ ଗ୍ୟାଙ୍ଗଷ୍ଟର ଦାଉଦ ଇବ୍ରାହିମ, ତାଙ୍କ ସହଯୋଗୀ ଏବଂ ମୁମ୍ବାଇ ଅଣ୍ଡରୱାର୍ଲ୍ଡର କାର୍ଯ୍ୟକଳାପ ସହିତ ଜଡିତ।

ସୂଚନା ଅନୁଯାୟୀ, ଇଡି ହେପାଜତରେ ସ୍ୱାସ୍ଥ୍ୟ ସମ୍ବନ୍ଧୀୟ କିଛି ସମସ୍ୟା ସମ୍ପର୍କରେ କେନ୍ଦ୍ରୀୟ ଏଜେନ୍ସିର କର୍ମଚାରୀଙ୍କ ନିକଟରେ ମଲିକ ଅଭିଯୋଗ କରିଥିଲେ ଏବଂ ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା।”

ଅର୍ଥ ହେରଫେର ମାମଲାର ଯାଞ୍ଚ ମାମଲାରେ ମହାରଷ୍ଟ୍ର ସଂଖ୍ୟାଲଘୁ ବ୍ୟାପାର ମନ୍ତ୍ରୀ ତଥା ଶାସକ ନ୍ୟାସନାଲିଷ୍ଟ କଂଗ୍ରେସ ପାର୍ଟି (ଏନସିପି) ମୁଖପାତ୍ର ମଲିକଙ୍କୁ ବୁଧବାର ଦିନ ଇଡି ଗିରଫ କରିଥିଲା। ଏହା ପରେ ମଲିକଙ୍କୁ ମନି ଲଣ୍ଡରିଂ ମାମଲା ସହ ଜଡିତ ଏକ ସ୍ୱତନ୍ତ୍ର କୋର୍ଟରେ ହାଜର କରାଯାଇଥିଲା ଯାହା ତାଙ୍କୁ ମାର୍ଚ୍ଚ ୩ ତାରିଖ ପର୍ଯ୍ୟନ୍ତ ଇଡି ହେପାଜତକୁ ପଠାଇ ଦିଆଯାଇଥିଲା।

Categories
ଅପରାଧ ଆଜିର ଖବର ଜାତୀୟ ଖବର

ଗୁଜୁରାଟରୁ ପ୍ରାୟ ୬୦୦ କୋଟି ମୂଲ୍ୟର ହିରୋଇନ ଜବତ, ମହାରାଷ୍ଟ୍ର ମନ୍ତ୍ରୀ ନବାବ ମଲିକ କଲେ ଟାର୍ଗେଟ

ମୋର୍ବି: ଗୁଜୁରାଟର ମୋର୍ବି ଜିଲ୍ଲାର ତିନି ଜଣଙ୍କଠାରୁ ଆତଙ୍କବାଦୀ ବିରୋଧୀ ସ୍କ୍ବାର୍ଡ (ଏଟିଏସ) ୧୨୦ କିଲୋଗ୍ରାମର ନିଶା ଦ୍ରବ୍ୟ ଜବତ କରିଛି। ଏଟିଏସ୍ ନିଶା କାରବାର କରୁଥିବା ତିନି ଜଣଙ୍କୁ ମଧ୍ୟ ଗିରଫ କରିଛି। ରବିବାର ରାତିରେ ଜବତ ହୋଇଥିବା ଏହି ଡ୍ରଗ୍ସର ଉଚିତ ମୂଲ୍ୟ ସେମାନେ ଏପର୍ଯ୍ୟନ୍ତ ଜାଣି ନାହାଁନ୍ତି। ଯଦିଓ ଏହାର ମୂଲ୍ୟ ଅନେକ କୋଟି ହେବ। ଏହି ନିଶା ଦ୍ରବ୍ୟ ଜବତ ହେବା ପରେ ମହାରାଷ୍ଟ୍ର ସରକାରର ମନ୍ତ୍ରୀ ନବାବ ମଲିକ ଗୁଜୁରାଟ ସରକାରକୁ ଟାର୍ଗେଟ କରିଛନ୍ତି। ସେ କହିଛନ୍ତି ଯେ, ଗୁଜରାଟ ବର୍ତ୍ତମାନ ଉଡୁଥିବା ଗୁଜରାଟରେ ପରିଣତ ହୋଇଛି।

ଅଧିକାରୀଙ୍କ କହିବାନୁସାରେ, ନଭଲଖୀ ବନ୍ଦର ନିକଟ ଜିନଜୁଦା ଗ୍ରାମରୁ ପ୍ରାୟ ୧୨୦ କିଲୋଗ୍ରାମ ଡ୍ରଗ୍ସ ଜବତ କରିବା ପରେ ଏହି ତିନିଜଣଙ୍କୁ ଗିରଫ କରାଯାଇଥିଲା। ଏଟିଏସ୍ ଏବଂ ସ୍ଥାନୀୟ ପୋଲିସର ମିଳିତ ଚଢାଉରେ ଏତେ ପରିମାଣର ଡ୍ରଗ୍ସ ଜବତ କରାଯାଇଥିଲା। ନିଶା କାରବାରର ମୁକାବିଲା ପାଇଁ ପୋଲିସର ଉଦ୍ୟମକୁ ରାଜ୍ୟ ଗୃହମନ୍ତ୍ରୀ ହର୍ଷ ସଙ୍ଗଭି ପ୍ରଶଂସା କରିଛନ୍ତି।

Categories
ଅପରାଧ ଆଜିର ଖବର ଜାତୀୟ ଖବର

ସମୀର ୱାଙ୍ଖେଡେଙ୍କ ବିରୋଧରେ ନବାବ ମଲିକଙ୍କ ଆଉ ଏକ ଅଭିଯୋଗ: ପ୍ରତିକ୍ରିୟା ରଖିଲେ ଏନସିବି ଅଧିକାରୀ

ମୁମ୍ବାଇ: ମହାରାଷ୍ଟ୍ର ମନ୍ତ୍ରୀ ନବାବ ମଲିକ କ୍ରୁଜ ଡ୍ରଗ୍ସ ମାମଲାରେ ଏନସିବି ଅଧିକାରୀ ସମୀର ୱାଙ୍ଖେଡେଙ୍କ ବିରୋଧରେ ଆଉ ଏକ ଅଭିଯୋଗ କରିଛନ୍ତି। ସମୀର ୱାଙ୍ଖେଡେଙ୍କ ଶାଳି ହର୍ଷଦା ଦୀନାନାଥ ରେଡକର ଡ୍ରଗ୍ କାରବାରରେ ଲିପ୍ତ ଥିବା ମଲିକ ଅଭିଯୋଗ କରିଛନ୍ତି। ଏହା ସହିତ ପୁଣେ କୋର୍ଟରେ ବିଚାରାଧୀନ ମାମଲା ସମ୍ପର୍କରେ ସେ ସୂଚନା ଦେଇଛନ୍ତି। ମଲିକଙ୍କ ଅଭିଯୋଗର ଉତ୍ତରରେ ଏନସିବି ଅଧିକାରୀ କହିଛନ୍ତି ଯେ, ଏହି ମାମଲା ସମୟରେ ମୁଁ ଚାକିରିରେ ନଥିଲି।

ୱାଙ୍ଖେଡେ କହିଛନ୍ତି ଯେ, ୨୦୦୮ ମସିହାରେ ଏହି ମାମଲା ଘଟିବାବେଳେ ମୁଁ ସେବାରେ ନଥିଲି। ମୁଁ ୨୦୧୭ ରେ କ୍ରାନ୍ତି ରେଡକରଙ୍କୁ ବିବାହ କରିଥିଲି ତେଣୁ ଏହି ମାମଲା ସହିତ ମୁଁ କିପରି ସଂଯୋଗ ହୋଇପାରିବ?

Categories
ଆଜିର ଖବର ଜାତୀୟ ଖବର

ମହାରାଷ୍ଟ୍ର ମନ୍ତ୍ରୀ ନବାବ ମଲିକଙ୍କ ବିରୋଧରେ ଏତଲା ଦାଖଲ କଲେ ସମୀର ୱାଙ୍ଖେଡେଙ୍କ ଭଉଣୀ

ମୁମ୍ବାଇ: ମହାରାଷ୍ଟ୍ର ମନ୍ତ୍ରୀ ନବାବ ମଲିକଙ୍କ ବିରୋଧରେ ଏନସିବି ଜୋନାଲ ନିର୍ଦ୍ଦେଶକ ସମୀର ୱାଙ୍ଖେଡଙ୍କ ଭଉଣୀ ଜସ୍ମିନ ୱାଙ୍ଖେଡ ଏଫଆଇଆର ଦାଖଲ କରିଛନ୍ତି। ଗୁରୁବାର ଦିନ ଜଣେ ଅଧିକାରୀ ଏହି ସୂଚନା ଦେଇଛନ୍ତି। ମୁମ୍ବାଇ ଉପକୂଳରୁ ଏକ କ୍ରୁଜ୍ ଜାହାଜରୁ ଡ୍ରଗ୍ସ ଜବତ ଅଭିଯୋଗରେ ଗିରଫ ହୋଇଥିବା ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କୁ ମୁକ୍ତ କରିବା ପାଇଁ ସମୀର ୱାଙ୍ଖେଡଙ୍କୁ ଟଙ୍କା ମାଗିଥିବା ଅଭିଯୋଗ ହୋଇଛି।

ଏହି ମାମଲାରେ ତାଙ୍କ ବିରୋଧରେ ଏନସିବି ବିଭାଗୀୟ ଭିଜିଲାନ୍ସ ତଦନ୍ତ ଚାଲିଛି। ଓସିୱାରା ପୋଲିସ ଷ୍ଟେସନରେ ଦାଖଲ ହୋଇଥିବା ଦୁଇ ପୃଷ୍ଠାର ଅଭିଯୋଗରେ ୟସ୍ମିନ୍ ୱାଙ୍ଖେଡ ଦାବି କରିଛନ୍ତି ଯେ, ସୋସିଆଲ ମିଡିଆରେ ତାଙ୍କ ପରିବାରକୁ ଟାର୍ଗେଟ କରାଯାଉଛି ଏବଂ ମଲିକ ତାଙ୍କ ପରିବାରର ମାଲଦ୍ୱୀପ ଗସ୍ତକୁ ନେଇ ବଦନାମ କରିଛନ୍ତି।

ସେ ଅଭିଯୋଗ କରିଛନ୍ତି ଯେ, ମଲିକ ତାଙ୍କୁ ଏବଂ ତାଙ୍କ ପରିବାରକୁ ବଦନାମ କରିବାକୁ ଚେଷ୍ଟା କରୁଛନ୍ତି। ଅଭିଯୋଗରେ ସେ ଏହା ମଧ୍ୟ କହିଛନ୍ତି ଯେ, ତାଙ୍କର ଅନଲାଇନ୍ କାର୍ଯ୍ୟକଳାପ ଉପରେ ନଜର ରଖାଯାଉଛି ଏବଂ ମନ୍ତ୍ରୀ ଇନଷ୍ଟାଗ୍ରାମ ଏବଂ ଫେସବୁକ୍ ଭଳି ସୋସିଆଲ ମିଡିଆ ପ୍ଲାଟଫର୍ମରେ ସେୟାର ହୋଇଥିବା ବ୍ୟକ୍ତିଗତ ଫଟୋଗ୍ରାଫକୁ ମିଡିଆ ବ୍ୟକ୍ତିବିଶେଷଙ୍କ ନିକଟକୁ ପଠାଉଛନ୍ତି।