ଭୁବନେଶ୍ବର: ତ୍ରୀସ୍ତରୀୟ ପଞ୍ଚାୟତ ନିର୍ବାଚନର ଫଳାଫଳ ଶେଷ ପର୍ଯ୍ୟାୟରେ ପହଞ୍ଚିଛି। ତିନି ଦିନ ଧରି ଚାଲିଥିବା ଭୋଟ ଗଣତିରେ ସର୍ବାଧିକ ଆସନର ଫଳାଫଳ ଘୋଷଣା ହୋଇସାରିଛି। ବର୍ତ୍ତମାନ ପର୍ଯ୍ୟନ୍ତ ମୋଟ ଆସନ ୮୫୧ ରୁ ୮୪୫ ଟି ଜିଲ୍ଲାପରିଷଦ ଆସନ ପାଇଁ ଫଳାଫଳ ଘୋଷିତ ହୋଇଛି। ଏହି ୮୪୫ ଟି ଆସନରେ ବିଜେଡ଼ି ବିପୁଳ ବିଜୟ ହାସଲ କରିଛି। ବିଜେଡ଼ି ୭୫୯ ଟି ଜିଲ୍ଲା ପରିଷଦ ଆସନ ଦଖଲ କରିଥିବା ବେଳେ ବିଜେପି ୪୨, କଂଗ୍ରେସ ୩୭ ଏବଂ ଅନ୍ୟାନ୍ୟ ୭ ଟି ଆସନରେ ଜିତିଛନ୍ତି। ତେବେ ଚଳିତ ନିର୍ବାଚନରେ ବିଜେଡ଼ିର ଏହି ବୃହତ ବିଜୟ ଯୋଗୁଁ ନିଜର ପୁରୁଣା ରେକର୍ଡକୁ ଦଳ ଭାଙ୍ଗିଦେଇଛି।
