ମୁମ୍ବାଇ: ମହାରାଷ୍ଟ୍ର ମନ୍ତ୍ରୀ ନବାବ ମଲିକ କ୍ରୁଜ ଡ୍ରଗ୍ସ ମାମଲାରେ ଏନସିବି ଅଧିକାରୀ ସମୀର ୱାଙ୍ଖେଡେଙ୍କ ବିରୋଧରେ ଆଉ ଏକ ଅଭିଯୋଗ କରିଛନ୍ତି। ସମୀର ୱାଙ୍ଖେଡେଙ୍କ ଶାଳି ହର୍ଷଦା ଦୀନାନାଥ ରେଡକର ଡ୍ରଗ୍ କାରବାରରେ ଲିପ୍ତ ଥିବା ମଲିକ ଅଭିଯୋଗ କରିଛନ୍ତି। ଏହା ସହିତ ପୁଣେ କୋର୍ଟରେ ବିଚାରାଧୀନ ମାମଲା ସମ୍ପର୍କରେ ସେ ସୂଚନା ଦେଇଛନ୍ତି। ମଲିକଙ୍କ ଅଭିଯୋଗର ଉତ୍ତରରେ ଏନସିବି ଅଧିକାରୀ କହିଛନ୍ତି ଯେ, ଏହି ମାମଲା ସମୟରେ ମୁଁ ଚାକିରିରେ ନଥିଲି।
ୱାଙ୍ଖେଡେ କହିଛନ୍ତି ଯେ, ୨୦୦୮ ମସିହାରେ ଏହି ମାମଲା ଘଟିବାବେଳେ ମୁଁ ସେବାରେ ନଥିଲି। ମୁଁ ୨୦୧୭ ରେ କ୍ରାନ୍ତି ରେଡକରଙ୍କୁ ବିବାହ କରିଥିଲି ତେଣୁ ଏହି ମାମଲା ସହିତ ମୁଁ କିପରି ସଂଯୋଗ ହୋଇପାରିବ?
